Статья 1. В стоимость входит: проезд автобусом по всему маршруту, проживание в отеле, питание(2 завтрака,2 ужина),услуги экскурсоводов и сопровождающего,страховка.

В стоимость входит: проезд автобусом по всему маршруту, проживание в отеле, питание(2 завтрака,2 ужина),услуги экскурсоводов и сопровождающего,страховка.

В стоимость не входит: входные билеты, купание в бассейнах, дегустация, обеды.

СУДЕБНИК 1550 ГОДА

Текст

ЛЕТА 7000 ПЯТДЕСЯТ ОСМАГО ИЮНЯ¹⁹⁶...
ЦАРЬ И ВЕЛИКИЙ КНЯЗЬ ИВАН ВАСИЛЬЕВИЧ ВСЕА РУСИ
И С СВОЕЮ БРАТЬЕЮ И 3 БОЯРЫ СЕСЬ СУДЕБНИК УЛОЖЫЛ:
КАК СУДИТ И БОЯРОМ, И ОКОЛНИЧИМ. И ДВОРЕЦКИМ, И КАЗНАЧЕЕМ,
И ДЬАКОМ, И ВСЯКИМ ПРИКАЗНЫМ ЛЮДЕМ, И ПО ГОРОДОМ НАМЕСТНИКОМ,
И ПО ВОЛОСТЕМ ВОЛОСТЕЛЕМ. И ТИУНОМ И ВСЯКИМ СУДЬЯМ

1. Суд царя и великого князя судити боаром, и околничим, и дворецким, и казначеем, и дьяком. А судом не дружыти и не мстити никому, и посулу в суде не имати; також и всякому судье посулов в суде не имати.

2. А которой боярин, или дворецкой, или казначей,илидьак просудится, а обвинит кого не по суду бесхитростно,или список подпишет и правую грамоту даст, а обыщется то в правду, и боярину, и дворецкому, и околничему, и казначею, и диаку в том пени нет; а истцом суд з головы, а взятоеотдати ¹⁹⁷.

3. А которой боярин, или дворецкой, или казначей, или дьяк в суде посул возмет и обвинит не по суду, а обыщется то в правду, и на том боярине, или на дворецком, или на казначеи, или на дьяке взяты исцов иск, а пошлины ¹⁹⁸ царя ¹⁹⁹ и великого князя, и езд, и правда, и пересуд, и хоженое, и правои десяток, и пожелезное взяти втрое дарь укажет ²⁰⁰.

4. А которой дьак список нарядит или дело запишет не по суду, не так, как на суде было, без боярьского, или без дворецкого, или без казначеева ведома, а обыщется то в правду, что он от того посул взял, на том дьаке взяти перед боярином вполы да кинути его в тюрму.

5. Подьачей, которой запишет ²⁰¹ не по суду для посула без дьячего прика у, и того подьячего казнити торговою казнью, биты кнутьем.

6. А кто виноватой солжет на боярина, или на околничего, или на дворецкого, или на казначее, или на дьяка, или на подйячего, а обыщетца то в правду, что он солгал, и того жалобника, сверх его вины, казнити торговою казнью, биты Кнутъем, да вкинути в тюрму.

7. А кто х которому боярину, или дворецкому, или казначею, или к дьяку придет жалобник его приказу, и ему жалобников своего приказу от собя не отсылати, а давати ему жалобником своего приказу всем управа, которой^200- будет жалобник^-202 бьет челом²⁰³ по делу; а которому будет жалобнику без государева ведома управы учинити не мочно, ино че-ломбитье его скаэати царю государю. А которой боярин, или дворецкой^204-, или казначей^-204, или дьак жалобника своего приказу отошлет, а жалобницы у него не возмет, и управы ему или указу²⁰⁵ не учинит, и царю государю челомбитьа его не скажет, и учнет тот желобник бити челом государю, что ему уп авы не учинили, и государь ту его жалобницу отошлет тому, чей суд, и велит ему управу учинити, и бояре ему, или дворецкой, или казначей²⁰⁶ управы не учинят же, и тем, которые управы не учинят, быти от государя в опале. А которой жалобник бьет челом не по делу и бояре ему откажут, и тот жалобник учнет бити челом, докучати государю, и того жалобника вкинути в тюрму.

8. А имати боарину, и дворецкому, и казначею и дьяку в суде от рублевого дела на виноватом пошлин, кто будет виноват, ищеа или ответчик, и боярину, или дворецкому, или казначею на виноватом одиннатцать денег, а дьяку семь денег, а подьачему две денги; а будет дело выше рубля и ниже рубля, и им имати^207-пошлины по расчету; а болши того им не имати; а от записки подьячему не имати ничего^-207. А возмет боарин, или дворецкой, или казначей, или дьак, или подьячей, или неделщик на ком что лишек, и на том ²⁰⁸ взяти втрое. А хто учнет бити челом на боярина²⁰⁹, или на дьяка, или на подьячего, или на неделщика, что взяли на нем сверх²¹⁰ пошлин лишек, и обыщется то²¹¹, что тот солгал, и того жалобника каанити торговою казнью да вкинути в тюрму.

9. А досудятся до поля, да не²¹² став у поля, да помирятся²¹³, и боярину, и дворецкому, и казначею, и дьаку, и подьячему имати по тому ж указу, а околничему, и дьаку, и подьячему²¹⁴, и неделщику пошлин полевых не имати. А воэмет боярин, или околничей, или дворецкой, или казначей, или дьяк, ^215-или неделщик^-215, или подьячей лишек болши того²¹⁶ и обыщется то^-216, что жалобник солгал, и того жалобника казнити торговою казнью да вкинути в тюрму.

10. А у поля став помирятся, и боярину, и дворецкому, и казначею, и дьяку имати пошлины по тому ж росчету; а околничему имати полевых²¹⁷ пошлин четверть рубля, ^218- а дьяку четыре алтыны, а поьячему денга, а недельщику имати четверть рубля^-218, да недельщику ж имати вящего по два алтына; а болши им того не имати. А кто возмет лишек, и на том взяти втрое. А обыщется то, что жалобник солгал, и того жалобника казнити торговою казнью²²⁹ да вкинути в тюрму.

11. А побьются на поле в заемном деле или в бою, и околничему полтина да за доспех убитого три рубля, а дьаку четверть рубля, да неделщику полтина, да неделщику ж вясчего четыре алтына без дву денег, а подьячему две денги. А не станет кто у поля или от поля збежыт, ино околничему и дьаку и неделщику имати на том, как и с мирового дела; а избные пошлины с рубля по гривне; а болше им того не имати. А возмет кто лишек, и на том вэяти втрое. А обыщется то, што жалобник солгал, и того жалобника казнити торговою казнью²²⁰ да вкинути в тюрму.

12. Побьются на поле в пожеге, или в душегубьстве, или в разбое или в тадбе, ино на убитом исцово доправити, да околничему на убитом полтина да за доспех убитого три рубля, а дьяку четверть рубля, а неделщику полтина, да неделщику ж вязчего четыре алтыны без двух денег, а подьячему две денги. А убитого дати на поруку: как его государь попытает, ино его поставити перед государем; а не будет по нем поруки, ино его вкинути в тюрму, доколе по нем порука будет.

13. ²²¹А к полю приедет околничей и дьак²²¹, ²²² и околничему и дьаку ²²²вспросити²² исков, и ищей и ответчиков: ²²³ кто за ними стряпчие и поручники; и кого за собою стряпчих и поручников скажут, и им тем велети у поля стоати; а доспеху и дубин и ослопов стряпчим и поручником у собя не дръжати. А бой полщиком давати околничим и дия-ком ровен. А которые будут у поля опричные люди, и околничему и дьяку от поля их отсылати; а которые прочь не пойдут, и им тех отсылати в тюрму.

14. А битися на поле бойцу з бойцом или небойцу с небойцом, а бойцу с небойцом не битися; а похочет небоец з бойцом на поле битись, ино им на поле битись. Да и во всяких, делех бойцу з бойцом, а небойцу с небойцом, или бойцу с небойцом²²⁴ по небоицове воле^-224 на поле битися по тому ж.

15. А ищеа пошлется на послуси в заемном деле бес кабалы или в каково деле ни буди, и послуси став да меж собя порознятся: иные молвят в ысцевы речи²²⁵, а иные в ысцевы речи! не молвят; и которые молвят в ысцевы речи^-225, а попросят с ними те послухи, которые не молвят в ысцевы речи, поля, ино им присужати поля; а убьют на поле послуси те, которые послушествовали в ысцевы речи, тех послухов, которые не послушествовали в ыстьцовы речи, ино исцово и пошлины имати²²⁶ по списку^-226 на ответчике и на тех послусех, которые не послушествовали в ысцовы речи; а которые послуси не послушествовали в ысцовы речи убьют будет на поле тех послухов, которые послушествовали в ысцовы речи, ино имати пошлины по списку на ищее и на тех послусех, которые послушествовали²²⁷ в ысцовы речи^-227, а не попросят поля те послуси, котрые послушествовали в ысцовы речи, с теми послухи, которые не послушествовали в ысцовы речи, или послухи не договорят в ысцовы речи, ино тем ищеа виноват. А по кабале порознят послуси и дьяк, ино по тому же.

16. А кого послух опослушествует в бою, или в грабежу, или в займех, ино суд на ответчикову волю: хочет, с послухом на поле лезет или, став у поля^{228 229}у креста²³⁰, на целование^-229 ему ^-230 или без целованиа даст; а вины в том ответчику и пошлин полевых убитых²³¹ нет; а побьютца на поле. и пошлины судные²³² и полевые взяти по указу на убитом.

17. Апротив послуха ответчик будет стар, или мал, или чем увечен, или поп, или чернен,, или черница, или жонка, и тому против послуха наймит, а послуху наймита нет; а которой послух чем будет увечен беэхитростно, или будет в послусех поп, или чернец, или черница, или женка, тем наймита наняты водно ж. А что правому или его послуху учинится убытка, и те убытки имати на виноватом.

18. А послух перед судью не придет, есть ли за ним речи, нет ли, ино на том²³³послухе ысцово²³³" ы²³⁴ убытки и все пошлины взяти; а с недёлщиком и с праведчиком о сроце тому послуху суд.

19. А на ком взыщет женка, или детина²³⁵, или стар, или немощен, или чем увечен, или поп, или чернец, или черница, ино им наймита наняты волно, а ответчику против наймита наймит же; а истцу и ответчику крест целовати, а наймитом битися. А похочет истец или ответчик сам битися с наймитом, и он²³⁶бьется.

20. А кто взыщет человекех на трех или на четырех по жа-лобнице, а напишет в жалобнице человек десять или пятнадцать, или болши или менши, и те два или три за собя и за иных товарыщев отвечают, а за иных не отвечают, и за которых по жалобници отвечают, ино тех судити в их жеребьех; а за которых людей не отвечают по жалобнице, ино в тех их жеребьех велети посылали пристава; а будет по тех людей ходила приставная, ино по той срочной в их жеребьех давати без-судные.

21. А на которого из них ездок срочную накинет на одного²³⁷, и тот срочные своей товарыщем своим, которые с ним в срочные писаны, не покажет, и на которых его товарыщев выляжет в их жеребьех безсудная грамота, ино тем людем с тем датй суд, яо им срочные не показал.

22. А которые люди учнут искати на наместникех или на волостелех и на их людех по жалобницам, и оне²³⁸ не за всех учнут отвечати, а исцы учнут искати на наместникех или на волостелех и на их людех всего своего иску по жалобнице и без тех. за которых людей не отвечают, и по тем их жалобницам. судити во всем иску^239- по жалобнице^-239 без тех людей,за которых не отвечают.

23. А которых людей исцы учнут примешивати²⁴⁰ к наместничим людем или к волостелиным²⁴¹ людем городских людей или волостных²⁴², а наместничи или волостелины люди за тех городцких людей или за волостных отвечати не похотят, и наместничих и волостелиных людей²⁴³ судити в их вытях²⁴⁴, а на тех городцкых или на волостных людей в их вытех²⁴⁵ давати пристава; а до наместничих и до волостелиных людей в тех вытех дела нет.

24. А которые люди иногородцы учнут бити челом на наместников или на волостелей^246- о обидных делех^-246, как те наместники или волостели, едучи на жалованье, и на жалованье жывучи, или едучи з жалования, кого чем изобидят, и тем людем иногородцом приставов на наместников и по волостелей и по их людей и до съезду з жалованиа давати²⁴⁷, а велети тем наместником и волостелем присылати в свое место к ответу людей своих. А которые иногородцы не²⁴⁸ учнут о тех своих обидных делех бити челом на наместников и на волостелей и на их людей до году, и тем людем тогды приставов и суда на наместников и на волостелей и на их людей не давати.

25. А который ищеа взыщет бою и грабежу, и ответчик скажет: бил, а не грабил, и ответчика в бою обвинити и бесчестие на нем взяти; а в пене, посмотря по человеку, что государь укажет; ²⁴⁹ а в грабеже суд и правда, а во всем не обвинити; а скажет, что грабил, а не бил, и на том грабеж доправити, хто скажет грабил; а в пене, посмотря по человеку, что государь укажет^-249; а в бою суд и правда. А в ыных делех судити по тому ж: кто в чем скажется виноват, то на нем и взяты; а в пене что государь укажет, посмотря по человеку; а в достали суд и правда, крестное целование.

26. А бесчестие детем боярским, за которыми кормлениа²⁵⁰, указати против доходу, что на том кормление по книгам доходу, а жене его безчестья вдвое против того доходу; которые дети боарьские емлют денежное жалование, сколко которой жалованьа имал, то ему и бесчестие, а жене его вдвое против их бесчестна²⁵¹; а дьяком полатным и дворцовым безчестие что царь и великий князь укажет, а женам их вдвое против их бесчестна; а торговым²⁵² гостем болшим пятдесят рублев, а женам их вдвое против их бесчестна; а торговым людем и посадцким людем и²⁵³ всем середним бесчестна пять рублев, а женам их вдвое бесчестна против их бесчестна; а боярскому человеку доброму бесчестна пять рублев, опричь тиунов и довотчыков²⁵⁴, а жене его вдвое; а тиуну боярскому или довотчику и праведчику бесчестна против их доходу, а женам их вдвое; а крестианину пашенному и непашенному²⁵⁵ бесчестна рубль, а жене его бесчестна два рубля; а боярскому человеку молотчему²⁵⁶ или черному городцкому человеку молодчему^-256 рубль бесчестна, а женам их бесчестна вдвое. А за увечие указывати крестианину, посмотря по увечию и по бесчестию; и всем указывати за увечие, посмотря по человеку и по увечью.

27. А которой чюжеземец взыщет чего на чюжеземце же, ино того воля, на ком взыщет: хочет сам отцелуется, что втомне виноват, или у креста положит,чего на нем взыщет, и истец, поцеловав крест, да возжег²⁵⁷. А которой человек. здешнаго государьства взыщет на чюжеземце или чюжеземец Чй здешнем человеке, и в том дати жеребей: чей ся жеребей вымет²⁵⁸, тот, поцеловав, свое возмет или отцелуется.

28.²⁵⁹А которое будет дело судит царь и великий князь, или дети царя и великого князя или бояре, и которой суд не кончается, оставят его в обговоре, и дьяку исцовы и ответчико-вы речи велети записати перед собою; или о чем ся пошлют на послушество, и дьаку велети то записывали перед собою ж; да те ему дела держати у собя за своею печатью, доколе дело кончается. А которые дела дадут дьяки подьячим с черна начисто переписывати, и дьяком к тем жалобницам и к делом по сставом руки прикладывати. А как подьачей с черна начисто перепишет дело, и дьаку те все дела справити самому, да к тем делом дьаку руку свою приложить; а держать те дела дьаку у собя за своею печатью. А подьячему у собя дел никоторых не дръжати; а вымут у подьячего список или дело²⁶⁰ за дьячею печатью, а руки дьячей у того списка или у дела не будет или у жалобницы, и тот список²⁶¹ и пошлины и езд взяти на дьяке, а подьячего бити кнутьем; а вымут у подьячего список или дело за городом или на подворие. и тот список²⁶² взяти на дьяке, а подьячего казнити торговою казнью да выкинути ис подьячих, и ни у кого ему в подьячих не быти.

29. А которые дела судят бояре, и тот суд велегы²⁶³ записывати перед собою; а исцом у записки не стояти; а будет надобе на которое дело истца или отвещика вспросити, ино его к собе позваты²⁶⁴ да, вопросив его, от записки отослати. А как дело их дьяк запишет, и того дела перед истцы не чести, а прочести его боярам.

30. А случится суд сместной, ищеа или ответчик судимы будут не одному судье, и кто по кого взведет пристава в каково деле ни буди, и тот ищеа возжег у своего судьи за собою сторожа да идет к тому судье просити пристава, у кого в присуде тот, на ком ему искати, да перед тем судьею ищет; а будет тот отвешик, не сходя с суда, против на нем взыщет, и ему перед тем судьею отвечяти. Да и во всяких делех судити сместной суд^265- тому судье²⁶⁵, у кого в присуде отвечык²⁶⁶. А пошлины¹⁶⁷ обеим судьям иматипо указу, а делитись судьям пошлинами²⁶⁷ по половинам; а пошлины обеим судьям имати одне.

31. А кто кого поймает приставом в бою, или влае или в займе, а на суд итти не похотят, и оке²⁶⁸ доложат судьи да помирятся, а судье пошлин и продаж на них нет, опричь езду и хоженого. А которые жалобницы заданы²⁶⁹ судьям и оба истца до суда помирятся, и по тем жалобницам судьям пошлин не имати ж.

32. А неделщику²⁷⁰ на суде на боар ²⁷⁰ и на дворецкого, и на околничих, и на казначеев, и на дьяков²⁷¹ посулов не просити²⁷², и самому неделщику посулов не имати. А которой неделщик возжег²⁷³ на суде на боярина²⁷³, или на околни-чего, или на дворецкого, или на казначеа, или на дьяка посул, или собе²⁷⁴ посул воэмет, и уличат его в том, и того неделщи-ка казнити торговою казнью, а посул на нем доправити втрое да из недель выкинути²⁷⁵.

33. А пошлины имати от правые грамоты боярину от печати с рубля по девяти²⁷⁶денег, а дьаку имати от подписи с рубля по алтыну, а подьячему, которой правую грамоту напишет, с рубля имати по три денги; а болши того не имати. А кто возмет болше того²⁷⁷ и уличат его в том, и на том взяти втрое. А обыщется, что жалобник солгал, и того жалобника казнити торговою казнью да вкинути в тюрьму.

34. А докладной список боярину, или дворецкому, или казначею печатати, а дьяку подписывати; а имати от печати боярину, или дворецкому, или казначею с рубля по алтыну, а дьяку с рубля по четыре денги, а подьячему, которой на списке напишет²⁷⁸, с рубля по две денги; а болши им того не имати. А кто возмет лишек²⁷⁹ и уличат его в том, и на том взяты втрое. А обыщется то, што жалобник солгал, и того жалобника казнити торговою казнью да кинуты в тюрму.

35. А с холопа и с робы от правые грамоты и от отпускные²⁸⁰ боарину, или дворецкому, или казначею имати от печати з головы по девяти денег^281-, а дьяком имати от подпысы з головы по алтыну^-281, а подьячему, которой правую грамоту напишет или отпускную, з головы имати по три денги.

36. А кто займет²⁸² денги в рост в кабалу, и на те кабалы отписи²⁸³ без боярского докладу и без дьячей подписи не быти. А боярину от всякиа отписи, в колке отпись ни буди, имати от печати по три денги, а дьяку имати от подписи по две денги, а подьячему, которой отпись напишет,имати поденги.

37. А с царева и великого князя суда и с детей царя и великого князя суда пошлин на виноватом по тому ж, как и з бо-ярьского суда, с рубля по одиннатцати денег, кому государь укажет, а дьяку семь денег, а подьячему две денги.

38. А цареву и великого князя печатнику и детей царя и ве-ликаго князя печатнику от печати имати от правые грамоты с рубля по девяти денег, а дьяку с рубля по алтыну, а подьячему, которой правую грамоту напишет, имати с рубля по три денги.

39. А з докладного списка царя и великого князя докладу и детей царя и великого князя докладу имати цареву и великаго князя печатнику и детей царя и великого князя печатнику²⁸⁴ имати с рубля по девяти денег, а дьяку от подписи с рубля по алтыну, а подьячему, которой на списке напишет, имати с рубля ^285-по две денгы^-285.

40. А с холопа и с робы от правые грамоты имати²⁸⁶ печатнику²⁸⁷ з головы по девяти денег, а дьяку от подписи имати²⁸⁸ по алтыну, а подьячему, которой правую грамоту напишет²⁸⁹, имати з головы по три денги.

41. А от срочных от подписей имати дьаку с срочные по две денги, а от отписных²⁹⁰ срочных дьяку имати от подписи с Рубля по три денги, а подьячим от подписи имати с рубля по Две денги. А похотят оба исца, ищеа и²⁹¹ отвечик, срок отписати, и оне оба платят от подписи, от писма и неделщику хо-женое по половинам. А которой ищеа или ответчик к сроку не риедет, а пришлет²⁹² срок отпысываты, и тому все платити одному от обеих срочных и хоженое, опричь служилых людей; а будет оба истцы, ищеа или ответчик, служилые люди, а пошлют их на службу, а похотят перед тем сроком недели за две или за три до того сроку, на которой день делено им на службе быти, по срочным срок отписати, и тем служилым людем недели за две или за три отписывати безпошлинно для службы. А срочные дъаком дрьжати у собя за своею печатью. А как давали безсудные, и дьяком срочные снести в одно место самим да, разобрав срочные самим дьаком по сроком²⁹³ да велели им подьячим безсудные давати и сроки отписывати. А у подьячих дьяком срочных не держати; а у которой дьяк срочные учнет держати у подьячих срочные не у собя, и у чьего подьячего ищеа или отвечик с приставом вымут срочную подписану до сроку, а не за дьячею печатью, и на том дьяке тот иск, что в срочной написано, доправити; а дьяк с своим по-диячим сам ся ведает.

42. А безсудные²⁹⁴ грамоты давати²⁹⁵ за сто връст семым днем, а дале того по тому ж расчету. А пошлины имати от правые и от безсудные царя и великого князя печатнику от печати с рубля по алтыну, а дьяку от подписи с рубля по алтыну же, а подьачему с рубля по две денги; а болше им того не имати. А кто возмет^296- болше того^-296 и уличат его в том, и на том взяти втрое. А кто солжет, того казнтти торговою казнью да вкинути в тюрму.

43. А велит государь кому какову грамоту дати лготную, или уставную, или полетнюю с красною печатью, и что возмет печатник от печати от которые грамоты, а дьяку от подписи взяти то же. Торханных вперед не давати никому; а старые тарханные грамоты поимати²⁹⁷ у всех.

44. А от приставных имати царя и великого князя печатнику и дьяку у неделщиков по езду, с которые приставные рубль езду, и печатнику у неделщика имати от печати с рубля по алтыну, а дьяку от подписи с рубля алтын же; а будет езду до которого города рубля болши или менше, и печатнику и дьяку²⁹⁸ имати по тому ж расчету. А будет в приставной²⁹⁹ иск менши того езду, и дьяком тех приставных не подписывати³⁰⁰, а того неделщика кинути в тюрму да сказати царю государю. А без неделщиков дьяком приставных не подписывати; а в приставной болши двадцати вытей не писати; а неделщику от приставной^301-один еэд^-301; от которого города в которой город приставная написана. А^302-подпишет которой дьяк приставную^-302, а в приставной иску будет менши езду, или подпишет приставную без неделщика, и уличат его в том, и што в приставной иску. и тот иск взяти на дьяке, а в пене что государь укажет.

45. А хоженое неделщику в городе десять денег, а ш правду вдвое; а от поруки неделщиком поминков не имати; а езд неделщику имати вдвое до которого города по указу, а с правды им имати вдвое езду; а болши того им не имати.

46. А езду от Москвы до Коломны полтина, до Каширы полтина, до Хотуни³⁰³десять алтын, до Тарусы дватцать алтын, до Алексина полтретьятцатъ алтын, до Калуги рубль, до Ярославца³⁰⁴ полтина, до Боровскаго полтина ж, до Вышегорода полтина, до Кременска³⁰⁶ дватцать алтын, до Можайска полтина, до Вязмы полтора рубля, до Воротынска сорок алтын, до Коэелска рубль с четвертию, до Одуева³⁰⁶ сорок алтын, до Белева рубль с четвертью, до Мезецка³⁰⁷ сорок алтын, до Оболеньска полтина, до Звенигорода две гривны, до Дмитрова десять алтын, до Радонежа четверть рубля, до Переславля дватцать алтын, до Ростова рубль, до Ярославля^308- два рубля^-308 с четвертию, до Вологды полтретья рубля, до Белаозера полтретьа рубля, до Устьюга пять рублев, до Вятки полосма рубля, до Вычегды семь рублев, до Двины и до Колмогор восемь рублев московская, до Юрьева рубль, до Володимеря рубль с четвертию, до Костромы полтора рубля, до Галича полтретьа³⁰⁹ рубля, до Стародубских князей отчины полтора рубля, до Мещеры два рубля, до Новагорода до Нижнего полтретья рубля, до Суздаля рубль с четвертию, до Мурома полтора рубля, до Углеча рубль, до Бежецкого Врьха полтора рубля, до Романова городка рубль с четвертию, до Клина полтина, до Кашина рубль, до Твери рубль, до Зубцова³¹⁰ рубль, до Опок рубль, до Хлепни³¹¹ сорок алтын, до Торжку рубль с четвертью, до Вереи³¹²полтина, до Медыни полтретьятцатъ алтын, до Великого Новагорода полтретьа рубля, до Пскова полчетверта рубля, до Смоленска полтретьа рубля, до Иваня города полчетверта³¹³ рубля, до Лук и до Торопца по получетверта рубля; а где будет болши того връст, ино имати по тому ж расчету.

47. А ездити неделщиком с приставными и на поруку давати самим или своих ездоков посылати, а людей им своих с приставными не посылати; а от поруки им самим и их ездокам поклонного, с приставными ездячи, не имати^314- ни у кого^-314. А в котором городе неделщик жывет, и ему в том городе³¹⁵ с приставными не ездити ни в свое место не посылати ни в каково деле. А которого неделщика пустят в недели, и сколко у которого неделщика будет заговорщиков и ездоков³¹⁶, кому с кем³¹⁷ в заговоре делати и кому от кого³¹⁸ с приставными ездити, и тому неделещику тех своих³¹⁹ ездоков приводит к дьаком, которые дьаки у кормлений будут, да тех своих заговорщиков³²⁰ и ездоков неделщиком у дьяков запи-сывати в книги для того, чтоб неделщики заговорщиков и ездоков своих не отпирали. А какову обиду или продажу ездок кому учинит и уличат его в том, и тот иск взяти на неделщике, от кого тот ездок ездил, а ездока казнити торговою казнью. А держати неделщику [до] семи ездоков, а болши семи ездоков неделщику не держати. А которого ездока изымают, а тот ездок^321- в книгах у кормленых дьаков не писан ни у которого неделщика^-321, и того ездока казнити торговою казнью; а будут тому ездоку истцы, и тех исцов иски взятина том ездоке без суда. А как неделщик из недель выйдет, и тем ездоком в том городе от иных неделщиков не ездити; а которого ездока изымают, а он ездит в том же городе от иного неделщика, и того ездока казнити торговою казнью да вкинуты в тюрму; а будут тому ездоку истцы, и те искы взяти все без суда на том неделщике, от которого тот ездок ездил, и на том ездоке. А которой ездок в котором городе жывет, и тому ездоку ни от какова неделщика в том городе не ездити; а которого ездока изымают, а³²² в том городе, в котором жывет, в том же и с приставными ездит, и кто ему будут истцы, и те иски все взяти на нем без суда, а его казнити торговою казнью. А что заговорщик кому учинит какову продажу или обиду и уличят его в том, и те иски все взяти на том заговоре на всем, а его вкинути в тюрму. А без заговорщиков неделщиком³²³недель не делати.

48. А в которой город или в которую волость приедет неделщик или ездок с приставною, и ему явити приставная наместнику или волостелю или³²⁴ их тиуном; а будут оба исца того города или волости, а наместнику или волостелю³²⁵ оба будут судимы, и ему обоих исцов ставити перед наместником, или перед волостелем, или перед их тиуном. А не явит недел-щик или ездок его наместнику или волостелю или их тиуном приставные, и обоих истцов^326- перед тем наместником или волостелем и перед их тиуны не поставит, а будут оба³²⁷,^328-истец и ответчик^-328, одного города или одной волости, а ему будет оба судимы, и тот неделщик и ездок езду лишен, а доводчику на том неделщике или на его ездоке взяти хоженое.

49. А кого даст неделщик на поруку в какове деле ни буди, и ему истцов и ответчиков не волочити, а ставити их перед судьями; а сроки им крестианом отписывати и безсудные по срочным давати по сроком по указу беэволокитно, а кто станет волочити после срока, и на том взяти тому, кого волочит, проести по три денги на день. От беэсудные неделщиком, опричь пошлин, не имати ни у кого ничего. А коли³²⁹ неделщик срок отпишет обоим истцом вместе, и ему взяты с обеих сторон одно хоженое; а опричь того не взяти ему ничего. А в езду^330- в своем^-330 даст на поруку доколе ся дело кончает, и ему езд взяти на виноватом. А которой ищеа или ответчик ^331-к сроку³³² не приедет, ^-331а пришлет в свое место срока отписывати, и неделщику взяти хоженое на одном на том, кто приедет в его место сроку отписывати.

50. А кто по кого пошлет пристава, а сам к сроку не приедет, или ответчик на тот срок не станет, и что после сроку тому учинитца убытка, что даст пошлин и что живучи проест, и правому те все убытки и проести^{333 334-}взяти на виноватом; а проести^-334 имати на человека^335- на день^-335 на голову по три денги.

51. А пересудчиком³³⁶ пересуд имати на виноватом по две гривны³³⁷; а менши рубля пересуду нет; а с поля со всякого³³⁸ пересуд; а список кто оболжывит да шлется на правду, и в том пересуд. А подвоиским³³⁹ правого десятка четыре денги, а имати на виноватом же.

52. А приведут кого с поличным впервые,ино его судити да послати про него обыскати. И назовут его в обыску³⁴⁰ лихим человеком, ино его пытати; и скажет на собя сам, ино его казнити смертною казнью; а не скажет на собя сам, ино его вкинути в тюрму до смерти, а^341- исцов иск^-341 платити из его статка. А скажут в обыску, что он доброй человек, ино дело врыимги³⁴² по суду.

53. А пошлют которого неделщика имати татей или разбойников, и ему имати татей и разбойников безхитростно, а не норовити ему никому; а изымав ему татя или разбойника, не отпустити, ни посулов не взяти; а опричных ему людей не имати. А поноровит которой неделщик татю или разбойнику по посулом, а его отпустит, и уличат его в том, и на том неделщике исцов иск доправити, а его казнити торговою казнью да вкинути в тюрму, а в казни что государь укажет.

54. А у которого неделщика сидят тати, и ему татя без докладу³⁴³ татя не спустити^-343, на поруку не дати и не спродати ³⁴⁴ему татя^-344. А которой неделщик без докладу, и без боярского и без дьячего ведома, татей подает на поруку или татя спродаст, и уличат его в том, и на том неделщике исцов иск доправити вдвое, да казнити его торговою казнью да кинути в тюрму, а в казни что государь укажет.

55. А которого татя поймают с тадбою с какою ни буди впервые, опричь церковные и головные тадбы, а в ыной в прежней тадбы довода на него не будет, ино его казнити торговою казнью, бив кнутьем, да исцов иск доправити, а его дати на крепкую поруку; а не будет по нем крепкые поруки, ино его вкинути в тюрму, доколе порука по нем будет. А не будет у которого татя столке статков, чем исцово³⁴⁵ заплатити³⁴⁶, ино его, бив кнутьем, да исцу в его гибели выдати головою на правеж до искупа; а исца дати на поруку, что ему, доправя свое, отдати его³⁴⁷ бояром; а не похочет истец по себе поруки дати в том, что ему, иск свой доправя, да того татя привести к судье³⁴⁸, и того татя кинути в тюрму, доколе по нем порука будет; а как по нем порука будет, и тогды на нем³⁴⁹ за его³⁵⁰порукою, хто его выручил ис тюрмы, исцов иск доправити. ³⁵¹ А как истец, взяв на нем свое^-351, отдаст его бояром, и боярин велит его дати на крепкую поруку, кто ему будут вперед иные истцы; а не будет по нем крепкие поруки, ино его кинути в тюрму, доколе по нем порука будет. А судье с того не имати ничего.

56. А поймают того ж татя с тадбою вдругие, ино его пытати; а скажет на собя сам, ино его казнити смертною казнью, а истцово заплатити изь его статка; а не будет у которого татя с ысцову гибель, ино его казнити велети смертною казнью, а истцу вь его гибели³⁵² не³⁵³ выдати. А пытан³⁵⁴ на собя не скажет, ыно про него послаги³⁵⁵ обыскати; и скажут про него, что он лихой человек, ино его кинути³⁵⁶ в тюрму до смерти; а назовут его³⁵⁷ добрым человеком, ино его дати на крепкую поруку; а не будет по нем крепкие поруки, ино его вкинути в тюрму, доколе по нем порука будет крепкая.

57. А на кого тать вэмолвит, и про то[го] обыскати. И будет по обыску в какове деле в прежнем приречной³⁵⁸ человек з доводом, ино его пытати; а скажет на собя сам, ино казнити татимою³⁵⁹ ж казнью. А не будет на него довода и в обыску про него³⁶⁰ худа не скажут³⁶⁰, ино татиным речем не вкрити, дати его на поруку.

58. А на кого взмолвят дети боярские человек десять или пятнадцать добрые, или черных людей человек пятнадцать ³⁶¹ или дватцать ³⁶¹ добрых же крестиан и целовальников по крестному целованью, что он тать, а довода на него в прежнем деле не будет, у кого крал или тадбу плачивал³⁶², ино на том вэяти ^363-исцову гибель^-363 без суда, а его дати на крепкую поруку; а не будет по нем крепкие поруки, ино его кинути в тюрму, и без крепкие его поруки ис тюрмы не выпущати. А мошеннику та ж казнь, что и татю. А хто на оманщике взыщет и доведут на него, ино у иш,еи иск пропал. А оманщика, ³⁶⁴ как его мы^-364приведут, ино его бити кнутьем.

59. А доведут на кого розбой, или душегубство, или ябед-ничьство, или подписку, или иное какое лихое дело, а будет ведомой лихой человек, и боарину велети того казнити смерт-\ ною казнью, а исцово из его статка велити заплатити³⁶⁵; и что ся его статка за исцовым останет³⁶⁶, и то отдати в прогоны. А не будет у которого лихого столко статка, чем исцово заплатити, и боярину того лихово в ысцове гибели исцу не вы-дати, а велети его царя и великого князя тиуну московскому да дворскому казнити смертною казнью. А боярину и дьаку³⁶⁷и неделщику от того не имати ничего.

60. А на кого доведут татбу или душегубство или иное какое лихое дело, опричь розбоа, в котором городе или в волосте, а будет ведомой лихой человек, и наместнику или волостелю велети того³⁶⁸ казнити смертною казнью, а исцово велети доправити³⁶⁹ из ево статка; а что ся^370- от исцова^-370 останет, и наместнику³⁷¹ и его тиуну то имати собе³⁷². А не будет у которого лихово статка, чем исцово заплатити, и ему тово лихово³⁷³ исцу в его гибели не выдали, а велети его казнити смертною казнью, а на исце наместнику или волостелю и их тиуном не имати ничего. А приведут кого в розбое или кого³⁷⁴ в суде доведут, что он ведомой^375- лихой человек^-375 разбойник, и наместником тех отдавали губным старостам. А старостам губным, опричь ведомых разбойников, у наместников³⁷⁶ не вступатись ни во что. А татей им³⁷⁷ судити по царевым великого князя губным³⁷⁸ грамотам, как в них написано.

61. А государьскому убойце, и ^379-градскому здавцу^-379, и коромолнику, и церковному татю, и головному татю, и подметчику, и зажигалнику, ведомому лихому человеку, жывота не дати, казнити ево смертною казнью. А будет ^380-истец которому лихому человеку^-380, и исцово заплатити из его статка; а что ево статка за исцовым останетца, и то дати в прогоны. А не будет у которого лихово человека столко статка, чем исцово заплатити, ино его исцу в его гибели не выдати, казнити его смертною казнью.

62. А боаром и детем боарьским судити, за которыми кормлениа з боарьским судом; а на суде у них^381- и у их тиунов^-381 быти, где дворской — к³⁸²дворскому³⁸³, старосте, и лутчим людем и целовалником. А судные дела у наместников и у их тиунов писати эемьским дьаком, а дворскому да старосте и целовалником³⁸⁴ к тем судным делом руки свои прикладывати. А противни с тех дел с судных писати слово в слово наместничим дьаком, а наместником к тем противнем печати свои прикладывали. Да³⁸⁵ тех судных дел записку земсково дьака руку з дворсково и з старостиною и с целовалниковыми руками наместником имати к собе; а противни тех дел наместником дьаков своих руку с своими печатми дворскому да старосте и целовалником давали; а которые староста и целовалники грамоте не умеют; и которые грамоте умеют, тем старостам и целовалником к судному списку земьского дьяка руке руки³⁸⁶ свои приклыдвати; а противнем с тех дел наместнича дьака руке быти у того старосты и у целовалников, которые грамоте не умеют, и оне ево дръжат у собя спору для. А без дворского и без старосты и без целовалников наместником и их тиуном³⁸⁷не судити; а где дворсково нет и преж сего не бывал, ино быти в суде у наместников и у их тиунов старосте и целовалником; а без старост и без целовалников³⁸⁸ суда не судити. И посулов наместником и их тиуном и их людем не имати, и на государя своево тиуну и пошлиннику никому посулов от суда³⁸⁹ не просити. А имати наместником от суда пошлин: доищется ищеа своего в заемном деле или в бою или в, лае, и ему имати на виноватом с рубля по гривне, то ему и с тиуном; а не доищется ищеа своего, а будет ищеа виноват, и ему имати на ищее с рубля по тому ж³⁹⁰, а будет дело выше рубля или ниже, ино имати на ишее или ответчике³⁹¹ по тому ж розчету; а довотчику его имати хоженое и езд и правда по уставной грамоте; а где не будет грамоты, и ему имати в городе хоженого по четыре денги, а езду на версту по денги, а на правду^392-в городе или в волосте вдвое. ^-392А досудятся до поля да, став у поля, помирятся, и ему имати с рубля по гривне ж, то ему и с тиуном, да полевых пошлин взяти полтретья-иать алтын³⁹³. А побьются на поле, ино на убитом полевых пошлин взяти полтора рубля, а доспеха не имати. А побьются на поле в пожеге, или в душегубстве, или в розбой, или в тадбе, а убьют ответчика, ино на убитом исцово доправити, а сам убитой в казни и в продажи наместнику и его тиуну; а убьют на поле ищею в пожеге, или душегубстве, или в розбое, или в татбе, и наместнику на нем имати с его иску четвертная³⁹⁴ пошлина по полуполтине с рубля, то ему и с тиуном, да полевых пошлин полтора рубля, а доспеху не имати.

63. А суд боярской: которому наместнику дано с судом с боарьским, и ему давали полные и докладные³⁹⁵; а правые и беглые давали з докладу; а без докладу правые и беглыенедавати.

64. А детей боарьских судити наместником по всем городом по нынешным царевым государевым жаловалным вопчим³⁹⁶ грамотам.

65. А от правые грамоты имати боярину или сыну боаръскому, за которыми кормлениа с судом з боарьским, от печати с рубля по полутретьа алтына, то ему и с тиуном, да дьяку его, которой правую грамоту напишет, имати с рубля^397- от писма^-397 по три денги; а тиун ево даст правую грамоту, и он емлет на государя своего и на собя от печати по тому ж с рубля по полутретья алтына, а дьяк емлет^398- от письма^-398, которой правую грамоту напишет, с рубля по три денги. А с холопа и с робы от правые грамоты и от полные боярину или сыну боаръскому, за которыми кормленье с судом з боарским, имати от печати з головы по полутретьа алтына, а дъаку от писма з головы по три денги.

66. А наместником и волостелем, которые дръжат кормленья без боарьского суда, полных и докладных не давати, и холопа и робы без докладу не выдати, ни грамоты беглые не дати; тополе и холопу и робе на государя грамоты правые без докладу не дати. А которой наместник или волостель без боарьского суда выдаст холопа или робу без³⁹⁹ докладу и правую грамоту даст. и та грамота не в грамоту; а что государь того холопа или робы убытка своего скажет, и то взяти на судье вдвое⁴⁰⁰, а истцом суд з головы.

67. А тиуну наместничю на кормленье государю на холопа, ни холопу на государя без докладу правые грамоты не дати. А которой тиун государю на холопа или холопу на государя даст без докладу правую грамоту, и тому холопу, которой возмет правую грамоту на государя, дати суд з головы да то дело по суду и кончати, а наместнича или волостелина тиуна до царева государева указу вкинути в тюрму, а убытки все правому вэяти на тиуне. А даст тиун государю на холопа правую грамоту без докладу, и та правая грамота не в грамоту, дати суд с головы.

68. А которому наместнику дан в кормление город с волость-ми, или ему даны в кормление волости, а в которых волостех наперед сего старост и целовалников не было, и ныне в тех волостех. быти старостам и целовалником во всех. А случится кому в тех волостех перед наместником или перед его тиуном искати или отвечати, и в суде быти у наместников и у волостелей и у их тиунов тех волостей старостам и целовалником, ис которые, кто⁴⁰¹ волости ищет⁴⁰² или отвечает. А судные дела писати эемъскому дьаку тое ж волости. А без старосты и без целовалников наместником и волостелем, за которыми кормлениа з боарьским судом, и за которыми кормлениа без боарьска-го суда, и их тиуном также⁴⁰³ не судити. И посула в суде наместником и волостелем и их тиуном не имати.

69. А пришлет наместник или волостель или их тиуни список судной⁴⁰⁴ к докладу, а будет ищеа или ответчик у докладу список оболжывит, ино послали на правду по дворского, и по. старосту, и по целовалников, которые у того дела в суде сидели, да велети им того дела и⁴⁰⁵ противень⁴⁰⁶ списка наместнича или волостелина дьака руку с наместничею или с волостелиною печатью на исправу с собою привести. Да будут судные мужы скажут, што суд таков был, и руки у списка их, и противень будет наместнича или волостелина дьака⁴⁰⁷ с тем судным списком земьсково дьака рукою сойдется слово в слово, и тем тот виноват, хто список лживил, и список на него подписати. А скажут судные мужы, что суд был, да не таков, и список не⁴⁰⁸ земсково дьяка рука, и руки, скажут, у списка не их, и противень будет наместнича или волостелина дьака⁴⁰⁹, с судным списком не в слово в слово, и по тому списку исцов иск взяти на судье, а пеню судье сверх того, что государь⁴¹⁰ укажет. А будет скажет и дворской, и судные мужы, и старосты, и цело-валники, которые грамоте умеют, что суд был таков, и руки у списка их, а те судные мужы, которые грамоте не умеют, с ними породнятся, скажут, что суд был, да не таков, а которой противень наместнича или волостелина дьака руку положат⁴¹¹, и тот противень с судным списком не слово в слово, и тем виноват судья и судные мужы, которые по списку такали; и взяти исцов иск на тех на судье и на тех судных мужех, которые по списку такали, а пеню сверх того что государь укажет. А не станет за списком ищеа или ответчик на срок, а довотчик на него запись поручную положит, и того, которой не стал, по до-вотчикову слову обвинити; а подписати на него список за сто връст семым днем по сроце; а доле ста верст или ближе, ино подписывати списки^412- после срока^-412 по том ж расчету.

70. А кого наместничи или волостелины люди учнут давати от ково на поруку до суда и после суда, и по ком поруки не будет, и наместничим и волостелиным людем⁴¹³ тех людей ⁴¹³ являти в городе прикащиком городовым да дворьскому, и старосте, и целовалником, а в волости являти старостам и целовалником, которые у наместников и у волостелей и у их тиунов в суде сидят; а не явя⁴¹⁴ тех людей, по ком поруки не будет, и наместничим и волостелиным людем к собе не сводити и у собя их не ковати. А ково наместничи и волостелины люди⁴¹⁵, не явя приказщиком, да дворскому, да старосте и целовалником⁴¹⁵, да к себе сведут да у собя ево скуют, и кто тем людем род и племя придут на наместничих или на волостелиных людей к приказщиком, да к дворскому, и к старосте, и к целовалником о том бити челом и являти, ⁴¹⁶и приказщиком⁴¹⁷, и дворскому, и старосте, и целовалником ⁴¹⁷у наместничих и у волостелиных людей тех людей выимати⁴¹⁸; и кого ⁴¹⁶ у наместничих и у волостелиных людей вымут скована, а им не явлена, ино на наместниче или на волостелине человеке взяти⁴¹⁹безчестие, посмотря по человеку; а чего тот на наместниче или на волостелине человеке взыщет, и тот иск взяти на нем вдвое.

71. А наместником и волостелем, которые дръжат кормлениа, и тиуном⁴²⁰ царя и⁴²⁰ великого князя, и боярьским тиуном, и ⁴²¹ детей боарьских тиуном ⁴²¹ татя и душегубца и всякого лихого человека без докладу не продати, ни казнити, ни отпустити. А кто татя или душегубца и всякого лихого человека отпустит, или⁴²²без докладу продаст или казнит, и на том судье истцовы иски доправити вдвое, а в государево пени кинути в тюрму до царева государева указу.

72. Апо городом наместником городских посадских всех людей промеж их судити, обыскивая ⁴²³ по их животом ⁴²³ и по промыслом и по розмету: сколке рублев кто цареву и великого князя⁴²⁴ подать дает, по тому их, обыскивая, судити и управа чинити. А розметныя книги старостам и соцким и десяцким и всем и людем тех городов своих разметов земсково дьака руку за своими руками ежегод присылати на Москвук тем боаром, и дворецким, и х казначеем, и к дьаком, у кого будут которые городы в приказе; а другие книги розметные⁴²⁵ своих разметов старостам и соцким и десяцким тех городов, где кто живет, отдавати тех городов старостам и целовалником, которые у наместников в суде сидят. И кто тех городовгородцкие⁴²⁶ посадцкие люди учнут промеж собя искати много, не по своим животом, и про тех ⁴²⁷исцов сыскивати розметными книгами, сколко он рублев своего жывота подати дает; и будет жывота ево столко есть, на сколко ищет, ино ему дати суд; а будет жывота ево ⁴²⁸ сколке нег^-428, и тех исцов в их искех тем и винити, а пошлины имати по Судебнику, а Цареве государево пене велети дати на поруку да прислати к Москве ко государю. А городцким посацким людем искати на наместникех и на их людех по своим же жывотом и по промыслом и по розмету; а которого году староста и целовалники розметных книг к Москве не пришлют, и в том году на наместника суда им не дати. А по волостем⁴²⁹ волостелем судити черных людей по их жалобницам и управа им чинити беэволо-китно. А кто взыщет много, не по жывотом, а ответчик учнет бити челом, а скажет, что тот истец ищет много, не по жывотом, а жывота его столко нет, на колко ищет, и тем волостелем посылали о том, выбираючи тех же волостей лутчих людей да целовалника одного или двух, посмотря по делу, а велети про то обыскати накрепко: было ли жывота ево столко, на колко ищет; и скажут в обыску, что жывота ево столко было, ино в том ему суд дати; а скажут в обыску, что столке жывота ево не было⁴³⁰, мно его обвинити и пошлины на нем взяти, а в государево пене, в ябедничьстве дати его на поруку да прислати с обыскным списком к Москве.

73. А которой человек скажет, что у него был жывот чюжей, и того обыскивати, был ли у него тот жывот и было ли столко того жывота; и чей скажет ^431-тот у него жывот был^-431, ыно про го⁴³² обыскати, было ли у него столке жывота, и которым обычаем тот у него жывот взят; да по тому дело и вершити.

74. А на котором городе будут два наместника или на волосте два волостеля, а суд у них не в разделе, и им имати пошлины по списку обема за одного наместника⁴³³, а ⁴³⁴ тиуном их за одного тиуна⁴³⁴, и оне собе делят по половинам. А которые городы или волости поделены, а случится им суд вопчей, и им обема пошлины имати одны, да те им пошлины делити ⁴³⁵ межу собя ⁴³⁵ по половмма-и же. А возмут те два наместника или два волостеля или два тиуна с одново дела пошлину вдвое, и уличат их в том, и тому, на ком пошлины взяли, на тех немест-никех или на волостелех и на их тиунех те пошлины велети взяти втрое.

75. А кто пошлет пристава по наместника, по боарина, или по сына боаръского, или по волостеля, и по их тиунов⁴³⁶, и по царева великого князя тиуна и по довотчиков, и наместнику, или волостелю, и их тиуном, и великого князя тиуном и довотчиком отвечати к сроку ехати; а не поедут к сроку сами, и им к сроку в свое место послати к ответу; ⁴³⁷ а не приедут сами к ответу и в свое место не пришлют отвечати⁴³⁸ после срока за сто връст в семой день, и тех⁴³⁹ обвиниги и исцовы иски по жалобницам и неделщиков езд доправити на тех, да отдати иск ищеам. А срочных ⁴⁴⁰ по приставным на наместников и на волостелей и на их тиунов не наметывати; а.из далных городов^-440 роэчитати по връстам по тому ж расчету. А з записми⁴⁴¹ не посылати никуды, опричь ведомых разбойных дел, а⁴⁴² наместников и волостелей и их тиунов и их людей, опричь приказных⁴⁴³ дел. в ^444-которых делех^-444 велит государь дати запись⁴⁴⁵. А приставов з записми по наместников и по волостелей и по их тиунов давати, а велети им чинити срок, как съедет з жалованиа, опричь тех записей, которую запись велят дати бояре, приговора вместе; а одному боярину и дьаку пристава з записью не дати.

76. А О ХОЛОПСТВЕ СУД. По полной холоп грамоте. По ключю по селскому з докладною холоп з женою и з детми, которые у одново государя с ним в одной крепости и которые по-родилися в холопстве; а которые его дети а родились до холопства, а учнут жыти у много⁴⁴⁶ государя, или себе учнут жыти, то не холопы. А по городцкому ключю не холоп. По робе холоп; по холопе роба. По духовной⁴⁴⁷холоп. По приданой робе холоп, а по холопе роба. А по тиуньству без полные и без докладные не холоп; а по селскому ключю без докладные не холоп. А полному и докладному холопу сына своего слободного, которой ся у него родил до холопства, не продати, а продаст [ся] он сам кому хочет, тому же ли государю, у кого отец его служит, или иному кому хочет; а отцу его и матери у полные не стояти и ис холопства не взяти, потому что отец его и мати сами в холопех; да и в полных и в докладных то писати, что отец его и мати у него есть, а у полные не стоали, потому что сами в холопех. А у кого отец в чернцех или мати в черницах, и тому отцу и матери у своего сына и у дочери у полные и у докладные не стоати и из холопьства не взяти; а в полные и в докладные писати, что у того отець или мати есть, а у полных и у докладных не стоали, потому что пострижены; да и не продати тех⁴⁴⁸ детей своих, продаст[ся] он сам кому хочет.

77. А отпускные давати з боарьского⁴⁴⁹ докладу; а бояром к тем отпускным печати свои прикладывати, а дьаком подписывати. А отпускные давати на Москве бояром и дьаком, да давати отпускные в Великом Новегороде да во Пскове наместником и дьаком⁴⁵⁰. А пошлины имати от отпускные боарину или наместнику от печати з головы по девяти денег, а дьаку от подписи з головы по алтыну, а подьячему, который отпускную напишет, з головы по три денги. А опричь Москвы и Великого "овагорода и Пскова инде нигде ни в которых городех отпускных не давати. А хто положит отпустную без боарьского докладу, и без новгородских и псковских наместников докладу, и без дьачей подписи, хотя и государя своего руку, и та отпускная не в отпускную.

78. А которые люди водные⁴⁵¹ учнут бити челом князем, и бояром, и детем бояръским, и всяким людем, а станут на собя давати кабалы за рост служити, и боле пятинатцати рублев ⁴⁵² на серебряника ⁴⁵² кабалы не имати. А старые кабалы, которые иманы на волных людей и болши пятинатцати рублев до сего Уложениа а за рост им в тех денгах служити у них, и тем людем приносити те кабалы к боаром, и боаром к тем кабалам печати свои прикладывати, а дьаком подписывати; а вперед хто ту кабалу оболжывит, и та кабала връшити по суду. А имати им кабалы на волных людей, а на полных людей, и на докладных, и на старинных холопей кабал не имати. А хто возмет на полного, и на докладного, или на старинного холопа кабалу, не опытов, или кто на него беглую грамоту возмет, а кто на того холопа положыт полную или докладную, или доведет на него⁴⁵³ старинное холопство по духовной грамоте или по иным крепостем, и у того денги пропали; а чей тот холоп был, а скажет тот, что от него тот эбежал, пократчи, и та гибель взяты⁴⁵⁴ на том, хто, не обыскав, на чюжего холопа кабалу воз-мет или беглую возмет; а тот холоп по старому холопству, или по полной, или по докладной, или по духовной тому государю.

79. А положат на одного холопа две полные или две докладные, и котораа будет старее, тому тот холоп, а денги по новой полной или по докладной пропали у того; а снос ⁴⁵⁵старого государя взяты на том, хто положит новую полную и докладную, а тот ся ведает с своим знахарем сам; а станет тот на того знахаря бити челом о суде, ино на него суд даты.

80. А холопа рать полонит, а выбежит ис полону, и он сло-боден, а старому государю не холоп. А похочет тот холоп к своему старому государю, и того холопа явити бояром, а дьаку подписати на старой крепосте, и пошлины имати з головы по алтыну. А которой холоп побежит з государем своим или один побежит без государя своего, а не рать полонит, и выйдет тот холоп ис которые земли опять к Москве, и он старому государю холоп по старому холопьству, опричь того, не что кого⁴⁵⁶ государь пожалует, даст волную грамоту.

81. А детей боарьских служилых и их детей, которые не служивали, в холопы не приимати никому, опричь тех, которых государь от службы отставит.

82. А кто займет сколке денег в рост, и тем людем у них не служити⁴⁵⁷ ни у кого, жити им собе, а на денги рост давати им. А кто даст денег в заел⁴⁵⁸, да того человека станет дръжати у собя, и эбежит у него тот человек покрадчи, и что снесет, то у него пропало, и по кабале денег лишен.

83. А наймит у государя у своего не дослужит уроку да пойдет прочь, ино найму лишен. А которой государь наймиту не захочет даты найму, и ⁴⁵⁹уличат его в том, и наймиту⁴⁵⁹ на том доправити наем вдвое.

84. А О ЗЕМЛЯХ СУД⁴⁶⁰. Взыщет боярин на боарине. или монастырь на монастыре, или боярин на монастыре⁴⁶¹, ино судити за три годы; а взыщет монастырь на боярине, ино судити за три ж годы, а дале трех годов не судити; а взыщет черной на черном, или помещик на помещике, за которыми земля царя и великого князя, или ^462-черной селской⁴⁶² на помещике, или помещик на черном на сельском, ино судити по тому ж за три годы; а дале трех годов не судити. А взыщет на боарине или на монастыре царя и великого князя земли, ино судити за шесть лет; а дале не судити. А которые земли за приставом в суде, и те земли досуживати. А государю и бояром всем приказным людем по ищеину челомбитью судьи на землю не посылати, а послаты⁴⁶³ судью на землю, выбрав одного не по их челомбитью; а дну судей на землю не посылати.

85. А В ВОТЧИНАХ СУД. Кто вотчину продаст, и детем его и внучатом до тое вотчины дела нет, и не выкупити ее им; а братья будут или племянники в тех купчих в послусех ⁴⁶⁴, и им и их детем по тому ж до тое вотчины дела нет и внучатом. А не будет братьи в послусех или племянников, и братья или сестры и племянники ту вотчину выкупят. А станет тот купец ту вотчину продавати, и тем продавцом вотчина у них купити полюбовно, как ему тот продавец ту вотчину продаст; а не полюбовно ему вотчины не выкупити. А судити о вотчине за сорок лет; а дале сорока лет вочьчичем до вотчины дела нет. А до купель дела нет: кто куплю⁴⁶⁵ продаст, и детем и братьи и племянником тое купли не выкупати. А кто напишет свою куплю детем своим после своего жывота ⁴⁶⁶, ыно им вотчина: то им дръжати в вотчину⁴⁶⁷, и впредь им та вотчина выкупити по тому ж указу за вотчину. А кто вотчину свою выкупит в те урочные сорок лет, и та ему вотчина дръжати за собою, а иному тое вотчины не продати, ни заложити в чюжей род, а отдати ему та вотчина в свой род тому ж⁴⁶⁸, кого нет в прежних купчих в послусех. А хто купит вотчину чюжими денгами или заложит или продаст, а доведет на него продавец, что он выкупил чюжими денгами и дръжит ее не⁴⁶⁹ за собою, и та вотчина прежнему продавцу безденежно. А кто похочет вперед свою вотчину мимо вотчичев эало-жыти у старенного человека, и тем сторонним людем и невоч-чичем те вотчины в заклад имати в колке чего та вотчина судит⁴⁷⁰; а возмет кто сторонней человек, а не вотчичь, чью вотчину в заклад во много ⁴⁷¹ болши тое цены, чево та вотчина судит, и хто вотчичь учнет бити челом, что закладывает или уже⁴⁷² и заложил в чюжей род, и тому вотчичю та вотчина в заклад взяты в меру, чево та вотчина судит; а што тот денег болши того дал в заем лишек болши тое цены, чево та вотчина судит, и у того те денги пропали. А хто свою вотчину променит невотчичю, а примет денег, и хто вотчичь ту вотчину учнет выкупати, и тому та вотчина выкупати; а земли ему оставити в меру⁴⁷³, сколко он своей земли променил.

86. А промеж сел ц деревень городити изгорода⁴⁷⁴, по половинам; а чьею изгородою⁴⁷⁵ учинитца протрава, ино тому платити, чьа изгорода⁴⁷⁶. А где отхожие пожни от сел и от деревень, и паженному государю не городитись, городит тот всю изгороду, чьа к пожни⁴⁷⁷ земля орамая пришла. А кто вытравит какой хлеб или пожню, и тот хлеб и пожню платити тому, чьа изгорода.

87. А кто сорег⁴⁷⁸ межу или грань ссечет ис царевы и великого князя земли у боарина или у монастыря, или боарьской у монастырского, ⁴⁷⁹ или монасты[рьско]й у боарьского⁴⁷⁹, и хто в тех межу сорет или грань ссечет, ино того бити кнутьем да исцу на нем взяты рубль; а крестиане меж собя в одной волости или в селе хто у кого межу сорет⁴⁸⁰ или перекосит, ино волостелю или посольскому имати на нем за борон два алтына.

88. А крестианом откаэыватись из волости в волость и из села в село один срок⁴⁸¹ в году: за неделю до Юрьева⁴⁸² дни до осеннего и неделя по Юрьеве⁴⁸³дни осеннем. А дворы пожилые платят в поле⁴⁸⁴ рубль и два алтына, а в лесех⁴⁸⁵, где десять връст до хоромного лесу, за двор полтина и два алтына. А которой крестианин за кем жывет год да пойдет прочь, и он платит четверть двора; а два года поживет, и он платит полдвора; а три годы пожывет, и он платит три четверти двора; а четыре годы поживет, и он платит весь двор, рубль и два алтына. А пожилое имати с ворот. А за повоз имати ^486-з двора^-486 по два алтына; а опричь того пошлин на нем не имати⁴⁸⁷. А останетца у которого крестианина хлеб в земли, и как тот хлеб пожнет, и он с того хлеба или с стоачего даст борон два алтына⁴⁸⁸; а по кои места была рож его в земле, и он подать цареву и великого князя платит со ржы, а боярьского дела ему, за кем жыл, не делати. А попу пожылого нет, и ходити ему вон⁴⁸⁹ безсрочно воля⁴⁹⁰. А которой крестианин с пошли продаст[ся] в холопи [в] полную, и он выйдет бессрочно ж⁴⁹¹, м пожылого с него нет; а которой хлеб его останется в земле, и он с того хлеба подать цареву и великого князя дает⁴⁹²; а не похочет подати платити, и он своего хлеба земленаго⁴⁹³ лишен.

89. А убьют ко[торо]го крестианина на поле в розбое или в ыном в котором в лихом деле, и дадут того крестьанина за государя его⁴⁹⁴, за кем жывет, или выручит его государь тот, за кем живет, и пойдет тот крестианин из-за него вон, ино его выпустити; а на отказщика в том деле взяти порука з записью: попытают того крестианина на том его государе, за кем жыл, в ыном в каковем деле, и он бы был в лицех.

90. А который купец, идучи⁴⁹⁵ на торговлю, возмет у кого денги или товар, да на пути у него утеряется безхитростно тот товар, истонет, или эгорит, или рать или розбой возмет, и боярин, обыскав, тому велит дати цареву и великого князя⁴⁹⁶по-летнюю грамоту с великого князя печатью: посмотря по животом, платится исцом в ыстину⁴⁹⁷ без росту. А кто у кого, идучи в торговлю, взяв да пропьет⁴⁹⁸или иным каким безумием⁴⁹⁹ тот товар погубит без напрасньства^-498, и того выдати истцу головою до искупа. А в разбойном деле дадут кому полетнюю грамоту, и как своего розбою доищется,или в его иску⁵⁰⁰ разбойников поймают, и у того грамота его полетняя⁵⁰¹ не в грамоту.

91. А попа, и дьакона, и черньца, и черницу, и старую вдовицу, которые питаются от церкви божией, ино их судити святителю или его судьям; а будет простой человек с церковным ино суд вопчей; а которая вдовица питается не от церкви божией, а жывет своим домом, ино то суд не святителской. А торговым людем городцким в монастырей в городцких дворех⁵⁰² не жити, а которые торговые люди учнут жыти на мо-настырех, и тех с монастырем сводити да и наместником их судити. А на монастырех жыти нищим, которые питаются от церкви божией милостынею.

92. А которой человек умрет без духовной грамоты, а не будет у него сына, ино статок весь и земли⁵⁰³ взяти дочери; а не будет у него дочери, ино взяти ближнему от его роду.

93. А кто купит на торгу что поношено у носящего или с лавки, ино тому купити с порукою с рядовою; а кто купит без поруки, и тому тем быти виновату.

94. А кто купит лошадь на Москве или в Московском уезде, и тем лошади пятнати у пятенщиков на Москве да и в книги написати по старине; а пошлина имати пятеншиком по старине ж.

95. А по городом и по волостем где кто лошадь купит или менит, тут у наместников, и у волостелей и у их пошлинников и пятнает; а записывати те лошади в книги у целовалников дьаку земскому; а пятеншиком имати с купца денга, а с продавца денга ж. А целовалником к⁵⁰⁴ дьаку зел<скол|у у тех на-лестников и у волостелей пятна их писати образцы в книги спору для. А хто купит лошадь в своей волости или выменит, а до⁵⁰⁵ такова ж дни не запятнает и в книги не запишет, и уличат его в том, и на том, кто купит или выменит, взяти наместнику или волостелю или пятинщику пропятениа два рубля; а хто поимався за ту лошадь да чего с тою лошадью взыщет, доколе еа не запятнил, и на том тот иск взяти без суда, хто ее не запятнил. А детем боярьским купленые и меновные лошади пятнати по тому ж. А в служебном походе кто у кого купил лошадь, и кто у него за ту лошадь поимается, и тот, хто купил, поставит свидетелей человек⁵⁰⁶пять или шесть на того, у кого купил, а запрется тот, у кого он купил, ино им суд. А кто где купит лошадь или выменит не в своем присуде, тот тут и пятнит; а приведет ту лошадь к собе непятнану, и уличат его в том, и на том пропятение взяти, у кого он в присуде.

96. А наместником, и волостелем, и их тиуном, и пятеншиком в городех и в волостех непродажных и доморошеных лошадей не пятнати. А кто учнут в городех или в волостех непродажные и доморощеные лошади пятнати, и доведут на него то, и хто на нем взыщет чего в тех лошадех, и те ему убытки платити без суда втрое, а в пене что государь укажет.

97. А которые дела преж сего Судебника вершены, или которые не вершены в прежних во всяких делех, ^507-суженых и несуженых^-507, и тех дел всех не посуживати, быти тем делом Российское всем в землях, и в холопстве, и в кабалах, и во всяких делех и в тиуньстве судити по тому, как те дела преж сего сужены⁵⁰⁸, вершены. А вперед всякие дела судити по сему Судебнику и управа чинити по тому, как царь и великий князь в сем Судебнике с которого дни уложил.

98. А которые будут дела новые, а в сем Судебнике не написаны, и как те дела с государева докладу и со всех боар приговору вершается, и те дела в сем Судебнике приписывати.: 99. Да велети прокликати по торгом на Москве и во всех го-родех Московские земли, и Ноугородцкие земли, и Тверские земли, и по волостем, чтоб ищеа или ответчик судьам и приставом посулов в суде не сулили; а послуси бы, не видев, не послушествовали, а видев сказали б в правду. А послух опо-слушествует, не видев, лжыво, а обыщется то опосле, ино на виноватом послухе гибель исцова и убытки все⁵⁰⁹, а а вине клзнити торговою казнью.

[100]100. О СУДЕ С УДЕЛНЫМИ КНЯЗЙ⁵¹⁰. А взыщет москвитин какова дела на селских волостелех, которые селца московские за уделными князьми, ино судити царю и великому князю; а не отвечает волостель селецкой, и царю и великому князю его обинити. А взыщет селецкой на селецком, а судит их