Зін-өзі тану” пәнінің Қазақстан Республикасы жалпы орта білім беру мемлекеттік жалпыға міндетті СТАНДАРТ

Тестирование:

зін-өзі тану” пәнінің Қазақстан Республикасы жалпы орта білім беру мемлекеттік жалпыға міндетті СТАНДАРТ

Осы стандарт – өзін-өзі тану процесін ұйымдастыруға қойылатын талаптарды белгілеп, мектепке дейінгі және 12 жылдық орта білім беру шарттарына сәйкес жеке тұлғаның рухани-адамгершілік дамуының негізгі бағыттарын анықтайды.

Белгіленген талаптар:

Қазақстан Республикасының мектепке дейінгі және жалпы білім беретін орындарында өзін-өзі тану бойынша оқу процесін ұйымдастыру кезінде;

1. өзін-өзі тану бойынша оқулықтар мен оқу-әдістемелік кешендерді әзірлеу кезінде;

2. өзін-өзі тану бойынша білім алушылардың оқу жетістіктерін қадағалау кезінде;

3. адамгершілік-рухани білімнің вариативті құрам бірлігі ретінде қолданбалы курстар мен таңдау бойынша курстарды әзірлеу кезінде;

4. қосымша білім беруде және мектептен тыс іс-шаралардың түрлі нысандарын ұйымдастыру кезінде міндетті болып табылады.

Өзін-өзі тану пәнінің мақсаттары
“ Өзін-өзі тану” рухани-адамгершілік білім беру мынадай жалпы мақсаттарды алдына қояды:

1. әрбір оқушының өзінің жан дүниесін сезінуіне және өзінің дербестігін түсінуіне ықпал ету;

2. жеке тұлғаның жан-жақты қалыптасуына өмірлік маңызы бар мынадай түйінді құзыреттерді мақсатты түрде дамыту арқылы ықпал ету;

3. өзінің өмірлік позициясын анықтау;

4. әр түрлі мәселелерді адамгершілік нормаларға сәйкес конструктивті шешу;

5. өзіне, адамдарға және қоршаған әлемге ізгілікті қарам –қатынас жасау;

6. адамдарға қолдан келгенше көмек беру, туыстарына және іс-әрекеттерінде шынайы болу;

7. жасампаздық белсенділік, азаматтық және отан сүйгіштік таныту;

8. адамгершілік тұрғысынан таңдауға даярлығын таныту және өз ойы, сөзі мен ісіне жауыпты болу;

9. қоғамға қызмет ету дағдыларын іс жүзінде дамыту.

Белгіленген жалпы мақсаттар күнделікті практикада:

- жеке тұлғаның өзін-өзі анықтауына және өзін барынша іске асыруына көмектесетін жасампаздық құндылықтарды үйретуге бағытталған біртұтас білім беру процесін құру;

- балалардың жас ерекшеліктерін ескере отырып, жеке тұлғаның рухани-адамгершілік әлеуетінің дамуына ықпал ететін ақпараттық білім беру кеңістігін құру;

- басқа оқу пәндері мазмұнының құндылық мәнін күшейту;
қоғамға қызмет етуге бағытталған оқудан тыс және мектептен тыс тәрбие рөлін арттыру;

- мектеп пен отбасының әлеуметтік серіктестігін, мұғалімдердің ата-аналар, қамқоршылар, тәрбиешілермен тығыз ынтымақтастығын дамыту арқылы жеке тұлғаның рухани-адамгершілік қалыптастыру үшін жағымды алғышарттар жасауды құру жолдарымен жүзеге асырылуы мүмкін.

Нақты практикада белгіленген мақсаттар мен рухани-адамгершілік білімнің басым бағыттары оқушылардың өзін-өзі танудағы белгілі бір оқу жетістіктеріне қол жеткізуге мүмкіндік береді.