Бап. Өсiмдiктердi қорғау саласындағы қызметтi жүзеге асыратын мемлекеттiк ұйымдар

1. Өсiмдiктердi қорғау саласындағы қызметтi жүзеге асыратын мемлекеттiк ұйымдарды Қазақстан Республикасының Үкiметi қызметтiң мынадай түрлерiн:

1) зиянды және ерекше қауiптi зиянды организмдердiң фитосанитариялық мониторингi

1-1) фитосанитариялық болжамның жасалуын

2) тiркеуге ұсынылатын пестицидтердi (улы химикаттарды) өндiрiстiк жағдайларда байқаудан өткiзу үшiн өндiру сынақтарын;
3) ауыл шаруашылық өнiмiнде пестицидтердiң (улы химикаттардың), нитраттардың, нитриттердiң және ауыр металдар тұздарының қалдық мөлшерiнiң бар-жоғын талдауды және сараптауды орындау мақсатында құрады.
2. Ерекше қауiптi зиянды организмдердiң фитосанитариялық мониторингi мемлекеттiк монополияға жатады.
3. Өсiмдiктердi қорғау саласындағы қызметтi жүзеге асыратын мемлекеттiк ұйымдар фитосанитариялық есепке алуды жүргiзедi және Қазақстан Республикасының заңдарында белгiленген тәртiппен уәкiлеттi органға есептiлiктi табыс етедi.

Ескерту. 10-бапқа өзгерiс енгiзiлдi - ҚР 2004.07.09 №584, 2009.07.17 №188-IV (қолданысқа енгiзiлу тәртiбiн 2-баптан қараңыз), 2009.07.17 №189-IV (қолданысқа енгiзiлу тәртiбiн 2-баптан қараңыз) Заңдарымен.

Әдебиет:

1. Нормативтік актілерінің жинағы WWW minagri. KZ сайтында.

Өзін–өзі тексеру сұрақтары:

1. ҚР өсімдіктерді қорғау жөніндегі бас инспектордың құзыреті қандай бапта айтылған?

2. Өсімдіктерді қорғау жөніндегі мемлекеттік инспектордың құқықтары.

4–тақырып. Өсімдіктерді қорғау жөніндегі талаптар. Пестицидтерді өндірістік сынақтары.

Сабақтың мақсаты:Өсімдіктерді қорғау жөніндегі талаптарын меңгеру. Пестицидтердің өндірістік сынақтардағы орнын білу.