Стоимость проката и аренды ростовых кукол 5 страница

О ОСВЯЩЕНИИ ЦЕРКВИ.
И О ТОМ СОБОРНОЙ ОТВЕТ
ПО СВЯЩЕННЫМ ПРАВИЛОМ. ГЛАВА 44

О еже о освящении церкви и о великом освященном мире и о священных антимисех. Ничтоже по священным правилом епископом или презвитером за освящение истязати ниже на мнозей цене сребра продавати, освященная бо никогда же продаваются, но туне приемлема и туне подаваема разве проторов церковных, но и того от них не истязати. Но иже создатели храма от благочестивых царей и от благоверных князей и бояр и вельмож и ото всех православных хрестьян по своей им к богу вере и желанию сердечному ко святому храму егоже во имя владыки Христа и пречистые Богородицы или во имя которого от небесных сил или от которых от святых созиждут храм, и приносимая от них по их силе и вере за великое миро и за освященные антимисы радостно и со благодарением епископы и протопопы и священники приемлют, а не истязуют селико или толико нам сребра взяти, cue бо божественными правилы вконец отречено бысть. Якоже глаголет правило святаго собора 23: "О еже ниединому ниже епископу, ниже презвитеру, ниже дьякону дающи пресвятое комкание от причащающагося истязати ради таковаго комкания или пенязей⁴⁰⁹ или иное что таковое, не продаема бо есть благодать, ниже пенязми освящения духа причащаем недостойных дара, нековарственно достоит причащати. Аще же явится некий от причащаемых в клирос, прося от причащающагося пречистого комкания каковыя нибудь вещи, да извержется, яко ревнитель заблужения и коварства Симонова". Толк. Сии обычай древле бысть некогда, и неподобен есть того ради, и возбраненно бысть святыми отцы собора сего. Аще кто от хотящаго креститися истязует его, глаголя: "Не имам тебя крестити", во иноческий же чин хотящу ему пострищися возглаголет: "Не имам тебе пострищи во иноческий чин"; такоже и хотящему причащатися божественных таинств возглаголет: "Не имам тебе причастити святых божественных таинств, аще не даси ми толико сего и сего, якоже ценою мя продавати и куповати", месть се несть - непродаема бо есть святаго Духа благодать и немерима ценою продаяния и купования, да покажется таковый не творити тако, аще ли не послушает отметается. Хотящий же крещатися или во иноческий чин пострищися или божественных таинств причащатися сами дают презвитерам и дьяконом и прочим причетником, елико кто по своей силе: богатый по своему богатству и паче же по вере и по любви ко Христу богу, такоже и убогий и нищий, а не по истязанию и по преданию⁴¹⁰, - вcи, бо дают и богатии и убозии и нищия своего ради спасения, священнии же и пищу и прочая потребы от сих себе имеют, якоже и земледелате-ли от плода вкушают труда своего и якоже воини воинствующей оброки своими довлеются, якоже рече апостол: "Кто воинствует оброки своими коли" и прочее. Колику же беду имать священник, егда еговым небрежением изыдет, oт жития сего лишен таковыя спасительныя благодати⁴¹¹. Аще дц восхощет священник сребра или злата или иныя какия веши от таковых якоже куповати и продаяти, и изыдет кто от жития сего некрещен или вторым крещением во иноческий чин непострижен или божественных таинств не сподоблен о сем что изглаголати, и того ради ссужается той извержением. О том же правило 19 святаго вселенского седмаго собора и правило 73 святых апостол. "Сосуд злат или сребрен обещен⁴¹² быв или поняву или брачину к тому никтоже на свою потребу да не освоит, беззаконно бо се. Аще ли кто обличен будет се творя, третьягонадесят отлучения да приимет запрещение". Толк. Богови отлученных не подобает осквертити"⁴¹³, освященна бо суть. Аще сосуд есть или ино что, аще завеса или постав злат или поволока, аще масло будет или воск принесением бо их в божию церковь освящаются таковая, не подобает бо ни воску, ни масла взяти от церкви ни иного ничего никакого сосуда, ни завесы, ни постава, ни поволоки, ни ризы, ни платка, - вся бо та богови возложена суть, и не достоит их на свою потребу взимати, того бо ради и отлучению повинни суть, ибо Ахар украде, иже еще не принесена бяху ни освящена богу, не токмо обещана, и обаче прият месть со всем родом камением побьем бысть.

О ОСВЯЩЕНИИ ЦЕРКВИ. ГЛАВА 45

Также и от освящения храма епископы и протопопы и презвитеры ничтоже истязуют, ниже от освященных того святаго храма из церкви износят, но иже действовавше в них вся освященная во церкви оставляются, якоже и во крещении младенец синдон сиреч плат бел обема концы связуется, и на шею священник приимнику, сиречь куму, возлагает. И потом никогдаже из церкви износится. Коль же паче зде освященная вся даже и до самого столца на нем же освященная лежаше никогдаже из церкви износится. И того ради за освящение храма по тем же священным правилом ничтоже истязуют, но чем их сами боголюбцы почтят, то им со благодарением приимати. Аще ли за убожеством или за нищетою не почтут, но токмо приносимое от боголюбец на молебен и на обедню того дни принесенная от сребра две части освященной церкви оставляют, а третью часть за освя ение приемлют, а более того ничтоже не истязуют по священным правилом апостольским и отеческим, якоже пищет, аще который епископ или презвитер освященная продаст или отдаст, или освоит, или от крещения У кого, или от покаяния, или от причастия воспросит или который игумен от чернечества воспросит селико или толико злата и сребра, ecu таковии да извергнутся по священным правилом; или коя игумения от пострижения потомуже истяет, а не бога ради постризают ниже по силе от них приемлют, таковых повелевают игуменей священная правила из монастырей изводити и в другий монастырь под начало посылати, да и прочий накажаются таковая не творити. Также от преставлыиихся и от погребания или от места, где его погрести ничтоже истязуют ниже ценою место продавати в церкви или близь церкви, но иже вдадут боголюбцы на память своим душам, таковая от сих со благодарением приимати. Инаяже от них ничтоже истязати по священным правилом, якоже и преди рехом.

ОТВЕТ О ВЕНЕЧНОЙ ПОШЛИНЕ. ГЛАВА 46

А о венечной пошлине и о знаменных грамотах, что многие денги емлют в митрополии и во архиепископъях и в епископьях и во всей русской земли с первого браку и со второго и с трехженцев в божественном писании и в священных правилех ниже в царских законех поколику имати или не имати, о том не обретохом, то токмо в писании глаголет, земский обычай - неписанный закон, якоже благочестивый цари и князи внeшнuмu законы⁴¹⁴ по бозе разсудив уставляют, да держится нетвердо ничтоже претворяюще; якоже по многим градом и местом от благочестивых царей росийских обретохом⁴¹⁵ деда твоего, великаго князя Ивана Васильевича, и великого князя Василья Ивановича, отца твоего, в великом Новегороде и во Пскове и по иным градом даже и доднесь царския их грамоты. И указ о том в них писан: "С первого браку алтын, а со второго два алтына, а с треженца четыре алтына". И о том якоже аще угодно и по бозе будет тебе боговенчанному царю, и сия разсудив да устави по всему своему царству всем равно, якоже хощет царская твоя власть. Но мы токмо от писания обретохом, что та венчанная пошлина искони церковная ведется⁴¹⁶, потому и сицевыя ради вины, чтобы священники, обыскав, венчали и молитву говорили о том, чтобы ни в кумовстве, ни в сватовстве, ни в роду, ни в племени не поималися. Также и священная правила повелевают о том епископом и прозвитером испытовати и обыскивати зелне, чтобы не в кровосмешестве, ни в кумовстве, ни в сватовстве не поималися. Аще которыя в родстве или в кумовстве или сватовстве поимутся, таковых по священным правилом епископом разводили повелевают и под епитемъями их устраяют на уреченные лета. А который священник таковых венчал, ведая, или молитву говорил, токовый да извержется. Или не ведая, да не обыскав венчал или молитву говорил, таковый прозвитер по священным правилом дап отлучится, якоже святитель весть по священным правилом⁴¹⁷. И того ради православному царю о том подобает указ учинити по преже уложенному уставу росийских царей: "С первого браку алтын, а со второго два алтына, а с трехженцев четыре алтына"; а о болярех и о князех, и о гостех, и о диякех, якоже царская его власть производит и повелит, чтобы им имати своя пошлина по старине в царствующем граде Москве, кто чем их почтит.

СОБОРНОЙ ОТВЕТ О АНТИМИСЕХ
И О СВЯЩЕН И И ЦЕРКВИ. ГЛАВА 47

За антимисы и за освящение церкви имати протопопом по всем градом и по всей земли и соборным священником и дияконом в царствующем граде Москве⁴¹⁸ от большие церкви по полуполтине на молебен, а от теплых церквей и от придельных храмов имати им за антимис и за освящение и на молебен по пяти алтын, а более того им не имати ниже что ино от них истязовати. А где поедет сам протопоп свящати или соборного священника и диакона пошлет, и что бог пошлет от христолюбцов в навечерии и на освящении того дни от всякого приношения, и две части оставляют освященной церкви, а третью часть того приношения себе на собор емлют за молебны и за освящение храма. А сам протопоп не поедет или соборного священника и деякона не пошлет, и им за освящение храма не просити и не истязати ничтоже, токмо от большие церкви за антимис и за освящение полполтины возмут на молебен, а боле того ничтоже не истязовати, якоже и преди рехом. А что преже сего протопопы и священники и дьяконы от священных храмов скатерти и убрусы и утиральники и прочая освященная, в них действуют на освящении святаго храма, на свою потребу износили кроме священных правил, и отныне и впредь протопопом и прочим священником и дияконом тех скатертей и убрусов и утиральников и прочих освященных вещей даже до самого столца, на немже вся святая собранная лежала. По 73 правилу святых апостол ничтоже из церкви да износится. Тогоже правила толкование. Богови отлученных не подобает оскверняти, священа бо суть. Аще сосуд есть или ино что, аще завеса или постав злат или поволока, аще масло будет или воск - принесением бо их в божию церковь освящаются таковая, не подобает бо ни воску ни масла взяти ни иного какова сосуда, ни завесы, ни постава, ни паволоки, ни ризы, ни плата, вся бо та богови возложена суть и не достоит их на свою потребу взимати. Того бо ради и отлучению повинни таковии суть, а вы бы по тем священным апостольским правилом ничтоже от священных из церкви не износили, но вся таковая во святей божий церкви пребывает на освященную потребу неисходно.

СОБОРНОЙ ЖЕ ОТВЕТ
О ВЕНЕЧНОЙ ПОШЛИНЕ. ГЛАВА 48

Во царствующем граде Москве и по всем градом росийскаго царствия по прежеуложенным грамотам благочестивых царей и великого князя Ивана Васильевича всей Русии и сына его великого князя Василья Ивановича всея Русии с первого брака - алтын, а со второго брака -- два алтына, а с трехъженцов - по четыре алтына. А благочестивому царю по всему своему царству всем равно указ учинити по томуже по прежеуложенному преданию прежних царей и деда своего и отца своего.

О ЧЕСТНЫХ СВЯТЫХ МОНАСТЫРЕХ
И О ТОМ СОБОРНОЙ ОТВЕТ
ПО СВЯЩЕННЫМ ПРАВИЛОМ. ГЛАВА 49

О еже о святых и честных монастырех о общих и особь сущих ведати и бречи церковного чина и монастырского строения духовным настоятелем и пастырем, и архимаритом, и игуменом и строителем с соборными старцы о всем по божественному уставу и священным правилом святых апостол и святых отеи и по преданию святых начальников в коемждо монастыре ничтоже претворяюще о всем по монастырскому чину. Якоже иставиша и предаша святии отцы церковныя чины и монастырское строение по божественному уставу и по священным правилом, такоже им духовным пастырем о всем о том с божиею помощию пещися и блюсти и хранити крепко, елика их сила. Наипаче же подвизатися им о своих духовных детех и о всем о Христе братстве и о всех служащих во святых обителех тех, коемуждо духовному пастырю по Господни заповеди. Пастырь добрый душу свою полагает за овца; и паки рече: "Болыии тоя любви никто же иматъ, аще кто душу свою положит по брате своем". И сего ради духовным пастырем велие попечение и доброе потщение имети о своем⁴¹⁹ чистом⁴²⁰ пребывании и о своих единородных и безсмертных душах ответ дати во второе пришествие Господа нашего Исуса Христа. Такоже бы по всем монастырем священницы и дияконы, и соборные старцы и все, коеждо честныя обители настоятелей духовных архимаритов и игуменов и строителей честных имели и чтили бы их и слушали и повиновалися во всем о бозе, яко присному своему отцу и учителю без всякого прекословия по божественному апостолу.⁴²¹ Братие, повинуйтесь наставником вашим и покоряйтесь, тии бо бдят о душах ваших, яко слово воздати хотяще, да с радостию cиe творят, а не воздыхающе. Такожде им духовным пастырем блюсти себе и всех о Христе братство от всякого зазора неподобного, наипачеже от пьянственнаго пития воздержатися. И во пьянство бы не упивалися, и горячего вина по монастырем не курити и не пити, и хмельного пития пив и медов не держати им. И пити квасы житные и медвяные, всякие кождо по своим обиходом, а от вин от фрянзских не возбраняются: нигде бо несть писано, что не пити вина, но токмо писано, не пити вина в пьянство. А еще где брящут фрязские вина, то в славу божию испиваю, а не в пиянство. Такоже и по особным монастырем и по девичим монастырем общим и особь сущим пьянственнаго хмельного пития не держати, а держати им квасы всякие по своим обиходом. А по кельям бы архимариты и игумены и строители и соборные старцы и вся братия молодых ребят голоусов однолично не держали. А которому старцу невозможно будет без служащего быти немощи ради или старости, и архимариты и игумены бы посылали к тем старцом братию на службу единого или два или человека мирского в совершенном возрасту, имущего браду, а голоусых бы робят отнюдь в монастырех по кельям не держали и в кельи бы приходити к себе не велели. Такоже архимариты и игумены, и строители, и соборные старцы ели бы в трапезе с братиею вкупе, а по кельям бы не ели, разве немощи и старости; а пища бы архимаритом и игуменом, и строителем, и соборным старцом с братиею обща была, и иных бы брашен на архимаритов и на игуменов, и на строителев, и на старцов соборных особных не было, развее немощи, а пища бы была в трапезе всем равна. А. которая братия в старости и в немощи и они бы тех покоили по кельям. Глаголет бо святый Исаак⁴²²: небрегий болящаго не узрит света. А гостей бы архимариты и игумены, и строители, по своим кельям не кормили, а кормили бы в трапезе или в келарской. А посулу бы на слугах и на всех крестиянех не имали, а жаловали бы слуг и крестиян берегли бы безпосульно. А чернцом бы по городом и по селом и по деревням из монастыря исходити не велели, разве великих нужных монастырских дел или своих ради нужных дел по благословению архимаричю или игуменскому. А чернцов бы в посольские не посылали, а жили бы все в монастыре по своему иноческому обету и молили бы господа бога по предиреченной⁴²³ заповеди. А по которым монастырем доднесь горячие вина курили и по кельям держали, и по тем бы монастырям впредь отныне и в прочие лета однолично вин не курили и хмельного пития не держали и в пьянство не упивалися, занеже в пьянство питие не токмо священническому и иноческому чину отречено бысть, но и простым самом Христом, якоже рече во святом евангелии: "Да не отягчают сердца ваша объядением и пьянством и печальми житейскими". Такоже и божественный его апостол Павел отрече: "Не упивайтеся вином, в немже несть спасения, но паче блуд". И паки рече: "Пьяницы и блудницы царства небесного не наследят". Потом же великий Симеон Дивногорец славный чюдотворец отрече: "Похвала мнихом не пити вина"; и в Старчестве речено бысть: "Аще мних ecu, то бегай от вина, аки от змия". Такоже и великому святому Василию кесарийскому явися пречистая Богородица во сне, глаголя: "Аще хощеши, друг мой, быти и во всем помощницу мя имети, то отрцыся вина и пьянственнаго пития". Он же, возбнув, дивися заповеди пречистыя Богородица и до кончины живота своего заповедь пречистыя Богородица соблюде не пияше вина. И сия сам Христос отрече и пречистая Богородица, и божествении апостоли и святии его пиянственное питие не токмо простым, но и святым его; коль же паче нам, слабым суще, в нынешнем последнем роду от таковых удалятися и бегати, аки от змия, от упивания в пьянство. Такоже и архимаритом и игуменом и строителем отныне и впредь властей не докупатися и по мзде не ставитися, и детей и племянников у себя в монастыре и по кельям не держати, и по селом племянников и детей не посылати, и старых слуг и вкладчиков из монастыря не изводити, а новых слуг в монастырь приимати, и жаловали вкладчиков и старых слуг и новых с соборными старцы по совету, а жонкам и девкам по кельям не ходити, и в кельи их не пускати. А у которых попов или у дьяконов или у чернцов увидят или вымут жонку или девку в келие, и тем попом и дияконом изверженым быти от священства по священным правилом, а простым чернцом отлученным быти от всякия святыни по тем же священным правилом. А робятам молодым по келиям не жити, и по селам со архимариты и игумены и с старцы не ездити. А архимаритом и игуменом и строителем в объезд не ездити, а чернцов в посольских не посылати. А посылати по селом и в посольские слуг добрых. А буду каковы дела монастырские земские: или хлеба монастырского дозрети, или управы для християнские, - и архимаритом и игуменом и строителем посылати старцов добрых на время, а не в посельские; а в посольские однолично чернцов не посылати. А нечто будут каковы великие дела нужные земские или управы для крестьянские, ея же не возмогут старцы управити, и духовным пастырем архимаритом и игуменом и строителем по священным правилом таких ради дел единощи в год или дващи не возбраняется самем дозирати и управляти, но паки вскоре в монастырь да возвращаются. А в объезды по селом никогда же не ездят и пиров и даров крестияном творити на себя не повелевают. А которые архимариты и игумены и строителивласти докупятся, а святители ведаючи да их по мзде поставят, и по священным правилом тот святитель и с тем архимаритом или с игуменом или с строителем оба извержени будут. А которые архимариты и игумены и строители тайно власти докупятся да о том от святителя утаят, и по наставлении обличени будут, что власти докупалися, и святителем тех по священным правилом и по поставлению изврещи и в заточение послати в великие монастыри, и давати их добрым старцом под начало дондеже исправятся. Да и прочий страх приимут на таковая не дерзати. А монастыри и казну монастырскую и всякие обиходы монастырские царя и великого князя дворецким по всем монастырем ведати и посылати считали и отписывати и отдавати по книгам архимаритом и игуменом и строителем с соборными старцы в коемждо монастыре с теми своими соборными старцы о всем о том бречи Бога ради заедино елика их сила, чтобы церковной чин и монастырское строение шло все по чину и по преданию монастырскому по божественному уставу и по священным правилом, ничтоже претворяюще. О том же от царского написания⁴²⁴. Что робят молодых по келиям не держати. Такоже и жонкам и девкам по келиям не ходити никоторыми делы кроме церковного моления с верою прибегающим по обещанию с мужем или с братом или с сыном ломолитися и потом из церкви за монастырь исходят. А служебники бы были во всяких службах старцы, а слуги бы монастырские были женаты, а иные как производят сверстные, аще хранят чистоту телесную, а жили бы поодаль монастыря. А чернцы бы к ним из монастыря в домы не приходили никоторые ради потребы, а жонки бы и молодые отроки и девки отнюдь никакоже никоторыми делы в монастырь не входили ни с ким послужением, а входили бы слуги сверстные и женатые бо время о всяких потребах и о всяких монастырских службах, о им повелят и куды их пошлют, и они потому творят. А архимариты бы и игумены ни в котором монастыре без соборных старцов и без келаря и без казначея ничем не властвовалися⁴²⁵. Такоже бы и соборные старцы и келари и казначеи без архимаритов и без игуменов ничтоже не творили. А в трапезе бы по вся дни вкупе сшедшися ели, а брашно бы и питие всем равно, а лучатся гости ино в трапезе же стол предпоставляти, а в келарской по великой нужи заезжаго ради великого человека князя или болярина почтили, или какова от вельмож. А братства держати по обиходу как возможно чину монастырскому строитися, а по городом бы и по селом архимариты и игумены и⁴²⁶ старцы ни о чем бы ни скиталися без царского веления и без святительского, кроме великия нужи или праздничного ради приезда с священными водами. А о нужных⁴²⁷ делех пишут с слугами к святителю, и святитель к нам доносит, и аз повелеваю cue вскоре управляти. А о иных потребах и о управах слуги приходят, кому те монастыри приказаны будут, и аз потому же велю управляти. А старцы бы жили все в монастырех по монастырскому чину о всем по преданию святых отец и по правильному завещанию и по нашему наказу и по соборному уложению, все бы было обще вкупе, якоже предаша и заповедаша святии отцы. Да не побежает страсть сребролюбия и сластолюбия и стяжания никоегожде, и упражнялися бы вкупе все на славословие божие и на всякое соборное согласие и на порученныя службы. И видя их господь добрая дела и о бозе попечение и о спасении душа своея, и тех ради святых молитв и добродетельного ради по бозе жития, подаст и нам богатую свою милость, и вложит Господь страх в душа наша и направит нас на путь мирен; аще убо cue презрено будет от неких безчинных и непослушливых, и тем от святителей о сем быти в великом запрещении и во отлучении, а от нас во изгнании будут и в мирском наказании. А творящим по сему преданию, якоже в предиреченных честных обителех, велию от бога милость получат и дерзновение имут о полезных нам молитися. Вас же, убо о боголюбезнии святителие и преподобнии отцы и все христоименитое стадо и с своею братию, молю вас и милея дею и со слезами припадаю: помогайте нам во своих святых молитвах и великих подвизег к богу всегда, да утвердит господь православное cue царство мирно и немятежно в род и род и во веки. И ваших ради святых великих молитв и нам даровал бы бог оставление грехом и получити жизнь вечную. А яз должен вашу всякую тяготу понести по разсуждению и бречи во всяких скорбех, елико ми бог поможет молитвами пречистыя Богородица и всех святых. Аминь.

ОТВЕТ О СВЯЩЕННИЧЕСКОМ
И ИНОЧЕСКОМ ЧИНУ. ГЛАВА 50

Да духовным же пастырем архимаритом и игуменом и строителем и с соборными старцы от приходящих к ним в честныя обители с верою и со страхом божиим и желанием сердечным от иных монастырей от свщенническаго и иноческого чина приимати их бога ради ничтоже от них истязающе хотящих жити в коейждо обители о Христе в братстве и во всем духовом покорении у настоятеля и в конечном послушании. И таковых приходящих с верою приимати и в братству о Христе сочетати, и покоити их, как и прочюю братию, по монастырскому чину, и смотрити пастырем жития их, и аще будут непорочны безо всякого зазору священническое и иноческое житие проходят, и таковых пастырем бречи духовне да по совету с соборными старцы и в службы монастырския посылати по их достоинству. А в том себе духовным пастырем ни от кого зазору не имети, что не того монастыря постриженики, ниже ропотником потакати, такоже бы всем пастырем духовным с соборными старцы всяким безчинником не попущати, но духовне наказывати и исправляти по евагнельскому словеси: "Аще согрешит к тебе брат твой и, обратився, глаголя: "Каюся", аще и седмищи согрешит на день и седмищи, обратився, глаголя: "Каюся", - отпусти ему. И тогда вопроси его Петр, глаголя: "Господи, доколико крат аще согрешит в мя брат мой отпущу ему, до седмь ли крат?" И глагола ему И су с: "Не глаголю ти, Петре, до седмь крат, но до седмьдесят крат седмерицею". Сице о кающихся и обращающихся о гресех повело Христос приимати, а необращающихся и не кающихся и паки речи Христос: "Аще согрешит к тебе брат твой, а ты шед собою и едином тем обличи его. И аще послушает тебе, то приобрел ecu брата твоего. Аще ли не послушает, то пойми с собою единого или дву, да при двоих или трех свидетелех станет всяк глагол. Аще ли и тех прослушает, повежд церкви. Аще ли и церковь прослушает, буди ти якоже язычник и мытарь". И того ради духовным пастырем подобает мудрым быти и вся по евангельскому словеси исполняли, и духовне разсуждати кающихся и обращающихся по евангелию и по священным правилом приимати и исправляти, а не кающихся и необращающихся, явственно безчинствующих на соблазн миру, и таковых по евангелию и по священным правилом апостольским и отеческим не токмо от церкви и от всякия святыни отлучати, но и из обителей изгоняти, дондеже обратятся и покаются. Якоже и божественный апостол Павел к Тимофею написа: "Скоро ни на кого руки не возлагай. Запрети, умоли, обличи. Согрешающаго же пред всеми обличи, да и прочий страх имут". Такоже всем пастырем духовным приимати с верою и со страхом приходящих к ним православным християн на покаяние и хотящих от них сподобитися святаго ангельскаго мнишескаго образа, и в покорении и во всяком терпении и в конечном о Христе послушании обещаются по евангелию жити и скорби всякия терпети царства ради небесного. И от тех не истязовати ничтоже, но токмо сами что дадут по своей силе, то от них приимати по священным правилом. И духовным пастырем такоже с верою и сердечным желанием, паче же и со слезами, приходящих в монастыри приимати и на время жития их смотрити, и аще со всем желанием о бозе восхотят, и тогда по их вере духовныя пастыри с божиею помощию по преданию и по уставу святых апостол и святых отец постризают их в церкви на соборе со всею братию, разве великий немощи, и о Христе братству сочетают, и поучив о всех полезных и наказав страху божию и преподают их духовным старцом под начало. Они же по благословению пастырскому их учат и наказуют страху божию и всему житию и борению иноческому хранити чистоту вкупе душевную и телесную, паче же пребывати в воздержании и в покорении и в любви и в конечном о бозе послушании к пастырю и старцу и ко всей о Христе братии, имети же себя в последних и всех менши ничтоже разсужающи, но токмо безпрестанно бога славити, избавльшаго его от мирского жития и суеты и сподобившаго его ангельскому святому образу и житию и чину мнишескому, но токмо помнити грехи своя и плакатися со слезами, и жити с правилом и с молитвою, якоже предаст ему пастырь старец, и знати церковь божию и келию старчю, и трапезу. А по келиям и из монастыря без благословения пастырского и старчя никогдаже не исходити. И тех новоначальных пострижеников пастырем по часту духовне наказывати и поучати страху божию, чтобы слушали о всем по бозе своих духовных отцов и старцов и пребывали бы в чистоте и в покаянии и в прочих добродетелех иноческого борения до конечного издыхания. Также духовным пастырем не токмо верных приимати на покаяние и постризати, но и неверным, хотящих крестится и ангельскому святому образу мнишескому чину сподобитися, приимати и ничтоже от них от крещения и постризания истязати по священным правилом. Якоже глаголет, аще который епископ или презвитер освященная продаст или отдаст, или освоит или от крещения у кого, или от покаяния или от причастия воспросит, или который игумен от чернечества воспросит селика или толика злата и сребра, ecu таковии да извергнутся по священным правилом. Или коя игумения от пострижения потому же истязует, а не бога ради постризают ниже по силе от них приемлют, таковых повелевают игуменей священная правила из монастырей изводити и в другии в монастырь под начало посылати. Да и прочий покажутся таковая не творити. Также и по всем девичим монастырем общежительным и особь сущим приходящих с верою приимати и постризати и ничтоже от них истязати по священным правилом о всех потому же, якоже преди рехом.

ОТВЕТ О ПРИХОДЯЩИХ СВЯЩЕННИКЕХ
И ДИЯКОHEX. ГЛАВА 51

Да тем же духовным пастырем и соборным старцом по всем честным монастырем по общим и по особь сущим соборне бречи о церковном чину о приходящих свящеаницех и дияконех, хотящих в тех монастырех во святых церквах священство ват и и вся священническая действовати. И тем духовным пастырем у приходящих священников и у дияконов ставленых и отпустных грамот дозирати, и у которых священников и у дияконов ставленые и отпустные грамоты будут, и оне тем повелевают во святых церквах служити и вся священническая действовати, а у которых священников и у дияконов ставленых и отпустных не будут и им тем попом и дияконом служити не велели. И который духовный настоятель повелит таким попом и дияконом у которых ставленых и отпустных не будет во святых церквах слулсити и вся священническая действовати кроме священных правил, и тем духовным настоятелем и с теми священники и дияконы быти во отлучении по священным правилом. И о том бы духовные пастыри брегли накрепко, чтобы однолично священником и дияконом без ставленых и без отпусных служити не велели.

ОТВЕТ О ПИЯНСТВЕННОМ ПИТИИ.
СОБРАНИЕ ОТ БОЖЕСТВЕННАГО ПИСАНИЯ
ЯКО НЕ ПОДОБАЕТ
ВО ОБИТЕЛИ ПИТИЮ БЫТИ
ОТ НЕГОЖЕ ПИЯНЬСТВО БЫВАЕТ. ГЛАВА 52

Понеже бо пьянство начало и конец всем злым. Того ради Господь наш Исус Христос глаголет: "Блюдите себе, да не когда отягчают сердца ваша объядением и пьянством". И апостол Павел глаголет: "Не упивайтесь вином - в немже есть блуд". И паки рече: "Пияницы и блудницы царства небесного не наследят". Потом же великий Семион Дивногорец, славный чюдотворец, от рече: "Похвала мнихом не пити вина. И во старчестве речено быстъ: аще мних ecu, то бегай от вина аки от змия". Такоже святому великому Василию кесарийскому явися пречистая Богородица во сне, глаголя: "Аще хочеши друг мой быти и во всем помощницу мя имети, то отрцыся вина и пьянственнаго пития". Он же возбнув дивися заповеди пречистыя Богородица и до кончины живота своего заповедь пречистыя Богородица соблюде не пияше вина. И сия сам Христос отрече и пречистая Богородица, и божественнии апостоли, и святии его пиянственное питие не токмо простым но и святым его. Коль же паче нам слабым суще в нынешнем последнем роду от таковых удалятися и бегати, аки от змия пъянственнаго пития. И великий Василий глаголет: "Яко дым прогонит пчелы, тако и пьянство святого Духа прогонит, понеже пьянство есть дверь страстем, осквернением вождь, блуду делатель, волны сквернением, море помыслом, глубина неизреченных нечистот, блядословие, смехотворение, нечювствием дерзость, несытство, безболезнение душевное⁴²⁸, напоминание смертное, безнадежие и отчаяние, иже всех лютейши, от негоже бывает души падение и ума преступление⁴²⁹". Глаголет же святый Иоан Златоуст: добре убо рече святый апостол Павел, понеже убо многащи глаголах. Ныне же плача глаголю о вразех креста Христова, имже бог чрево и слава студ их⁴³⁰, иже бо чрево насыщаяй излишне и блудно и пьянственно живый сей есть враг Христов. Объядайяся и упивайяся тело погубляет с душею. Видите, яко упивайяся беснаго горши есть, бес бо божиим Упущением томит человека, а пьянственный же самохотением огубляегся, слины бо в нем возгнившаяся смрадом воняют, и рыгание зло, яко скотина; то помысли как пьянаго душа, яко в яме и тине грязнет в телесе. Мнози убо неразумный глаголют, яко той праздник честен есть, да пием и веселимся. Разумейте сами, безумнии, что cue глаголете. Яко оставльше праздники божий и дияволу угожаете, яко паче Христа изволисте дияволу работати. Праздники же не божия чтете, но диаволя, егда ся объядаете и упиваете и блудите. Аще бо в церковь входите како бога прославите поведите ми, яко пияна смрад отрыгающаго толма бо ненавидит бог пиянаго, якоже ся мы гнушаем пса мертва смердяща. Хотяй же всех сих избыти, да возненавидит пиянство, и сим змиеву главу отрежет и все тело сокрушит. Подобает же убо прежде всех много попечение и тщание имети о сем, яко да не будет в обители, ниже в трапезе, ни в келиях пития, от негоже бывает пьянство, яко да не будет врагом нашим в посмех и в поругание чювственным же и мысленным. Аще бо и правила святых отец и типицы великих монастырей повелевают иноком пити вино в подобно время егда подобает, а не всегда. Овогда же по три чаши, овогда по две, овогда по единой. Имеяху бо вино во всех монастырех и в древних и в нынешних, но до пиянства его не пияху. Якоже свидетельствуют мнози человецы благородный, такоже и иноцы бывший в Констянтине граде и во святей горе Афонстеи, и во иных тамошних местех, яко не токмо иноцы, но и ecu православнии.християне пиянства ненавидят и гнушаются, и вино убой ecu имеют от пьянства же, аки от тлетворного недуга отбегают. Таков убо обычай земля тоя, и се есть неписан закон земский обычай, и ин закон: аще имеем питие пьянственное, не можем воздержатися, но пием до пьянства. А еже повелевают отцы святии пити по чаши или по две, или по три, сего мы ниже слышати хощем, ниже ведаем меру чаш онех, но сицева мера наша есть егда пияни - будем, якоже себе не познати, ниже помнити множицею даже и до облевания, и тогда перестанем пити. И таковаго ради обычая и погибельного права и греховного навыковения не подобает во обители имети пиянственнаго пития, яко да не в конечную погибель и в блудный ров впадем, еже от пьянства случается бывати, подобает же убо соборным братиям попечение о сем имети. Яко да увидят брата пияна на монастыри или где инде, или уведают у кого питие, или видят на трапезе питие, от негоже пьянство бывает, они же никакоже да умолчат, но да возбранят и запретят ктому таковая не творити. И того ради духовные пастырие честныя архимариты и игумены и строители многих святых честных монастырей общих и особь сущих собравшимся во царствующем граде Москве в царских палатах по совету благочестивого царя государя великого князя Ивана Васильевича всея Русии самодержца и по благословению отца его преосвященного Макария митрополита всея Русии и всего священного собора самобывшим ту архиепископом и епископом руския митрополия, якоже и преди рекохом, соборне изволиша ecu бога ради и своего ради спасения душевного вкупе и телесного, и брегучи церковных чинов по священным правилом и монастырского строения и своей братии о Христе единородных и безсмертных душ по господни заповеди, отныне изволиша с божиею помощию, доколе господь повелит и поможет, в митрополии и во архиепископьях, и епископьях, и по всем святым честным монастырем общим и особь сушим, такоже и по девичим монастырем общим и особь сущим пиянственнаго пития, сиречь хмельного и вина горячаго, не держати и не пити, а держати и пити святителем и по всем святым монастырем⁴³¹ и священноиноком, и дияконом, и иноком, и игуменьям, и старицам житныя и медвеныя всякия квасы по своим обиходом, а фряжьские вина, где обрящутся, да испивают якоже устав повелевает в славу божию, а не в пиянство, занеже пьянственное питие всем вконец отречено бысть по священным правилом святых апостол и святых отец, нигде бо рече⁴³² божественное писание, что не пити вина, но не пити вина в пиянство. А по которым святым честным монастырем общим и особь сущим духовные настоятели архимариты и игумены кийждо их о Христе с своею братиею производят и восхотят по евангелию вконец нестяжательное и совершенное общежительство имети и проходити бога ради церковныя чины и монастырские службы; и строение, и о пищи и о одежи, и о всяком келейном пребывании⁴³³, и о всем по преданию святых апостол и богоносных святых отец по священным правилом ничтоже претворяюще, якоже и преди рехом, и таковии от господа бога сугубую мзду восприимут противу своих трудов, и царству небесному наследницы будут со всеми святыми в безконечныя веки. Аминь. А у живоначальные Троицы в Сергееве монастыре о гостех и о келарской закон не лежит, занеже то место чюдотворное. И гости безпрестанные день и нощъ, и они живут по чюдотворцову уставу. Да в великих же честных монастырех стригутся князи и бояре и приказные люди великие и немощи или при старости, и дают вкупы великие и села вотчинные⁴³⁴ по своих душах и по своих родителех в вечной поминок, и тем за немощь и за старость законов не полагати о трапезном хождении и о келейном ядении; покоити их по разсужению ествою и питием, про таких держати квасы сладкие и черствые, и выкислые - кто какова требует, и ества такоже, или у них лучится свой покой, или от родителей присылка, и о том их не истязати же⁴³⁵.