“Банк ісі” пәнінің мазмұны мен мақсаты.
Банктік жүйенің кез келген нарықтық экономикадағы мәні өте зор. Банк жүйесінің мәні төрт негізгі қызметтердің орындауында көрінеді:
- ол жинақ қорын ұстаушылар мен инвесторлар арасында, қысқа мерзімді депозиттерді орта және ұзақ мерзімді несиеге айналдыра отыра, делдалдық қызмет атқарады;
- фракционды жинақ жүйесі міндетіндегі қолма-қол ақша мен депозиттерді тарту негізінде несиелік ақшаларды қалыптастырады, соған байланысты айналымдағы ақша массасын ұлғайтады;
- банктердің депозиттік және несие саясаты экономикадағы ақша ұсынысына әсерін тигізеді;
- Орталық банкпен бекіткен шектеулерді іске асыра отырып, банктер оған оның ақша-несие саясатын жүргізуге көмектеседі.
“Банк ісі” курсын оқу мақсаты Қазақстан Республикасы мен шет елдердегі банк қызметін ұйымдастыру жөнінде білім алу, сондай-ақ алған білімдерін тәжірибеде қолдану болып табылады.
“Банк ісі” курсын оқу соңында магистранттар келесі негізгі білімдерді игерулері керек:
- ҚР банк жүйесінің қызмет етуінің заңдық-құқықтық базасын;
- екінші деңгейдегі банктердің ресурстық базаларын қалыптастырылуын және реттелуін;
- банктердің несие саясатын қалыптастыру сұрақтарын;
- несиелерді қайтаруды қамтамасыз етудің құқықтық сұрақтарын;
- несие беруші банктердің қылмыстық және азаматтық-құқықтық қорғанысы мен соттық аспектілерін;
- банктерде әр түрлі несие түрлерін ұйымдастыру;
- банктерде валюталық операцияларды жүргізу тәртібін;
- банктерде бағалы қағаздар операцияларды жүргізу тәртібін;
- банктік менеджментті ұйымдастырудың негізгі қағидаларын;
- банктік тәуекелді басқару әдістерін;
- ҚР ақша-несие жүйесін жетілдіру жолдарын.
Курсты оқу кезінде магистранттар келесі білімдерді игерулері керек:
- депозит пен несие бойынша жай және күрделі пайыздарды есептеуді;
- несие алушылардың несиені қайтару мүмкіндігін анықтауды;
- банктің несие қоржынын талдауды;
- несие алушының несиелік өтінішіне талдау жасауды;
- несие беруде бизнес жоспарға талдау жасауды;
- әр түрлі әдістермен несие бағасын анықтауды.
