Паняцце “бібліяграфія”, яго ўзнікненне і развіццё.

Этот узел необходим для исключения бросков тока во время переходного процесса при, включении напряжения. Данное устрой­ство реализовано на микросхеме Д1 и элементах выдержки време­ни С21, R66, R67. Узел работает следующим образом. При подаче сигнала «1» с делителя напряжения R51, R52 на вывод 4 микросхе­мы Д1, на её выходе также появится логическая единица, однако, в Первый момент напряжение на конденсаторе С21 равно нулю и этот логический "0", поступая на формирователи импульсов, за­прещает их выдачу на управляющие переходы тиристоров. Кон­денсатор С21 заряжается и при достижений напряжения 8В на формирователи импульсов поступает "1", разрешающая прохож­дение импульса. При исчезновении напряжения, на вывод 4 микро­схемы Д1 поступает логический "0", на выходе также появляется '0" и запрещается выдача управляющих импульсов.

 

 

 

 

 

Пытанні

Паняцце “бібліяграфія”, яго ўзнікненне і развіццё.

Бібліяграфія ў інфармацыйнай інфраструктуры грамадства.

Метасістэма існавання бібліяграфіі як грамадскай з’явы.

Сістэма дакументных камунікацый (дакумент – спажывец) як метасістэма існавання бібліяграфіі як грамадскай з’явы.

Універсум чалавечых ведаў як метасістэма існавання бібліяграфіі як грамадскай з’явы.

Свет тэкставых камунікацый (свет тэкстаў – свет карыстальнікаў) як метасістэма існавання бібліяграфіі.

Паняцце “бібліяграфія”, яго ўзнікненне і развіццё.

“Бібліяграфія” - тэрмін, які з’явіўся ў 5 стагоддзі да н. э. у Старажытнай Грэцыі і азначаў кнігапісанне “biblio” – кніга, “grafo” – пішу. З цягам часу змяніліся падыходы да азначэння тэрміна, з’яў, якія ён апісвае. А.А.Грачыхін выдзяляе 4 асноўныя перыяды ў станаўленні паняцця “бібліяграфія” і бібліяграфічных з’яў.

1. Узнікненне бібліяграфіі як кнігапісання і працы бібліёграфа як кнігапісца (Старажытная Грэцыя, У ст. да н.э.). Асноўным значэннем гэтага слова было кнігапісанне – напісанне ці перапісванне ўжо створаных кніг.

2. Узнікненне бібліяграфіі як абагульняючай навукі аб кнізе і асобага літаратурнага жанра (Францыя, ХУІІ–ХУІІІ ст.). Гэты перыяд быў звязаны з фарміраваннем у Еўропе сістэмы навуковых ведаў. Тэрмін «бібліяграфія» побач з тэрмінамі «бібліялогія», «бібліясофія», «бібліяномія», «бібліягнозія» стаў азначаць навуку аб кнізе. К.Р.Сімон лічыць, што слова «бібліяграфія» магло быць прыдумана занава па ўзоры аналагічных назваў навук (геаграфія) ці запазычана са старажытнасці.

3. Асэнсаванне спецыфічнай ролі бібліяграфіі як дзейнасці ў больш шырокай сістэме «кніжная справа», а бібліяграфіі як навукі ў сістэме кнігазнаўства (Расія, Заходнееўрапейскія краіны, ЗША, канец ХІХ – пачатак ХХ стст.).

4. Асэнсаванне бібліяграфіі як асобай галіны інфармацыйнай дзейнасці са сваёй навуковай дысцыплінай бібліяграфазнаўствам, якая звязана са стварэннем і давядзеннем да карыстальніка (спажыўца, чытача) інфармацыі аб дакументах (творах друку, кнігах, публікацыях і да т.п.) і іх фрагментах[1].

На сённяшні дзень існуе 5 найбольш устойлівых значэнняў тэрміна «бібліяграфія»:

– бібліяграфія як асобная бібліяграфія праца (бібліяграфічны дапаможнік) – «Бібліяграфія прац …», «Бібліяграфія Японіі», спіс літаратуры да тэкста;

– бібліяграфія як сукупнасць бібліяграфічных прац, вызначаных па пэўнай прымеце (бібліяграфія перыядычнага друку, бібліяграфія Беларусі, бібліяграфія Азіі і да т.п.);

– бібліяграфія як навука або дапаможная навуковая дысцыпліна;

– бібліяграфія як галіна навукова-практычнай дзейнасці па стварэнні і давядзенні да карыстальніка бібліяграфічнай інфармацыі;

– бібліяграфія як найбольш шырокае паняцце, у аб'ём якога ўваходзяць вышэй пералічаныя і любыя іншыя бібліяграфічныя з'явы.

Ужыванне слова «бібліяграфія» у двух першых значэннях на сённяшні дзень лічыцца неправільным, састарэлым, але ў межах непрафесійных зносін яно даволі распаўсюджана. Напрыклад, А.Мень у прадмове да сваёй кнігі «Сын чалавечы» піша: «Спасылкі на літаратуру прыведзены толькі ў самых неабходных выпадках. Жадаючыя паглыбіць свае веды ў гэтай галіне могуць звярнуцца да прац, указанных у бібліяграфіі».

У ГОСТ 7.0.84 «Библиографическая деятельность. Термины и определения» азначэнне тэрміна «бібліяграфія» не давалася. У ГОСТ 7.0.99 «Информационно-библиотечная деятельность. Библиография» даецца наступнае азначэнне тэрміна «бібліяграфія – інфармацыйная інфраструктура, якая забяспечвае падрыхтоўку, распаўсюджванне і выкарыстанне бібліяграфічнай інфармацыі». Аб'ём паняцця па сутнасці роўны азначэнню бібліяграфіі як галіны навукова-практычнай дзейнасці па стварэнні і давядзенні да карыстальніка бібліяграфічнай інфармацыі. У слоўніку «Библиотечное дело» (М., 1997) бібліяграфія трактуецца як «1). частка сістэмы сацыяльных камунікацый, якая забяспечвае падрыхтоўку, распаўсюджванне і выкарыстанне інфармацыі аб дакументах; 2) сукупнасць бібліяграфічнай інфармацыі па пэўнай прадметнай галіне».