РОЗДЂЛЪ ШЕСТОЙ О ОПЕКАХЪ
АРТЫКУЛЪ 1. О дЂти недорослые лЂтъ.
Уставуемъ, абы по смерти родичовъ дЂтемъ лЂтъ недорослымъ шкоды и роспрошенья маетностей ихъ якъ лежачихъ такъ и рухомыхъ не было; съ тое причыны таковые дЂти лЂтъ недорослые мають быти подъ справою и опатрностью опекуновъ отъ родичовъ назначоныхъ, або тежъ приданыхъ до лЂтъ зуполныхъ, а лЂта мужчизнЂ мають быти зуполные осмнадцать лЂтъ, а дЂвка петнадцать лЂтъ.
АРТЫКУЛЪ 2. О опецЂ отцовской.
Тежъ уставуемъ, если бы отецъ мЂлъ дЂти недорослые лЂтъ, которые бы мЂли имЂнье материстое обоимъ записаное; тогды якъ дЂтьми самыми отецъ, такъ и таковымъ имЂньемъ ихъ материстымъ и якимъ кольвекъ ихъ властнымъ, опекунъ маеть быти до лЂтъ ихъ дорослыхъ, а кгды лЂтъ доростутъ, маеть имъ тые имЂнья зъ опеки своее пустити, и личбы ни которое имъ чинити не повиненъ. Одно жъ часу опеки своее не мають моцы ничого оныхъ имЂней въ руки чужіе а ни вЂчнымъ а ни заставнымъ правомъ и обычаемъ впущати; а хотя жъ бы и впустилъ, тогды то дЂтемъ шкодити не маеть, але мають того на держачомъ доходити, толко бы давности, вышедши зъ опеки, не омЂшкали. А тежъ кгды бы которого сына его власного имЂнье набытое въ готовыхъ пенезей або якихъ кольвекъ речахъ отецъ за живота своего на свои потребы выдалъ, а потомъ самъ умеръ и колько бы сыновъ зоставилъ; тогды наипервей нижли дЂлъ ровный во имЂнью отчизны межи сынми будеть, мають они долгь отца своего вси сынове съ тымъ посполу братомъ своимъ, чіи речи будуть, межи себе на ровные части розняти, и такъ кождый части своее оный долгь брату своему отложившы, тожъ мають имЂнья отчизные въ ровный дЂлъ подЂлити.
АРТЫКУЛЪ 3. Которыи опекунами мають быти.
Наипервей тые опекунами мають быти, кого бы отецъ на тестаментЂ дЂтемъ своимъ описалъ, а если бы не описалъ, тогды братъ старшый лЂтъ дорослый маеть молодшую братью и сестрами опекатися. А не будеть ли брата дорослого; ино стрыеве по мечу мають опекунами быти, а если бы стрыевъ рожоныхъ не было, ино близкіе также по мечу ку опецЂ мають быти припущоны. А кгды бы опекуновъ прирожоныхъ никого не было, ино по матцЂ иншые кревные мають быти опекунами; а не станетъ ли покудели кревныхъ, тогды отъ насъ Господара або отъ пановъ воеводъ або тежъ и отъ суду земского мають быти опекуны приданы, не чужоземцы але добрЂ оселые въ томъ же повЂтЂ, гдЂ опекатисе будеть, абы оселость такового опекуна значна была ровна съ тымъ имЂньемъ, которое у въ опецЂ мЂти будеть. И кождый опекунъ хотяжъ бы и кровный также добрЂ оселый маеть быти, кромъ тыхъ опекуновъ которихъ отеуъ тестаментомъ назначитъ. А вЂдже если бы тотъ опекунъ отъ отца назначоный неслушнЂ се на той опецЂ справовалъ зъ шкодою оныхъ дЂтей; тогды мы Господаръ або панове воеводове або тежъ врядъ земскій въ повЂтехъ своихъ мають тую опеку отъ того опекуна отнемши, кому съ прирожоныхъ або близкихъ або кому кольвекъ обчому, только цнотливому и добрЂ оселому, тую опеку злецити, и што бы ся шкодъ отъ оного першого въ имЂнью онымъ дЂтЂмъ стало, то все на ономъ опекунЂ съ права сказано быти маеть. А если бы дЂтиные имЂнья въ розныхъ повЂтехъ были, тогды врядъ, въ которомъ повЂтЂ головнЂйшое имЂнье тыхъ дЂтей будеть, маеть опекуна придати; а тотъ самъ одинъ при головнЂйшомъ имЂнью и иные вси имЂнья, хто бы по розныхъ повЂтехъ мЂлъ, будеть съ одного держати и ими се опекати. Тежъ опекунъ маеть быти не вельми зешлыхъ лЂтъ, не форый, ростропный, розумный, тотъ который бы собою добре владнулъ и домъ свой ростропне и опатрне справовалъ.
АРТЫКУЛЪ 4. Наука опекунамъ якъ мають на себе опеку брати.
Уставуемъ, ижъ кождый опекунъ пріймаючи въ опеку наипервей маеть передъ вознымъ отъ вряду на то приданымъ передъ двома шляхтичами списати достаточнЂ людей и всю маетность дЂтиную, такъ лежачую яко и рухомую, и тотъ реестръ подъ печатью возного и шляхты маеть увести до книгъ земскихъ, и собЂ того уписанья выписъ съ книгъ взяти; а потомъ опекунъ взявшы дЂти маеть ихъ въ добромъ и цнотливомъ выхованью и наукахъ мЂти и въ достатку, водле можности имЂней и водлЂ большого старанья своего, яко ему самому почтивость мЂла, ховати, и маетность ихъ якъ лежачую такъ и рухомую въ цЂлости мЂти, а съ чого бы за долгимъ хованьемъ дЂтемъ шкода быти мЂла, то тые речи на пенези оборочати маеть, и все ку пожитку дЂтиному справовати. А кгды дЂти къ розумнымъ и дорослымъ лЂтомъ прійдуть; пекунови повинни будуть оные вси маетности дЂтиные, якъ лежачіе такъ и рухомые и всякіе доходы зъ имЂнья ихъ, дани пенежныя и медовое и иныя всякія, которіе жъ кольвекъ черезъ весь часъ опеки своее зберуть, ихъ отдати мають, и личбу достаточную вчинивши зо всего усправедливитися. А за працу свою опекунове зъ гумна зъ млыновъ и пересудовъ и зъ озеръ маеть мЂти пожитки и не будуть повинни съ того личбы чынити; вЂдже предсе изъ тыхъ пожитковъ якъ зъ гуменъ такъ и зъ млыновъ мають накладати на выхованье и пріодЂванье дЂтемъ, и службу земскую заступовати. А которимъ житомъ и всякимъ збожьемъ злжонымъ и засЂянымъ опекунъ озметъ, зъ тымъ всимъ опеку здати маеть. Тежъ серебщизны а ни винна себе опекунъ брати а ни ставовъ спускати не маеть, только рибъ изъ ставовъ ку потребЂ своей и къ живности можеть ловити. А которій бы кольвекъ опекунъ, такъ тестаментомъ зоставленый, якъ и прирожоный, або тежъ зъ уряду приданый, не заховуючися водле науки не врядовне безъ возного на то приданого и безъ стороны, несписавшы напродъ всихъ маетностей дЂтиныхъ такъ лежачихъ яко и рухомыхъ, въ опеку вшолъ и што шкоды дЂтемъ опекою своею починилъ; противъ таковому дЂти лЂтъ доросшы близшіе будуть ку доводу, што по тымъ онымъ дЂтемъ дорослымъ лЂтъ справа на ономъ опекунЂ всказано и отправлено быти маеть. А если бы такій опекунъ што опекою своею вшкодившы вмеръ, тогды предся тая шкода на имЂнью его всказана и отправлена быти маеть.
АРТЫКУЛЪ 5. Если бы опекунъ што несправою або недбалостъю своею дЂтемъ упустилъ.
Кгды бы тежъ опекунъ, такъ прирожоный яко и встановленый отъ отца, або тежъ зъ уряду приданый, якимъ омЂшканьемъ або недбалостью своею дЂтемъ въ молодости лЂтъ ихъ што впустилъ; тогды дЂти, доросшы лЂтъ своихъ зуполныхъ, могуть своего правомъ поискивати на томъ, хто бы имЂнье держалъ, абы одно доросши лЂтъ своихъ зуполныхъ давности земское не омешкали.
АРТЫКУЛЪ 6. Опекунъ можеть дЂтиное кривды доходити у права, але немоцонъ ничого утратити.
Кгды бы хто сиротамъ або дЂтемъ лЂтъ немаючымъ якую кольвекъ кривду учинилъ; тогды опекунъ ихъ моцонъ того правомъ доискиватися. А кгды бы опекунъ зъ дЂтьми о што былъ позванъ, на то опекунъ не повиненъ у права отповЂдати, окромъ тыхъ причынъ, которые нижей описаны; бо опекунъ неповиненъ дЂтемъ ничого утратити, и што бы опекунъ въ лЂтехъ ихъ недорослыхъ имъ упустилъ, въ чомъ бы се имъ кривда видЂла, тогды они доросши лЂтъ своихъ, могуть о тыхъ кривдахъ своихъ мовити и правомъ того доходити, только бы давности земское не омешкали.
АРТЫКУЛЪ 7. Хто бы дЂти недорослые до права позвалъ.
Уставуемъ тежъ, ижъ о имЂнья такъ отчизные яко и материстые купленые и выслужоные дЂти а ни опекунъ не будуть повинни у права отповЂдати, але мають тую справу до лЂтъ дЂтиныхъ зуполныхъ отложыти; а они кгды лЂта зуполные будуть мЂти, тогды на онъ часъ сторона жалобливая маеть ихъ припозвати, а они вжо будуть повинни на жалобу отповЂдати не вымовляючися давностью земскую, только бы тежъ сторона жалобливая отъ зуполныхъ лЂть ихъ давности земское не премЂшкала.
АРТЫКУЛЪ 8. Ижъ дЂти недорослые не мають у права отповЂдати въ одно чотырохъ причынахъ.
Тежъ дЂти не маючы лЂтъ, будучы до права позвани, одно въ чотырохъ речахъ повинни будуть отповЂдати. Первей, кгды отецъ ихъ або матка за доброго здоровья которое имЂнье лежачое въ пенязехъ заставнымъ обычаемъ держали, або якъ кольвекъ суму на томъ имЂнью было имъ описано, а близкіе бы тое имЂнье отъ тыхъ дЂтей выкупити хотЂли, и для того бы были позвани ку обранью пенезей; тогды будуть повинни пенези взяти черезъ опекуна або тежъ черезъ пріятелей кровныхъ, а имЂнье пустити. Другое, кгды бы отецъ ихъ кому ручылъ о якую кольвекъ речъ, а о тую бы поруку еще отецъ ихъ за жывота своего былъ позванъ до права; тогды по смерти отцовской дЂти, будуть ли отъ кого позвани, отповЂдати повинни, и съ права найдеть ли се, то мають его съ поруки вызволити. Третее, кгды бы отецъ за жывота своего о якое дЂдицство мЂлъ право и не доконавшы умеръ; тогды дЂти черезъ опекуна повинни будуть отказовати, а если бы одно позванъ былъ, а у права не стоялъ, тогды тая речъ маеть отложона быти до лЂтъ дЂтиныхъ. Четвертое долгъ отца своего повинни дЂти платити не вымовляючися молодостью.
АРТЫКУЛЪ 9. О братьи недЂльной.
Уставуемъ, кгды бы братья недЂльная маючы лЂта дорослые одного въ имЂнью зоставили, а онъ яко старшый мЂстцу зоставленый былъ бы ку праву позванъ, а сполную речъ свою и братьи своее утратилъ; тогды иншая братья его рожоная не маючы моцы такового судовного выроку у права отмЂнити ани поправляти, але што черезъ брата своего утратили, о то на вЂки мають молчати. А кгды бы одному брату лЂта зуполные маючому имЂнье его отъ братьи молодшое отъ опекуновъ въ руки пришло, а былъ бы позванъ о которую кольвекъ речъ о имЂнье, або о што кольвекъ, повиненъ отповЂдати у пра†ни ждучи лЂтъ братьи своее молодшое; ачкольвекъ правомъ дойдеть, то съ братьею, кгды лЂтъ доростутъ, ровно дЂлити будуть повинни; а если тежъ што правомъ утратитъ, того братьи нагорожати не будетъ повиненъ, а ни братья будуть мочи того на братЂ своемъ ани на томъ, хто зыщеть правомъ, поискати; а вЂдьже если бы братъ которую хитростыо або недбалостью своею што ку шкодЂ братьи своее пустилъ, а то бы братья на него у права довели, тогды тотъ братъ, который што не слушнЂ упустилъ, маеть братьи съ части своее нагородити.
АРТЫКУЛЪ 10. Старшій опекунъ не можеть имЂнья дЂтиного продавати, утратити и граничити.
Уставуемъ, ижъ опекунъ не можеть имЂнья дЂтиного, которимъ ся опекаеть, продати або якимъ же кольвекъ обычаемъ утратити и тежъ граничити; а если бы опекунъ иначей учинилъ, тогды дЂти дошедши лЂтъ зуполныхъ будуть мЂти моцъ имЂнье свое отъ того, хто его уживаеть, правомъ доходити, одно бъ дошедши лЂтъ зуполныхъ давности земское не омЂшкали.
АРТЫКУЛЪ 11. Старшый сынъ дорослый не можеть братьи недорослое имЂнья отдаляти або завести, окромъ части своее, лечъ бы для долговъ родичовъ своихъ.
Уставуемъ, ижъ старшый братъ держачы сполное имЂнье зъ братьею своею нероздЂльное не будеть мЂти моцы якимъ же кольвекъ мененымъ обычаемъ того сполного имЂнья заставляти продавати отдаляти або утрачати, вынемшы часть свою, которая на него приходить, можеть зоставити до вЂчного дЂлу. А гдЂ бы тежъ долги того родичовъ ихъ записаные або правомъ належачые потребовали, въ которой же потребЂ тотъ братъ старшый, зъ вЂдомостью а порадою старшихъ пріятелей дому своего, будеть маючи имЂнье сполное братьи зоставити, о такіи долги платити, а вЂдьже такъ яко бы пенези на имЂнье братьи своее взятые не превышали сумы долговъ отцовскихъ. А если бы долги або заплата якая судовнЂ сказаная при меньшымъ была; тогды старшый братъ, первей огледавшы живностей и иные потребы домовые, маеть съ цыншовъ доходовъ имЂней сполныхъ долги оные малые плати, а останокъ, што бы збывало, маеть вЂрне братьи заховати; а если бы иначей чинилъ, тогды такового заставованье або записованье имЂней у права пріймовано быти не маеть; а братья, которихъ имЂнья тымъ або якимъ инымъ неслушнымъ способомъ будуть заставлены, кгды лЂтъ своихъ доростутъ и давности не замолчать, будуть мочы его правомъ доходити; а той, которій бы противъ уставы нашое пенези на имЂнье братское безъ ихъ зуполного дозволенья такъ неопатрнЂ далъ, тогды своихъ пенезей на ономъ старшомъ братЂ доходити искати будеть. А кгды бы которій дорослый былъ на службЂ у чужихъ краинахъ або на науцехъ або у везанью непріятельскомъ, тому давность не шкодить, естли ее отъ пріЂханья своего не замолчитъ. А вЂдьже и на свою часть будеть ли хотЂти братъ старшый якую суму пенезей взяти, тогды маеть такъ брати, яко бы сума не превышала, а на вЂчность, не роздЂлившы имЂнья съ братьею своею, части своее продавати не можеть.
АРТЫКУЛЪ 12. Въ опецЂ, тое имЂнье держечи, не маетъ ничого зъ него за свою вину платити.
Коли бы хто чужое имЂнье въ опецЂ або заста†держалъ, а были бы якіе кривды суседскіе або долги або якіе иные справы покананье; таковый кождый, если бы не былъ на своей властности оселый, въ таковыхъ своихъ речахъ въ сужоныхъ на рухомомъ имЂнью его або въ недостатку заплаты на самомъ истцу * маеть быти отправлена **.
* Первой ред. стат.: «на персонЂ его». ** Трет. ред. стат. «а имЂнье, которое бы у вопецЂ держалъ, отъ того вольно будетъ».
АРТЫКУЛЪ 13. Коли бы ся трафило екзекуторови оборонцы, почавшы которіе справы тестаментовъ справовати, и недоконавши умерли.
Уставуемъ, ижъ кгды бы ся опекунове почавши тестаментомъ справовати што кольвекъ, а въ томъ не докончившы померли; тогды близкіе оныхъ дЂтей мають быти припущоны ку екзекуціи, а естли близкихъ не будеть, ино врядъ опекуновъ, хотя бы обчихъ, до того тестаменту подъ тою жъ моцъю все справовати, якъ и тые, которые померли.
АРТЫКУЛЪ 1. О записехъ на имЂнья свои отчызные и материстые.
О записехъ на имЂнья свои отчызные материстые и всякимъ обычаемъ набытые, которій ся уфалилъ на соймЂ вальномъ Берестейскомъ, въ року тисеча пять сотъ шестдесятъ шостого, мЂсяца Іюня. Кгдыжъ въ старомъ статутЂ и въ поправахъ статуту нового бачили панове рада обоего стану, также и вси станы, на першомъ вальномъ соймЂ Берестейскомъ отъ насъ Господаря зложономъ отмЂнити четыри артыкулы въ роздЂлЂ томъ семомъ о записехъ: первый, другій, третій и четвертый и праве ихъ на сторону отложити и на тое мЂстце тотъ нижей описаный установити и въ статутъ вложыти, якожъ на то сполнЂ и одностайнЂ вси зезволившыся и уфалившы, до насъ Господара донесли и утверженье того насъ просили. Мы Господаръ, приставуючы тому зволенью и уфалы ихъ, утвержаемъ мЂсто оныхъ чотырохъ артыкуловъ вышъ помененыхъ, откладаючы ихъ на сторону, на передъ нижей описаный ку уживанью и справованью въ томъ панст†Великомъ Князст†Литовскомъ и во всихъ земляхъ ему належачихъ, межи всими станы и особами праву земскому и сему статуту прислухаючихъ. Што вси отъ сего часу и дня волно и моцно кождому имЂнья свои отчызные и земскіе материстые и выслужоные купленые и якимъ кольвекъ обычаемъ набытые и названые, не смотречы третее и двохъ частей, яко передъ тымъ бывало въ статутЂ обычаемъ стародавнымъ, але все съ домомъ, хто ихъ што маеть, будь тежъ половицу або и которую ихъ часть, и по собЂ и у одно або люди земли, што хотя отъ нихъ водлЂ доброе воли своее и мысли, отдати продати даровати и записати заставити, отъ дЂтей и близкихъ отдалити, подлЂ баченья своего тымъ шафовати. И хотя бы перво которую часть албо половицу имЂнья своего альбо што кольвекъ люди земли кому продалъ записалъ; тогды остаточныхъ имЂней своихъ потому жъ воленъ шафовати вЂчностью заставою, якъ воля его будеть, отдаляючи то отъ дЂтей близкихъ своихъ. А вЂдьже кождый таковый, або продаеть альбо даруеть, самъ очивисте передъ нами Господаремъ объявити маеть, або передъ урядомъ земскимъ, гдЂ въ которомъ повЂтЂ тое имЂнье лежитъ, або до которого суду земского прислухаеть. А пакли бы до которого повЂту было далеко, въ которомъ имЂнье тое лежитъ, алимъьбо до которого суду прислухаеть, тогды будеть еиу вольно записъ свой оповЂдати и до книгъ записати; а тотъ кому, продано або якимъ кольвекъ обычаемъ записано будетъ, съ тымъ листомъ записомъ сво и тежъ записомъ врядовымъ маеть Ђхати або послати до того вряду земского повЂтового, гдЂ въ которомъ повЂтЂ имЂнье лежати будеть, а то оповЂдавши маеть до книгъ земскихъ тотъ записъ свой увести, а урядъ урядови вЂрити маеть.
АРТЫКУЛЪ 2. Если будетъ кому потреба записъ чинити кромЂ роковъ земскихъ отъ лежачихъ книгъ.
Тежъ хто бы хотЂлъ што записати оселость кому вЂчностью межи роки судовыми, безъ которыхъ судъ не звыкъ засЂдывати на судЂ, и книги подлугъ статуту лежати не будуть; тогды маеть прійти передъ врядъ замковый дворный, гдЂ судъ отъ насъ Господара засажоны, и тамъ же записъ справеный передъ воеводою або старостою альбо державцою, гдЂ такіе суды суть, оказати вызнати и дати его до книгь записати замковыхъ слово отъ слова, и выписъ взяти, который выписъ замковый будеть тривати до году а не далей. А въ томъ году маеть быти оный записъ пренесеный до книхъ земскихъ и при врядникохъ земскихъ въ тые жъ книги земскіе дати записати, тымъ обычаемъ таковый записъ маеть быти при моцы захованъ, и тотъ, што имъ кому будеть записано, маеть то одержати. А гдЂ бы такъ доводу не вчинилъ; тогды таковый записъ жадное моцы мЂти и за оным тую речъ, што кому записано, одержати не маеть. А въ небытности воеводъ старостъ и державецъ судовыхъ на таковыхъ урядехъ и мЂстцахъ ихъ; такіе записи за листы вызнаными предся очевисто особы будучи сами, хто што записуеть, вызнавшы и такіе записы сами жъ оказавши вряду тому, то естъ передъ подстаростимъ намЂстниками и при судьи, отъ таковыхъ особъ урядовыхъ могуть быти и выписы даваны подъ ихъ печатьми и съ подписаньемъ рукъ ихъ, а при намней двухъ, если бы вси три писати не вмЂли.
АРТЫКУЛЪ 3. Хто бы хотЂлъ имЂнье свое отчизное продати або зоставити.
Хочемъ тежъ мЂти и уставуемъ, абы кождый таковый, хто бы хотЂлъ имЂнье свое отчизное продати або заставити; тогды маеть прійти передъ насъ Господара або передъ врядъ земскій, въ которомъ повЂтЂ тое имЂнье лежитъ, объявити передъ судомъ земскимъ, которая продажа за таковымъ обычаемъ будеть моцна и вЂчнЂ держана, хотя бы на то и потверженья нашого господарскаго не было. А вЂдьже тотъ, кому будеть записано, того жъ часу маеть, взявшы возного зъ уряду повЂтового, увойти въ держанье и того имЂнья; пакли бы по ономъ записЂ въ держанье того имЂнья не пришолъ, а давность земскую десеть лЂтъ промолчалъ, тогды таковая продажа и застава потомъ моцы ни которое мЂти не будеть.
АРТЫКУЛЪ 4. О вольности продати третюю часть на вЂчность.
Уставуемъ, хто бы хотЂлъ имЂнье свое отчизное продати на вЂчность; тогды только третюю часть имЂнья отчизного вольно ему на вЂчность продати, а д†части того жъ имЂнья въ сумЂ зоставити. А вЂдьже не маеть большей на тые д†части имЂнья отчизного брати, только такъ яко бы сума не превышала на уфалу и постановене наше, яко вышей въ роздЂлЂ о судьяхъ естъ написано; а гдЂ бы большъ на тые д†части пенезей дано, тогды дЂти яко близкіе не будуть повинни большъ платити, только шацункомъ потому яко вышей описано, а што будеть превышати, то оному, хто вышей далъ, маеть згинути.
АРТЫКУЛЪ 5. О записехъ имЂней купныхъ.
Уставуемъ тежъ, ижъ кождому будеть вольно имЂнье свое куплю и выслугу отдати и продати и кому хотечы записати, бы тежъ кому и обчому, отъ дЂтей и близкихъ своихъ все не менуючи третее части; а вЂдь же тые тымъ же обычаемъ, пришедши передъ насъ Господаря або передъ врядъ земскій часу роковъ судовыхъ, маеть объявити и сознати и до книгъ земскихъ тую продажу свою записати, за которымъ оповЂданьемъ тая продажа маеть вЂчнЂ держана быти. А хто бы хотЂлъ записати нам не объявивши передъ нами Господаремъ, або передъ паны рады нашими, або тежъ передъ врядомъ земскимъ, бы тежъ и печати людей стороннихъ у того листу были; тогды таковый листъ або запис у права моцы никоторое мЂти не будеть. А естли бы хто продалъ имЂнье на рокохъ судовыхъ, таковый маеть передъ врядомъ замковымъ сознати; и тотъ, хто купилъ, взявши выписъ зъ уряду замкового, маеть потомъ на першихъ рокохъ судовыхъ земскихъ перенести и дати записати *.
* Артыкулъ шестой въ рукописи пропущенъ. А въ Оглавленіи записанъ такъ: «Если бы отецъ и матка отъ дЂтей своихъ, або братъ отъ братьи которое имЂнье кому записати хотЂлъ».
АРТЫКУЛЪ 7. Не маеть нихто никому жадного спадку записовати, чого въ рукахъ немаеть.
Тежъ естли бы хто хотЂлъ кому записати которимъ спадкомъ, который бы мЂлъ на него прійти вЂновье або материстое або которою кольвекъ близкостью, которій бы кольвекъ по ближнемъ по пустой руцЂ мЂло спасти, а тотъ бы еще былъ живъ; тогды такового спадку нихто не можеть записовати ни продати а ни отдати а ни сумы никоторое на томъ записовати, оли жъ бы въ рукахъ своихъ мЂлъ. А если бы хто кому таковый спадокъ записалъ або продалъ тежъ записалъ на томъ которую суму пенезей, таковый записъ передъ правомъ не маеть быти держанъ, бо нихто никому не можеть дати, чого въ рукахъ своихъ не маеть. А пакли бы хто кому што записалъ отъ своихъ близкихъ, не маючи того въ рукахъ, самъ на передъ умеръ, однакожъ записъ ни в вошто маеть обернень быти предсе, то маеть прійти на прирожоныхъ близкихъ.
АРТЫКУЛЪ 8. Хто бы кому записалъ имЂнье або землю по своемъ животЂ, а тотъ, кому записано, того смерти не дождалъ и напередъ умеръ.
Тежъ уставуемъ, если бы хто кому записалъ имЂнье або люди по своемъ животЂ, а тот, которому будеть тая речъ записана, того смерти не дождалъ, которій то будеть ему записалъ, и самъ напередъ умеръ; тогды тотъ тую речъ можеть иному записати, кому воля его будеть. Нижли еслибы тотъ живъ былъ, а онъ ему записавши, и потомъ иншому Другимъ записомъ хотЂлъ записати; тогды отъ першый записъ маеть при моцы зостати, а послЂдній ни во што маеть оберненъ быти. Такъ тежъ хто бы кому имЂнье або люди або земли продалъ; тогды тотъ, хто первей купилъ, маеть то одержати, а тотъ, которій опослЂ купилъ, маеть пенезей своихъ на истцу смотрЂти.
АРТЫКУЛЪ 9. Хто бы на которую кольве речъ добровольнЂ далъ записъ, тотъ маеть при моцы зостати.
Тежъ уставуемъ, если бы ся хто кому записалъ на которую кольвекъ речъ рухомую або суму позычоную добровольнЂ записъ, подъ печатью своею и подъ печатьми людей добрихъ подлЂ обычаю права учиненый; таковый кождый маеть у таковомъ записЂ зостати, а тотъ записъ кождый маеть управа мЂти иоцъ.
АРТЫКУЛЪ 10. О имЂнье должное и давность земскую.
Тежъ уставуемъ, коли хто купилъ якое дЂдицство и держалъ съ покоемъ заплатившы, а на томъ же бы имЂнью хто иншый долгъ мЂлъ первей врядовнЂ записаный, поки еще было не продано, и въ молчанью былъ о тоть долгь десеть летъ, черезъ давность земскую, и правомъ его не доходилъ; таковый хотя и листы упоминальные мЂлъ, то не маеть на томъ имЂньи долгу смотрЂти, але истца у своихъ пенязяхъ искати. А естьли бы тотъ истецъ на мЂлъ чимъ платити; тогды въ томъ долгу маеть его судъ за шлюбъ выдати, нижли если бы отъ того * долгь также врядовнЂ записаный до права позывалъ того, который имЂнье держитъ тое, давности земское не омЂшкавшы, тому подлугъ запису его першого тотъ долг на томъ же першомъ имЂнью маеть быти держанъ, а тотъ, который въ держанью того дЂдицства, оный долгъ маеть заплатити тому, хто первшый записъ маеть, а самъ маеть тыхъ пенезей и кождого оного накладу на истцу доискивати.
* Трет. редак. Стат. «ототъ».
АРТЫКУЛЪ 11. Хтобы подъ кимъ искалъ близкости, а тотъ держалъ имЂнье записомъ слушнымъ.
Хто бы под кимъ имЂнья искалъ близкости своей, а тотъ бы, подъ кимъ ищетъ, держалъ тое имЂнье записомъ слушнымъ, а повЂдилъ бы, ижъ то не одному ему але иншимъ тымъ же записомъ тое имЂнье записано, и рекъ бы: про то я безъ нихъ о тое имЂнье не хочу отповЂдати; тогды тотъ, хто имЂнья ищетъ, маеть оныхъ всихъ учасниковъ припозвати, которимъ тотъ записъ служитъ.
АРТЫКУЛЪ 12. О долги двохъ або колко на одномъ имЂнью.
Коли бы хто имЂнье закупное у которой сумЂ держалъ, а другій бы ся долгомъ своимъ ку тому жъ имЂнью приповЂдалъ, менечи ижъ темъ ему на томъ же имЂнью сума есть описана, и съ права бы тую ему перевелъ, и давность бы земская не замолчана, а тое бы имЂнье обои сумы стояло; тогды тотъ который маеть большую суму повиненъ заплатити, або обадва тое имЂнье иншому въ обоей сумЂ зоставити, а тые пенези межи себе водле записовъ роздЂлити. А пакли бы колько должниковъ ровными долги до одного имЂнья збЂглося, а имЂнье бы вже за тые долги не стояло; тогды хто бедеть мЂти первшій записъ, або бы въ держанью имЂнья былъ, а имЂнье тежъ большое сумы не стоить, тогды (тотъ при таковомъ имЂнью зостати маеть, а тые зъ) остатными записы мають тыхъ пенязей своихъ на истцу доходити.
АТЫКУЛЪ 13. О речъ заставную, хто въ большой сумЂ заведеть.
Тежъ коли бы хто речъ заставную у большой сумЂ зоставилъ, а тотъ чыя речъ у кого ль бы свое засталъ, и ку бранью пенезей, которые пенези або предокъ его будеть на тую речъ взялъ, и ку праву его позвалъ, а передъ правомъ суму пенезей водлЂ запису своего положилъ; таковые пенези отдавши речъ свою маеть взяти, а тотъ, которій на чужую речъ большую суму даеть, на истцы нехай того собЂ смотритъ, што бедеть на звышъ первое сумы далъ.
АРТЫКУЛЪ 14. Кождая застава давности мЂти не можеть.
Хочемъ тежъ мЂти и уставуемъ, абы кождая застава давности земское не мЂла; и вольно будеть всякому дЂдичу, отложивши передъ правомъ пенези, дЂдицтва своего дойти, такъ за правомъ своимъ прирожонымъ яко кольвекъ и набытымъ.
АРТЫКУЛЪ 15. О одкладанью пенезей на заставу,
Коли бы хто ииЂнье або иншую речъ которую у пенезехъ заставилъ на рокъ мененый, и хотЂлъ бы пенези ёго на року ему отдати, а заставу къ собЂ взяти, а не будеть ли хотЂлъ пенязей въ его своихъ брати ани заставы еиу попустити, а позванъ бы былъ ку праву, абы пенязи свои взялъ, а онъ бы на року завитомъ не хотЂлъ стати; тогды жалобникъ передъ правомъ пенязи маеть положыти, а врядъ ему маеть дати увязанье во имЂнье, и кождый заставу свою зъ уряду одержати маеть водлЂ опису своего. Пакли бы оный, которій имЂнье або которые оные речы заставнымъ обычаемъ закупилъ, а на року позваномъ сталъ; тогды взявшые тые пенязи свое заставы, то есть имЂнья лежачаго або рухомыхъ речей, жалобнику маеть поступити водлугъ запису своего и умовы, жадною давностью не отбываючи. Пакли бы такому заставилъ на рокъ; тогды естьли тотъ жывъ, а рокъ пришолъ, а онъ на рокъ не выкупил; тогды онъ тую заставу маеть держати, ажъ до другого року не можеть окуповати водлЂ запису на то даного. Нижли бы тотъ, хто заставилъ, умеръ свое заставы не выкупившы; а сынъ заставцы, або близкіе тогды того року не мають смотрЂти, але кгды будеть припозванъ, безъ року маеть тотъ пенези взяти а заставы поступити.
АРТЫКУЛЪ 16. Рокъ праву о заставную речъ маетъ быти положонъ завитый.
Хочемъ тежъ мЂти и уставуемъ то, ижъ кождый первый рокъ за позвы зложоный о кождую речъ заставную маеть быти завитый подъ страченьемъ права; отъ которого часу позванъ будеть тотъ, который заставу держитъ, и отъ того часу не маеть большей за имЂней казати жадныхъ доходовъ и пожитковъ брати, а што бы кольвекъ послЂ положенья позву черезъ возного зъ имЂнья того взялъ, то все маеть при выкупанью имЂнья ему вернути.
АРТЫКУЛЪ 17. Хто бы што запродалъ на рокъ.
Тежъ если бы хто кому заставилъ рухомую речъ на рокъ подъ страченьемъ, а коли бы рокъ пришолъ, а тотъ, хто заставилъ, не выкупилъ; тогды тотъ, хто закупилъ, оповЂдавшися вряду можеть тые речи обернути, кгды хочеть, ку своей потребЂ на вЂчность.
АРТЫКУЛЪ 18. О имЂнье заставное, безъ року не окупати.
Такъ тежъ имЂнье если бы хто кому заставилъ на рокъ подъ страченьемъ на упадъ; тогды если бы рокъ пришолъ, а тотъ, хто заставилъ имЂнье, на тотъ рокъ не могъ выкупити; тогды тотъ, хто закупилъ, и по ономъ року врядовнЂ обослати маеть ближнихъ, а ближніе не могли бы по ономъ обосланью до году того имЂнья окупити, тогды тотъ, хто закупилъ, по ономъ году, естьли такій не выкупить, маеть вЂчнЂ держати.
АРТЫКУЛЪ 19. О отнятье имЂнья заставного.
Тежъ уставуемъ, естьли бы хто заставилъ кому имЂнье або люди въ которой сумЂ пенезей на рокъ, и засе пенезей не заплатившы тое имЂнье або люди, што будеть заставилъ, въ него отнялъ до року; тогды тому маеть кгвалту платити дванадцать рублей грошей и заруки въ листЂ описаные, а колько будеть до року тые люди, колко ихъ заставитъ, не робили, за кождый тыжъ день маеть навезки платити за службу суполную по шести грошей, а люди предся маеть пустити. А если бы одинъ другого заставилъ люди або землю, а стороны пришедшы бы хто третій тые люди отнялъ; тогды кому то отнято будеть, ли не всхочеть ли позвати отъ кого ему кривда, тогды маеть позвати оного, хто заставилъ, а онъ с права будеть повиненъ ему, хто заставилъ, очищати, а не чищитъ ли, ино такъ можными людьми землями маеть то нагородити, або и самого истца не будеть, ли тогды только съ тое заставы маеть доходити на томъ, хто заставу въ него отыймуеть.
АРТЫКУЛЪ 20. О речъ рухомую въ заставЂ.
Уставуемъ, коли бы хто кому заставилъ въ сумЂ пенезей якую колвекъ речъ рухомую, кромъ дЂдицства лежачого, на рокъ, а тотъ бы маючы заставу припозвалъ того, абы заставу свою выкупилъ, а онъ бы съ тое заставы окупити не хотЂлъ; тогды врядъ маеть ему дозволити и допустити тые речы рухомые продати, и што бы звышей на той заста†на одну суму его превышало, тогды тое, што будеть назвышъ, маеть оному, чія то застава была, вернути. А гдЂ бы безъ року тая застава запроДана; тогды врядъ маеть рокъ положити чотыри недЂли, и на которій маеть выкупити заставу свою, а не выкупить ли на оный рокъ, тогды по оному року подъ тымъ же способомъ, яко вышей описано, мають о тую ся заставу росправити.
АРТЫКУЛЪ 21. Хто бы кому заставилъ коня або вола безъ року.
Уставуемъ, если бы хто кому заставилъ коня або вола безъ року або и на рокъ, а въ томъ часЂ оное заставы конь альбо волъ здохнетъ безъ причины ображеня, ижъ робечы имъ не порвалъ, або голодомъ не вморилъ; тогды такового коня або вола платити не повиненъ, тому скуру показати, и тые пенези въ чомъ былъ закупилъ, тратитъ.
АРТЫКУЛЪ 22. О речахъ заставныхъ, што вы згинуло въ чіемъ схованью.
Уставуемъ, хто бы мЂлъ речи въ себе якіе кольвекъ рухомые въ заста†або у схованью, а тые бы речи были сполу у въ одномъ кгмаху зъ речьми домоваго господаря, и съ пригоды огнемъ погорЂло або покрадены, а онъ бы то вряду, подъ которымъ сЂдить, тогды жъ оповЂдалъ, и къ тому будеть ли еще при тыхъ и властивое маетности его што выкрадено або сгорЂло; тогды маеть на томъ самъ присегнути, ижъ оныхъ речей не користилъ, и ничого ку пожитку своему не обернулъ, за таковымъ отприсяженьемъ маеть быти воленъ. А пакли бы повЂдалъ, же толко того речы, хто далъ ховати, сгорЂли або покрадены, а его самого господаря домового цЂлы; таковый тые речы вси повиненъ будеть оному вернути або заплатити, а естли въ сумЂ пенезей заставлено, ино пенези взяти, а тые речи предсе вернути, на што слушный доводъ учинитъ. Такъ тежъ если бы хто у кого зложилъ въ склепЂ або у якомъ схованью речы своее и замкнулъ, а домовый господарь тые речи въ небытности его рушылъ, або и на иншое мЂстце перенесъ, а въ томъ бы се шкода стала; тогды тотъ, хто рушилъ, маеть тую всю шкоду платити за слушнымъ доводомъ або присегою оного шкодного.
АРТЫКУЛЪ 23. О заповЂданью речей рухомых чужихъ.
Уставуемъ, кгды бы хто свое речы далъ въ схованье кому, а иншій зъ стороны доведавшися о тыхъ речахъ въ захованью приповЂдался, ижъ тотъ и тые, хто тые речы зложилъ, виненъ ему албо долженъ; тогды господаръ маеть тые речы у себЂ мЂти, а ихъ не выдавати до росправы. А естли бы ихъ хто заповЂдалъ, хотЂлъ отъЂхать прочъ, тот маеть на мЂстце свое передъ судомъ прокуратора встановити, который въ небытности его будеть оного долгу доходити; пакли бы самъ Ђхалъ, а прокуратора не зоставилъ, ино тые речы, которые заповЂдалъ, мають оному выданы быти, чіи суть, а въ томъ господаръ домовый никоторое трудности ани шкоды мЂть не маеть.
АРТЫКУЛЪ 24. О листы на долги на имЂнья и на заставы згинулые.
Тежъ уставуемъ, кому бы листы на долги и на заставы на имЂнья згинулые гдЂ кольвекъ на дорозЂ отъ огню або отъ воды и якимъ кольвекъ обычаемъ стороны, а тот, кому листы тые належали, которого жъ часу по оной згубЂ передъ нами Господаремъ або передъ врядомъ оповЂдалъ и записати далъ, а потомъ пришло бы ку праву; тогды тотъ, хто листы стратилъ або кому тые листы прислухають и належать, маеть довести людьми добрыми вЂры годными, которые листы видЂли и ихъ свЂдомы, а потомъ самъ и зъ свЂдками, колько ихъ можеть мЂти, на томъ прысегнути маеть, ижъ таковые листы страчоны, а кгды того доведетъ людьми добрыми и присегою своею, маеть оную речъ, на што листы згинули одержати.
АРТЫКУЛЪ 25. Якъ много безъ листу вызнаного маеть позычити.
Уставуемъ, ижъ кождый шляхтичъ мЂщанинъ нихто иншій не маеть безъ листу вызнаного болшъ позычити десети копъ грошей; а если далъ большую суму, а листу вызнаного на то не мЂлъ, тогды тотъ, хто большъ дал безъ листу вызнаного, пенези тратититъ, а тотъ, который позычилъ, не повиненъ большъ платити только десеть копъ грошей и то за присегою оного, хто на немъ тыхъ пенезей доходитъ.
АРТЫКУЛЪ 26. О позычкахъ купецскихъ.
Тежъ купцы мЂщане жидове не шляхта реистрами, окромъ записанья до книгъ або церокграфовъ, долговъ никоторыхъ доходити не могуть. А вЂдьже хто бы хотЂлъ до листовъ печати прикладати, тогды до всякихъ листовъ на заочную просьбу ани тежъ написанье листовъ на заочную просьбу печати прикладаны быти не мають, кромъ устное и очевистое прозбы, маючи певную вЂдомость, што на тыхъ листехъ записныхъ будеть написано.
|
