ШКМ тән қиындықтар

Шағын жинақталған мектептердің проблемасы көп, бастауыш және негізгі мектептердің жағдайы төмен. Материалдық-техникалық базасы мен көрнекі құралдары нашар. Арнайы жабдықталған пәндік дәрісханалар мен зертханалар да жоқтың қасы. Интернет желісінің жұмыс істеу сапасы төмен, тіпті шалғай ауылдарда қосылмаған, кітап қоры аз, оның ішінде мұғалімдерге қажетті инновациялық технологияға байланысты әдістемелік құралдар мен
материалдары қолданыста жоқ деуге де болады. Кадрлар тапшы, мұғалімдердің кәсіби біліктіліктерін жетілдіру курстарынан неше жылда бір өтеді. Бір пәннің мұғалімі бірнеше пәннен сабақ береді. Оның үстіне, бала саны аз болғандықтан, сыныптар топтастырылып сабақ өтеді, оқушының бағдарламаны толық игеріп, жан-жақты білім алу мүмкіндіктері төмен.

Қазақстанда ШЖМ-ны дамытуда мынадай қиындықтар кездеседі:
-әмбебап кәсіби педагогикалық мамандардың жетіспеушілігі;

-сабаққа дайындалуда оқытушының шектен тыс жүктеме орындауы;

-біліктілікті арттыру мүмкіндігінің аздығы;

-ақпараттық-коммуникативтік технологияларды жетік қолдана алмауы;

-сабақтардың дәстүрлі формада ұйымдастырылуы,

-тәрбие жұмыстарының дұрыс ұйымдастырылмауы;

-мұғалімдерге арналған оқу-әдістемелік құралдарының болмауы;

-интерактивті құралдармен жабдықталу деңгейі, мультимедиялық кабинеттер мен кең жолақты интернетпен қамтамасыз етілмеуі.