Кондак 4. Мы настолько уверены в качестве наших услуг, что хотим Вам предложить стрижку у нашего нового мастера Волковой Веры совершенно бесплатно.ПРИЯТНОЕ ЗНАКОМСТВО!!! Стрижка БЕСПЛАТНО
Мы настолько уверены в качестве наших услуг, что хотим Вам предложить стрижку у нашего нового мастера Волковой Веры совершенно бесплатно.
Никаких условий, никаких уловок- мы уверены, что Вы снова вернетесь к нам в центр.
Получите профессиональную стрижку бесплатно- просто позвоните нам сегодня 2-72-07
Только три дня!!! Успейте записаться на 29,30ноября и 1 декабря ЕПИСКОПУ ПРИЛУКСКОМУ (рекомендован к богослужебному употреблению Синодальной Литургической комиссией Украинской Православной Церкви) Кондак 1 Избра́нный от святи́телей Полта́вских, прему́дрый архиере́е Бо́жий Васи́лие! Раско́ла церко́вного искорени́тель и пра́вды побо́рник яви́лся еси́, да́же до сме́рти му́ченической И́стину Христо́ву пропове́дуя, поноше́ние нивочто́же вмени́л еси́, те́мже стяжа́вый Сла́вы вене́ц, похва́льная ны́не слы́шиши от все́х пе́сненное приноше́ние: Ра́дуйся, Полта́вская небоявле́нная звездо́, святи́телю Христо́в и му́чениче Васи́лие! Икос 1 А́нгелов собесе́дниче и Арха́нгелов сомоли́твениче, прему́дре Васи́лие, ны́не предстоя́ Престо́лу Бо́жию, непреста́нно моли́ Нача́льника жи́зни, Ему́же ве́рно послужи́л еси́ на земли́, ре́вностно, а́ки мече́м о́гненным, Сло́вом Ева́нгельским посека́я раско́лы и заблужде́ния челове́честии, да изба́вит от вся́кия диа́вольския пре́лести лю́ди Своя́, призыва́ющии тя хода́таем бы́ти и вопию́щия ти такова́я: Ра́дуйся, блиста́ние Боже́ственнаго све́та; ра́дуйся, сия́ние Небе́сныя благода́ти. Ра́дуйся, земли́ Ряза́нския прозябе́ние; Ра́дуйся, земли́ Полта́вския украше́ние. Ра́дуйся, архиере́ев Богому́дрых удобре́ние; ра́дуйся, жи́зни во Христе́ науче́ние. Ра́дуйся, поноше́ние нивочто́же вмени́вый; ра́дуйся, жи́знь за И́стину положи́вый. Ра́дуйся, Полта́вская небоявле́нная звездо́, святи́телю Христо́в и му́чениче Васи́лие! Кондак 2 Ви́дяще всеблаги́й Госпо́дь ре́вностное служе́ние во иере́ях роди́теля твоего́ Иоа́нна и ма́тернее благоче́стие, дарова́ тя ро́ду твоему́, пресла́вне Васи́лие, я́ко сосу́д избра́нный, благода́ти испо́лненный, да просла́виши Бо́га, подаю́щего ми́лость Свою́ на Него́ упова́ющим и взыва́ющим Ему́ из ро́да в ро́д: Аллилу́иа. Икос 2 Ра́зум Боже́ственный восприя́л еси́ измла́да, навыка́я в моли́твеннем предстоя́нии Бо́гови, во святы́х Свои́х прославля́емому, исти́нное жела́ние име́я подража́ти роди́телю твоему́, ре́вностно угото́вал еси́ себе́ к служе́нию па́стырскому. Мы же, дивя́щеся таково́му благоизволе́нию Бо́жию о тебе́, воспева́ем ти си́це: Ра́дуйся, благочести́вых роди́телей пресла́вное порожде́ние; ра́дуйся, пло́де благи́й богодухове́ннаго тех воспита́ния. Ра́дуйся, от ю́ности Христу́ служи́ти возжела́вый; ра́дуйся, нелицеме́рную по Бо́зе ре́вность показа́вый. Ра́дуйся, еще́ в младе́нчестве страх Госпо́день стяжа́вый; ра́дуйся, еще́ о́трок сы́й Це́рковь Бо́жию возлюби́вый. Ра́дуйся, ду́ши ве́рных просвеща́яй; ра́дуйся, сердца́ и́щущих пра́вды Бо́жией озаря́яй. Ра́дуйся, Полта́вская небоявле́нная звездо́, святи́телю Христо́в и му́чениче Васи́лие! Кондак 3 Си́лою Вы́шнего укрепля́ем быв, блаже́нне Васи́лие, в позна́нии Свяще́ннаго Писа́ния и уче́ний отце́в богому́дрых, в прему́дрости возраста́я и укрепля́яся, восприя́л еси́ благода́ть Пресвята́го Ду́ха, не престава́л воспева́ти Го́сподеви: Аллилу́иа. Икос 3 Иму́ще о́бразом благоче́стия и му́дрости Це́ркви Правосла́вныя наста́вников твои́х, о́тче Васи́лие, преуспева́л еси́ в подража́нии отце́м Ла́вры свята́го Се́ргия, в не́йже, я́ко учени́к преподо́бнаго пребыва́я, к про́поведи Ева́нгельской на́вык обре́л еси́, слы́шаще от всех такова́я: Ра́дуйся, к науче́нию Боже́ственных Писа́ний прилежа́вый; ра́дуйся, чрез сие́ благода́ть Свята́го Ду́ха стяжа́вый. Ра́дуйся, оте́ческих уста́вов исполни́телю смире́нный; ра́дуйся, во смире́нии твое́м Бо́гом превознесе́нный. Ра́дуйся, словеса́ му́дрости на скрижа́лех се́рдца твоего́ высека́вый; ра́дуйся, в благоче́стии и́нокам Ла́вры Се́ргиевой подража́вый. Ра́дуйся, красото́ Це́ркви изря́дная; ра́дуйся, утвержде́ние Правосла́вия кре́пкое. Ра́дуйся, Полта́вская небоявле́нная звездо́, святи́телю Христо́в и му́чениче Васи́лие! Кондак 4 Бу́ри жите́йския нивочто́же вмени́л еси́, пресла́вне Васи́лие, в послуша́нии Це́ркви Бо́жией пребыва́я, в зе́млю Сиби́рскую стопы́ своя́ напра́вив, учи́тельствуя во гра́де Красноя́рске, в прему́дрости млады́я наставля́л еси́, да подража́я ре́вности твое́й, Бо́гу пою́т: Аллилу́иа. Икос 4 Слы́шаша Христолюби́вый епи́скоп Ага́пит ре́вностное твое́ по Бо́зе служе́ние, призва́ тя на ни́ву про́поведи Ева́нгельской, во утвержде́ние в земли́ Екатериносла́встей свята́го Правосла́вия, да насы́тиши а́лчущих хле́ба духо́внаго. Те́мже, я́ко Сло́ва Бо́жия пропове́дника, велича́ем тя си́це: Ра́дуйся, благоутро́бия Христо́ва подража́телю; ра́дуйся, Свята́го Ева́нгелия возвести́телю. Ра́дуйся, Сло́ва Бо́жия богому́дрый истолкова́телю; ра́дуйся, и словесы́, и де́лы свои́ми благоче́стия учи́телю. Ра́дуйся, преда́ний оте́ческих ревни́телю; ра́дуйся, правове́рия насади́телю. Ра́дуйся, ве́рный ко спасе́нию путеводи́телю; ра́дуйся, заблу́ждших неуста́нный вразуми́телю.
|