Кіріспе. Бағдарлама медициналық жоғары оқу орындарының «Жалпы медицина» мамандығына арналған.

Бағдарлама медициналық жоғары оқу орындарының «Жалпы медицина» мамандығына арналған.

Қазіргі жағдайда жоғары оқу орындарының негізгі міндеті оқытудың түбегейлілігі екендігі жалпыға белгілі. Химиялық тірі жүйелердегі процестерді тану және зерттеу үшін күшті құрал және фундаменталды ғылымдардың бірі болып табылады. Сондықтан, медицина мамандықтарындағы студенттер бұл ғылымның әдісте-рін, заңдарын және идеяларын жақсы игерулері тиіс. Бағдарламада бейорганикалық, физикалық және коллоидты химияның маңызды тақырыптарының негізін қарастыру жоспарланған. «Химия» пәні биохимия, молекулярлы биология, физиология, фармаколгоия, гигиена пәндерінің кейбір бөлімдерін игеру үшін теориялық базаны дайындайды және медико-биологиялық, клиникалық пәндерді оқытуға қажет, фундаменталды ғылымдардан игерілген зерттеудің ең жаңа әдістерін, ғылыми көзқарастарды, кеңінен қамтуға:мүмкіндік береді.

Студенттер адам организмінде жүретін процестердің механизмін, физико-химиялық негізін молекулалық және клеткалық деңгейде түсінуге қажет болатын, егер қажет болса осы процестерді есептеу жолдарын қамтамасыз ететін біліммен қаруландыру қажет.

Жоғары медициналық білімді оңтайландырудың басты міндеті пән аралық байланыстарды және фундаменталды, медико-биологиялық және клиникалық пәндердің интеграциясының ұясын кеңейту болып табылады.

2.2. Пәннің мақсаты:

Тірі организмдерге тән химиялық термодинамиканың негізін және химияық энергияның басқа түрлері мен байланысын түсіндіруді қалыптастыру. Заттардың құрылысы, құрамы мен биологиялық активтілігі арасындағы өзара байланыс туралы түсінікті қалыптастыру.

2.3. Оқыту мақсаттары:

· химиялық термодинамика және химиялық энергияның негіздері туралы ұғым қалыптастыру;

· табиғи органикалық қосылыстар негізгі кластары және биополимерлердің химиялық қасиеті мен құрылысының байланысы;

· организмде жүретін биологиялық процестерді сипаттау үшін физико-химиялық заңдылықтырды қолдануды үйрету;

· дәрі-дәрмек препараттары және тірі организм компоненттерінің, заттардың биологиялық активтілігі олардың құрамы, құрылысы және қасиетімен байланысы туралы ұғым қалыптастыру;

· әдебиет және электронды көрсеткіштермен жұмыс істеу дағдысына үйрету.

2.4.Пәнді оқытудың соңғы нәтижесі:

Студент:

Білуі тиіс:

- химиялық термодинамиканың негізгі түсініктері, термодинамиканың бірінші және екінші бастамасы;

- ерітінділер концентрациясының түрлері;

- ерітінділердің коллигативтік қасиеттері, ағзадағы ролі;

- атом және молекуланың құрылыс теориясы, комплексті қосылыстардың координациялық қасиеті, хелатотерапия туралы түсінік, биогенді элементтердің химиясы;

- организмдердегі қышқылдық-негіздік тепе-теңдік пен буферлік жүйенің мәні;

- тотығу-тотықсыздану процессінің теориясы;

- беткейлік құбылыстардың физико-химиялық заңдылықтары, биологиялық мембрананың құрылысы мен қасиеті және тірі организмнің дисперстік жүйелері;

- жоғары молекулалық қосылыстардың (ЖМҚ) және биополимерлердің физико-химиялық қасиеттері;

- органикалық қосылыстардың жіктелуі мен номенклатура тәртібі;

- химиялық реакциялардың түрі мен механизмі;

- органикалық қосылыстардың маңызды кластары мен функционалдық топтарының қайта түрлену жолдары;

- органикалық қосылыстардың құрылысы мен химиялық қасиеттерінің, олардың биологиялық белсенділігіне байланысы;

- биореттеугіштер мен биополимердің тіршілік процесіндегі ролі.

Істей білуі тиіс:

- химиялық лабораторияда қауіпсіздік ережесін сақтау, химиялық ыдысты қолдану, медицина тәжірибесінде қажетті құралдар мен физико-химиялық өлшеу әдістерін қолдана білу;

- еріген заттың массалық үлесін, молярлы, моляльді концентрациясын, эквиваленттің молярлы концентрациясын анықтау;

- хроматографиялық анализ, pH-ты потенциометриялық әдіспен анықтау;

- адсорбция шамасын анықтау, коагуляция табалдырығын, биополимерлердің ісіну дәрежесін, төменгі молекулалық қосылыстардың криометриялық әдіспен және жоғары молекулалық қосылыстардың вискозиметриялық әдіспен салыстырмалы атомдық массаларын анықтау;

- коллоидты ерітінділер алу және олардың қасиетін зерттеу;

- органикалық қосылыстарды көміртегі қаңқасының құрылысы және функционалдық топтар табиғатына байланысты жіктелуі;

- химиялық қосылыстар номенклатурасын қолдана білу;

- органикалық молекулалардың биологиялық функциясын, олардың құрылысы мен реакциялық қабілеттілігін байланыстыру;

- қанықпаған қосылыстарға, аминоқышқылдарға, моносахаридтерге, пептидтік байланысқа және функционалдық топтарға сапалық реакциялар;

- органикалық химияның теориялық негіздерін қолдана отырып, қоршаған ортада органикалық қосылыстардың химиялық қасиетін болжау.

Дағдылар:

- берілген концентрациясы бар ерітінділер дайындау, ерітінділердің тығыздығы мен сутектік көрсеткішін (рН) есептеу;

- рН белгілі буферлі ерітінділерді дайындау, буферлік сыйымдылықты анықтау;

- биогенді элементтердің катиондары мен аниондарына сапалық реакция;

- органикалық қосылыстардың жіктелуі және функционалдық топтарға сапалық реакциялар жүргізе алу.