Курс студенттеріне 2014-2015 оқу жылының 1-2 семестріне арналған

М-1 әлеуметтік-гуманитарлық модульінің

«Қазақстан тарихы» пәні бойынша

оқу бағдарламасы (силлабус)

 

Орал – 2014 ж

КЕЛІСІЛДІ БЕКІТЕМІН

«Агрономия» факультетінің ОӘБ төрайымы «Агрономия» факультетінің деканы

____________ Каиргалиева Г.З. ____________ Тулегенова Д.К.

«___» _________ 2014 ж. «___» _________ 2014 ж.

 

«Қазақстан тарихы» пәні

(міндетті компонент) бойынша оқу бағдарламасы (силлабус)

 

Құрастырушы: аға оқытушылар Хайдаров Е.Е, Рамазанова Г.Е.

«Қазақстан тарихы және әлеуметтік-гуманитарлық пәндер» кафедрасы

«Агрономия» факультеті 304, 320 - кабинет

Оқу бағдарламасы (силлабус) ҚР Білім және ғылым министрлігімен

2014 ж. бекітілген типтік оқу бағдарламасына негізделіп жасалынды

 

Кредит саны – 3

Дәріс – 15 сағат

Практикалық – 30 сағат

БАОӨЖ – 25 сағат

БАӨЖ – 65 сағат

Барлығы – 135 сағат

Бақылау түрі – емтихан

 

 

Кафедра отырысында талқыланды: «» ________ 2014 ж. № хаттама

 

Кафедра меңгерушісі: Есенгалиева В.А.

 

Пәннің сипаттамасы Қазақстан тарихы пәніқазақ халқының шығу тегі мен қалыптасу тарихын, рухани құндылықтары мен материалдық мәдениетін, жалпы қазақ мемлекеттілігінің белестерін оқытады. Сонымен бірге еліміздің көпэтникалық құрамы және оның қалыптасу үдерісі тарихи тұрғыдан көрсетіледі.

1.2. Пәнді оқудың мақсаты:- көне дәуірден бүгінге дейінгі Қазақстан тарихын жаңа теориялық-методологиялық ұстанымдар тұрғысынан кешенді зерделеу және мемлекетіміздің әлемде алатын орны мен рөлі, елдің ішкі, сыртқы саясаты туралы студенттердің тарихи-танымдық көзқарасын қалыптастыру болып табылады.

1.3.1 Курстың міндеттері:

Ø қазақ этногенезі мен қазақ ұлтының қалыптасу кезеңдерін қарастыру және қазақ мемлекеттілігі, көрші халықтармен байланыс, халықаралық қатынастар, ұлт-азаттық қозғалыстар сияқты маңызды мәселелерді зерделеу;

Ø көшпелі өркениет пен түркі әлеміндегі қазақ халқының рөлі мен орнын көрсету;

Ø көшпелілердің рухани әлемінің эволюциясы және еуразиялық кеңістіктегі ата-бабаларымыздың әлемдік өркениетке қосқан үлесін көрсету;

Ø қазақ этносының қалыптасуы мен даму кезеңдерін, саяси басқару жүйесін, шаруашылығы мен салт-дәстүрін, тұрмысы мен мәдениетін көрсету;

Ø Қазақстан жеріндегі мемлекеттік құрылымдардың даму ерекшеліктерін талдау;

Ø қазақ халқының отарлық кезеңдегі тарихын және оның даму ерекшеліктерін көрсету;

Ø кеңестік кезеңдегі Қазақстан тарихының әлеуметтік-экономикалық, саяси және мәдени дамуындағы жетістіктері мен қарама-қайшылықтарын анықтау;

Ø Қазақстан тәуелсіздігі және оның тарихи алғышарттарын көрсету;

Ø Қазақстан халқының көпұлтты құрамының қалыптасу үдерісі мен күштеп көшірілген халықтардың тағдырын көрсету;

Ø Мемлекетімізді қалыптастыру мен нығайтудағы Қазақстан Республикасының Тұңғыш Президенті – Ұлт Көшбасшысы Н.Ә. Назарбаевтың тарихи рөлін көрсету;

Ø тәуелсіздік жылдарындағы саяси, экономикалық және әлеуметтік-мәдени реформалардың іске асырылуы мен кезеңдерін талдау, шекараның бекітілуін көрсету; астананы ауыстыру және Астана қаласының құрылысы мәселелерін қарастыру;

Ø халықаралық қатынастардың субьектісі ретінде мемлекеттердің аймақтық және әлемдік қауымдастыққа кіру үдерістерін көрсету;

Ø студенттердің азаматтық ұстанымын қалыптастыру, оларды халықаралық қатынастар мен мемлекеттің ішкі өміріндегі оқиғаларға бейімдеу.

1.4. Пәннің қысқаша мазмұны:Қазақстан Республикасының мемлекеттік тәуелсіздік алуына орай өткенді жан-жақты және обьективті зерттеу, негізгі міндеттері халықтың тарихи жадын жаңғырту, ұлттық сананы және азаматтық бірлікті жастарды отансүйгіштік пен толеранттыққа тәрбиелеу болып табылатын «Қазақстан тарихы» пәні оқыту көкейтесті бола түсті.

«Қазақстан тарихы» пәнінің көпфункционалдығы және маңызы сонда, бұл пән қазақстандық біртұтастықты бекітудегі, ұлттық сананы оятудағы,ұлттық білім беруді жетілдірудегі орасан зор рөліне, жаңа мыңжылдықта зияткерлік жарылыстың қажеттілігіне байланысты мемлекеттік маңызы бар оқу пәні болып табылады. Сондықтан да бұл пән еліміздің жоғары оқу орындарының оқу жұмыс жоспарларына енгізлген.

1.5.Оқыту нәтижелері:

А (білім және түсіну)- Қазақстан тарихының негізгі кезеңдерін, оқиғалардың себеп- салдарын, жүру барысын,тарихи маңыздылығын білу;

В (білім және түсінулерді қолдану) Тарихи оқиғаларды талдап, дұрыс қорытындылар жасау;

С (пайымдауларыды шығару (құрастыру) Ғылыми талдауға негізделген шынайы тарихты ойдан шығарушылық пен аңыз шығармашылығынан ажырата білуге, тарихи сананы қалыптастыруға ықпал ету;

Д (коммуникативті дағдылар) Қазіргі әлемдегі тарихи ақпараттарға сүйене отырып, студенттердің өзіндік пікірін жасақтауға бағыттау;

Е (оқу дағдылары) Тарихи деректермен жұмыс істеп, өткен және нақты оқиғаларға сыни тұрғыдан талдау жасау арқылы теориялық білімдерін күнделікті тәжірбиеде қолдану;