Незадаволенасьць
Божа мой, вяліка бяда, Далі мне старога дзеда, Старога, нядужага, Да дзевак дасужага.
Каточак на 'кне сядзіць, Хвасточак за 'кном дзяржыць. Лепей мне з катком быці, Чым жа мне з дзядком жыці.
Пастаўлю я й кубак на 'кне, Няровін дзядулька ка мне: І росту ніжэйшага, Гонару цішэйшага.
Я ў мамкі кахалася, Лайдаку дасталася, Лайдаку дасталася, Каса растрапалася.
(... Я расла, кахалася, Дураку папалася, Ня ўмеіць араць, касіць, Прыйдзецца суседа прасіць)
Пайду я у ток, у ток, Найду я курэй куток. Курачкі кудак-кудак, Мой мілы лайдак, лайдак.
Хадзіла зялёным лугом За сваім няверным другом, Дзядулька — няверны друг, Ня любіць адну, а дзвюх.
Цярэшка цярэх, цярэх, Далі мне дзеда з арэх. Што ж я з ім рабіць буду? Цярэшку жаніць буду.
Цярэшка цярэх, цярэх, Далі мне дзеда з арэх, Што ж я з ім рабіць буду, Як яго лавіць буду? Крый божа, паваліцца, Мацеры пажаліцца.
Божа мой, мая нядоля, Далі мне дзеда малога. Па зямлі качаецца, За падол чапляецца.
Мой дзедзька малодзінькі, Ходзіць ён ня ў боціках, Ходзіць ён у лапатках, У лапцікі абуўшысі, Як пузыр раздуўшысі.
Пайду я праз тын глядзець, Як мой дзядулька арэць. Кабылка бясхвостая, Баразна ня простая. Кабылка бязгрывая, Баразёнка крывая.
Пайду я праз тын глядзець, Як мой дзядулька арэць. Арэць паганяючы, За хвост падымаючы. Кабылка мая бела, Чаго ў баразне села?
Пайду я праз тын глядзець, Як мой дзед аборкі ўець. Тоненька, танюсенька, Як пальчык, раўнюсенька.
А ў гародзе ярыца, Мой дзядулька п’яніца. Я не знаю, што рабіць: Ці пакінуць, ці любіць?
Божа мой, вяліка біда, Далі мне старога дзіда, Старога і сівага, Дужа нікрасівага. (Старога, нягожага, Дужа непрыгожага.)
А божа мой, біда, біда Далі мне старога дзіда. А ні яго ў лес паслаць, А ні яго спаць пакласць. У лес паслаўшы — ня вернецца, Спаць паклаўшы—ня 'твернецца.
Божа ж мой, вяліка б’яда, Далі мне старога дзяда, А ні з ім у пір пайсці, А ні з ім дома быці, У пір пайсці — сварыціся, Дома быць — пабіціся б) песьні хлопца
Высака арол ляцеў, Далі мне, каго я хацеў, (Тонкую, высокую, Белую, румяную)
Паіў я коніка ў вядрэ, Відзеў я рыбачку на дне. (відзіў я мілую на дне) Паіў я каня ў вірку, Відзіў я дзеўку ў вянку.
Смачная рыбачка язёк, Пацалуй, бабулька, разок. Смачная рыбачка карась, Пацалуй, бабулька, хоць раз.
Смачная й рыбачка шчучка, Белая ў бабулькі ручка, Смачная рыбачка карась, Пацалуй, бабулька, хоць раз.
Пайду я на рэчку, на стаў, Сам сабе рыбінку дастаў. Смачная рыбінка шчучка...
Хоць жа я павалюся, За бабкай паганюся, Хоць жа я ножачку зламлю, Я ж сваю бабульку злаўлю.
Галоўка баліць, баліць, Як жа мне бабульку злавіць? Хоць жа я й павалюся, За табой паганюся, Хоць жа я ножку зламлю, Я ж сабе бабульку злаўлю.
На небе зорачка ясна, У суседа дзевачка красна. Хоць жа я ў бяду ўпаду, Ў суседа дачку ўкраду, Хоць жа коніка прадам, Суседу дзеўку ня 'ддам.
Паіў я коніка ў вірку, Відзеў я дзяўчыну ў вянку, Паіў я коніка ў вядрэ, Відзеў я дзяўчыну на дне. Хоць жа я з коніка ўпаду, Я тую дзяўчыну ўкраду, (Хоць жа я коніка прадам, Нікому дзяўчыны ня 'ддам, Хоць жа я коніка збуду, Я з гэтай дзяўчынай буду).
Ні ўцікай, бабулька, бягом, Запала сцежачка снягом. Ні ўцікай, бабулька, дужа, На дварэ бальшая сцюжа.
Ні ўцікай, бабулічка, Ні ўцікай, зязюлічка. Ці цябе наўчыла маці Ад мяне ўцікаці?
Здайся, бабулька, здайся, На другіх не заглідайся. Другія з ума звядуць, Нам з табой разлуку дадуць.
Бабулька, здайся, здайся, На другіх не спадзявайся, Другія ня лепшыя, Горшыя, пушчэйшыя, Другія цябе спадмануць І боцікі з ножак здзяруць.
А дайся, бабулька, дайся, На другіх ні заглідайся, На другіх загледзішся, На мяне забудзішся.
А мая ж бабулячка, А я твой дзядулячка. Ці ж я табе лапцей не сплёў, Ці ж я табе абор не звіў? Лапцікі ліповыя, Аборкі пяньковыя, Анучкі бяленькія А для сваей міленькай.
Выйду я на вулку, гукну, Прыляці, зязюлька, к акну, А скажы, зязюлька, мне, У каторай бабулька старане?
Пайду я па гародзе Па дзявоцкім карагодзе Гарэшкі лускаючы Мілую шукаючы А здайся, бабулька, здайся На другіх ні заглідайся На другіх ні заглідайся Ня мяне ні забывайся.
|
