Студопедия — Таблигъат
Студопедия Главная Случайная страница Обратная связь

Разделы: Автомобили Астрономия Биология География Дом и сад Другие языки Другое Информатика История Культура Литература Логика Математика Медицина Металлургия Механика Образование Охрана труда Педагогика Политика Право Психология Религия Риторика Социология Спорт Строительство Технология Туризм Физика Философия Финансы Химия Черчение Экология Экономика Электроника

Таблигъат






Политикадин мана авай фикир кьилиз акъудун патал масадбурукайни вичин терефдарар хьун мурад яз гафуналди тухузвай кIвалах.

 

1. —. 2, Агитация вири стилра, таблигъат виниз тир стилра ишлемишда. 3. Таблигъат куьгьне жезва. 4. —.

 

Хуьре кулакрин агитация хкаж жезвай. М. Разаханов. Призыв. Гьуьрметдиз пара акси Кими жез туш буржуази. Чи арада агитаци Тухвайди гьа иблис я. С. Сулейман. Кеферпатан Кавказдин крайдин советрин 1съезддиз. Ленина сифте яз кIвенкIвечи рабочийрин гъвечIи дестейрин арада марксизм гегьеншарунилай чIехи меселайрин агитация тухунал элячIунин везифа вилик эцигна. В.И. Ленин. Куьруь биографический очерк. Таблигъатди халкьдихъ галаз тухвай «а занжурдин тIвалар ахъайна. X. Тагьир. Ленин.... Бес вучиз на тухузва и таблигъат? И. Гьусейнов. Етим Эмин.

 

2. Агудун «собрать»

КIватI хъувун

Садахъун

Гатун магьсулар, емишар гьамбарра тун.

1. —. 2. КIватI хъувун ибарадик агъуз тир стилрин ранг ква. 3. —. 4. Кьве уьлчмени, адет яз, гад гафунихъ галаз алакъада жеда.

 

«Правда» тIвар алай колхозда ва «ДАССР-дин 50 йис» совхозда тварцин магьсулар кIватI хъувуна куьтягь хьанвай... Мирзебегован колхоз райондин амай майишатрихъ галаз са шартIара авайди ятIани, ина вахтунамаз гад «гъилер къакъажна» кIват хъувунин къайгъуда хьанач. Гад агуднавай майишатар 850 гектардин майданра люцернадин векь кьвед лагьай сеферда ягъунал... машгъул я. — «Коммунист», 1981, 15 июль

 

3. Азаб «мука, мучение»

Азият

Зегьмет

Дуланажагъдиз са вуч ятIани бес тахьун себеб яз жезвай залан гьисс, яшайищдин дарвал.

 

1. Азаб гзафни-гзаф руьгьдин истемишунриз, зегьмет — къуватдин истемишунриз талукь я. 2. Азаб, азият вири стилра, зегьмет виниз тир стилра ишлемишда. 3. —. 4. —.

 

Ватандия дяведин йисара советрин халкьдиз азабар, азиятар гзаф акунатIани, ам гъалиб хьана. Р. Азиятар, зегьметар Ханума гзаф эхна. М. Шихвердиев. КIан хьайила. Ашкъи гьаваллу я, — ваз кьарар авач; ХъуьтIуьн загьмет амач, ваз хабар, ава. Е. Эмин. Билбил.

 

4. Айнаяр «очки»

Чешмегар

Вилегар

Вилерив хъсандиз акун патал ва я вилер,къати нураривай, цIун экуьнивай хуьн патал, гуьзгуьдин кьве кьелечI кIусуникай расна, чеб-чпив симиналди галкIурнаваз вилерал гьалдна, ишлемишдай алат.

 

1 —. 2. — Айнаяр вири стилра, чешмегар виниз тир стилра ишлемишда. 3. —. 4. —. Чешмегар гафуник куьгьневилин ранг ква. Чешмегар, адет яз, яшлубурун рахунра ва я абурукай рахадайла гьалтда.

 

Адаз лацу халат алай, вилерал айнаяр гьалднавай духтурдивайни куьмек гуз жезмачир. А. Раджабов. Силам, эллер! Ви вилик квайди хайи стха я! Хъсандиз килиг, ваз зун чир жеда!.. Алиди айнаяр вилерилай алудна. Къ. Межидов. Дагъларин деринрин булахар. Хуьруьн ревкомдин канцелярда аскIан, туькме итимди, вилерал айнаяр акьалжна, столдал алгъана, эрчIи патахъай чапла патахъ кхьинар ийизвай. 3. Эфендиев. Иифен тIурфан. За кьуьзуьдаз хиве кьурди тир чешмегар. Адав абур агакьрин за — акъваз вун. К. Мусаев. Тади ийимир...

5. Акъудун «провести»

Кечирмишун

Тухун

Яшамиш хьун.

 

1. —. 2. Кечирмишна официальный стилда гзаф гьалтзава. 3. —. 4. Адет яз, винидихъ ганвай манада авайла, и гафар вахт къалурдай гафарихъ галаз алакъада жеда.

 

Зулни кьуьд Сулеймана гзафни-гзаф месе акъудна. А. Агъаев. СтIал Сулейман. Вич кIел-кхьин тийижир кесиб яз, Сулеймана вичин уьмуърдин лап хушбахт йикъар Москвада кечирмишна. А. Агъаев. СтIал Сулейман. Ахцегьрин жемятди, гьарда вичин яргъандиз килигайвал кIвач яргъи ийиз, кьуьд кечирмишзавай. 3. Эфендиев. Рагьимат. Эхиримжи вахтара ада инженер Султанахъ галаз вахтар кечирмишзава. Гь. Межид. Гезентидин эхир.

 

6. Ал «алый»

Жегьре

Зги

Ачух яру.

1. —.2. —. 3. —. 4. —. Чеб-чпивай алакъа жезвай гафаралди тафаватлу жезва. Зги, адет яз,кIвалин предметрикай (гъал, куьлуьт ва мсб.) рахадайла ишлемишда.

 

Майдин сувар!.. Хкаж хьана цавариз ал пайдахар — чи мехъерин таратIар, И. Гьуьсейнов. Майдикай пуд шиир. Курносова вичин куьгьне Са пад канвай, фенвай гуьлде Шапка, ал гъед михьна хъсан... С. Гьажиев. Дагъларин хва. Жегьре ранг вили рангадив кьада. Р. Гамуниз зги рангадин гъалар бее жезвач. Р.

7. Алакъа «связь»

Рафтарвал

Авсият

Вуж ва я вуч ятIани сад-садалай аслу тир, сад-садав умуми тир, сад-садалай шартIлу тир гьал.

 

1. —. 2. Алакъа вири стилра, авсият виниз тир стилда ишлемишда. 3. —. 4. —.

 

Куьгьне душмандив алакъа жемир, ам вав дуст жедайди туш. С. Сулейман. Душманрикай мукъаят хьухь. Инал ихьтия суал арадал къвезва: бес, литературный чIаланни амай нугъатрин арада гьихьтин рафтарвал ава? М. Гаджиев. ЧIалан илимдин гьакъиндай, И. В. Сталинан произведенияр фикирда кьуна килигайла, лезги литературадин чIалан бязи месэлаяр. Фад чидай чаз ви хасият, Бес я на чаз гайи азият, Чаз герек туш ви несигьат, Вавди гумач чи авсият, Вун квахь, кьей куьгьне замана. С. Сулейман. Вун квахь, кьей куьгьне замана. Мисалри милли сергьятар саймишдач. Абур фад са чIалай маса чIалаз элкъуьриз жеда. Иниз килигна гьа са мисалар гзаф халкьарин сивера ава. Ина, чаз чиз, кар алайди и халкьарин арада сих алакъа, авсият хьунухь я, са халкьдин векилар маса халкьдин кьула дуланмиш хьунухь я. А. Агъаев. Лезги литературадин сифте кьилер.

 

8. Алахъун «стараться»

Чалишмишун

Са кар квилиз акъудун патал гьерекатар авун.

 

1. —. 2. —. 3. Алахъун вири стилра, чалишмишун виниз тир стилра ишлемишзава. 4. —

 

Къвердавай вичин талантди цуьк ахъайзавай Алибег мад чIехи, мад хъсан произведенияр кхьин патал алахъна. Н. Агьмедов. Алибег Фатахов. Вахтуналди тир гьукуматди халкьдиз акси политика тухузва. Амма зегьметчияр алдатмишна вичин патаз чIугун патал ада вири къуватралди чалишмишзава. Ам виридалайни вилик лежберри вичин тереф хуьн къазанмишиз алахънава. 3. Эфендиев. Муькъвел гелер. Аял чIавалай ада вири крара стхадиз ухшар хьун патал чалишмишвалдай. В. И. Ленин. Куьруь биографический очерк.

9. Аллагь «аллах»

Гъуцар

Халикь

Худа

Первердигар

Агъа

Ребби

Диндин лугьунрай, дуьнья ва уьмуьр идара ийизвай кас.

 

1. —.2. —. 3. Сифте гафунилай алава яз, амайбур куьгьне жезва, хьанва. 4. —.

 

Сифте лам кутIуна, ахпа аллагьдал тапшурмиша. Ф. Виш йисара метIер чиле акIурна Ви мискIинра зикир авур дагъвидиз Са кап фуни са метри чит ганачир. Аллагьдини, пачагьдини, фекьиди. А. Саидов. Салам, Дербент. Етим Эмин: Ви ван къвен, я текъвен гъуцариз — Вуна ая ви мусурман дердияр. И. Гьуьсейнов. Етим Эмин. Етим Эмин: Инсан, ажеб халкьнава вун халикьди — Ви рикIяй рехъ фенва вири вилериз. И. Гьуьсейнов

Етим Эмин. Худади гайидаз маил хьана зун... Кь. Саид. Зи чарх кьулухъ элкъвена. Фана дуьнья вавди я зун, Вав буьтуьн гъам жедани? Агъади халкь авуна бес Гуьгьуьл ачух къар гьинава. Е. Эмин. Дуьньядиз. Эй, ребби, зи гуьгьуьл шад я, Зерре заз гъам, хифет авач. Е. Эмин. Чуьхвер. Яраб, аллагь залай бахтсуз кас на дуьньяда халкь авунатIа? Я, ребби, на зун икьван бахтсуз ксарикай вучиз авуна? Гь. Гьажибегов. Адетдин къармахар.

 

10. Алцурарун «обмануть»

Алдатмишун

Гьакъикъат чуьнуьхун, дуьз лугьун тавун.

1. —.2. Алцурарун вири стилра, алдатмишун ктабдин стилда ишлемишда. 3. —. 4. —.

 

Жув хьайила кIан хьунухьин савдада, Гьатна иблис зинни ярдин арада, Алцурарна ам са юкъуз чарада, Тухудай вахтар хьайи кас жедачни? Е. Эмин. Заз сабур гуз. Къе вуна абуруз тапарар авуртIа, пака абуруни вун алцурарда. М. Рустамов. Пуд дуст. Уьмуьр фида гьар са къалди Алдатмишна дуьньяд малди. Е. Эмин. Фана дуьнья. КIвалахиз кIан хьайитIан вичиз, алакьдач, амукьда ажиз, Ахьтин инсан алдатмишиз Душмандиз регьят я, вахар. X. Тагьир. КIела, вахар. Адавай вич алцурарун, Девлетлуда кесиб алдатмишун эхиз хьаначир. А. Агъаев. С. Сулейман.

 

11. Амма «но»

Анжах

Лугьузвай фикир, ийизвай кар маса фикирдиз, кардиз акси ийизвайди къалурзавай союз.

1. Анжах гафуник «масадбурулай гъейри, алава яз» къалурдай ранг ква. 2. Кьве гафни сад хьиз вири стилра ишлемишда. 3. —. 4. —.

 

Амма чавай чIуру крарни авайди такуна акъвазиз жедач. КПСС-дин XXV съезддин материалар. Садра, гьуьжетра гьатна, чун ракьун рекьел кьван акъатнай. Амма адан агъа падни михьиз мегъуьн тарари кьунвай. Б. Гьажикъулиев. Самурдин мани. Амма вучин, заз кIандай хьи КIвале хьун секин... И. Гьусейнов. Белки... Гапур вуна гадарна, къуй гьакI хьурай, Анжах туьнтвал гадар мийир ивидин. А. Саидов. Дагъви я зун.

12. Анжах «только»

Тек

«Артух тушиз, маса затIни квачиз»манадин кIус.

1. —. 2. Анжах вири стилра, тек рахунрин стилда ишлемишда. 3. —. 4. —.

 

Анжах са Къумридиз вичин пешедин гуьзелвал, кьетIенвал ва тIеам чизвай. Б. Гьажикъулиев. Къурухчи. Зав гвайди тек ви ашкъидин савда я... Е. Эмин. Ярдин дерт

 

13. Армия «армия»

Кьушун

Са касдин ва я гьукуматдин яракьламишнавай къуватар.

 

1. —.2. Армия вири стилра ишлемишзава. 3. Кьушун куьгьне хьанва. 4. —.

 

Керим, вичин буба армиядиз фидайла, хурудихъ галай аял тир. М. Шихвердиев. КIан хьайила. Николаян генерал Бичерахован кьушун ракьун рекьин къерехдиз кIур гана фена. 3. Эфендиев. Муькъвел гелер.

14. Арха «опора»

Панагь

Четин вахтунда куьмек яз кьадай кас.

1. —.2. Арха вири стилра, панагь виниз тир стилра ишлемишда. 3. —. 4. —.

 

Етим Эмин на етимар хуьналди Ваз арха жеч ви весияр туналди. Е. Эмин. Веси. Эй, зи играми тир арха. Куь муьгьуьббат кIан я гъараз. С. Сулейман. Красный Армидин 19-йисан сувариз. «Мукьвал мехъер ийизва за, Вунни хьурай заз са арха...». Жамидин. Гьазур ая, зи хванахва. Яратмишна лукI аллагьди Хуьн себеб аваз панагьди... Е. Эмин. Нехирбан. Фекъирарни шагьларин шагь, Фяле юлдашарин панагь.... С. Сулейман. Ленин кьейила.

15. Атана «пришел»

Акъатна

КIвачи-кIвачи ва я са улакьдаваз тайин са чкадив агакьун.

1. Акъатна гафунихъ, атана гафунилай тафаватлу яз, гьерекат фад кьилиз акъатайди къалурдай мана ава. 2. Атана вири стилра, акъатна рахунра ишлемишда.3. —. 4. Рахунра атана акъатна кьве гафни санал ишлемишнавазни гьалтда.

Са арадилай Нури халани атана, гуьгъуьнилай гатун кьезил парталар алай гадаярни акъатна. Я. Мирзоев. Цуькверин мани. Абурун гуьгъуьналлаз яшарай садлагьана къил акъудун четин тир чубании акъатна. Б. Гьажикъулиев. Хайи чилел. И арада чи вилик фотоаппарат вини кIвачиз акъуднавай студент акъатна. А. Магьмудов. Ракъур тавур кагъаз.

16. Аш «плов»

Плов

Ргай дуьгуьдик гъери, кишмишар ва я маса ширин затIар кваз гьазурзавай тIуьн, хуьрек.

 

1. —. 2. Аш вири стилра, плов виниз тир стилра ишлемишда. 3. —. 4. —.

 

И плов чна хъийида гьиниз? — Гьамни неда ман, — лагьана Къурбана. — Хъсан затIуниз гьамиша руфуна,— лагьана фекьиди, — жериди я чка. Вичин гъилевай тIур ашдал элисна. Къара тIурунал гъана вичин патав, Пловдик какадариз тIуьна судуди. А. Фатахов. КьатI-кьатI авур зунжурар.

17. Аял «ребенок»

Велед

Бала

ГъвечIи яшара авай гада ва я руш.

1. Бала, адет яз, лап гъвечIидаз мукьвавилин рафтарвал авайбуру (дидеди, бубади) лугьуда. Велед гафунихъ диде-бубадиз мукьвавилин лишан артух я. 2. Аял вири стилра, бала, велед рахунин стилда ишлемишда. 3. —. 4. —.

 

Къужахда аял авай папа къуьневай квар айвандин чилел эцигна. А. Искендеров. Самур. Дана епинамаз — аял кьепIинамаз. Фольклор. Ада велед гьакь тирди тестикь авуна. Къ. Межидов. Птул руш. Бала виртIедилайни ширин я. Фольклор.... Ваз зи баладин язух ша! А. Искендеров. Самур.

 

18. Бармак «папаха»

БaпIax

Кьеркь

Хъама

КiукI

Хъицикьдикай цванвай, кьил чимиз хуьн патал эркекри алукIзавай затI.

 

1. —.2. Бармак вири стилра, кьеркь агъуз стилра ишлемишда. БапIax гафуник рахунрин стилдин лишан ква.. 3. —. 4. Бaпlax тIимил гьалтзава.

 

Акьул бармакда ваъ, кьиле жедайди я. Ф. Яхул бармак чIулав рекьел пIир хьана... Кь. Саид. Авайвилиз хьурай лянет. Чаз кIандач ви ктIай хъицикь: адакай бармак жедайд туш. С. Сулейман. Куьгьне гьукуматдиз. Ада гьамиша михьидаказ хуьзвай лацу бармак хтIунна чилел гьалчна. Гь. Межид. Гезентидин эхир. КIвачел шалам, кьилел бапIах. Гьанлай чIур хьана зи кIвалах. С. Сулейман. Москва

 

19. Башламишун «начинать»

ЭгечIун

Кьил кутун

Гъиле кьун

Са кар, кIвалах тамамарун паталди сифтедин гьерекат.

 

1. —. 2. Башламишун ва эгечIун вири стилра, кьил кутун, гъиле кьун агъуз тир стилра ишлемишда. 3. —. 4. Чеб-чпивай маса гафарихъ галаз алакъа хьуналдини чара жезва.

 

КIанзаватIа квез Ленинан чIехи къамат къалуриз, Рехи дагъдал кIвалах ийин къенин къалай эгечIна. А. Саидов. Лезгийрин риваят. Колхоз всятда вилик акъвазнавай яргъал вагьез тежедай лап важиблу кIвалахар тир векьер ягъунив ва гад кIватI хъувунив эгечIнава. «Коммунист», 1972, 24 июнь. Гвен гуьз башламишайла, комбайнийри, хъалхъас хъипери хьиз, гьерекатиз башламишна. А. Фатуллаев. Кабабдин нидал фейила. Адаз ина пакамал хъивегь тежедай, лап исятда гъиле кьуна кIани крар акъатнава. Къ. Межидов. Дагъларин деринрин булахар. Партизанрикай мягькем къайда авай кьушун туькIуьрун чарасуз я. Имни гежел вегьена виже къведач. Пакадилай и кар гъиле кьуна кIанда. А. Искендеров. Самур. Гъиле кьур кIвалах эхирдал кьван кьилиз акъуд тавун чаз, дагъвийриз, кутугнавай кар туш. А. Саидов. Дава квачир дерт. (Фельетон). Эсли бадеди и гафар суьгьбетдик кьил кутун патал ва вич захъ галаз таниш хъувун патал ийизвайбур тир. Н. Агьмедов. Лезги намус. Дишегьлийри кIвалин юкьвал чарх яна, элкъвез-элкъвез, сада кьил кутаз хордин мани яна. 3. Эфендиев. Булахдал.

 

20. Бегьлеяр «перчатки»

Элжекар

Гъилер къун тавун патал гьалддай, чеб сун гъаларикай хранвай ва я хъуьтуьл хамуникай цванвай затIар.

1. —. 2.Бегьлеяр вири стилра ишлемишда, элжекар шиирра гьалтда. 3. —. 4. —.

 

И гададиз за кьведра бегьлеяр къачуна, ада абур нвадарна. Р. ХъуьтIуьз буругъда кIвалахзавайбуруз бегьлеярии гузва. Р. Са папа лап машинди хьиз, Элжекар хразвай хциз. А. Муталибов. Элжекар..

 

21. Больница «больница»

Духтурхана

Инсанар азаррикай сагъарзавай идара.

 

1. —. 2. Больница вири стилра ишлемишзава. 3. Духтурхана алатай девирдикай рахадайла гьалтзава ва ам куьгьне жезва.

 

Амма ХенжелкIеледилай Дербентдин больницадиз тухвай Пирали са шумуд йикъалай сагъ хьана хуьруьз хтун гьакъикъат я. И. Вагабов. Вагьида тади кваз пальто алукIна. Ам цIийи операция ийиз больницадиз фена. Б. Гьажикъулиев. Халкьдин духтур. Дербентда идалай вилик ам (Е. Эмин — А. Г.) духтурханадани кваз къатканай. А. Агъаев. Етим Эминакай цIийи малуматар.

 

22. Буйругъ «приказ»

Приказ

Эмир

Кьилиз акъудун патал кьабулнавай къарар.

 

1. —. 2. Буйругъ, официальный стиль квачиз, вири стилра, приказ официальный стилда ишлемишзава. 3. Эмир куьгьне жезва. 4. —.

 

Лацу приказ гваз са юлдаш Къведа вичин чинни чIурна. С. Сулейман. Йис. Приказ кIелай гьайванрини ажугъ кваз Асланд патав магъарадиз чукурна... Жамидин. Приказ. СССР-дин Оборонадин Министрдин приказ. Мумкин тушир ийиз отказ Залумдин буйругъ, Дагъустан. С. Сулейман. ДАССР-дин 15 лагьай йисан сувариз. Тарланни иесидин буйругъдал вил алаз акъвазнавай. 3. Эфендиев. ЯркIижуван руш. Госпиталдин начальникди госпиталь тадиз шегьердай акъудунин буйругъ къачуна. А. Раджабов. Салам, эллер! Ада уьлкведин вири пипIериз буйругъар, приказар ракъурзавай. В. И. Ленин. Куьруь биографический очерк.

 

23. Буржи «обязанность»

Везифа

Мажбурнама

Ферз

 

Са касдин хиве авай, кьилиз акъудна кIанзавай кIвалах.

 

1.—.2. Бурж (буржи) вири стилра, мажбурнама, везифа, ферз ктабдин стилра ишлемишда. 3. Ферз куьгьне жезва. 4. —.

 

Къе Эмин кьена 50 йис тамам хьайила, адан вири чIалар кIватIал тавун чаз халкьдин патай туьгьмет жеда. А ин туьгьмет чIалан гьилмидикай хабар авай жегьилрал аватда. Туьгьметдикай хкечIун чин буржи хьунухьиз килигна, кIеретIди, вири гъиле къелем авай лезги юлдашрихъ чин элкъуьрна, лугьузва: Юлдашар! Эмина чаз тур девлет займир, ама чкIанватIа, кIватIа! М. Шагьабудин. Эминни Эминан устадвал. Гьар шаирдин вичин буржи: Дуьз гафар жагъурна кIанда. С. Сулейман. Жегьил шаирриз. Малдарри хиве кьур мажбурнамаяр артухни алаз ацIурна. Г. Шаиррин везифа — чи поэзиядихъ авай тербияламишунин метлеб мадни зурбаз ачухаруникай, ада халкьдиз къуллугъ авун къвердавай виниз хкажуникай ибарат я. А. Агъаев. Лезгийрин поэзия вилик тухунин бязи месэлайрикай. Исятда чи вилик акъвазнавай зурба везифа Е. Эминан шиирар вири кIватI хъувуникай ва абур печатдиз гьазурунижай ибарат я. Я. Ахмедов. Етим Эмин. Заз чир авун ви метлебар рикIивай Гьар са чIавуз ферз я ви хивевай. Е. Эмин. Ярдиз.

 

24. Вахт «время»

Вяде

Бере

Замана

ЧIав

 

Са кар, кIвалах тамамарун патал, кьиле фин патал декьикьайралди, сятералди, йикъаралди, йисаралди алцумзавай яргъивилин уьлчме.

 

1. Вахт ва чIав гафарихъ умуми мана ава. Вяде, муьгьлет гафари кIвалах са шумуд вацралди ва йисалди жезвайди къалурда. 2. ЧIав гаф кьериз ва анжах поэзияда гьалтда. 3.—. 4. —.

 

Лезги халкьдин кьадар тIимил хьуниз килигна, вилик вахтара лезгийрикай гзаф шаирри ва ашукьри неинки лезги, гьакI азербайжан чIалални манияр ва шиирар туькIуьрдай ва лугьудай. А. Агъаев. СтIал Сулейман. Хквезва рикIел жуван аял чIав. А. Алем. Тама. Къурбаналиди уьзденвал хуьз акъудзава вядеяр... Хъархъун тарцел члафар хьиз КIуртуналла пинеяр. И. Гьуьсейнов. Уьзден. Гзаф чIав тир ял кьуна зи юлдашри... Л. Нямет. Дагълара. Чигали вацран экуьни мадни яхундиз ва хъипиз къалурзавай дидедин жегьил вяде фикирдиз хкиз алахъна. Б. Гьажикъулиев. Заз эвера. Аквадачир вун вилериз Вяде тиртIа хъуьтIуьн, билбил. С. Сулейман. Билбил. Лацу цуьквер. Авач кардиз я вахт, я чIав: йифизни вун ятахд патав... Алач яргъан, винелни къав Рази ян вун и къал чубан? Н. Шерифов. Чубан. Гатфарин бере тир. Тарари цуьк ахъайнавай. Р. Шарифова. Тамамриз тахьай мани. Заманаяр къвез алатна. Р.

 

25. Вил «клетка оконной рамы»

Гуьз

Пенжердин ва я шуьшебенд авунвай айвандин са гуьзгуь.

 

1. —. 2. Гуьз гафуник официальный стилдин ранг ква. 3. —. 4. —.

 

Зун кIвалахдаллайла, аялри дакIардин вилер хана. А. Магьмудов. Буба. Адан гуьгъуьналлаз алмаз, са шумуд гуьз шуьшеяр, кутIа, михер ва тахтадин кьул, линейка гваз Бубани куьчедиз экъечIна. А. Магьмудов. Буба.

 

26. Вири «весь»

Буьтуьн

Ихтилат физвай инсанрин ва шейэрин кьадар санлай къачурла.

 

1. —.2. Вири чIалан гьар са стилда, буьтуьн анжах поэзияда ишлемишда. 3. Буьтуьн куьгьне жезва. 4. —.

 

Вири дуьньядин пролетарар, сад хьухь! Дишегьли юлдашар вири Союз хьана куьлуь, ири, Чи регьбер тир юлдашри Хвена кеф саз рушарин. С. Сулейман. Стахановчи рушариз. Къарагъна кесибар вири Куьмекар гуз гъиляй къвери. X. Тагьир. Молла Иса. Куьн мектебдиз кIватI хьухь буьтуьн, Гьарда чира илим дерин. С. Сулейман. Гилан жегьил рушариз.

 

27. Виш йис «век»

Век

Асир (эсир)

Сад-садан гуьгъуьналлаз виш сеферда физвай 12 вацран вахт.

 

1. —. 2. Виш йис вири стилра, век, асир виниз тир стилра ишлемишда. 3. Асир (эсер) гафуник куьгьневилин, век гафуник цIийивилин ранг ква. 4. —.

 

Гьеле XVIII лагьай виш йисан юкьварилай инихъ, белки, гьадалайни вилик лезги чIалал шиирар туькIуьрун ва абур гъилин хатIаралди араб гьарфаралди кхьиз башламишнавай. М. Гьажиев. Литературадин произведенидин чIал; XVIII виш йисан эхирда XIX лагьай виш йисан эвелра лезгийрин тIварван авай ашукь — шаир Кьуьчхуьр Саид тир. А. Агъаев. СтIал Сулейман. Сулеймана вичин сифте шиирар XX векдин лап сифте йисара кхьиз башламишна. А. Агъаев. СтIал Сулейман. Азиз Алеман цIийи кIватIалдай аквазвайвал, шаирдин лирический герой XX асирдин 60-йисарин жегьил инсан, инсаниятдин гуьзел гележег ва тарих патал гьерекатрин кIвенкIве ава... Къ. Акимов. Ашкъидин нурар. Шаир (Ахцегь Гьажи — А. Г.) XIX эсирдин эхирра ва XX эсирдин эвелра капитализмдин шегьерда жезвай къизгъин вакъиайрин лап хурхада яшамиш жезвай. А. Рашидов. Ахцегь Гьажи.

 

 

28. Вождь «вождь»

Регьбер

Халкьдин кьиле авай, ам вилик фидай рехъ къалурзавай кас.

1. —.2. Вождь вири стилра, регьбер виниз тир стилра ишлемишзава. 3. —. 4. —.

 

Гзаф вахтара халкьдиз ашукь вичин вождь яз аквадай ва жуван аслу туширвал патал игит женгина ашукьдихъ галаз фидай. А. Агъаев. СтIал Сулейман. «Правда» газетдал алаз Вин шикилар хтана чаз, Вун хьана вождарихъ галаз Хуш рахун-луькIуьн, Сулейман. X. Тагьир. Чаз гзаф кIани тир СтIал Сулейманан ордендиз. Кесибар гьяркьуь рекьерай тухвай вич регьбер я фяле. С. Сулейман. Фялейриз. Шумудни са шиирда Сулеймана рабочий класс вири зегьметчи лежберрин регьбер... тирди дуьм-дуьз лагьанва. М. Гаджиев. Халкьдин шаир.

29. Врач «врач»

Доктор

Духтир (духтур)

Гьаким

Вичихъ высший образование аваз инсанар сагъар хъийизвай кас.

 

1. —.2. Врач официальный документра, доктор образование авай инсанри, духтир, духтур гьар йикъан рахунра ишлемишда. 3. Гьаким куьгьне хьанва. 4. —.

 

Азарлудан гьал акурла, духтирди мад адахъ галаз рахун жуьрэт авунач. Я Яралиев. Больницада, Сад Тагьир хьана, сад духтурар хьана, я и кIвалера, я анин гьаятра акъвазнач. А. Агъаев. Эхиримжи суьгьбет. И лезги баладиз куьмек амач, я ам азарханадизни тухун герек авач, — лагьана вичин кIвачерин кири къачуна, анжах девлетлуяр сагъар хъийиз вердиш хьанвай инсафсуз гьаким хъфена... Къ. Акимов. Асландин рикI авай инсан.

30. Вучиз «почему»

Куьз

Ян

 

Вуч себебдалди лугьудай мана авай кIус.

 

1. —. 2. Вучиз вири стилра, куьз, ян рахунра ишлемишда. 3. —. 4. —.

 

ТIебиатди вучиз заз и тIал гана? Е. Эмин. Заз сабур гуз. Вуна вучиз кIевяй къудна Ви къуьл дуьздал алаз туна. Е. Эмин. Дуст Ягьиядиз. — Я чан хва, и гьалда зун, диде, гъвечIи вах кIвале туна, аскервилиз финал вун вучиз рази я? За ви яшни агъуз къалурнай хьи, на ихьтин крар куьз ийида? М. Разаханов. Призыв. Хажалатдин нагъв ала къе цуькверал, Яраб вучиз киснаватIа синер чи? А. Саидов. РикI ва рикIер. Аллагь! Дуьнья икI куьз ятIа яраб? Кь. Саид. Зи чарх кьулухъ элкъвена. Зи сефил рикI къариблухда куьз жеда пашман, къарияр. Е. Эмин. Къарийриз. Дуьнья ачух я, гуьлуьшан рагъ аваз, куьз жеда, яр, чапла виле нагъв аваз? Е. Эмин. Ваз зи гьалдикай хабар авачни? ГьакI нубатсуз яз къалмакъал Динж куьз тадач куьне мискIин? С. Сулейман. Кавхадиз.

 

31. Гаф «слово»

Келима

Кьилдин мана гузвай рахунрин уьлчме.

 

1. —. 2. Гаф гзафни-гзаф илимдин термин яз ва литературный чIалан кхьинрин стилда ишлемишда. Келима, адет яз, литературный чIалан рахунрин стилда гьалтда.

 

Чун рахадай гафар сесерикай хьанва. Месела, гам гаф пуд — г, а, м сесерикай хьанва; сувар гаф вад — с, у, в, а, р сесерикай хьанва. М. Гьажиев. Лезги чIалан грамматика. Уьмуьр... Яшайиш... И кьве гаф акьул балугъ хьайидалай башламишна, эхиримжи нефес вахкудалди инсанрин мецел ала. Къ. Межидов. Экуь инсан.ЦIахуррин къужаяр экъечIна, Лашар гваз акъвазна рекьел. чи. Илифа, — са гаф гваз эгечIна, кьил чIугу суфрадал, кIвалел чи. И. Гьуьсейнов. Бязи вахтара са маса вакъиади, са гафуни дерт цIийи хъийида, рикIин тIарвилер артух хъийида. Гьа икI анжах пуд гафуни Камилан рикIикни къалабулух кутунвай. Пуд гаф: «Дах, вун гьинвай?»... А. Магьмудов. Эквер куькIуьн хъувуна. И легьзеда фурув агакьай... стхайриз кьуьзуь жанавурдин бамиш ван хьана: — Хазина! Им адан эхиримжи келима хьана. Къ. Межидов. Стхаяр.

 

32. Гаф «слово»

ЧIал

Ихтилат

Сада масадаз чIалан куьмекдалди фикир лугьун патал жезвай рафтарвал.

1. —. 2. Гаф ва чIал рахунрин стилда ишлемишда. 3. —. 4. —.

 

Гафар мукьвал, крар яргъал,.. лагьана Белгечиди куьтягьна гаф, чIал вичин. Л. Нямет. Дагълара. — Астафируллагь, инжиклу вучиз жеда? Ам вуч лагьай чIал я? Ээ, гьич. Ам гаф туш хьи. А. Магьмудов. Къавахар. Бес я, лагьана кьуьзуьда, сивевай туьхвенвай пlaпlpyc патав гвайдал туькIуьрна. Им цIай ягъа лагьай чIал тирди виридаз чидай. Гь. Межид. Им къван — им терез.

33. Гегьенш «широкий», «просторный»

Генг

Гьяркьуь

Фирягь

Шегьре

ГуьтIуь тушир, вичихъ гьар терефдихъ ачухвал авай. 1. —. 2. —. 3. —. 4. — Гегьенш, адет яз, яргъивал, кьакьанвал авай предметрихъ галаз алакъада жеда, фирягь — элкъвей форма авай (шалвар, блушка) предметрихъ галаз алакъада жеда. Генг, гегьенш гафунин вариант яз, дуьнья гафунихъ галаз алакъада жеда ва ам тIимил ишлемишзава. Шегьре рехъ гафунихъ галаз алакъада жеда.

Чаз цIийи рехъ хьана гегьенш Къекъвез эркин, Саратовкин. С. Сулейман Саратовкиназ жаваб. А чIавуз блушка дуьмдуьз ва фирягьни тир. Б. Гьажикъулиев. Къарид руш. Им инсаф жедани меген дар ийиз на дуьнья чаз генг. С. Сулейман. Гатун чимивал. Эвелан дар рекьер гьяркьуь хьанва. Р. Малар, мулкар!.. Асланар алай гегьенш вар авай. А. Саидов. Чинардин хел.

34. Герек «необходимый»

Лазим

Бакара

Са вуч ятIани тамам хьун патал чарасуз тир.

1. —.2. Герек гзафни-гзаф рахунрин стилда, лазим ктабдин стилра ишлемишда. 3. —. 4. —.

Камалэгьли дишегьлидин лишанар: Чир хьунухь я герек гьисаб — мизанар. Е. Эмин. Камаллу паб. Лазим затI я, мина зунжур къуба гъваш, Магьидин регъ, гьам рикIелай физ тахьуй. Е. Эмин. Къавумдиз. Са паб гъун важибгерек я бендедиз, Артух темягь тахьуй, мадни герек туш. Е. Эмин. Герек туш. Рукъият акI хъуьрена хьи, на лугьуди дугъриданни ахьтин бегьерар патал ина са затIни авун лазим туш. Гь. Межид. Гезентидин эхир.

35. Герой «герой»

Игит

Художественный эсерда автордин фикир кьилиз акъудун патал гьерекатдик квайди.

 

1. Герой ва игит автордин фикир кьилиз акъудунин карда еке, маналу роль къугъвазвай кас. 2. Герой ва игит гзаф вахтара са гаф кьведра тикрар тахьун патал ишлемишзава, 3. Терминвиле герой гзаф гьалтзава. 4. —.

Поэмада кьилин игитар Мегьамед ва Гуьлназ я. А. Агъаев. Лезгийрин литература 40 йисан девирда. Суьгьуьрдин махар гзаф дуьшуьшра инсанрик кичI кутадай шикилда ганва. Суьгьуьрдин махунин кьилин герой, адет яз, лежбердин хва, къаридин хва, пачагьдин хва, нехирбандин руш я. А. Агъаев. Лезгийрин ва Дагъустандин фольклор. «Риза» гьикаядин герой Ризадин тIвар умумиди хьанва. 3. Бирембеков. Алибек Фатахован уьмуьр ва яратмишунин рехъ. Дугъри я, произведенийриз пис школьникриз хъсанди къаншар авун, хуш къилихрин, баркаллу кIвалахрин гъвечIи игит чешне авун хас я... Герек авачир, эсердиз са патахъайни ранг ягъ тийизвай,. артухан персонажрални автор тамамвилелди акъваззава... Бязи герояр чпин умудрихъ са четиквални авачиз агакьзава. Ш. Юсуфов. Фаргьад буба рахазва.

36. Гзаф «много»

Пара

Хейлин

Санбар

Са тайин кьадардилай артух.

 

1. —. 2. Гзаф, хейлин вири стилра, пара, санбар рахунрин стилда ишлемишда. 3. —. 4. —.

Гзаф верчер алай къур хада. Фольклор., Гзаф чир хьайила, пара къуватлу жеда. Фольклор. Гзаф зурбаз ахъайна сив Ви къаст я чун тIуьн, чимивал. С. Сулейман. Гатун чимивал. Анал алай мад са бязи Халкьар хьана гзаф рази. X. Тагьир. Молла Иса. Гзаф кьадар гражданри ДАССР-дин здравоохраненидин министерстводиз агьалийриз медицинадин рекьяй къуллугъ авунин карда авай кимивилерикай, ДАССР-дин майишатдин министерстводиз колхозра ва совхозра зегьметдин гьакъи дуьздаказ тагузвайвилелай... наразивалзавай арзаяр ракъурзава. — «Коммунист», 1972, 29 февр. «Айгьамрин» мани хейлин вахтара хълагьнач, ам явашяваш инсанри чпи лугьуз башламишна. Къ. Межидов. Дагъларин къанунар. Хейлин вахтунда чун инал акъвазна. Н. Мирзоев. Цуькверин мани. Инлай вилик пара гьуьндуьр Гьакимар аскIан хьана хьи. С. Сулейман. Февраль инкъилаб. Чубанар пара хьайила, хиперик жанавур акатда. Фольклор. Дуланажагъ ада вичин Тухузвай пара четин. X. Тагьир. Молла Иса. Гьар ахмакьдиз вичин мискьал Путунлай санбар аквада. С. Сулейман. Бязи тарта.

37. ГичI (кичI) «боязнь»

Къурху

Никай ва я квекай ятIани жезвай секинсузвилин гьисс.

 

1. —. 2. —. 3. —. 4. Къурху гзаф ишлемишда.

 

Йифер квахьна, рагъ хъченачуьллериз, Квахьна къурху... И. Гьуьсейнов. Етим Эмин. Диде, хкваш рикIел на: Хар къурнай зи кьилел на, Фимир лугьуз, къурхуйринни туьгьметрин. Ш. Къафланов. Секин хьухь, дuдe. Яшамишрай вун, Папанин, ГичI авачир кьегьал я вун. Фольклор.

38. Гостиница «гостиница»

Мугьманхана

Маса патарихъай атай инсанар илифардай кIвалер авай дарамат.

1. —.2. Гостиница вири стилра, мугьманхана анжах ктабдин стилда ишлемишда. 3. Мугьманхана куьгьне жезва. 4. —.

 

Мартдин эхир, апрелдин сифте кьилер тир. Сулейман, къиздирмадикди Кремлдин больницада къатканваз, гостиницадиз хтанвай. А. Агъаев. СтIал Сулейман. Рахунрик кваз чун гостиницадиз хтана. 3. Эфендиев. Кек галкIизва. Гостиницад зав. хьайила кьулухъди, Кефияр нахуш я зи, Куьз лагьайтIа женнет хьтин безеклу Гостиница буш я зи. А. Саидов. Аваристандин цуьквер. Экуьнин ярарилай нянин яраралди зун адан кьилихъ жезвай. Йифизни са шумуд сеферда мугьманханадай аниз зенгерзавай. Къ. Акимов. Къацу цуьквер.

 

39. Государство «государство»

Гьукумат.

Пачагьлугъ

Тайин тир сергьятар ва вичин жемят идара ийидай, хсуси къайдаяр авай чка.

 

1. —. 2. Гьукумат вири стилра, государство публицистикада, пачагьлугъ виниз тир стилра ишлемишда. 3. Пачагьлугъ куьгьне жезва. 4. —.

 

Халкьдин шаир лагьай тIвар, СССР-дин лап чIехи орден тир Ленинан орден — ибур Совет властди, адан халкьдин гьукуматди халкьдин патай шаирдиз лап чIехи къимет эцигунин, гьакъикъатда ам халкьдин вичин шаир тирвилин лишан я. М. Гаджиев. Халкьдин шаир. Дагъустанда... гила партиядин везифа Советрин гьукуматдин органар мягькемаруникай, хуьруьн цIийи яшайиш туькIуьруникай ибарат тир. «Коммунист», 1981, 11 февр. И властдин сиясатдин, Тамам вири гьукуматдин ЦIийиз хьайи чи адетдин Жуван сувар мубарак хьуй. С. Сулейман. Милициядин цIерид йис. Чун дяведин терефкарар туш хьитуш! Чаз кIаниди ислягьвал я дуьньяда, Ислягьвилин къарар кутIун хуш я, хуш, Вири пачагьлугърин арада. X. Тагьир. Ислягьвал чи дамах я. Коммунизм туькIуьрзавай советрин халкьдин зегьметди, дуьньядин майданда КПСС-дин ва Советрин государстводин кIвалахди — вири ибуру общество вилик финин кардик лайихлу пай кутазва. КПСС-дин XXV съезддин материалар.

 

40. Группа «группа»

Десте

Сад хьтин интересар авай инсанрин кIватIал.

 

1. —.2. —. 3. —. 4. Групп а вири стилра, десте виниз тир стилра ишлемишда. 3. —. 4. —.

Къагьриманвилин группа Гьар са межлисда ава чаз. С. Сулейман. Манияр. «Зегьмет азад авун» тIвар алай группадин членарни адахъ галаз таниш тир. В. И. Ленин. Куьруь биографический очерк. — Им аку! Лугьузвай гафариз тамаш! Ам чпин зиянчи группадин юлдаш Гъарибан мукьув физвайди я. А. Фатахов. Газет. КIвалахдикай магьрум хьайи дестедик Абидни квай: фялейриз кIвалах акъвазардай ишара — сиристав гайиди лезги жегьил тир. Къ. Акимов. Асландин рикI авай инсан. Шайдабега, вич девлетлу хьуниз килигна, колхоздиз кулакар кьабулуниз рехъ гана, абурукай вичиз кьилдин дестеяр туькIуьрна ва вич колхоздин председателвиле хкягъиз туна. А. Фатахов. Газет.

41. Гуя «будто» 1, 2,

На лугьуди (налугьуди)

 

Фикирдин дуьзвилихъ эхирдал кьван инанмиш туширвал ва я масадан фикирдиз аксивал къалурзавай гаф.

 

1. —. 2. На лугьуди (налугьуди) вири стилра, гуя ктабдин стилда ишлемишда. 3. —. 4. —.

...Гьар гатфарихъ КIирийрин цавун аршда чими ракъини нур гузва, ана циферни яру бубуйрин кIунчIар хьиз аквада, налугьуди, а цифера куькIвена кузвайди ДидеВатандихъ Эсед Салигьован, кIириви жегьилдин, рикIе хьайи чIехи муьгьуьббатдин цIелхемар я. Р. Гьажиев. Шем хьтин уьмуьр. Гьейран яз, Азим акъвазнавай къерехда яд вилик жез, кьулухъ хъжезва, гуя им са ни ятIани эчIязавай аламатдин зурба кьеб я. А. Исмаилов. Къизил балугъ. Гуя диде чилин къуват Атана зи гъилериз, Гуя ракъин нурар вири ЧкIана зи вилериз. Ш. Къафланов. Къекъвезмач зун бахтунихъ. АлкIана хва буз балкIандин далудал, На лугьуди балкIан адан тике я. Б. Салимое. Бармакдикай баллада. Рехи Каспидихъ элкъвенвай дагъларин кьилерик живедин сирих ква, на лугьуди исятда Меккедай хтай... гьажияр я. Гь. Межид. Бахт ава, бахт...

 

42. Гуьзлемишун «ожидать» 1

Гуьзетун

Са кас атунал, са кар кьилиз акъатунал вил хьун.

 

1.—.2. Гуьзетун рахунра, гуьзлемишун вири стилра ишлемишда. 3. —. 4. —.

 

Юлдашри зун гуьзлемишзава, гьар са декьикьада гуьзетзава. Я. Мирзоев. Цуькверин ваза. Пакад юкъуз Абдулкъадир школадиз виридалай вилик атана. Ада Сеферали гуьзлемишзавай. И. Агьмедов. Сефералидин месэлаяр. Чир тахьайла, гъил алаз гъилел, диде, Хъфизва вун Пакадин югъ гуьзетиз. И. Гьуьсейнов. Диде, диде, зал ви салам... Са рагун кIане немсерин десант ава, и пуд кас гуьзетзава худ. А. Саидов. Дагъларин адетар.

43. Гуьзчивал «.контроль» 1.

Контроль

Герек тир къайда хуьн патал тухузвай ахтармишун.

1. —. 2. Гуьзчивал вири стилра, контроль анжах рахунра гьалтзава. 3. —. 4. —.

 

— Ада бес зал вичин калел гуьзчивал авунни кIевелай тапшурмишнай. Гь. Межид. Им къван — им терез. Райисполкомрин культурадин отделрин, профсоюздин ва комсомолдин комитетрин патайни абурун кIвалахдал гуьзчивал зайифарнавайди къейд тавуна жедач. «Коммунист», 1972, 19 февр. — Зал контроль тухуз вун вуч кас я? Р.

44. Гуьмбет «памятник» 1.

Памятник

Кьейи кас ва я са важиблу вакъиа рикIел хуьнин лишан яз мармардикай (цементдикай, кIарасдикай) раснавай шикил ва я ам кучуднавай сурун кьилик акалнавай къван.

 

1. —.2. Памятник вири стилра, гуьмбет виниз тир стилда ишлемишда. 3. —. 4. —.

 

СтIал Сулейманан памятникдин патав гвай скамейкадал ялгъуз са кас ацукьнавай. А. Раджабов. Салам, эллер! Игит кьейи рекьин хиве Туьхуьн тийир памятник яз Дидедин рикI эциграй. А. Саидов, Гъетерикай мани. Шекспиран гуьмбетдал за Къаратикен гъайитIа, Овод кьейи рекьин хиве Бомбадал цан цайитIа... Ягъурай са гуьлледи. А. Саидов. Гъетерикай мани.

44 а. Гуьрчег «красивый» 1.

Гуьзел

Гуьлуьшан

ЧIарам

ЧIагай

 

Вичин акунри инсан гьейранардай.

 

1. Гуьлуьшан гафуник «экуь», «рагъ аватнавай» мана ква. И гафуни гзафни-гзаф шейинин ери, лишан тайинарзава. 2. Гуьзел, гуьлуьшан поэзиядиз, тIарам, чIагай агъуз тир стилриз талукь я. 3. —. 4. Гуьлуьшан, адет яз, чка къалурзавай (ватан, багъ, уьлкве, хуьр), Нарам, чIагай руш, хала, свас гафарихъ галаз алакъада жеда.

 

Са арадилай рагъ экъечIна ва ада гуьзел яйлах ишигълаван авуна. Ф. Кьилиз акъуд тавур веси. Илимди чаз къалурзава Яшайишдин гуьзел рекьер. X. Тагьир. Шаирдин фикирар. Икьван гуьзел ширин майва, Мичуринан рекьиз зун къурбанд хьурай. X. Тагьир. Багълара. И гуьлуьшан уьлкведа Юсиф тIвар алай са чубан яшамиш жезвай. Гь. Межид. Гъалиб хьайи кфил. Гуьлуьшан я шегьердин багъ. Битмиш хьанва мулдин цуьквер. Ш.Э. Мурадов. Бадени бала шегьердин багъда.

 

45. ГуьтIуь «узкий» 1.

Дар

Дарискъал

ШуькIуь

Гьяркьуь тушир

 

1 — 2. —. 3. —. 4. ГуьтIуь, гьам элкъвей, гьамни экIя хьанвай форма авай затIарикай (турба, шалвар, рехъ, парча), дар, дарискъал, адет яз, яргъивилихъ ва гьяркьуьвилихъ экIя хьанвай форма авай затIарикай (кIам, рехъ) рахадайла, ишлемишда. Муькуь гафарив гекъигайла, дарискъал тIимил ишлемишда. ШуькIуь ганвай манада анжах рехъ, жигъир ва ихьтин маса гафарихъ галаз алакъада жезва.

 

Ирид ажал ирид гуьтIуь луьледай килигзава, Лезгистандин цавар хуьз. И. Гьуьсейнов. Хаин. Тухванава гьар чкадиз гуьтIуь, дар тир ракьун рекьер. А. Фатахов. Зарбачи Гьасан. ГуьтIуь, дар куьчейра инсанар, малкъара, верч-ничхир къекъвезвай. А. Фатахов. Лянет. Адал алай блушка куьруь ва акьван гуьтIуь тир хьи, адавай машиндай эвичIиз хьаначир. А. Магьмудов. Бязи «культурный» инсанрикай. Къвердавай гуьтIуь жез сад-садак акат хьай рельсер. А. Магьмудов. Постунал. Кьве тепедин арада, дарискъал кIама авай булахдай ширширдин хъуьтуьл ван алаз михьи яд авахьзавай. А. Агъаев. Умуд. КIамун а пад шимедин тик я, авай гуьтIуь рехъни са шумуд чкайрилай такьуна физ жедай гьалда амачир. А. Фатахов. Лянет.

 

46. ГъалатI «ошибка»

Ошибка

Севгьи

Фикирра, гьерекатра дуьз туширвал.

 

1. —. ГъалатI вири стилра, ошибка рахунра ва школьный термин яз гъалатI гафунихъ галаз сад хьиз ишлемишзава. 3. —. 4. —.

 

Ихрекар лезги чIалал рахадач къалурунни... гъалатI я. А. Агъаев. СтIал Сулейман. Ингье агатна зул лугьудай затI, Циферин шеле далудихъ галаз. Чирдай саяг







Дата добавления: 2015-09-04; просмотров: 751. Нарушение авторских прав; Мы поможем в написании вашей работы!



Обзор компонентов Multisim Компоненты – это основа любой схемы, это все элементы, из которых она состоит. Multisim оперирует с двумя категориями...

Композиция из абстрактных геометрических фигур Данная композиция состоит из линий, штриховки, абстрактных геометрических форм...

Важнейшие способы обработки и анализа рядов динамики Не во всех случаях эмпирические данные рядов динамики позволяют определить тенденцию изменения явления во времени...

ТЕОРЕТИЧЕСКАЯ МЕХАНИКА Статика является частью теоретической механики, изучающей условия, при ко­торых тело находится под действием заданной системы сил...

Роль органов чувств в ориентировке слепых Процесс ориентации протекает на основе совместной, интегративной деятельности сохранных анализаторов, каждый из которых при определенных объективных условиях может выступать как ведущий...

Лечебно-охранительный режим, его элементы и значение.   Терапевтическое воздействие на пациента подразумевает не только использование всех видов лечения, но и применение лечебно-охранительного режима – соблюдение условий поведения, способствующих выздоровлению...

Тема: Кинематика поступательного и вращательного движения. 1. Твердое тело начинает вращаться вокруг оси Z с угловой скоростью, проекция которой изменяется со временем 1. Твердое тело начинает вращаться вокруг оси Z с угловой скоростью...

Типовые ситуационные задачи. Задача 1. Больной К., 38 лет, шахтер по профессии, во время планового медицинского осмотра предъявил жалобы на появление одышки при значительной физической   Задача 1. Больной К., 38 лет, шахтер по профессии, во время планового медицинского осмотра предъявил жалобы на появление одышки при значительной физической нагрузке. Из медицинской книжки установлено, что он страдает врожденным пороком сердца....

Типовые ситуационные задачи. Задача 1.У больного А., 20 лет, с детства отмечается повышенное АД, уровень которого в настоящее время составляет 180-200/110-120 мм рт Задача 1.У больного А., 20 лет, с детства отмечается повышенное АД, уровень которого в настоящее время составляет 180-200/110-120 мм рт. ст. Влияние психоэмоциональных факторов отсутствует. Колебаний АД практически нет. Головной боли нет. Нормализовать...

Эндоскопическая диагностика язвенной болезни желудка, гастрита, опухоли Хронический гастрит - понятие клинико-анатомическое, характеризующееся определенными патоморфологическими изменениями слизистой оболочки желудка - неспецифическим воспалительным процессом...

Studopedia.info - Студопедия - 2014-2024 год . (0.013 сек.) русская версия | украинская версия