ОР- 9.4. Сомнения царицы в Божьем покровительстве

9.5.И тако царицh пребывающу якоже и первие и собирающу былие. И абие узрh на // (л. 35 об.) на нhкоемъ мhстh вертеп и на устьи вертепа львицу ону лежащу и своима сосцами питающу отроча. И яко узрh се царица чюдесное видhние и не мняше, яко не ея отроча есть, но той самый. И потече скоро с радостию в ту страну, идhже львица.

И яко прииде близъ ея, отложи боязнь и начат глаголати: “О звhрю, отдаждь ми отроча мое, ибо тебh в чужемъ дитищед нhсть никоея же пользы, отдай же ми е яко да поне мало утhшуся от слезъ”

Львица же яко вhдяше царицу весьма // (л. 36) утрудившуся и со единhм отрочатемъ и яко хотя ей мало соболhзновати в пропитании отрочати. И абие скоро воста и отиде оттуду, взем же и отроча оно на плечу.

9.6.Царица же яко узрh сие, весьма удивися и оттолh не бояшеся за отроча, яко снhсти звhрю дhтище ея, но приимъ во умh яко львица сия Богомъ послана есть на прекормление отрочате. И тако возвратися на первое мhсто к другому отрочати. И поживе еще немалое время в пустыни // (л. 36 об.) дондеже сущий с нею отроча возрасте.

9.7. Единою же ходящи царицh со отрочатемъ по пустыни и обрhте стезю малу, мняше на ину страну, идhже обыче собирати былия. Идущу же ей по стези оной и абие узрh градъ нhкий многолюденъ и великъ. И прослави Бога и пречистую Богородицу, обаче же имhяше велико сумнhние, - еже бы како да не познана будетъ и возвhстятъ о нихъ цареви и впадетъ в бhду. Обаче воз ложи упование на Бога и тако вниде во град // (л. 37) нощию.

10.1. И прииде к нhкоей вдовh убогой и испроси себh мало нhкое покоище и водворися ту. И начатъ питатися рукодhлиемъ, бh бо хитро умhяше творити драгия ковры и утвари на украшение женамъ.

Вдовица же вопрошаше царицу: “Откуду ты, любезная незнакомка, ко мнh прииде и коего городу или страны и коих родителей дщи?” Она же “странну нhкоему граду и нhзнаему, -рече,-моему отечеству, и вдана бысть за единаго от великих, и ходящу ми по воли его. // (л.37 об.) Но врагъ смути жизнь нашу по зависти и мене остави в пустыни заблудитися., но Богъ милостивый не изволи безвременно умрети”. Сия и ина многая изрече, но имя сопруга и отечество не сказа. Но точию вопроси вдовицу ону: “А здh кий царь во градh семъ?” Вдовица же рече: “Онъ сица царь есмь и онъ сица бысть, ему сопруга царица честна и благочестива, но по зависти матери царевы погублена бысть с двума отрочаты. Царь же и до нынh плачется ея ради и отрочатъ // (л. 38) своихъ. Царица же се слышавши, удивися, яко предсказания пречистhй Богородицы збываются, ибо позна, яко сей царь сопругъ есть, но обаче ничтоже до времени не глагола, уповая, яко Господь, имиже вhсть судбами, совокупитъ паки.

10.2. И тако царицh живущи у вдовицh оной во всякомъ цhломудрии и чистотh, дондеже возмужа сынъ ея

10.3. и бысть воинъ храбръ зhло, яко мужество и храбрость его явлена бысть всему граду и вси дивляхуся глаголахуе, яко сей будетъ // (л. 38 об.) на враговъ ратоборецъ, еже и бысть.

11.1. В то же время воеваху иноплеменницы на градъ той, идhже царица пребываше.

11.2.И царь бусормановъ проша ратоборца, еже бы кто возмогъ единъ братися с нимъ. Бh бо царь той великъ тhломъ и храбръ вельми. И войска с нимъ многое множество. Егда же услыша царь благочестивый се, зhло оскорбися и созва на совhтъ к себh в палату князей и боляръ и вся властели града.

И вопроси ихъ, глаголя: “О, властели // (л. 39) мои, князи же и боляре и вси военачальницы! Се наидоша на ны бусормане, просяще поединьщика, претяще множеством войскъ своихъ, гордящеся восхитити градъ сей. Мы же маломощни суще, не имами, како братися с ними, ибо единоборца не имамы, ни войска многа. Да что хощемъ сотворити, повhдите ми”. Вельможи же и властели рhша: “Прежде подобаетъ ти, о царю, испросити помощи и совhту от вышняго престола, аще Богъ и пречистая Богородица ти // (л. 39 об.) поможетъ, всяко укажетъ и помощь свою”.

Г.1.Тогда царь прииде в чювство и воспомяну, еже содhя на царицh своей сопрузh неправду, и “аще бы, - рече, - чрезъ 20 лhтъ были обои чада воспитаны при моемъ царствии, азъ не имhлъ бы опасения от враговъ”.

Г.2.И абие поиде в церковь и начатъ молитися со слезами пред образом пречистыя Богородицы, сице глаголя: “О госпоже пречистая мати Бога нашего, пресвятая Марие владычице и заступнице, умилосердися о градh семъ и прости ми, яже содhяхъ злая”. // (л. 40) И ина многая изрече царь со многим умилением. Богъ же точию услыша раскаяние царево, абие скоро посла ему свою помощь. Царю же молящуся в церкви и сномъ одержим бысть, и абие зритъ жену нhкую пришедшу, ризами свhтлыми блещащуся. И рече к царю: “Скоро пошли избранныхъ своихъ витязhй во онуж часть града и обрящеши у вдовы оной живущи странну нhкую жену с сыномъ ея. И взявши сына с материю, учени наслhдникомъ своему царствию, онъ бо свободитъ // (л. 40 об.) не точию градъ сей от нашествия враговъ, но и тебh от долговременной скорби избавитъ”.

Г.3. Царь же воспряну от сна, зhло бысть радостенъ, и абие посла избранных витязей на колесницахъ прекрасныхъ в ту часть города, и обрhтоша юношу прекрасна и возрастом велика и мужествена с материю. И вопрсиша имени и звания или коего града. Онъ же странна себh именова и незнаема. Они же сказаша ему волю цареву, яко царь усыновити хощетъ.

Г.4. Юноша же и мати его, сия слышаша, к посланнымъ // (л. 41) рhша: “Воля Господня да будетъ”, И абие приидоша к царю.

Г.5.Царь же далече учени срhтение имъ с боляры своими. И сотвори имъ честь велию и яко свою сопружницу и сына почти ихъ и учени наслhдника царствию своему. Юноша же онъ не вhдый, яко царь оный отецъ есть, но царица истинно позна, яко бывый доселh сопругъ есть, но не яви до времени. Царь же не позна. - Како бо можно познати увядши мало лица от скорби и долговременнаго странствия, но точию почитая ю по ука//занию (л. 41 об.) и откровению Божию, хотящих избавити градъ от супостатъ, а о царицh своей и в мысли не держаше, яко жива есть.

Г.5.По учинении же почести и усыновления нача царь юношу онаго молити, еже бы ему облещися в воинскую одежду и вооружитися оружиемъ и с помощию Бога изыти противо враговъ, дая ему и войска в отмщение, елико требуетъ.

Г.6.Юноша же онъ и наслhдник царевъ, яко услыша моление царево, абие скоро повелh собрати войска 3000, а 300 избранных витязhй // (л. 42) и от тhхъ избра точию 15 мужей. Прочимъ же повелh стрещи градъ. Самъ же с 5-ю мужи иде пhшъ, а 10-ю повелh привести избранных конhй во всей воинской збруе и доспhхахъ. И пока еще не сhде на конь, иде в церковь и довольно помолися и прият благословение от епископа. И тако всhдъ на коня и, яко стрhла от очию пятию мужей скрыся. И срhте бусорманъ недалече от града. Царь же и вельможи и вси военачальницы не успhша разсмотрhти выезда его. // (л. 42 об.)

ОР -

11.3 Намерение сына царицы сразиться с врагом. запрет матери. Напоминание сына о Божьем промысле.