Пәннің cипаттамасы

Кәсіби бағдарлы деңгей бойынша кәсіби бағдарлы мәтіндердегі негізгі ойды әңгімелей алу дағдыларын қалыптастыру. Осы тақырыптағы мәтіндерді оқып, негізгі ақпаратты түсінуге машықтандыру. Кәсібіне қатысты ақпараттарды түсінуге дағдыландырып, өз мамандығы, болашақ қызметі туралы баяндай алуға машықтандыру. жалпы қолданыстағы сөздер мен сөз тіркестерінің лексикалық минимумын кеңейту. Тілдегі қолданыс деңгейіне қарай грамматикалық формалар мен құрылымдарды меңгерту. Сөйлеудің түрін: әңгімелесу, суреттеу, хабарлауды құрастыру. Грамматикалық формалар мен құрылымдарды сөйлеу процесінде дұрыс қолдану. Белгілі бір мәтінді қайта өңдеу. Тілдік қызметтің әр түрінде (сөйлеу, тыңдау, оқу, жазу) қиын емес практикалық мәтіндерді, әлеуметтік-тұрмыстық және кәсіби саладағы өзекті тақырыптардағы сұхбаттар мен монологтарды ауызша және жазбаша түрде өңдеу.

Оқу-кәсіби сөйлеуін жетілдіру: а) мамандығы бойынша әдебиетті оқу, тыңдау дағдысы мен біліктілігін қалыптастыру; б) пікірін білдіруде монолог-сипаттау, сұхбат-әңгімелеуге дағдыландыру.

Жазбаша және ауызша тілде келесі білім мен дағдыларды қалыптастыру:

Оқылым:

- сөйлемді, мәтінді, сұхбатты оқу;

- мәтіннің мазмұнын түсініп оқу;

- мәтінмен жұмыс істей білу;

- оқулықтан негізгі ақпарат бойынша жұмыс істей білу.

Тыңдалым:

- тыңдалған ақпаратты түсіну;

- тыңдалған мәтіннен негізгі ойды ажырата білу;

- тыңдалған ойға өз пікірін айта білу;

Жазылым:

- берілген тірек сөздер арқылы сөз тіркесін, сөйлем құру;

- грамматикалық заңдылықтар мен сөйлем құрылымын ескере отырып, сөйлем құру;

- фонетикалық, грамматикалық, лексикалық жаттығуларды сауатты орындай білу;

- сауатты сұхбат құрастыра білу;

- болымды, болымсыз түрде сауатты сөйлем құрастыра білу.

Пікірлесім:

- оқылған ақпаратты тілдік қатынас арқылы жеткізе білу;

- берілген сұрақтарға болымды, болымсыз түрде жауап бере білу;

- тірек сөздер арқылы өз ойын жеткізе білу;

- грамматикалық категорияларды ауызекі тілде қолдана білу;

- мәтіндегі негізгі ойды қысқа және толық айта білу;

- берілген тақырыпқа сұхбат құрастыра білу;

- өз ойын, сезімін ауызша жеткізе білу;

- лексикалық тақырыпты ауызша жеткізе білу.