А се есть правосудье митрополичье

1. Князю великому за безсчестье главу снять, а меншему князю, ли сельскомоу, ли тысячьникомъ, ли околичникомъ, ли боярину, ли слузе, ли игумену, ли попу, ли дьакону, по житью, по слоужбе безсчестье соудятъ.

2. Тивуну княжю безсчестье гривна злата, такъ и наместнику.

3. Аще ли комоу соудятъ злато за бесчестье противу того соудьи несть злата за злато, но деляться соудья присудомъ.

4. А се вина моужа с женою разлучити: 1-я вина - застанетъ моужь женоу свою с чюжимъ моужемъ(В подлиннике «мужен»), а учинить исправу на нее, разлучити их; 2 - вина - аще подумаетъ жена на моужа зелеемъ; 3 - опричь моужа своего спати; 4 - с чюжими людми ходит на пиръ; 5 - ходить на игрище опричь моужа своего; 6 - велит моужа своего красти; 7 - иметь кто мыслити на моужа ея, ана ведаетъ а не скажетъ, того ради разлучить ихъ по исправе.

5. За голубь 9 коунъ, за утку 30 коунъ, за гусь 30 кунъ, за лебедь 30 коунъ, за жеравь (В подлиннике жерв, через выносное «в») 30 кунъ, за кошку 3 гривны, за собаку 3 гривны, за кобылу 60 кунъ, за волъ 3 гривны, за корову 40 кунъ, за третьак 30 кунъ, за лонщину полгривны, за теля 5 кунъ, за боранъ (В подлиннике «борн» через выносное «р») ногата, за порося ногота, за овцу 5 кунъ, за жеребца гривна, за жеребя 6 ноготъ.

6. Передни идетъ, а заднии что наидетъ, не делиться с передним, а переднии делиться з заднимъ.

7. Аще кто насилитъ девку ли оумучитъ, а боудетъ дщи боярская, ли жена, за срамъ еи 5 гривенъ злата; а меншихъ бояръ дчи, гривна злата, а добрыхъ 30 гривенъ сребра, а нарочитыхъ (В подлиннике - «нарочтых» буквы «ч» и «х» выносные) 3 рубли, а оумытцехъ епископу гривна, а князь казнит.

8. Аще ли на тен (Так в подлиннике, следует читать «на жен(е)») боудетъ лихъ недужь, ли слепа, ли дльгая болезнь, про то отпустите ея, также и моужа.

9. Аще кто кому пострижетъ браду, ли главу, 12 гривенъ, а князь казнить.

10. Ты же, соудья, соуди слова, а не сердца: то есть соудъ, что идетъ оу человека изъ оустъ.

11. Око человекоу соудиться за полвека - 40 гривны.

12. А душегоубца велити казнити градскымъ закономъ: оссечи его да продати, какъ стечетъ, а домъ его на грабеж.

13. А татя безъ поличного на (Так в подлиннике) вязати, ни казнити, ни повысите.

14. Въ корьчме человека оубьютъ, за безчестее ногата, наезда 100 гривенъ, а самосуда 2 рубли.

15. А вины(В подлиннике «вин» с выносным «н». С. В. Юшков читает: «а вина») властелину противоу поличного, а исцю тако ж.

16. А будетъ послухъ прироченъ, а скажетъ свои прирокъ, соуд и послух(В подлиннике буква «х» выносная; можно прочитать: «суд и послуху есть») есть.

17. А грамот тать(В подлиннике «а грамот тат», обе последние буквы «т» выносные) на себя держати, а людемъ на аборон не довати.

18. А соудьи стати за епископомъ своимъ самому, а скуду списка не слати.

19. А холопа своего, ли татя, с поличнымъ изнимавъ в чюжьи отчине, вести его ко своему судьи да судити.

20. А что ся деялъ за 3 годы того не искати судомъ, ли что деялся при иномъ князи ли властелине, того не искати.

21. На монастырское строение чернець игумну послухъ, а но иное не послухъ.

22. Аще кто собаку оубьетъ ли кошку, вины гривна, а собаку в собаки место, а кошка в кошки место.

23. Аще ли кто на кого хвалиться, ту его и утягати, то ему есть судъ.

24. А тать оу пристава убежить, а не осуженъ, приставу в томъ несть вины, а осуженъ, вина, оубежитъ, приставу вина, а исцева дати.

25. Дети отцю не послуси, а на отца послуси.

26. Поп, игуменъ, дьяконъ никому не послоуси, развее на духовное дело, а своему брату игумну, попу, дьякону.

27. А се стоитъ в соуде челядинъ наимитъ, не похочетъ быти, а осподарь, несть емоу вины, но дати ему въдвое задаток; а побежитъ от сподаря выдати его осподарю в полницу.

28. Аще ли оубьеть осподарь челядина полнаго, несть емоу душегоубьства, но вина есть емоу от бога.

29. А закоупнаго ли наимита, - то есть душегоубьство.

30. Тати ли во прирочнемъ человеце сутяжаи есть, а послухъ нетъ.

31. Аще ли моужь ожениться иною, а старою не распоустився, моужь в вине, а младую жену в домъ взята, а старою жити.

32. Аще ли кто зблоудитъ скотиною 12 гривенъ; а свекоръ снохою 100 гривенъ; а деверь сь ятровью 30 гривны; а сестрею 30 гривенъ; а с мачехою 40 гривенъ, а два брата съ единою женкою 100 гривенъ; а женка в домъ, а опитемьи по закону.

33. Аще ли кто две жены держитъ, 40 гривенъ, а которая подлегла, та в домъ церковьныя, с первою жити по закону, а будетъ лихъ до нея, того достоитъ казнити.

34. Аще ли жена мужа бьетъ, 3 гривны, а две жены бьються, на виноватои гривна.

35. Аще ли чернець ли черница растрижется, епископъ ихъ въ что обрядитъ.

36 Что ся дееть в монастырехъ ли в монастырскыхъ людехъ, да не вступаеться князь ли властелинъ: то ведаетъ и епископъ.

http://historic.ru/books/item/f00/s00/z0000083/st012.shtml