Тапсырма №5. Жоғарыда көрсетілген мысалға қарап, өзініздің есебіңізді ойластырып, есептеп шығарыңыз.

6. Қарыз алушы айталық, 600 000 теңге сомасында 5 жылға, 13% жылдық мөлшерлемеде ипотекалық несие алсын. Қарыз алушы ай сайын мынадай негізгі қарыз сомасын төлейді:

600 000 / 60 = 10 000 теңге.

 

Бірінші айдағы төленетін сыйақы мөлшерлемесі:

 

600 000 * 13,0 / 100*12 = 6500 теңге.

 

Демек, қарыз алушы бірінші айда төмендегідей мөлшерде банкке төлем жасайды:

 

10 000+6500=16500теңге

Екінші айдағы төленетін сыйақы сомасы негізгі қарыздың қалған сомасына, яғни 590 000 теңгеге қатысты есептеледі:

590 000 * 13,0/100*12=6391,67

Демек, қарыз алушы екінші айда төмендегідей мөлшерде банкке төлем жасайды:

10 000+6391,67=16391,67

Нәтижесінде, яғни ең соңғы айда қалатын негізгі қарыз сомасы 10 000 теңге десек, онда қарыз алушының төлейтін сыйақы мөлшерлемесінің сомасын есептейік:

10 000*13,0/100*12=108,133 теңге

Демек, қарыз алушы, соңғы айда төмендегідей мөлшерде банкке төлем жасайды:

10 000+108,33=10108,33 теңге

Тапсырма №6. Қарыз алушы айталық, 1 000 000 теңге сомасында 5 жылға, 15% жылдық мөлшерлемеде ипотекалық несие алсын. Қарыз алушы ай сайын қандай негізгі қарыз сомасын төлейді?

 

Оқу тәжірибесінің жетекшілігі

Тәжірибенің оқу-әдістемелік жетекшілігі “Қаржы” кафедрасымен жүзеге асырылады. Кафедрамен бекітілген оқытушылар студенттердің тәжірибелеріне басшылық етеді, тәжірибені өту мен ұйымдастыру сұрақтары бойынша кеңестер жүргізеді.

Жетекшінің міндетіне мыналар кіреді:

· Бағдарламаға сәйкес студенттердің оқу тәжірибесін ұйымдастыру;

· Тәжірибе өтетін орында (оқу аудиториясында) мұғалім-ассистиентті

таңдау және оның студенттермен жұмыс жасауын қадағалау;

· Студент-практиканттарды қажетті материалдармен қамтамасыз ету,

оқу тәжірибесін өтуге қолайлы жағдайлар жасау;

· әрбір студенттің жасаған жұмысы жайлы қысқаша пікір жазу;

Оқу тәжірибесінің жетекшілері кафедраны студенттердің тәжірибе кезінде жіберген қателіктері жайлы құлақдар етуге мінтетті.

 

Студенттердің тәжірибені өту орнындағы жұмыс мазмұны мен

міндеттері;

Студенттер тәжірибені өту барысында міндетті:

· Аудиторияда ішкі тәртіп ережелері мен жалпы тәртіпті қатаң

сақтау;

 

· Күнделікті жазбаларды тәжірибе күнделігіне түсіріп отыру;

· Жасалынған жұмыс бойынша жауапкершілікті өз мойнына алу;

· Жұмыс орнында өзіндік жұмыс жүргізу тәжірибесін меңгеру;

· Тәжірибені өтудің күнтізбелік кестесін уақытылы орындау;

· Тәжірибе аяқтала салысымен студент кафедраға бекітілген көлем

негізінде тәжірибені өткендігі жайлы есеп өткізуге.

 

Оқу тәжірибесінің қорытындысын шығару.

Тәжірибе аяқтала салысымен студент кафедраға тәжірибені өту уақытында жасалынған жұмыстары жайлы есеп беруі керек.

Есепте студент жалпы кәсіби фундаментальді және арнайы пәндер бойынша теорияны, бағдарламадағы сұрақтарды білетіндігін айқын байқатуы керек.

Есеп көлемі барлық қосымшаларды қоса алғанда 15 тен 25 бет басылған түрде болуы керек. Есеп сауатты және стандартты парақтарда түсінікті жазылуы тиіс, жазу барысында жиектер дұрыс қамтылуы керек.

Есеп титулды беттен басталады (үлгі №2 қосымша) арнайы папкада тігіліп өткізіледі. Есепке тәжірибе күнделігі тігіледі (№1 қосымша).

 

Есеп құрылымы:

1. Мазмұны (беттердің көрсетілуі)

2. Кіріспе (тәжірибенің тақырыптары жайлы жалпы мәліметтер, мақсаттары, міндеттері)

3. Есептің негізгі бөлімі, онда тәжірибе бағдарламасына сәйкес сұрақтар

ашылып көрсетіледі.

4. Қорытынды (орындалған жұмыс жайлы қысқаша қорытынды және

тәжірибені өтудің тиімділігін жоғарылату жайлы ұсыныстар)

5. Әдебиеттер тізімі

6. Қосымшалар (кестелер, есептемелер, графиктер, схемалар және т.б.)

Жетекшінің қолы қойылған және тиісінше рәсімделіп, қорғауға жіберілген есеп кафедраға тәжірибе аяқтала салысымен 2 күн мерзім ішінде өткізіледі. Күнделікте жетекші студенттің жасаған жұмысы жайлы қысқаша пікір береді.

Оқу тәжірибесінің өткендігі жайлы есептер арнайы құрылған комиссиямен кафедра меңгерушісінің басшылығымен тыңдалады.

Қорғау барысында студент 5-7 минут көлемінде тәжірибе қорытындысы жайлы ақпарат беруі керек және қойылған сұрақтарға жауап беруі керек.

Оқу тәжірибесінің нәтижесі және оның қорғалуы қорытындысына байланысты кафедрадағы бекітілген жетекші өзі есеп жасап, оның нәтижесін кафедра мәжілісінде баяндайды.

Оқу тәжірибесінің қорытындысы бойынша кафедра есеп жасап, оны деканатқа және оқу бөліміне өткізеді.

 

 

Қосымша № 1

 

ОҚУ ТӘЖІРИБЕСІНІҢ;

КҮНДЕЛІГІ

 

 

Студент_____________________________

(аты-жөні)

 

__________________________________________курс

 

әл-Фараби атындағы Қазақ ұлттық университеті

“Экономика және бизнес” Жоғары мектебі“Қаржы” мамандығы

 

 

Алматы 2013 ж.

 

Студенттің тәжірибе нәтижесі бойынша қорытындысы және оның ұсыныстары