Gerumdivum

I

1. Ut ad bella suscipienda Gallorum alăcer ac promptus est animus, sic mollis ac minime resistens ad calamitates perferendas mens eorum est (Caes. B. G. 3, 19, 6).

2. Oculos natură nobis, ut equo setas, caudam, aures, ad motūs animorum declarandos dedit (Cic. De or. 3, 59, 222).

3. Castra erant ad bellum ducendum aptissima naturā loci et munitione et maris propinquitate et aquae et salis copiā (Caes. B.G. 2, 37, 5).

4. Missi liсtores ad sumendum supplicium nudatos virgis caedunt secūrique feriunt (Liv. 2, 5, 8).

5. Callicrătes ad Diōnem interficiendum socios conquirit, adversarios ejus convĕnit (Nep. 10, 8, 3).

 

6. Cyprus abundat materiā utili ad naves aedificandas (Lambinus ad Hor. Od. 1, 13).

7. Tantă antiquorum hominum traditur fuisse simplicitas, ut venientes ad se advĕnas, qui modo, consilio ac sapientia praedīti, ad instruendam vitam formandosque mores aliquid conferrent, quod eorum parentes atque originem ig-norabant, caelo et terrā editos non solum ipsi crederent, verum etiam postĕris affirmarent (Aur. Vict. Origo gent. Rom. I)

8. Quidam veniunt, ut audiant, non ut discant, sicut in theātrum voluptatis causā, ad delectandas aures oratione, vel voce, vel fabǔlis ducimur (Sen. Ep. 108,6).

 

9. Nunquamne legisti, Gaditanum quendam, Titi Livii nomine, gloriāque commotum, ad visendum eum ab ultimo terrarum orbe venisse statimque, ut viderat, abisse? (Plin. Ep. 2, 3, 8).

10. Cortice subĕris utebantur Romani. ut nos etiamnum, ad vasa claudenda: illorum enim orificio immittebant, dein pice obturabant, (Forcellini in v. cortex).

 

11. Musicen natură ipsă videtur ad tolerandos facilius labores, velut munĕri, nobis dedisse, si quidem et remigem cantus hortatur, nec solum in iis operibus, in quibus plurium conatus, praeeunte aliquā iucundā voce, conspirat, sed etiam singulorum fatigatio quamlibet se rudi modulatione solatur (Quint. 1, 10, 16).

 

 

12. Alcibiades ad patriam liberandam omni ferebatur cogitatione (Nep. 7, 9, 4).

13. Eumĕnes, solutā epistǒlā, nihil in ea reppĕrit, nisi quae ad irridendum eum pertinerent (Nep. 23, 11, 3).

14. Coriolanum quondam damnatio injustă, miserum et indignum exsilium, ut iret ad oppugnandam patriam, impulit (Liv. 28, 29, 1).

 

15. Pythagǒras Aegyptum primo, mox Babyloniam ad perdiscendos siderum motūs originemque mundi spectandam profectus, summam scientiam consecutus est. lnde regressus, Cretam et Lacedaemǒna ad cognoscendas Minōis et Lycurgi inclǐtas ea tempestate leges contenderat (Justin. 20, 4, 3).

 

 

16. Adolescens quum sis, tum, quum est sanguis intĕger, rei tuae quaerendae convĕnit operam dare. Demum igitur, quum sis jam senex, tum in otium te collǒces; dum potes a mes: id jam lucrum est, quod vivis (PI. Merc. 3, 2, 7= 550).

17. Majores nostri omnibus rebus agendis “quod bonum,faustum, felix fortunatumque esset” praefabantur (Cic. Div. 1, 45, 102).

 

18. Et appetendi et refugiendi et omnīno rerum. gerendarum initia proficiscuntur aut a voluptate aut a dolore (Cic. Fin. 1,12,42).

19. Homines infīmā fortunā, nullā spe rerum gerendarum, delectantur historiā (Cic. Fin. 5, l.9, 52).

20. Pacis inter cives conciliandae te cupǐdum esse, laetor (Cic. Fam. 10, 27, 1).

 

II

1. Demosthĕnes Platōnis studiōsus audiendi fuit (Cic. De or. 1,20, 89).

2. Scipio adhortandorum militum causā talem orationem est exorsus (Liv. 21, 39, 10).

3. Apud Germanos latrocinia nullam habent infamiam, quae extra fines cujusque civitatis fiunt, atque eă juventutis exercendae ac desidiae minuendae causā fieri praedǐcant (Caes. B. G. 6, 23, 6).

4. Omnia judicia aut distrahendarum controversiarum, aut puniendorum maleficiorum causa reperta sunt (Cic. Caecin. 2,6).

5. Gratae mihi tuae litterae fuerunt, ex quibus intellexi, te summa cupiditate affectum esse videndi mei (Cic. Fam. 5, 21, I).

 

6. Ambiōrix in Nervios pervĕnit hortaturque, ne sui in perpetuum liberandi atque ulciscendi Romanos occasionem dimittant (Caes. B.. G. 5, 38, 2)

 

7. Quintum Scaevǒlam augūrem, memoriā teneo, bello Marsǐco, quum esset summā senectute et perditā valetudine, cotidie facere omnibus conveniendi potestatem sui (Cic. PhiI. 8, 10, 31).

 

 

8. Ego nullum locum praetermitto laudandi tui (Cic. Fam. 12, 24, 1).

9. Solebant magnā ex parte Romani illi veteres totum fere diem in rebus agendis ponere; sub vespĕrum autem, aut certe post meridiem corpora curare, vinoque et epǔlis operam dare (Lambinus ad Hor. Od. 1, 1, 20).

10. Non accipiendis, sed praestandis beneficiis amicos nobis conciliamus (Burnouf ad Sall. p.17).

11. Vetus atque usitată res - in oppugnanda hostium urbe labores ac

pericula pati (Liv. 26, 13, 9).

 

12. Non alienum est dignitate tuā (quod ipsi Agamemnǒni, regum regi, fuit honestum) habere aliquem in consiliis capiendis Nestorem (Cic. Fam. 9, 14, 2).

 

13. Socrătes dicebatur adjuvare Euripǐdem in tragoediis scribendis (G. Hermann ad Aristoph. Nub; p. XXX IV).

 

14. Omnis auctoritas philosophiae consistit in beata vita comparanda; beate enim vivendi cupiditate incensi omnes sumus (Cic. Fin. 5, 29, 86).

 

15. Quid dicam, quantus amor bestiarum sit in educandis custodiendisque iis, quae procreaverunt? (Cic. N. D. 2, 51, 129).

 

16. Eam diligentiam adhibeamus in amicitiis comparandis, ut ne quando amare incipiamus eum, quem aliquando odisse possimus (Cic. Lael. 16, 60).

 

17. Quid nostri philosophi? Nonne in his libris ipsis, quos scribunt de contemnenda glori, sua nomina inscribunt? (Cic. Tusc. 1, 15, 34).

 

18. In deligendo cibo et potu valetudinis potius, quam voluptatis, ratio habenda est (Ernesti Initia doctr. sol. p. 446).

 

19. Atǒmus est corpuscǔlum minūtum et individuum, quo in explicanda origine mundi utebatur Democrǐtus et post eum Epicūrus (Ernesti, Clav. Cic. v. atomus).

 

20. Quid tam difficile, quam in plurimorum controversiis dijudicandis ab omnibus diligi? (Cic. Or. 10, 34).

 

21. Non oportet, esse cuiquam ne in ulciscenda quidem injuria hominis occidendi potestatem (Cic. Verr. 1, 28,72).

 

22. Nunquam in praestantibus in republica gubernanda viris laudata est in una sententia permansio. Non idem semper dicere, sed idem spectare debemus (Cic. Fam. l, 9, 21).

 

23. Errastis vehementer et tu et nonnulli collegae tui, qui sperastis, vos posse in evertenda republica populares existimari (Cic. Agr. 1, 7, 23).

 

24. Querebatur jam suā aetate Theognis, non spectari in uxore quaerenda genus et parentum virtutem, sed pecuniam (Lambinus ad Hor. Od. 3, 24, 21).

 

25. Plerisque in rebus gerendis tarditas et procrastinatio odiōsa est (Cic. Phil. 6, 3, 7).

 

26. Ita praeclara est recuperatio libertatis, ut ne mors quidem sit in repetenda libertate fugienda (Cic. Phil. 10, 10, 20).

 

27. Quum multis in rebus neglegentiā plectimur, tum, maxime in amicis et deligendis et colendis (Cic. Lael. 22, 85).

 

28. Pythagǒras, Democrǐtus, Anaxagǒras a regendis civitatibus totos se ad cognitionem rerum transtulerunt (Cic. De or. 3, 15, 6).

 

29. Magis est secundum naturam pro omnibus gentibus conservandis aut juvandis maximos labores molestiasque suscipere, quam vivere in solitudine non modo sine ullis molestiis, sed etiam in maximis voluptatibus (Cic. Off. 3, 5, 25)..'