Отс. А,Б из М2- Видение царю и его толкование

Отс. А,Б из М2- Видение царю и его толкование

2.Злокозненый же диявол // (л. 26 об.) вложи в сердце матери царевы злую зависть на царицу, невhску свою, зане зhло любляше ея царь за добродhтель и красоту ея. И бяше почитаема от царя и от прочих вельможь и боляръ. Мати же царева зhло ненавидяще ея и мысляше в умh, како бы ю погубити, и немало о томъ печашеся вельми.

3.По времени же благочестивая та царица разрhшися от бремени и роди два сына близнеца. Царь же о семъ бысть зhло радостенъ рождения ради чадъ своих. // (л. 27) И воставъ иде в церковь Божию с вельможи своими. И нача молебная совершати Господеви о благочестии и здравии своемъ и о здравии чадъ своихъ и благочестивhй царицh.

4а.Мати же царева по научению вражию обрhте время подобно злобh своей, да наведетъ на царицу пагубу.

4б.И призва от палаты царевы мужа нhкоего доброродна тhломъ и красна, рече ему с ласканиемъ: "Сотвори нынh повелhнное мною, и азъ воздамъ ти честь велию и сподоблю тя // (л. 27 об.) великому сану, токмо сохрани тайну и заповедь крhпце". Онъ же рече ей: "Что есть, госпоже царице, хотhние твое?" Она же рече ему: "Иди нынh ты в палату к царицы, идhже нынh почиваетъ, и возлежи с нею на одрh". Онъ же рече ей: "Не могу сего не токмо сотворити, но и помыслити на таковое злое дhло, и аще царь увhсть, всяко убити мя имать". Она же рече: "Не бойся, токмо послушай мене, и азъ избавлю тя от руки царевы и не сотворитъ ти никоего зла". Онъ же // (л. 28) весьма отрицашеся и не хотя сотворити таковаго зла дhла. Она же, лукавая ехиднаа, вельми нудящи его и прещаше смертию. "Аще не сотвориши, - рече, - тако, то многи муки наложу, и жития гонзеши". Онъ же по многомъ отрицании, убояся мукъ и прещения, абие склонися похотhнию ея.

4в.Она же отведе его в полату к царицh, предстоящимъ же девамъ повелh отступити и заповhда не глаголати о семъ, прещаше муками. И абие откры занавhсъ в опочивалнh, гдh царица послh // (л. 28 об.) утомления при рождении младенецъ спаше крhпко, нh вhдый ничто же. Мати же царева повелh ему возлещи к царицы на одръ без гашъ.

5.И абие лукавая та змия скоро потече из полаты и иде в церковь, и возгласи необычно к царю, сыну своему, рече: "Что ты, сыну мой благочестивый царю, радуешися и веселишися вотще о рождении чадъ своихъ и молебная совершаеши, не вhси ли, что лукавая и льстивая прелюбодhица царица творитъ: возлежитъ бо с рабомъ // (л. 29) на одрh и прелюбодhйствуетъ, якоже обычай творити преже, а оныя младенцы не твоего зачатия, но от инаго любодhица ея, иже на одрh почиваетъ с нею, тебh ругаются. Ты же, яко простоуменъ сый, не вhдый лукавства ея, иже по вся дни тебh льститъ, мня ей вhрну сущу, матерь же мене свою презираеши. И аще хощеши вправду глаголы моя увhдати, иди скоро в ложницу и виждь лукавыя твоея жены дhло, како ругается державh твоей" Царь же, слышав // (л. 29 об.) сия словеса от матере своея, в недоумhнии бывъ и не дождався концаб молебнаго пhния, и скоро поиде из церкви и з ближными своими.

6.И прииде внезапу к своей царицы в палату, и видh у нея раба своего ближняго, лежаща без гашъ. И наполнився ярости, и удари его мечем в сердце, и пронзе; рабъ же вельми возревh и умре. Царица же ничто же вhдяше, спаше, и абие вскочи во ужасh велицh. И аще возможно бы было в землю скрытися от страха того! И повелh царь еи // (л. 30) воврещи в темницу и с чади ея. И многое время пребывши ей в темницы, блюдома твердо и питаема нужною пищею.

7.1 Царь же от полатъ изыде, во мнозhй печали и стразh бывъ, и размышляше в себh, чесо ради сотвори таковое зло дhло и изменение царица к нему.

7.2.И по мнозh размышлении повелh призвати нhкоторыя от боляръ своих и рече к нимъ: "Что подобаетъ сотворити мнh с царицею, яко такову срамоту наведе державh моей?". Они же ничтоже // (л. 30 об.) смhяху рещи какова-либо зла, вhдуще ея добронравие, но точию рhша ко царю: "Сердце бо твое в руцh Божии есть, яко же бо той изволитъ, тако и будетъ".

8.1.По прехождении же нhкоего времени повелh царь изыти внh града на нhкое пространное мhсто и тамо повhлh поставити престолъ царю же и властемъ сhдалища. И повелh созвати вся вельможи и жители града того, а самъ изыде воуруженъ. И царь сhде на уготованнhмъ престолh. Тако же и властем повелh // (л. 31) сhсти, и бывшу молчанию.

8.2 И возгласи царь всему собранию народному и рече: "Се нынh судите мене с царицею моею, ибо велие зло сотвори, и рците, что подобаетъ сотворити". Власти же и вельможи и вси предстоящии единогласно рекоща: "Божия воля да будетъ и твоя, о царю, яко же вhси и хощеши. Мы же како можемъ, раби, судити господий своихъ».

8.3.Тогда царь повелh ту уготовати огнь велий. И приведоша и царицу ис темницы и с чады ея.