Қазақстандағы сұрыптау табыстары - Қазақстан Республикасы Ұлттық Ғылым академиясының академигі, профессор Ф.М.Мұхамедғалиев (1911—1989) үй қолтұқымдары сұрыптауының дамуына өте бағалы үлес қосты. Ол жануарлардың жаңа типтерін шығаруда түйінді маңызы бар. Жануарларды көндіктіру және эволюциясының мәселелерін зерттеді. Ондай жануарлар төтенше жағдайларға, сондай-ақ асылтұқымды қой шаруашылығында зиготаларды ауыстырып салуға бейім келеді. Ф. М. Мұхамедғалиев атындағы биотехнология және жануарларды өсіру жөніндегі ғылыми-сынақ тәжірибе орталығында зиготалар мен ұрықтардың ауыстырып салу кезінде өміршеңдігін арттырудың сұрыптау әдістері, гаметалар мен ұрықтардың тоңазыта сүрлемелеу (криоконсерваңия) әдістері жете зерттелді. Дәлелді зерттеулер әріден тұраралық будандастыру негізінде Қазақстан жағдайларына кендіккен жаңа жетісулық қой қолтұқымы - қазақ арқар-мериносы және шошқалар шығаруға мүмкіндік берді.
Жазылбек Қуанышбаев (1896 —1986) - шопан, малшы-селекционер. 1936 жылы таңдаулы малшылар қатарында Алматыда ашылған Қазақстан ауыл шаруашылығы көрмесіне қатысады. Осы сапардан оралысымен ол мал тұқымын асылдандыру жүмысына кіріседі. Жергілікті қылшық жүнді қойды қаракөл қойымен будандастыру ісін жүргізеді. Ұлы Отан соғысынан кейін, тоқтап қалаған бұл селекция жұмысын қайтадан жалғастырып, жаңа қой тобы — қүнды елтірі беретін қаракөл қойын өсіреді. Одан төл алу және оның елтірісінің сапасын жақсарту көрсеткіші жылдан жылға өрлей береді.
