Зін-өзі тану» пәнінің Қазақстан Республикасы жалпы орта білім беру мемлекеттік жалпыға міндетті стандарты

«Өзін-өзі тану» пәнінің басты мақсаты:

 

Рухани –адамгершілік білім беру, дамыту арқылы адамның төмендегі түйінді құзыреттілікте үйлесімді қалыптасуына ықпал ету:

- өзінің өмірлік позициясын анықтау;

- әр түрлі мәселелерді адамгершілік нормаларға сәйкес сындарлы шешу;

- өзіне, адамдарға және қоршаған әлемге ізгілікті қарым-қатынас жасау;

- адамдарға қолдан келгенше көмек беру, туыстарына және жақындарына қамқорлық көрсету;

- өзімен өзі үндестікте өмір сүру; ойы, сөзі және іс-әрекеттерінде шынайы болу;

- жасампаздық белсенділік, азаматтық және отансүйгіштік және толеранттық таныту;

- адамгершілік тұрғысынан таңдауға даярлығын таныту және өз ойы, сөзі мен ісіне жауапты болу;

- қоғамға қызмет ету дағдыларын іс жүзінде дамыту.

 

«Өзін-өзі тану» пәнінің басты міндеттері:

- оқушылардың өзін-өзі тануда және өзін-өзі іске асыруда шығармашылық қажеттілігін дамыту;

- жалпы азаматтық құндылықтардың негізін түсінуде әлемдік үйлесімділік көрінісін қалыптастыруға әсер ету;

- білім беруде және өмірдегі жағдаяттарда адамгершілік мінез-құлық тәжірибесін қалыптастыру;

«Өзін-өзі тану» пәнінің зерттеу нысаны. Субъектінің рухани тәжірибені және адам болмысының құндылықтарын тануға қатынасы.

«Өзін-өзі тану» пәні адам өмірінің құндылықтың мәнін және оның қоршаған ортадағы орнын түсінуге бағытталған.

«Өзін-өзі тану» үрдісінде адамның дүниетанымдық және мінез-құлықтың бағдарларын анықтауға:

1. адамның өзін, өзгелерді, әлемді, адамзаттың рухани тәжірибесін тануға мүмкіндік беретін жалпы адамзаттық құндылықтар жүйесі;

2. Өзіне, өзге адамдарға, қоршаған әлемге, адамзаттың рухани тәжірибесіне қатысты тұлғаның жеке қасиеті негіз бола алады.

«Өзін-өзі тану» пәні мазмұнының даму болашағы.

«Өзін—өзі тану» пәні мазмұнының даму болашағы әр бір жас кезеңінде өз ерекшеліктері мен заңдылықтары болатын адамның өзін-өзі жүзеге асыруының үздіксіз үрдісімен байланысты.

«Өзін-өзі тану» пәнінің базистік оқу жоспарындағы орны.

Базистік оқу жоспарында өзін-өзі тану білімінің «Адам және қоғам» саласындағы міндетті пән ретінде бастауыш, негізгі орта, жалпы білім беру деңгейлерінде оқыту көрсетілген.

 

Зін-өзі тану» пәні бойынша оқу бағдарламаларының түрлері.

«Өзін-өзі тану» оқу пәні шеңберінде негізгі оқу бағдарламасы жүзеге асырылады. Рухани-адамгершілік білім беруді жүзеге асыру бастауым, негізгі орта, жалпы орта білім беру деңгейлеріндегі міндетті оқу пәндерінің мазмұнын өзін-өзі танудың негізгі идеяларымен байытуды көздейді.

Зін-өзі тану» пәні бойынша оқу жүктемесінің көлемі мен бөлінуі

Өзін - өзі тану пәні оқу жүктемесінің көлемі:

Негізгі орта білім беру деңгейінде - аптасына 1 сағат, оқу жылында 34 сағат.

Жалпы білім беру деңгейінде - аптасына 1 сағат, оқу жылында 34 сағатты құрайды.

 

Зін - өзі тану» пәні бойынша базалық білім мазмұны

«Өзін-өзі тану» пәнінің базалық мазмұны рухани—адамгершілік қасиеттерін дамытуға, жеке тұлғаның өзін-өзі тануына, өзін-өзі анықтауына және өзін-өзі барынша жүзеге асыруына ықпал етеді.

Оқу бағдарламаларында базалық мазмұны—бала дамуының жас ерекшеліктерін есепке алу арқылы нақтыланады. «Өзін-өзі тану» пәнінің базалық білім беру мазмұны төрт негізгі бөлімді құрайды.

1. Адамның өзін-өзі тануы

2. Адам және қоғам

3. Адам және қоршаған орта

4. Адамзаттың рухани тәжірибесі.

 

Азақстан Республикасы Білім және ғылым министрлігі Ы. Алтынсарин атындағы ұлттық білім беру академиясы

Оқу жылында Қазақстан Республикасы Жалпы білім беру ұйымдарында ғылым негіздерін оқыту ерекшеліктері туралы әдістемелік нұсқау хат

1.4. Адам және қоғам білім саласы

Өзін-өзі тану

«Өзін-өзі тану» оқу пәні ретінде Қазақстан Республикасы жалпы білім берудің базистік оқу жоспарының мемлекеттік компонентін құраушы болып табылады. Базистік оқу жоспарында өзін-өзі тану білімінің «Адам және қоғам» саласындағы міндетті пән ретінде бастауыш, негізгі орта, жалпы орта білім беру деңгейлерінде оқыту көрсетілген.

Өзін-өзі танудың пәндік саласы әр оқушының ішкі жан-дүниесін байыту және өзіндік қайталанбас жеке даралығын пайымдауы арқылы табиғи қабілеттіліктері мен жасампаздық әлеуетін ашуға бағытталған мақсатты білім беру үрдісін ұйымдастыруды көздейді.

Өзін-өзі тану пәнінің оқу-әдістемелік құралдары оқушылардың қоғамға және өз-өзіне қызмет етуіне бағытталып, олардың жасампаздық белсенділігін танытуға мүмкіндік беретін өмірлік маңызы бар, кең аузымды біліктілік дағдыларды қалыптастыруға көмектеседі.

Мектепке өзін-өзі тануды оқыту төмендегідей міндеттерді жүзеге асырады:

- адамның өзіндік бейімділіктерін ашу және оның темпераментін, мінез-құлқын, қабілеттерін ескере отырып, оны тұлға ретінде іс-әрекет субъектісі әрі жеке дара субъект ретінде дамыту;

- оқушылардың өзіне, қоршаған ортаға және бүкіл адамзатқа деген қарым-қатынасын айқындайтын адамгершілік мінез-құлықтарының, әлеуметтік маңызы бар бағдарларының негізін қалыптастыру;

- қоғамға қызмет етуге бағытталған мәселелерді шешуде жеке тұлға құндылықтарын қалыптастыру.

«Өзін-өзі тан» пәні рухани-адамгершілік білім беру бойынша өз алдына мынадай жалпы мақсаттар қояды:

- өзінің өмірлік айқындамасын анықтау;

- түрлі мәселелерді адамгершілік қағидаларға сәйкес сындарлы түрде шешу;

- өзіне, адамдарға және қоршаған әлемге ізгілікті қарым-қатынас жасау;

- адамдарға көмек көрсету, туыстарына және жақындарына мейірімді, қамқор болу;

- өзімен-өзі үндестікте өмір сүру, ойы, сөзі және іс-әрекеттерінде шынайы болу;

- жасампаздықпен белсенділік, адамзаттылық және елжандылық таныту;

- өз ойын, сөзі мен ісін адамгершілік тұрғысынан таңдауға дайын болу және оған жауапты болу;

- қоғамға қызмет ету дағдыларын іс жүзінде дамыту.

 

«Өзін-өзі тану» пәнін оқытуға аптасына 1 сағаттан, оқу жылында 34 сағат бөлінген.