МакроортаМакроорта микроортаға ықпал ететін әлеуметтік саламен салыстырғанда кең сипатты, демографиялық, экономикалық, табиғи, техникалық, саяси және мәдени сипаттағы факторлардан тұратын күштер. Фирманың қызмет ету макрортасының негізгі факторлары. Фирма мен оның жеткізушілері, маркетингтік делдалдары, бәсекелесушілері және қатынастық аудиториялары жаңа мүмкіндіктер беретін немесе жаңа өндіргіш күштердің анағұрлым кең макроортасында әрекет етеді. Осы күштер "бақылауға көнбейтін" факторлар болып табылады. Фирма оларды назардан тыс қалдырмай, үн қатып отыруы тиіс. Макроорта алты негізгі күштен құралады: 1. Демографиялық орта. Демография – халықтың санын, қоныстану тығыздығын және т.б. мәселелер бойынша зерттейтін ғылым. Маркетингпен айналысушылар үшін демографиялык орта аса маңызды мәселе, өйткені нарықтар адамдардан тұрады. 2. Экономикалың орта. Адамдардың өзімен бірге олардың сатып алу қабілеті үлкен маңызға ие болады. Сатып алу қабілетінің жалпы деңгейі табысқа, бағаға, жинақ қаражатына және несие алу жеңілдігіне байланысты. 3. Табиғи орта. Шикізаттың кейбір түрлерінің тапшылығы. Ауа мен су табиғи ресурстардың таусылмас түрі болып көрінгенімен, қоршаған ортаны қорғаушылар келешекте оларға да қауіп-қатер төнуі мүмкін деп санайды. Орман, азық-түлік сияқты қайта жаңарып отыратын ресурстарды пайдалану назар аударуды қажет етеді. Энергияның қымбаттылығы. Келешекте экономикалык, дамуды қамтамасыз етуде ең күрделі проблема табиғи ресурстардың орны толмайтын түрі – мұнаймен байланысты болмақ. 4. Қоршаған ортаның ластануы. Адамның өнеркәсіптік қызметі табиғи ортаға зиянын тигізіп отырады. Жұртшылықтың осыған алаңдауы болып жатқан оқиғаларды тез сезетін фирмаларға жақсы маркетингтік мүмкіндіктер ашады. Мемлекеттің табиғи ресурстарды тиімді пайдалану және ұдайы өндіру процесіне араласуы. Маркетингтік қызметтің басшылары қоршаған ортаға зиян келтірмей, фирмаға қажет табиғи ресурстарды алып отыруы үшін осы өзекті мәселелерді үнемі назарда ұстауы қажет. 5. Ғылыми-техникалық орта. Адам тағдырын шешетін маңызды күштердің бірі - қолданбалы техника ғылымы. Ғылыми-техникалық кешенге көзқарас екі түрлі амалды қамтиды, оның ғажайып жетістіктері таңдандырады немесе өрескел қателіктерге әкеп соғады, ауыр ойларға батырады. Нарық қызметкерлері ғылыми-техникалық процесс шеңберінде жетекші үрдістерге үнемі назар аударып отырғаны жөн. 6. Ғылыми-зерттеу жұмыстарына қаржы бөлу. Ғылыми-зерттеу жұмыстарына авиациялық және зымыран-ғарыш өнеркәсібі; электротехника өнеркәсібі; химия өнеркәсібі; машина жасау, автокөлік өнеркәсібі сияқты салаларда көп қаржы жұмсалады. Қолда бар тауарларды жетілдіруге көп көңіл бөлініп, ірі жаңалық енгізіп, тәуекелге барғанша, көптеген компаниялар осы тауарларды аз мөлшерде жетілдірумен айналысады.
|
