Студопедия — Кондак 4. Величаем тя, / святителю отче Николае, / и чтем святую память твою: / ты бо молиши за нас // Христа Бога нашего.
Студопедия Главная Случайная страница Обратная связь

Разделы: Автомобили Астрономия Биология География Дом и сад Другие языки Другое Информатика История Культура Литература Логика Математика Медицина Металлургия Механика Образование Охрана труда Педагогика Политика Право Психология Религия Риторика Социология Спорт Строительство Технология Туризм Физика Философия Финансы Химия Черчение Экология Экономика Электроника

Кондак 4. Величаем тя, / святителю отче Николае, / и чтем святую память твою: / ты бо молиши за нас // Христа Бога нашего.







Величаем тя, / святителю отче Николае, / и чтем святую память твою: / ты бо молиши за нас // Христа Бога нашего.

АКАФИСТ CВЯТОЙ КНЯГИНЕ ОЛЬГЕ

 

Кондак 1

Первоизбранней от всего русскаго рода, славней и равноапостольней угоднице Божией Ольге составим похвалу, яко заре, во тьме идолопоклонения светом веры возсиявшей и путь ко Христу всем людем русским показавшей. Ты же, яко имущая дерзновение к прославльшему тя Господу, ограждай нас от всяких бед молитвами твоими, да зовем ти: Радуйся, святая равноапостольная княгине Ольго богомудрая.

Икос 1

Ангелов и человеков Творец, времена и лета во Своей власти положивый и судьбы царств и народов по Своей воли управляяй, егда восхоте род русский святым крещением просветити, тогда, видя благое изволение сердца твоего, призва тя первее в познание Себе, да будеши всем русским людем образ и наставница в христианстей вере. Сего ради восхваляем тя сице:

Радуйся, русскаго небесе утренняя звездо, от Первозваннаго Апостола на горах Киевских предвозвещенная;

радуйся, заре, во мраце неведения светло возблиставшая.

Радуйся, добрая лозо винограда Христова, от дивнаго языческаго корене прозябшая;

радуйся, пречудная леторасле, из неяже велие правоверия древо на земли нашей возрасте.

Радуйся, первоучительнице и просветительнице наша;

радуйся, яко тобою познахом покланятися в Троице Творцу.

Радуйся, яко тебе ради Пресвятое Имя Господне от всех русских людей прославляется;

радуйся, яко и твое преславное имя вкупе с равноапостольным Владимиром во всех пределех мира восхваляется.

Радуйся, страны нашея Русския духовное сокровище;

радуйся, всея Христовы Церкве преславное украшение.

Радуйся, градов Киева и Пскова изрядная доброто;

радуйся, людем нашим на враги благая помощнице.

Радуйся, святая равноапостольная княгине Ольго богомудрая.

 

Кондак 2

Видяще тя, святая Ольго, яко крин в тернии прозябший: ты бо аще и в роде язычестем рождена еси, обаче закон Божий в сердце твоем написан всегда имела еси, и целомудрие твое яко зеницу ока блюла еси; благодарно поем Дивному во святых Своих Богу: Аллилуиа.

 

Икос 2

Разумом твоим вся добре ведящи, познала еси, богомудрая Ольго, яко идоли, руками человеческими сотвореннии, не суть бози; темже, отвергши тыя, потщалася еси познати Бога истиннаго. Сего ради, похваляюще сицевое твое благоразумие, вопием ти сице:

Радуйся, добрая жено, первее всех заблуждение русских людей познавшая и тщету идолопоклонения разумевшая;

радуйся, истиннаго богопознания и правыя веры усердно искавшая.

Радуйся, еще не ведущи истиннаго Бога, якоже Корнилий сотник, добрыми делы Тому угождавшая;

радуйся, прежде разумения закона Божия по закону совести праведно жившая.

Радуйся, прежде приятия христианския веры дела христианом подобающая, творившая;

радуйся, премудростию от Бога одаренная.

Радуйся, державу твою от нашествия супостат мужественно защитившая;

радуйся, в подчиненных ти людех суды праведныя творившая.

Радуйся, царственною славою на земли и на небеси почтенная;

радуйся, яко равноапостольная от Бога прославленная.

Радуйся, святая равноапостольная княгине Ольго богомудрая.

 

Кондак 3

Силою благодати Божией движима, потщалася еси, богомудрая Ольго, достигнути Царьграда, идеже зрящи красоту церковнаго благолепия и послушающи учения словес Божественных, распалалася еси всем сердцем твоим в любовь Христову, благодарственно вопиющи Ему: Аллилуиа.

 

Икос 3

Имущи сердце яко добрую землю, удобь восприяла еси, Ольго, семя святыя веры, познавши Христа Бога истиннаго. Темже и крещение святое прияла еси от руку патриарха Царьграда, иже и предрече ти, яко отныне блажити тя имут русстии сынове. Исполнити убо хотяще проречение сие, взываем ти сице:

Радуйся, тму идолослужения оставльшая;

радуйся, свет богопознания взыскавшая.

Радуйся, безконечныя пагубы верою избежавшая;

радуйся, жизнь вечную во Христе стяжавшая.

Радуйся, в купели святаго крещения от скверны греховныя омывшаяся;

радуйся, благодатию Святаго Духа духовно родившаяся.

Радуйся, разумная горлице, от когтей душепагубного врана излетевшая;

радуйся, под криле Орла Небеснаго прилетевшая.

Радуйся, множество душ крещением с собою ко Христу приведшая;

радуйся, сего ради сугубое воздаяние от Бога получившая.

Радуйся, с верою несумненною приходящих светом от честных твоих мощей осиявающая;

радуйся, душам и телесем тех, яже на пользу, подавающая.

Радуйся, святая равноапостольная княгине Ольго богомудрая.

 

Кондак 4

Како не дивимся благоразумию твоему, Ольго преблаженная, ибо ты предложение царя еллинов о браце с ним разумно отвергла еси, рекши тому: не брака ради приидох семо, и не соцарствования ради с тобою, но да уневещуся Крещением Безсмертному Жениху Христу Богу: Егоже паче всего возлюби душа моя и Емуже отныне вовеки не престану воспевати: Аллилуиа.

 

Икос 4

Слышавши от крестившаго тя патриарха напутственное слово о чистоте, посте, молитве и о всех добродетелех, христианом подобающих, слагала еси сия в сердцы твоем, делы вся та исполняти обещавающи. Темже убо по долгу воспеваем ти сице:

Радуйся, усердная слышательнице словес Божественных;

радуйся, ревностная исполнительнице закона христианского.

Радуйся, ниву сердца твоего очистившая от терния душевредных страстей;

радуйся, слезами покаяния оросившая ю.

Радуйся, яко семя слова Божия в сердцы твоем, яко на земли добрей, укоренися;

радуйся, яко семя сие прозябе и сторичный плод благих дел принесе.

Радуйся, вдовственную твою чистоту непорочно сохранившая;

радуйся, воздержанием и молитвою Богу угодившая.

Радуйся, милостынею Творца умилостивившая;

радуйся, нищия и убогия потребами снабдившая.

Радуйся, просвещение земли Русския светом Христова учения провидевшая.

Радуйся, святая равноапостольная княгине Ольго богомудрая.

 







Дата добавления: 2015-10-01; просмотров: 255. Нарушение авторских прав; Мы поможем в написании вашей работы!



Расчетные и графические задания Равновесный объем - это объем, определяемый равенством спроса и предложения...

Кардиналистский и ординалистский подходы Кардиналистский (количественный подход) к анализу полезности основан на представлении о возможности измерения различных благ в условных единицах полезности...

Обзор компонентов Multisim Компоненты – это основа любой схемы, это все элементы, из которых она состоит. Multisim оперирует с двумя категориями...

Композиция из абстрактных геометрических фигур Данная композиция состоит из линий, штриховки, абстрактных геометрических форм...

Метод Фольгарда (роданометрия или тиоцианатометрия) Метод Фольгарда основан на применении в качестве осадителя титрованного раствора, содержащего роданид-ионы SCN...

Потенциометрия. Потенциометрическое определение рН растворов Потенциометрия - это электрохимический метод иссле­дования и анализа веществ, основанный на зависимости равновесного электродного потенциала Е от активности (концентрации) определяемого вещества в исследуемом рас­творе...

Гальванического элемента При контакте двух любых фаз на границе их раздела возникает двойной электрический слой (ДЭС), состоящий из равных по величине, но противоположных по знаку электрических зарядов...

Тема: Кинематика поступательного и вращательного движения. 1. Твердое тело начинает вращаться вокруг оси Z с угловой скоростью, проекция которой изменяется со временем 1. Твердое тело начинает вращаться вокруг оси Z с угловой скоростью...

Условия приобретения статуса индивидуального предпринимателя. В соответствии с п. 1 ст. 23 ГК РФ гражданин вправе заниматься предпринимательской деятельностью без образования юридического лица с момента государственной регистрации в качестве индивидуального предпринимателя. Каковы же условия такой регистрации и...

Седалищно-прямокишечная ямка Седалищно-прямокишечная (анальная) ямка, fossa ischiorectalis (ischioanalis) – это парное углубление в области промежности, находящееся по бокам от конечного отдела прямой кишки и седалищных бугров, заполненное жировой клетчаткой, сосудами, нервами и...

Studopedia.info - Студопедия - 2014-2024 год . (0.012 сек.) русская версия | украинская версия