Жұмыс тілін белгілеу және құжатты сақтау.

Құжаттың, мәтіннің мазмұнын кіргізуден және редакциялаудан бұрын құжаттың дайындалатын тілін көрсету қажет. Компьютердің қай тілде жұмыс істейтінін тапсырмалар тақтасының оң жағында орналасқан индикатор арқылы анықтауға болады. Тілді екі жолмен өзгертуге болады.

1) Тіл индикаторын шерту, содан соң пайда болған мәзірден тілдің атын шерту (13 сурет)

2) Alt+Shift не керісінше. Бұл әрекетті индикаторда қажетті тілдің атауын көрсететін белгі пайда болғанша қайталау қажет.

Содан соң «Бас» қосымшасында жұмыс шрифті (6 сурет) мен өлшемдері таңдап алынады.

Терілген не редакцияланған құжаттың мәтінін файл түрінде сақтау қажет. Ол үшін «Файл» қосымшасындағы «Қалай сақтау...» (Сохранить как...) жолын тышқанмен шерту керек (14 сурет). Осыдан кейін сұхбаттасу терезесі «Құжатты сақтау» (Сохранение документа) пайда болады. (сурет 15). Бұл терезедегі «Бума» (Папка) өрісінде осы өрістің оң жағындағы стрелканы шертіп, құжат сақталатын буманың есімін тауып, көрсету керек. Бума есімін жылдам табу үшін терезенің сол жағындағы бумалар суреттемелерін пайдалануға болады.

Құжаттың есімін «Файл есімі» (Имя файла) өрісінде теріп, «Файл түрі» (Тип файла) өрісінде стрелканы шертіп, файл кеңейтуін, мысалы «Документ Word(*.docx) көрсету керек. Содан кейін «Сақтау» (Сохранить) тиегін басу керек. Сақталған құжатқа өзгерістер енгізгеннен кейін жылдам орындату тақтасындағы «Сақтау» пиктограммасын басу жеткілікті.

Пернетақта арқылы сақтау үшін F12 тиегін басып, пайда болған «Құжатты сақтау» сұқбат терезесінде сақталу орнын, файл есімін және кеңейтуін көрсету керек.

Сақталған құжатты ашу үшін «Файл» қосымшасында «Соңғы» (Последние) не «Ашу» (Открыть) әмірін шерту керек, немесе «ыстық» тиек Ctrl+O. Осы жағдайда «Құжатты ашу» сұхбат терезесі ашылады. «Бума» (Папка) өрісінде құжаттың орналасқан бумасын көрсету керек. Осы кезде сұхбат терезесінде көрсетілген бумадағы құжаттардың есімдері тізіліп жатады. Осы тізімнен қажетті құжатты тауып, «Ашу» батырмасын шерту керек.

Мәтінді теру алдында парақтың өлшемдерін қою керек. Ол үшін мәзірдін «Парақты белгілеу» қосымшасындағы «Парақ сипаттамалары» тобы әмірлерін пайдалану не жұмыс парағының сол жағындағы тік сызғышты екі шертіп, пайда болған «Парақ сипаттамалары» (Параметры страницы) сұқбат терезесінде «Қағаз өлшемдері» (Размер бумаги), «Өріс» (Поля) қосымшаларын белсендіріп қажетті сипаттамаларды көрсету керек.

Жұмыс аяқталған соң бағдарламадан шығу үшін тақырып жолының оң жақ шетіндегі × батырмасын, не Alt+F4 басу керек. Егер құжатқа өзгерістер енгізілсе, «... өзгерістерді сақтау...» (Сохранить изменения в …» сұқбат терезесі ашылады. Ол терезеде «Сақтау», «Сақтаудың қажеті жоқ» және «Болдырмау» тиектері болады. Өзгертулерді сақтау қажет болса, «Сақтау» тиегін, қажет болмаса «Сақтаудың қажеті жоқ» батырмасын шерту керек. Егер де бағдарламаны жабудың қажеті болмаса, «Болдырмау» әмірі таңдалады.