высмейванне

 

Бабулька, царыца мая,

Каротка спадніца твая,

На печы ўсё ляжала,

На спадніцу не наткала.

(Ці ты ўсе ночачкі спала,

Што ў цябе трубачак мала?)

 

Пайду я праз тын глядзець,

Як мая бабулька прадзець.

Ой, прадзець, прадзець і мігціць,

Паложыць ручачкі ды й спіць,

 

Пайду я праз тын глядзець,

Як мая бабулька прадзець.

Тоненька-танюсенька,

З пальчыкам раўнюсенька.

(Калаўрот мігціць, мігціць,

Бабулька на прасніцы спіць.)

 

(А красёнцы стоючы

Зараслі бярэзнічкам,

Чоўнічак пад лаўкаю

Ды зарос мураўкаю.)

 

Пайду я праз сад глядзець,

Як мая бабулька ідзець.

А яна ідзець сагнуўшысі,

Ідзець паштургнуўшысі.

 

 

розныя:

Бабулька харошая,

Ні хадзі ты босая,

Босая прастудзішся,

На мяне забудзішся,

Я ж цябе лавіць буду,

Злавіўшы, любіць буду,

Пойдзеш ты на ніўку жаць,

Я прыду снапкі вязаць.

 

дыялогі:

 

– Бабулька, царыца мая,

Каротка спадніца твая!

– Дзядулька, саколік мой,

Надтачы падолік мой!

 

– Царыца бабка, царыца,

Каротка твая спадніца.

– Харош, мой дзедка, харош,

Парваны ў цябе калош.

 

Крыніцы: БНТ, экспедыцыйныя запісы

Фармаваньне пар:

 

 

	Звод	Бласла-венне	Выпра-баванне	Мнага-жонства	Танец пасьля лоўлі	Разыхо-джанне (?)	Б/н жанатыя
1. Кіркор (Віл. губ., 1858)	+						+ (?)
2. Шэйн 1887 (Полацкі п.)		+	–				+
3. Шэйн 1887 (Барыс. павет)	(+)			+			–
4. Раманаў 1910 (Дзісенскі п.)	+				+		+
5. Багдановіч	+					+	+ (–)
6. ІМЭФ 1980 (Лепельскі р-н)	+					а)
7. Докшыцкі р-н	(+)					б)	–
8. Полацкі р-н							+
9. Пшчолка 1908 Віцебская губ.	(+)				+

 

Блаславенні

 

2. а) Дай Бог вам шчасьця ў нінасьця, харошую долю ў волю, уцечкі на печкі, дзеткі ў клеткі

б) Біражы зяцёк нашу дачушку...

 

4. Глядзіце дзеткі, жывіце харашо, адзін аднаго шануйце, не крыўдзіце

 

7. +, за сталом

 

8. +, за сталом: навучалі "дзяцей"

кожнай пары – розныя пажаданні

 

9. (Жартоўныя)

Дзякуй богу, адну пару сасваталі

Благаславі іх (да маткі), старуха, ад вуха да бруха!