Дәріхана торабы мекеменің құрылымы.
Қазақстан Республикасының Денсаулық Сақтау Министрлігімен бекітілген дәріхана торабы мекемесінің құрамы төмендегілерден тұрады: - өндірістік дәріханалар - дайын дәрілік заттар дәріханасы - емдік – профилактикалық мекемелер дәріханасы - дәріханалық дүкендер - медициналық техника дүкендері - оптика дүкендері - дәріханалық базалар - дәріханалық қоймалар - аналитикалық – бақылау лабораториясы Құрылымына қарай дәріханалардың өзіндік ерекшеліктері болады. Гигиенистердің көз қарасы бойынша өндірістік дәріханаларда жұмыс орындары қаншалықты көп болса, дәріханада орындалатын технологиялық процестердің көлемі де, түрі де маңызды болады. Дәріханалардың тағайындалуына және атқаратын функциясына байланысты бөлмелердің ауданы өзгеріп отырады. Жоғарғы деңгейде жұмыс істейтін дәріханаларда өндірістік орта факторларының кешенді әсерінің қауіптілігі де жоғары болады. Мұнын барлығы дәріхананың гигиеналық міндеттерін шешуде, технологиялық процестерді ұйымдастыруда, дәріхана бөлмелерін жобалауда, санитарлық шараларды ұйымдастыруда (жарықтандыру, желдету, жылыту, канализация, сумен қамтамасыздандыру) маңызды болып табылады. Дәріханалар лицензиясыз жұмыс істей алмайды. Лицензияның жарамдылығын лицензиондық комиссия шешеді, ол 5 жылдан аспайды. Лицензияны қайтарып алу немесе күшін жою дәрілік заттарды сатуда Қазақстан Республикасы Денсаулық Сақтау Министрлігімен бекітілген нормативтерді бұзу анықталған кезде жүргізіледі.
Халыққа қызмет көрсету дәріханалары. Өндірістік дәріханалар мен дайын дәрілер дәріханасының негізгі міндеті елді мекендерді дәрілік заттармен, санитарлық құралдар, таңғыш материалдар, дезинфекциялық заттармен, елдің арасында санитарлық ағарту жұмыстарын жүргізу, өсімдікті дәрілік шикізаттарды дайындауды ұйымдастыру болып табылады.
Халыққа қызмет көрсететін дәріхханаларды орналастыруға рұқсат етілген учаскелер мынадай: - жеке ғимараттарда - тұрғын үйдің (жеке орналасатын) - тұрғын және қоғамдық үйлердің бір қабатта орналасуы - тұрғын үйлердің арасында орналасуы Емханаларда, амбулаторияда, медико – санитарлық бөлімде дәріханаларды орналастыруға рұқсат етіледі, тек қана қатынас жолы жеке болуы қажет. Жұмыс істейтін дәріханалардың құрамы мен ауданы күшіндегі заңды құжаттар құрылыстың (ҚЕН) және санитарлық ережелер мен нормаларға (СанЕН) сай болуы қажет.
- 4 - Ауылдық елді мекендерде дәріханалар жеке жер учаскелерінде орналасады және дайын дәрілерді оларға минимальды жұмыс орнының тізімі бар және дайын дәрілерді сататын дәріханалар жатады.
Емдік – профилактикалық мекемелер дәріханасы. Емдік – профилактикалық дәріханалардың негізгі функциясы барлық емдеу мекемелерін дайын дәрілік заттар, таңу материалдары, медициналық техника мен құралдарды беруімен қатар, дәрілік заттарды дайындау. Емдік – профилактикалық мекемелердің дәріханалары койка санына байланысты категорияларға бөлінеді: I – 800 орыннан жоғары; II – 500 – 800 орын; III – 200 – 500 орын; IV – 150 – 200 орын; V – 100 – 150 орын; Емдік – профилактикалық мекемелер дәріханасының бөлімдері:өндірістік, қосалқы, күту залы, әкімшілік және шаруашылық – тұрмыстық, олар ғимараттардың бірінші қабатында орналастырады. Емдік – профилактикалық мекемелер дәріханасының асептикалық блогы категориясына қарай 80 – 120 м 2 ауданын қамтиды. Ассистент бөлмесінде провизор – аналитик отырады. Асептикалық блокта екі жуу бөлмесі бар: I – стерилді иньекциялық ерітінділерді және көз тамшыларын дайындайтын ыдыстарды өңдеу, сорттау және қабылдауға; II - дәріхананың құралдар, ыдыстарды қабылдау, сорттау, өңдеуге арналған. Қойма бөлмелері кең болуы қажет. Дәріханаларды салуға арналған жер көлемі 0,1 – 0,2 га болып келеді. Жер учаскесінің санитарлық жағдайына қойылатын гигиеналық талаптар өте ерекше. Жерді таңдауда, дәріхананы құрылыстауда төмендегі гигиеналық принциптер сақталады: - таңдалған жер учаскесі «сау» болуы қажет; - таңдалған территория ластаушы көз болмауы қажет; - таңдалған жер учаскесінің сауықтандыру әсер беруі қажет; Барлық дәріханалардың бөлмелері мен құрамы бағытталуына қарай № 309 – шы дәріхана ұжымдарының санитарлық тәртібі бойынша инструкцияда белгіленген. Инструкцияда дәріханаларды өндірістік және дайын заттармен жұмыс істейтін бөлімге жіктейді.
|
