Кіріспе. Экономикалық теорияның мәні - барлық экономикалық пәндерді танудың теориялық жәнеЭкономикалық теорияның мәні - барлық экономикалық пәндерді танудың теориялық және әдіснамалық негізі болып табылады және экономикалық көзқарасты қалыптастырады. Экономикалық теория теориялық білімді жүйелендіруді қамтамасыз етеді, экономикалық заңдылықтарды дербес талдау дағдысын дамытады, белсенді азаматтық позицияны қалыптастырады. Экономикалық теория курсы экономиканы жүйе ретінде қарастырады, негізгі катергориялардың мәнін ашып, негізгі түсініктер, экономикалық дамудың заңдылықтары туралы түсініктеме береді. Бұл пәнді оқу адамның табиғаттағы, қоғамдағы, экономикадағы орны мен рөлін ғылыми анықтауға мүмкіндік береді, қазіргі жаһандық құбылыстар жағдайында құбылыстар мен процестер арасындағы диалектикалық байланысты түсінуге мүмкіндік береді. Экономикалық теорияның ғылым ретінде ұзақ даму тарихы бар. Ол классикалық саяси экономия еңбектерінен бастау алады. XIX ғасырдың соңғы ширегінен бастап «саяси экономия» «экономикске» ауыстырылды. Ғылым сол атаумен ағылшын тілді елдерде дами бастады. Қазіргі жағдайда ТМД елдерінде «Экономикалық теория» курсы оқытылады. Экономикалық теория курсының зерттеу объектісі қоғамның бүкіл экономикалық жүйесі болып табылады. Экономикалық теорияның әдістері: тарихи және логикалық әдістердің бірлігі, жүйелік тәсіл, графикалық және экономика-математикалық талдауды қолдана отырып экономикалық процестерді моделдеу болып табылады. 2.2 Пәннің мақсаты «Экономикалық теория» курсының мақсаты қоғам дамуының экономикалық заңдылықтары және олардың тиімді қызмет ету мәселелері туралы білім жүйесін қалыптастыру.
|
