Кіріспе. Патологиялық анатомия - 1 пәнінің бағдарламасы «Жалпы медицина» мамандығына арналған

Патологиялық анатомия - 1 пәнінің бағдарламасы «Жалпы медицина» мамандығына арналған. Ол болашақ дәрігерлерге іргелі теориялық білім беруді қамтамасыз ету үшін қажетті медициналық және биологиялық ғылым салаларының міндетті түрде қолданылатын және маңызды орын алатын қазіргі жетістіктері негізінде дайындалған.

Патологиялық анатомия – биология мен медицинаның ауқымды бір бөлімін қамтып, ауруларды әр түрлі қырынан зерттейтін патология ілімінің құрамына кіретін маңызды сала.

Патологиялық анатомия аурулардың құрылымдық (материалдық) негізін зерттейді. Ол медицинаның теориясымен қатар клиникалық тәжірибеге де қызмет атқарады, сондықтан патологиялық анатомия клиникалық пәндер қатарына жатады.

Патологиялық анатомияның теориялық және ғылыми маңызы жасуша мен жасушааралық заттың патологиясын, стереотиптік патологиялық процестер мен аурулардың даму заңдылықтарын зерттеудегі орнынан ақ айқын байқалады. Міне, тап осы мәселелер, яғни адамның жалпы патологиясы, патологиялық анатомия - 1 немесе патологиялық анатомияның жалпы бөлімі деп аталатын пәннің мазмұны болып табылады.

Патологиялық анатомия гистология мен биохимияның, қалыпты физиология мен адам анатомиясының, физика мен математиканың, және информатиканың әр кездегі жетістіктері негізінде дамуда. Патологиялық анатомия клиникалық пәндердің іргетасы деп те аталады, себебі жалпы патологиялық процестердің негізі игерілмесе, аурудың нақты түрінің бейнесін, ақыры мен оның өте күрделі жүйе болып табылатын микроорганизмге әсерін дұрыс пайымдау да мүмкін емес.