ТЛУМАЧАЛЬНАЯ ЗАПIСКА

 

Вучэбная дысцыпліна “Бібліяграфазнаўства. Раздзел І. Тэорыя” з’яўляецца абавязковай для падрыхтоўкі бібліятэкараў-бібліёграфаў вышэйшай кваліфікацыі. У адпаведнасці з вучэбным планам яе павінны засвоіць студэнты ўсіх спецыялізацый факультэта інфармацыйна-дакументных камунікацый і факультэта завочнага навучання (аддзяленне “бібліятэказнаўства і бібліяграфія”). Актуальнасць вывучэння гэтай дысцыпліны абумоўлена фундаментальнай роляй тэарэтыка-бібліяграфічных ведаў у фарміраванні прафесіянальнага светапогляду студэнтаў, здольнасцей аналізаваць і абагульняць розныя бібліяграфічныя з’явы, уменняў прагназаваць як бібліяграфічную дзейнасць у цэлым, так і асобныя яе кірункі.

Мэтай дысцыпліны “Бібліяграфазнаўства. Тэорыя” з’яўляецца вывучэнне студэнтамі тэарэтычных асноў бібліяграфіі як сістэмы відаў дзейнасці, якія забяспечваюць функцыянаванне бібліяграфічнай інфармацыі ў грамадстве.

Мэтавая накіраванасць дысцыпліны абумоўлівае кола задач, рэалізацыя якіх забяспечыць фарміраванне неабходных для спецыялістаў ведаў, уменняў і навыкаў.

У выніку вывучэння дысцыпліны “Бібліяграфазнаўства. Тэорыя” студэнт павінен ведаць:

― сутнасць бібліяграфіі, законы і заканамернасці, функцыі і прынцыпы бібліяграфіі і бібліяграфічнай інфармацыі;

— унутраных і знешніх фактарах, якія ўздзейнічаюць на развіццё бібліяграфічнай інфармацыі і бібліяграфічнай дзейнасці;

— інфармацыйных патрэбнасцях грамадства ў цэлым, асобных яго сацыяльных груп і індывідаў;

— інфармацыйные бар’еры ў сістэме дакументных камунікацый і ролі бібліяграфіі як сродка іх пераадолення;

— асноўныя тэарэтычныя палажэнні бібліяграфазнаўства;

― кампанентнаю структуру бібліяграфічнай практычнай дзейнасці;

― відавую структуру бібліяграфіі і бібліяграфічнай прадукцыі;

― аспектную і аб’ектную структуры бібліяграфазнаўства;

— асноўныя этапы і метады складання бібліяграфічных дапаможнікаў і бібліяграфічнага абслугоўвання;

— стварэння і ўспрымання разнастайных бібліяграфічных паведамленняў.

Умець:

― выкарыстоўваць тэарэтычныя веды ў прафесійнай практычнай і навуковай дзейнасці;

― аналізаваць і сістэматызаваць бібліяграфічную прадукцыю для класіфікацыі па формах, тыпах, жанрах, відах;

― выкарыстоўваць бібліяграфічную прадукцыю ў бібліяграфічным абслўгоўванні;

― складаць і ўспрымаць бібліяграфічныя паведамленні;

― карыстацца бібліяграфічнымі ведамі ў непрадбачаных прафесійных і жыццёвых абставінах;

― праводзіць параўнальны аналіз і ацэнку розных тэарэтычных канцэпцый у бібліяграфазнаўстве з мэтай выкарыстання бібліяграфічных ведаў у прафесійнай дзейнасці.

У працэсе выкладання курса будуць выкарыстоўвацца наступныя педагагічныя методыкі і тэхналогіі:

― тэхналогія модульнага навучання;

― тэхналогія праблемнага навучання;

― камунікатыўныя тэхналогіі (дыскусіі, прэс-канферэнцыі і інш.);

― інфармацыйныя тэхналогіі (лекцыя – аўдыёвізуалізацыя);

― тэхналогіі вучэбна-даследчай дзейнасці;

― метад аналіза канкрэтных сітуацый.

Паспяховае засваенне студэнтамі дысцыпліны “Бібліяграфазнаўства. Тэорыя” магчыма на аснове трывалых ведаў, атрыманых пры вывучэнні цыкла агульнанавуковых і агульнапрафесійных дысцыплін, у прыватнасці, філасофіі, псіхалогіі, педагогікі, асновы навуковых даследаванняў, бібліятэказнаўства, асновы інфармацыйных тэхналогій, дакументалогіі, тэорыі інфармацыі і камунікацыі і інш.

У межах вывучэння дысцыпліны прадугледжаны наступныя віды заняткаў: лекцыі, семінары, практычныя, кантрольная работа, заданні для самастойнай работы студэнтаў; разнастайныя формы кантрольна-ацэначнай дзейнасці з выкарыстаннем рэйтангавай сістэмы ацэнкі вучэбнай і даследчай дзейнасці студэнтаў, тэсціраванне і экспрэс-апытання. Вывучэнне дысцыпліны “Бібліяграфазнаўства. Раздзел І. Тэрыя” максімальна разлічана 122 гадзіны, з якіх 50 гадзін – аўдыторныя заняткі. Прыкладнае размеркаванне ўдыторных гадзін па відам заняткаў: лекцыі – 30; семінары – 10; практычныя – 10. Заканчваецца вывучэнне дысцыпліны экзаменам.

ТЭМАТЫЧНЫ ПЛАН

Назвы раздзелаў і тэм	Колькасць гадзін аўдыторных
лекц.	сем.	практ.	сам. раб.
Уводзiны
Раздзел І. АСНОВЫ ТЭОРЫІ БІБЛІЯГРАФІІ
Тэма 1. Бібліяграфія як грамадская з’ява
Тэма 2. Бібліяграфічная інфармацыя і бібліяграфічныя веды як асноўныя паняцці тэорыі бібліяграфіі
Тэма 3. Формы існавання бібліяграфічнай інфармацыі
Тэма 4. Функцыянальная структура бібліяграфіі (бібліяграфічнай інфармацыі)
Раздзел ІІ. БІБЛІЯГРАФІЧНАЯ ДЗЕЙНАСЦЬ
Тэма 5. Бібліяграфія як галіна дзейнасці
Тэма 6. Бібліяграфічная практычная дзейнасць: паняцце і структура
Тэма 7. Кампанентная структура бібліяграфічнай дзейнасці
Тэма 8. Відавая класіфікацыя бібліяграфіі
Раздзел ІІІ. БІБЛІЯГРАФАЗНАЎСТВА – НАВУКА АБ БІБЛІЯГРАФІІ
Тэма 9. Бібліяграфазнаўства як сістэма навуковых ведаў
Тэма 10. Развіццё бібліяграфазнаўства на сучасным этапе
Усяго

ТЭМАТЫЧНЫ ПЛАН