Лекция мазмұны. Инвестициялық саясат дегеніміз инвестициялық процесті ұйымдастыру және жүзеге асыру бойынша стратегия мен тактиканы

Инвестициялық саясат дегеніміз инвестициялық процесті ұйымдастыру және жүзеге асыру бойынша стратегия мен тактиканы жасауға және жүзеге асыруға бағытталған іс-шаралардың жиынтығы.

Құрылымдық-инвестициялық саясаттың негізгі бағыттарының мәнін ашу үшін Қазақстандағы экономикалық қайта құрулардың бастапқы кезеңіне тоқталайық, 1993 жылы Қазақстан Республикасының Жоғарғы Кеңесімен жасалған және қабылданған инвестициялық қызмет бойынша екі заң қабылданды – олар «Қазақстан Республикасының экономикасын қайта құру қоры туралы» Қазақстан Республикасынң Заңы және «Инвестицияларды қаржыландырудың қайтарым жүйесі туралы» Заңы, сонымен қатар Қазақстан Республикасының Министрлер Кабинетімен жаңа қазақстандық Құрылысты қаржыландыру және несиелеу ережелері бекітілді. Содан кейін жоғарыда айтылған заңдар мен Құрылысты қаржыландыру және несиелеу ережелерді жүзеге асыру механизмі ретінде Қазақстан Республикасының Ұлттық банкімен, Қаржы миинстрлігімен және Экономика министрлігімен шаруашылық етудің нарықтық жағдайларына өту кезеңінде инвестициялық қызметті ұйымдастыру және жүзеге асыру бойынша сәйкес нормативтік ережелер жасалды және енгізілді.

Сонымен қатар құрылымдық-инвестициялық саясатты жетілдіру мақсатында 1997 жылы екі маңызды заң қабылданды – олар «Тікелей инвестицияларды мемлекеттік қолдау туралы» ҚР Заңы және «Сыртқы қарыз алу мен сыртқы қарызды басқару туралы» ҚР Заңы, сонымен бірге Инвестициялар бойынша ҚР мемлекеттік комитеті құрылды.

Мемлекеттің экономикалық және әлеуметтік дамуына бағытталған инвестициялық саясатты жүргізу келесі жағдайларда жүзеге асырылады:

- инвестициялық бағдарламаларға сәйкес;

- мемлекеттік инвестицияларды, бюджеттік қаржы бөлулерді және бюджеттен тыс қорды тікелей басқару;

- сараланған пайыздық қойылымдар мен жеңілдіктерді енгізу;

- экономиканың нақты жағдайына қатысты өлшенген қаржылық, баға (мемлекеттік секторда), сонымен қатар несие саясатын өткізу;

- инвестициялық жобаларды тиісті сараптау.

Мемлекетаралық масштабтағы құрылымдық-инвестициялық саясаттың басты бағыттары:

- экономиканың мемлекетаралық интеграциясы;

- инвестициялық саясатты жасау және жүзеге асыруды ұйымдастыру;

- шаруашылықтың нарықтық жағдайына келісілген байланысты қайта құру;

- тәуекелдерден инвесторларды қорғау (сақтандыру және т.б.);

- нарықтық жағдайлар үшін кадрларды дайындау бойынша жұмыстың тиімділігін көтеру және т.б.

Өзінің инвестициялық саясатында Қазақстан инвесторлармен қарым-қатынаста тұрақтылық және анықтылық қағидаларын, инвесторлардың мүдделерін қорғау, жергілікті және шетел инвесторлары үшін тең жағдайлар құру, жасалған келісім-шарттардың тұрақтылығы қағидаларын ұстайды.