Вирустың эпидемиологиясы әрқилы парадокстарға толы. Жалпы СПИД туралы «ертегінің» алтын бесігі – Африка. Вирусты иеленушілер – маймылдар. Олар сорлы африкалықтарды тістеп алған-мыс. Немесе африкалықтар осы маймылдардың етін жеген-мыс. Тіпті африкалықтар олармен жыныстық қатынаста болған-мыс. Осындай көптеген версиялар ойлап табылған. Бір ғажабы, маймылдардың өзі СПИД-пен ауырмайды екен.
Тағы бір парадокс: гепатит, туберкулез, тұмау адамдардың шыққан тегіне, жасына, жынысына қарамай жұғатын болса СПИД-тің қылығы ақылға қонбайды. Бұл вирус адам таңдайды. Жасы мен жынысына қарайды. Мысалы, бұл дертпен ауырғандардың 90 пайызы 20 мен 40 жас аралығындағы еркектер. АҚШ-та вирус жұқтырғандардың 85 пайызы гомосексуалистер, ал Ресейде бұл ауруды жұқтырғандардың 80 пайызы наркомандар да қалған 20 пайызы жас балалар.
Осыған қарағанда СПИД вирусы бір елде гомосексуалистерді, екінші бір елде наркомандар мен жас балаларды, үшінші бір елдерде тағы біреулерді таңдап алатын қабілетке ие екен. Егер бұл дертті қолдан жасамаған жағдайда мұндай мүмкіндікке ие болмас еді.
***
Бұрынғы Кеңестер Одағында СПИД өткен ғасырдың 80-ші жылдарының соңына таман басталды. 1988 жылы бұрынғы Қалмақ АССР-ның астанасы Элиста қаласында орналасқан балалар ауруханасында әлдебір жұқпалы ауру пайда болғаны жайлы ашық ақпарат тарады. Мәскеуден Элиста қаласына жоғарғы маманды дәрігерлер тобы дереу ұшып келеді. Балаларды тексеру барысында дәрігерлер 38 сәбиге СПИД жұқтырылған деген жантүршігерлік диагноз қойды. Оларды иммундық және қан жетілдіру жүйесіне өте теріс әсер ететін АЗТ препаратымен емдей бастайды. Бұл препаратпен емдеудің соңы өлімге әкеліп соқтыратындықтан бұны АҚШ-та қолдануға тыйым салынған болатын. Соңғы жылдары осы балалардың өлімі «ғасыр індеті» СПИД-тен емес, керісінше осы АЗТ препаратының улы әсерінен болуы ықтимал деген жорамалдар айтылып жүр.
Кешікпей Дондағы Ростов пен Волгоград қалаларындағы оқиғалар да осындай сценарий бойынша іске асты. Мұндағы ауру балаларды емдеуге тағы да Элиста қаласында «тәжірибеден» өткен дәрігерлер сау етіп жетіп келеді. Олар балалардың бәрін СПИД-пен ауырғандар деп жариялап, арнайы тіркеуге алды. Кеңестер Одағы кезінде осындай диагнозбен өмір сүрудің қандай қасірет екені айтпаса да түсінікті. Осылай КСРО елінде «ғасыр індетінің» үрейін салмақты болдыру үшін сәбилерді пайдаланған дейді, дәрігер В.Агеев.
Осы патолог-дәрігер В.Агеевтің айтуына қарағанда бұл ауруды «жұқтыру» үшін АҚШ-та гомосексуалистер, бұрынғы КСРО-да наркомандардың таңдап алынуында өзіндік себеп бар. Ол кезде КСРО-да наркомания болғанымен гомосексуализм жоққа тән еді. Сондықтан да бұрынғы Кеңестер Одағында СПИД-пен ауырғандар рөліне наркомандар дөп келді. Екіншіден, гомосексуалистер мен наркомандар қоғамнан аластатылған жексұрын, абыройсыз пенделер болғандықтан оларда өздерін қорғарлық құқық жоқ еді. Осы себептен де ойдан шығарылған «ғасыр індетіне» бәрінен бұрын осылар лайық болды.