О войтах9.1. Изменения (дополнения) к Уставу, новая редакция Устава согласовываются с Департаментом по управлению муниципальным имуществом Администрации города Екатеринбурга, Департаментом финансов Администрации города Екатеринбурга, Департаментом экономики Администрации города Екатеринбурга, утверждаются Учредителем и регистрируются в установленном законодательством Российской Федерации порядке. 9.2. Изменения (дополнения) к Уставу Учреждения направляются для согласования в Департамент по управлению муниципальным имуществом Администрации города Екатеринбурга, Департамент финансов Администрации города Екатеринбурга, Департамент экономики Администрации города Екатеринбурга, в случае если вносимые изменения (дополнения) относятся к вопросам, относящимся к компетенции указанных органов.
Устава на волоки Р.
Устава на волоки господаря короля его милости во всем Великом князьстве Литовском, лета Божого нароженья 1557, апреля 1 дня.
І О боярах путных и о служках
Бояре путные стародавные, а не вкупные хочем мети абы были на двух волоках постановлены с которых бы за вси повинности пенязми, ошацовавши водле грунту, яко люди осадные платили. А на службу тяглую и в подводы ходити не повинни. А коли з росказанья нашого на дорогу поедут, того году ничого платити не мают. А без воли и росказанья нашого вряду нашому их на дорогу не посылати. А будучи на дорозе, служити им по старому: навязка им, яко и перед тым, водле статуту. Служок с таких же бояр ревизоры обирати, и не больш, только с потребу, при кождом замку и дворе нашом зоставити мают. Которых клужба будет ездити з листы нашими до дворов тому врядови прилеглых, и с пенязми платов наших до Вильни, до скарбу, и за кривдами подданых – колеею з росказанья врядового ездити. А за то им на один конь две волоки вольных от всих платов мети, и на потребу вряду ездити не повинни.
О бортях Иж первей бортеве розность в роботах от инших подданых наших мели и тепер их зоставуем абы водле шацунку грунтов, за вси повинности, цыншы, овсы и сена пенязми з волок до скарбу нашого платили, яко и осадники. А коли им на войну ити кажем, мают мети тот рок вольный ото всих платов. А мосты им повинные заробляти. И теж, за росказаньем и листом нашим, мосты им и неповинные мостити мают, а за то им фолькгу в цыншах наших делати кажем, водле воли нашое.
О конюхах седельных и инших
Конюхи седельные альбо дворные мают мети по две волоки вольных на службу конюшскую, на которой коли будут, мает быти давано им на страву и на вси потребы грошей коп чотыри на рок. А которые на службе не будут, мают платити с кождое волоки по тому ж, яко и бортеве. О стрельцах Стрельцом нашим по две волоки вольные мает быти дано, а третюю на цыншу, хто похочет. А служба их з росказаньем нашим в ловы и на войну.
О слугах дворовых Одверные и иншые слуги дворные, мешкаючи на послугах наших, мают мети по две волоки вольных от всих платов и повинностей. А которые на службах наших не будут, абы платили с кождое волоки пенязми водле грунту, ошацовавши вси повинности. А естли бы зстаревши ся на службах наших, дома мешкали, таковым обедве волоки вольных мети, ведже олиж за листом нашим господарским.
О осочниках Ревизор з лесничим мает осочников обирати, а не болш, одно с потребу при пущах и ловах наших становити, и то нам господарю ознайомити. А на службу им по две волоки давати вольных от цыншу и всяких потяглей.
О войтах На селах войтове мают мети по одной волоце вольной; а похочет ли, мает ему и другая быти придана на цыншу, ошацовавши вси повинности и доходы водле грунту. А служба их то: – З росказанья врядового, людей на роботу, теж с цыншы и с платы нашими, выгоняти и при отдаванью платов быти. – Подданых наших к праву вместо децкого перед урядом ставити. – При роботах всяких вместо пристава над людми войтовства свого стояти. – При отвоженью овсов и сена до Вильни и инде, з людьми войтовства свого ездити и их отдавати. – Переоры волок пустых и нанятых, стены границы и копцы на кождый рок межи поддаными нашими поправовати и поновляти, под виною копою грошей. А где бы от котрого суседа видел копцы альбо границы покажоны, мает то врядови оповедати, под тою ж виною. А судити вряду подданых о всем дня торгового, кром причины кровавое и гвалтовное. О такой вине – колиж-колвек повелит уряд ставити к праву подданого, – войт повинен (судити). А который бы с подданых войта послушен не был, а позваньем его перед урядом не стал, по такового своевольного вряд децкого послати мает и от непослушного децкованья на милю в обе стороны грош. А при суде войту быти и справедливости подданому допомагати. Вин наших ведомость мети и ревизором оповедати и того стережи абы вряд вин и пересудов над уставу не брал. А естли бы за мовенем его вряд того не перестал, мает то войт ревизору оповедати. А войта вряду о всякую вину судити, только войтовства у него не отнимати, аж посполу то ревизорам дознавши вину и неслушную справу его, и, того скинувши войта, иншого уставити, мужа тое ж волости, неподозреного, на котрого подданые зволят. Которые войтове и теж лавники по селам судов жадных судити, поклонов вымогати и вымыслов над поддаными чинити не мают под виною до скарбу нашого рублем грошей. Одно, обачивши где-колве шкоду нашу господарскую, урядови або ревизору оповедати, ничого не закрываючи, под тою ж виною. А коли войтовство кому дают, присягати ему ненадобе, кгдыж вже вина на войта описана. А откупов уряд с подданых за роботу брати не мает, а где ж бы брал, войт мает ревизору оповедати под виною копою грошей. А ести бы войт волоку пустую кому нанял альбо от уряду нанятую перед ревизором утаил, тогды за то скарати его, яко злодея – горлом. А у войтовство кождому мает быти придано волок сто альбо больше водле прилеглости, хотя два и три села, и больш злучити. А для розознанья межи подданых войт мает мети шнур однакове меры, справленый и досветченый, и часу мокрого альбо сухого завжды его лихтовати; и ести подданый один другому межу переорет и сказити, ино вряднику на копу не ездити и проезду не брати, але войт межу направит и возмет на том, хто ее сказил: на вряд дванадцять грошей, а собе, за працу, – чотыри грошы. А вина битая, правом переведеная, дванадцять грошей, а хотя бы не переведена и за обжалованьем поеднана, – таковая ж вина. А ести бой станется, а не жалуючи вряду поеднаються: тая вина шесть грошей, хто еднает, и обьявити того виною копою грошей.
Лавники в селах по два и по три альбо и больш, подле великости села, мают быти встановлены – люди неподозреные, веры годные, которых повинность шкод межи подданых в испасех и в иншых речех оглядати. А за працу лавнику оглядного от шкоды грош. За тым же грошом, то што ему оказывано, справедливе под присегою перед урядом сознавати повинен. А посветчит ли несправедливе, ино карати его за слушным доводом, яко кривоприсяжца – горлом. А безчестья лавнику рубль грошей. Нижли от потяглей и всяких повинностей с поддаными з волок своих вызволены быти не мают.
|
