Студопедия — РОЗДЂЛЪ ТРЕТІЙ О ВОЛЬНОСТЯХЪ ШЛЯХЕЦКИХЪ И О РОЗМНОЖЕНЬЮ ВЕЛИКОГО КНЯЗСТВА ЛИТОВСКОГО.
Студопедия Главная Случайная страница Обратная связь

Разделы: Автомобили Астрономия Биология География Дом и сад Другие языки Другое Информатика История Культура Литература Логика Математика Медицина Металлургия Механика Образование Охрана труда Педагогика Политика Право Психология Религия Риторика Социология Спорт Строительство Технология Туризм Физика Философия Финансы Химия Черчение Экология Экономика Электроника

РОЗДЂЛЪ ТРЕТІЙ О ВОЛЬНОСТЯХЪ ШЛЯХЕЦКИХЪ И О РОЗМНОЖЕНЬЮ ВЕЛИКОГО КНЯЗСТВА ЛИТОВСКОГО.






 

 

О розмноженью Великого Князства Литовского.

 

Мы Господаръ обЂцуемъ тежъ и шлюбуемъ за себе и за потомки наши Великіе Князи Литовскіе подъ тоюжъ присегою нашою, которую есьио учинили всимъ обывателемъ всихъ земль Великого Князства Литовского и всихъ земль ку нему здавна и теперъ належачыхъ у славЂ, титулЂ, столицы, зацность, и владзы, и можность росказованью, и въ иншыхъ всихъ належностяхъ и прислухиванью и въ границахъ ни въ чомъ не вменшати и о вшемъ примножати. И хотя бы панъ Богъ зъ ласки свое светое намъ Господару узычити рачылъ панства * Литовского князей и пановъ радъ духовныхъ и свЂцскихъ и всихъ врядниковъ земскихъ и дворныхъ шляхту рыцерства и всихъ иныхъ становъ ни въ чомъ томъ не понижати, але отъ всякое легкости и пониженья, яко славное памяти продки наши, Великіе Князи Литовскіе, за щастливого панованья своего чынити стеречы и боронити будемъ, съ помочъю Божьею стараючисе о примноженье и вывышенья того панства и всихъ становъ достойности оздобъ и пожытковъ зъ наиболшою пилностью и всилованьемъ нашимъ.

 

 

* Въ трет. ред. Стат. «иного, або и королевства; тогды се сего панства нашого Великого Князства».

 

 

АРТЫКУЛЪ 2.

О вольностяхъ шляхецскихъ.

 

Тежъ мы Господаръ обЂцуемъ словомъ нашимъ за насъ и за потомки наши Великіе Князи Литовскіе подъ такимъ же обовязкомъ нашимъ, яко вышей у первомъ артыкулЂ естъ описано, ижъ всихъ князеи и пановъ радъ, якъ духовныхъ, такъ и свЂцскихъ, и всЂхъ врядниковъ земскихъ и дворныхъ, пановъ хоруговныхъ, шляхту, рыцарство, мЂщане и всихъ людей посполитыхъ у Великомъ Князст†Литовскомъ и во всихъ земляхъ того панства намъ заховати при свободахъ и вольностяхъ хрестіянскихъ, въ которыхъ они, яко люде вольные, вольно обираючы изъ стародавна изъ вЂчныхъ своихъ продковъ собЂ пановъ и Господарей Великихъ Князей Литовскихъ, жыли и справовали прикладомъ и способомъ волныхъ панствъ хрестіянскихъ, ровнаючы однако маючы и тыхъ вольностей ужываючы и зъ сусЂды братьею своею рыцерствомъ и иные станы народу Коруны Польское, и особли†на то при свободахъ и вольностяхъ и листЂхъ Великихъ Князей Литовскихъ, продковъ нашихъ, и отъ насъ всЂмъ вобецъ яко и кождому зособна на учтивости достоенства вряды на имЂнья на люде на кгрунты и на што кольвекъ даныхъ, и што еще будуть даваны впередъ, непорушнЂ неотмЂннЂ (вЂчными часы ховати). А хтобы тежъ што хотя безъ привильевъ за отчызнымъ правомъ якимъ кольвекъ обычаемъ набытыхъ людей кгрунтовъ своихъ въ держанью былъ, такъ за славного панованья продковъ нашихъ Короля его милости Казимера и Александра, яко тежъ за светое памяти и отца нашого и за нашого щастливого панованья, тые сами съ потомки ихъ близкими своими и теперъ то вЂчнЂ держати мають и будуть.

 

АРТЫКУЛЪ 3.

Мы господаръ обтьцуемъ розмножати Великое Князство Литовское, а штобы розобрано и одышло зась ку нему привернути.

 

Тежъ добра Князства Литовского не уменшымъ и то, што будеть черезъ непріятелей того панства нашого отдалено розобрано и ку иншому панству отъ того нашого коли кольвекъ упрошоно, ку КоронЂ ку Мазовшу ку Прусомъ ку Ифлянтомъ, то за се ку власности того Великого Князства привести привлащати и границы оправити обЂцуемъ. А хотя быхъ тежъ кому заграничникомъ при границахъ тыхъ верху мененыхъ земли имЂнья села и люди дали; тогды таковые мають съ того служыти Великому Князству Литовскому, а хтобы не хотЂлъ служыти, таковыхъ прывильевъ не маемъ мы и потомки наши держати.

 

АРТЫКУЛЪ 4.

О неданье шляхты и ихъ имЂней кгрунтовъ и всякихъ вольностей и тежъ неданье листовъ и привильевъ против сему статуту.

 

Уставуесъ и вЂчными часы ховати и держати обЂцуемъ, ижъ яко продки наши Великіе Князи Литовскіе, такъ и мы незвыклые никому ни которымъ способомъ бояръ шляхецскихъ имЂней кгрунтовъ и земль давати, такъ и теперъ на всЂ потомные часы обЂцуемъ и прирЂкаемъ подъ тою жъ присегою нашою, которую есьмо учнили обывателемъ сего панства нашого Великого Князства Литовского, бояръ шляхты и ихъ имЂней кгрунтовъ и всякое маетности и иныхъ свободъ и вольностей и правъ въ нихъ отбирати и отводити, и ни якимъ особамъ, которымъ кольве въ томъ панст†обывателемъ яко и заграничникомъ и постороннимъ и жадному иному, давати записовати и ни которымъ способомъ отдаляти не маемъ. А гдЂ бы што одержано и вышло якимъ же кольвекъ обычаемъ противъ сего статуту; то с права и суду справедливость черезъ насъ и потомки наши за радою радъ нашихъ Великого Князства на сторону отложоно и ни во што обернено быти маеть. А про то привильевъ такъ въ посполитомъ яко и кождому зособна не маемъ ани будемъ мочы давати противъ сего статуту и артыкуловъ въ немъ описаныхъ; а которые бы передъ тумъ вышли и про то съ канцляреи нашое по выданью сего статуту отъ насъ черезъ кого кольвекъ одержаны были, таковыхъ мы и потомки наши держати не хочемъ, але справа и суду сказовати и ни во што оборочати будемъ. ВЂдже кому быхмо зъ ласки нашое дали и давати хотЂли родичомъ Великого Князства имЂнья наши спадковые, и въ нихъ бояре хотя бы шляхта была, а имЂныша свои здавна и ново тежъ черезъ данину оныхъ пановъ, по комъ на насъ Господаря тые спадки пришли, (мели) и имъ служыли, а листы потверженьемъ нашимъ не вызволили, въ томъ моцы рукъ и щодробливости нашое и потомковъ нашихъ не замыкаемъ.

 

АРТЫКУЛЪ 5.

О соймикохъ повЂтововыхъ и о выправованъю и посланъю зъ нихъ пословъ земскихъ на вальный соймъ.

 

Уставуемъ для лЂпшого порадку во всЂхъ речахъ и въ способу ку справедливости и оборонЂ, абы за волею всЂхъ на соймикахъ потребы се земскіе становили и отправованы были, абы вЂчными часы передъ сеймомъ великимъ вальнымъ, которымъ маемъ мы и потомки нашы завжды, коли того потреба окажеть Речы Посполитое Великого Князства, порядою радъ нашихъ тогожъ панства складати листы нашими соймики повЂтовые, а меновите на тыхъ мЂстцахъ и воеводствахъ нижей суть написаныхъ и постановленныхъ, которые соймики также листы нашыми даны будуть не на близшей часъ и рокъ, толко за чотыры недЂли передъ соймомъ великимъ. На которые соймики мають зъЂжджатися и бывати тые воеводове и каштелянове врядники земскіе, потомужъ князове панове шляхта того жъ повЂту и воеводства, а намовляти о тыхъ речахъ и потребахъ земскихъ, которые имъ на мЂстцахъ нашихъ ознайменены будуть, на мней тежъ о своихъ и о всЂхъ потребахъ земскихъ и долеглостяхъ оного повЂту и воеводства; и зволившыся вси одностайнымъ зданьемъ мають обирати пословъ своихъ, то естъ отъ кождого суду земского, колко ихъ у томъ воеводст†будеть, по д†особы, послати ихъ на соймъ ознаймившы и вручившы то все имъ, о чомъ водлЂ листовъ нашихъ господарскихъ, и тежъ во всЂхъ потребахъ, радити намовляти и становити мають, даючы имъ моцъ на томъ таковомъ вальномъ соймЂ поступовати и кончыти тые и иные припалые речы водлЂ часу и потребы. ВЂдже князей, пановъ, маршалковъ и иныхъ всихъ урядниковъ земскихъ и дворныхъ подлЂ старого обычаю маемъ листы нашими на таковый вальный соймъ взывати; и тые вси въ радЂ посполитой мЂстца и воты свои будуть мЂти способомъ звычаю стародавного, а послове земскіе мЂстца и воты свое мають мЂти водлЂ порадку нижей написаного.

 

АРТЫКУЛЪ 6.

О сойму вальномъ.

 

При том тежъ уставуемъ, съ призволеньем радъ нашихъ духовныхъ и свЂцкихъ и зо всими станы сойму належачыми, на теперешнем сойму великомъ Виленьскомъ, хотечы то все мЂти вЂчными часы, ижъ маемъ мы и потомки наши Великіе Князи Литовскіе съ потребы Речы Посполитое за радою радъ нашихъ того жъ панства, або за прозбою рыцерства, складати сеймы вальные въ томъ же панст†Великомъ Князст†Литовскомъ завжды, коли колко того будеть потреба.

 

АРТЫКУЛЪ 7.

Абы шляхтичъ безправнЂ не былъ иманъ ани сажонъ.

 

Тежъ обЂцуемъ и вЂчными часы мЂти хочемъ мы Господаръ и потомки наши, ижъ все рыцерство шляхту Великого Князства при вольностяхъ звыклыхъ, которые отъ насъ Господаря и отъ продковъ нашихъ имъ суть наданы, будемъ повинни мЂти заховати и держати. Тежъ кождый шляхтичъ осЂлый подлЂ права позваный, непоконаный правомъ, отъ насъ Господара и отъ кождого вряду иманъ и въ везенье сажонъ быти не маеть.

 

АРТЫКУЛЪ 8.

Абы панове шляхту о почтивостъ ихъ сами не судили.

 

Тежъ уставуемъ, ижъ княжата и панове рада наша шляхту и кождого бы зъ рицерства нашого, которые тежъ шляхту нашу служебниками въ себе ховаютъ, не мають сами о почтивость судити кромЂ насъ; бо тотъ судъ никому иному не належитъ одно Господару. А што се дотычеть злодЂйства и иншыхъ речей выступковъ — то волни будуть панове ихъ зъ ними, осадившы при собЂ пред се шляхту людей добрыхъ, справедливость чынити, а въ чомъ бы былъ хто съ права поконанъ, тогды тотъ за выступокъ свой терпЂти и каранъ маеть быти бы и горломъ.

 

АРТЫКУЛЪ 9.

Ижъ достоенствъ врядовъ въ дЂдицтво чужоземцомъ давано быти не маеть.

 

Такъ тежъ мы Господаръ обЂцуемъ и шлюбуемъ подъ присегою нашою, которую учынили есьмо Великому Князству Литовскому и всимъ станомъ и обывателемъ его, беручы то изъ статуту старого пана отца нашого Короля его милости тому панству Великому Князству Литовскому даного, а въ сесь выкладаючы и на то позволяючы, штожъ въ томъ панст†Великомъ Князст†Литовскомъ и во всихъ земляхъ ему прислухаючыхъ достойностей духовныхъ и свЂцкихъ городовъ дворовъ и кгрунтовъ староствъ * въ держаньи и пожываньи и вЂчностей жадных чужоземцомъ и заграничникомъ ани сусЂдомъ таго панства давати не иаемъ; але то все мы и потомки наши Великіе Князи Литовскіе давати будуть повинни только Лит†а Руси, родичомъ старожитнымъ и врожонцамъ Великаго Князства Литовского и иныхъ земль тому Великому Князству належачыхъ. А хтобы съ чужоземцовъ заграничников и сусЂдъ таго панства и всихъ земль ему прислухаючихъ важылъ се што съ того упросить взяти и въ держане прійти, а впомненый будучы того заразомъ не пустилъ; тогды маетность его вся маеть быти взята до столу и скарбу нашого Великого Князства Литовского. А хотя бы хто обчого народу за свое заслуги въ той речы посполитой пришолъ ку осЂлости зъ ласки и данины нашое, албо которымъ иншимъ правомъ; тогды таковые толко осЂлости оное ужывати мають будучы обывателемъ обЂцнымъ Великаго Князства и служачы службу земскую томужъ панству. Але на достоенства и всякій врядъ духовный и свЂцкій не маеть быти обиранъ, ани отъ насъ Господаря ставленъ, толко здавна продковъ своихъ уроженецъ Великого Князства Литовского Литвинъ и Русинъ. А гды бы одержалъ обчого народу человЂкъ которій кольвекъ врядъ духовный и свЂцкій противъ сему статуту, напомненый того пустити не хотЂлъ; тогды таковый маетность свою на насъ Великаго Князя Литовского тратитъ, кгдыжъ около того и въ статутЂ судейскомъ Польскомъ естъ описано.

 

 

* Въ третьей редакц. Стат. прибавлено: «державъ, врядовъ земскихъ и дворныхъ посесый, або».

 

АРТЫКУЛЪ 10.

Достойности и вряды давные не мають быти нарушоны.

 

Тежъ обЂцуемъ и хочемъ вЂчными часы мЂти, абы панове рада наша, такъ духовные яко и свЂцкіе, и вси иные врядника нашы земскіе и дворные, въ томъ панст†нашомъ Великомъ Князст†Литовскомъ были во всякихъ достоенствахъ и у почтивостяхъ захованы водлЂ давного обычаю и кождый подлЂ зацности и мЂстца своего. А што се дотычеть владности и справъ ихъ судовыхъ; въ томъ се они мають заховати и справовати, яко нижей въ семъ статутЂ естъ описано.

 

АРТЫКУЛЪ 11.

Достоенствъ и врядовъ на заочное обмовенье не маемъ одыймовати.

 

Тежъ обЂцуемъ, ижъ достойностей всякихъ врядовъ староствъ державъ тивунствъ на справу чію кольвекъ и на обмовы заочные мы и потомки наши не мають отнимати; але коли бы который изъ врядниковъ нашихъ былъ роспрошытель або шкодникъ нашъ и дворовъ нашихъ, и до нас бы въ томъ обмовенъ и обвиненъ былъ; тогды обоя сторона, якъ тая хто ведетъ, такъ на кого менитъ, мають передъ нами очевисто стати, а мы съ паны радами нашими Великого Князства Литовского, выслухавшы ихъ и розознавшы тую речъ, винного водле выступку его карати маемъ, а безвиннЂ и безъ права на заочное повЂданье не будемъ ни в кого врядовъ брати, ани ихъ зъ нихъ рушати.

 

АРТЫКУЛ 12.

О держанью старыхъ уставъ, а новыхъ безъ сейму вальнаго не встановляти.

 

Тежъ прирекаемъ вси привелея земскіе стародавные и ново отъ насъ наданые волности и звычай добрый стародавный тымъ статутомъ нашимъ ховати и ни въ чомъ ни нарушати, а нового ничого не встановляти. А вЂдъ же была ль бы того потреба што нового прибавити ку доброму речы посполитой; тогды того не маемъ чынити ани вставъ жадныхъ дЂлати, ажъ на вальномъ соймЂ того панства нашого и въ здЂшнемъ панст†нашомъ Великомъ Князст†Литовскомъ, зъ вЂдомостью порадою радъ нашихъ и призволеньемъ всихъ земль того панства нашого.

 

АРТЫКУЛЪ 13.

О волности выЂханья нашого изъ земли кромъ земль непріятельскихъ.

 

Тежъ узычаемъ и уфаляемъ вЂчными часы, абы княжата и панове хоруговные шляхты и кождый человЂкъ рыцерскій и всякого стану того панства нашого Великого Князства Литовского мЂли вольность и моцъ выЂхати и выйти съ тыхъ земль нашихъ Великого Князства Литовского мЂли вольность и моцъ выЂхати и выйти съ тыхъ земль нашихъ Великого Князьства * для наукъ у письмЂ цвиченя учынковъ рыцерскихъ и лЂпшаго счастья своего, и тежъ будучы неспособного здоровья своего для лекарствъ до всякихъ сторонъ и земль, кромЂ земль непріятелей нашихъ Московского бесурманскихъ и иншыхъ, съ кимъ тое панство наше на онъ часъ вальчыло; а вЂдьже такъ, абы изъ имЂней ихъ подъ тымъ часомъ въ небытности ихъ самихъ службы земское не были омЂшканы, але намъ и потомкомъ нашымъ яко при нихъ были завжды, только иле кроть бы потребы вказовали подлЂ уфалы и уставы земское были заслугованы. А если бы сынъ поЂхалъ по рыцерству, а отца собЂ зоставилъ, а въ небытности его отецъ бы вмеръ, а не оставилъ бы по собЂ другого сына дорослого або опекуна або близкаго кревнаго прирожоного въ имЂняхъ; тогды мы Господаръ маемъ опекуна установити на тые имЂнья, хто бы зъ нихъ службу земскую заступовалъ и имЂнья отъ кривды и шкодъ боронилъ, а кгды тотъ съ чужыхъ земль пріЂдетъ, маеть имЂнья и маетность свою до рукъ взяти яко властность свою.

 

 

* Так надруковано у виданні 1855 р.

 

 

АРТЫКУЛЪ 14.

По смерти отцовъ и матокъ и иныхъ кровныхъ и близкихъ ихъ дЂтей и потомковъ отъ кождого дЂдицтва спадкомъ выслуги и всякого набытья не отдаляти.

 

Тежъ уставуемъ, ижъ по смерти отцовъ и маток ихъ дЂти сынове и дочки отчизны и материзны не мають быти отдалены, але они сами и щадки ихъ властные кровные и близкіе правомъ прирожонымъ и слушне набытымъ звычаемъ стародавнымъ и тежъ статутомъ першым и теперешнимъ мають посягнути и одержати, и тые добра на пожытокъ свой оборочати вЂчными часы. А то се тежъ будетъ розумЂти о близкостяхъ спадкохъ выслугахъ и всякомъ набытью водлугь права тымъ же обычаемъ, естли бы было колко братьи и сестръ рожоныхъ выданыхъ албо и не выданыхъ замужъ, а тые бы братья межы собою отчызною подЂлилися, албо еще не подЂлили, а который бы зъ нихъ потомъ умеръ не зоставивившы по собЂ плоду; тогды его часть отчызны только на братью приходить и на ихь потомство, а на сестри толко выправа съ четвертое части всякого имЂнья, естли бы передъ тымъ которая зъ нихъ замужъ идучы от отуа своего або тежъ отъ тое жъ братьи не была дана, поколь бы се были межы собою не подЂлили; а если бы была матерызна, тогды мають братья зъ сестрами ровно подЂлити межы собою. Паклижъ бы Богь такъ допустилъ, же бы оная братья померли вси, а у жадного потомства по нихъ не зостало, а хотя жъ бы и было, а потомъ се звело; тогды оная вся отчызна и всякимъ обычаемъ набытые имЂнья засе на сестры и на ихъ потомство спадываеть. Нижли если бы еще такжо панъ Богъ допустилъ, же бы оныхъ братьи и ихъ сестры ани ихъ потомства и щадковъ не зостало; тогды оная отчызна ихъ вся также всякимъ обычаемъ слушное набытье имЂнья и маетности на близкихъ спадывати маеть, который естъ наиблизшій до отчызны по мечу, водлЂ того жъ поступку также тежъ и материстые мають спасти на тыхъ, которые будуть до материстого имЂнья и маетности наближшіи по матцЂ оныхъ змерлыхъ, если бы черезъ нихъ кому слушнымъ записомъ не было заведено. КромЂ тежъ того которые безъ потомства близшыхъ щадковъ и наслЂдниковъ своихъ зомруть, а ни на кого права своего прирожоного выслужного и набытого не влившы а ни записавшы; бо по тыхъ тымъ обычаемъ имЂнья спадкомъ на насъ Господаря Великаго Князства Литовского и потомковъ нашихъ Великихъ Князей Литовскихъ приходять и приходити будуть. А гдЂ потомства близкихъ и щадковъ изъ слядковъ (наследниковъ) и надальшаго вже бы въ поколЂнью кровныхъ близкихъ не достало, и никому отъ нихъ записано и заведено не было; тогды по тыхъ и по таковыхъ обычаемъ имЂнья спадковъ на насъ Господаря Великаго Князя Литовского, и потомковъ Великаго Князства Литовского приходити будеть.

 

АРТЫКУЛЪ 15.

Людей простыхъ надъ шляхту не повышати.

 

Тежъ простыхъ людей надъ шляхту не повышати, на достойности ихъ прекладати и врядовъ нашихъ простымъ людемъ давати не маемъ, а шляхтЂ кождому рыцерскому человЂку тутошнего панства нашого Великого Князства Литовского родичу мы Господаръ, зъ ласки нашое господарское за службами за годностями ихъ намъ господару, обЂцуемъ ихъ водлЂ годностей достойностями и вряды опатровати и въ службахъ нашихъ заховати, яко вЂрныхъ подданыхъ.

 

АРТЫКУЛЪ 16.

О зводъ шляхецтва.

 

Уставуемъ тежъ, естли бы хто кому рекъ, жебы не былъ шляхтичъ, тогды тотъ, хто ся выводитъ, маеть поставити зъ отца и матки двохъ шляхтичовъ прирожоныхъ, и на то имъ поприсегнути, ижъ ихъ естъ прирожоный а правдивый шлихтичъ. А пакъ бы се будетъ родъ звелъ, а онъ бы тутошнего панства нашого тубылецъ; тогды бояръ шляхту околичныхъ маеть поставити двохъ шляхтичовъ, которые мають при немъ присегнути, же онъ есть зъ роду шляхтичъ. Пакли бы тежъ который шляхтичъ нешляхтянку жону свою мЂлъ, тогды жону и дЂти свои зъ нею спложоные собою и шляхецтвомъ своимъ ошляхтитъ, и таковые жоны и дЂти ихъ за правдивыхъ шляхтичовъ быти мають. А вЂдже естли бы таковая невЂста бывши за шляхтичомъ, а завсе бы потомъ пошла за простаго человЂка а не за шляхтича; тогды тая засе учтивость свою шляхецкую тратить, и въ таковомъ станЂ быти маеть яко мужъ ее, за кимъ въ тотъ часъ будеть; а дЂтемъ тымъ, которые съ первым мужомъ своимъ шляхтичомъ прыбыла, то предсе шкодити не будеть, толко бы ремесломъ а ни шынкомъ се не жывили и локтями не мЂрили, а вЂдже и таковый, если бы шынкъ и ремесло мЂстское хлопское покинулъ и опустилъ, а поступковъ шляхецскихъ и рыцерскихъ наслЂдовалъ, тогды предся за шляхтича почытанъ быти маеть.

 

АРТЫКУЛЪ 17.

О чужоземцу наганеномъ о шляхецство.

 

Тежъ если бы хто чужоземецъ былъ наганенъ о шляхецство; тогды маеть Ђхать до земли своее, отколь естъ, и тамъ передъ врядомъ вывести шляхецство свое, а зъ уряду подъ ихъ печатьми листы принести, съ которими шляхецства своего маеть довести. А еслибы валка съ тое стороны была, отколь онъ естъ; тогды маеть поставити двохъ особъ правдивыхъ шляхтячовъ съ тоежъ стороны своее, або тутошнихъ бывалыхъ въ той земли, которые бы были свЂдомы шляхецства его, а тые мають также при немъ присегнути, ижъ онъ естъ шляхтичъ, таковымъ обычаемъ чужоземцу выводъ шляхецства его будеть. А кгды вже тотъ *, который ему приганилъ **, якимъ кольвекъ обычаемъ слушнымъ набылъ собЂ имЂнье шляхецское, а хотЂлъ вольностей шляхецскихъ ужывати; тогды пер†маетъ оказати передъ врядомъ тымъ, гдЂ купилъ имЂнье, если естъ шляхтичъ правдивый; а гдЂ бы не показалъ, тогды хотя имЂнье купитъ, предсе зъ вольностеи шляхецскихъ веселитися и ихъ ужывати не маеть, ни под хороговью заровно зъ шляхтою стояти не будеть, але близкіе его мають съ того имЂнья скупити и службу земскую зъ него стужыти, а предсе достоенствъ и врядовь одержати не маеть, хотя бы и шляхтичомъ былъ.

 

 

* Трет. Редак. стат. «приганеный выведетъ шляхетство свое, тогды тоть».

** «якого кольвекъ стану будетъ, маеть шкоду и накладъ, на чомъ тотъ, хто се вывелъ,

присягнетъ, ему заплатити. А пакъ ли бы которой чужоземецъ, пріЂхавши доздЂшнего панства нашого, купилъ и».

 

 

АРТЫКУЛЪ 18.

Если бы хто кому приганилъ, а самъ не былъ шляхтичъ.

 

Уставуемъ тежъ, ижъ кгды бы хто самъ не будучы шляхтичъ приганилъ человЂку доброму шляхтичу, а тотъ шляхтичъ въ томъ станЂ своемъ шляхецскомъ былъ, и доводъ на шляхецство учынилъ, а то показалъ, ижъ не шляхтичъ тотъ, хто ему приганилъ; тогды тотъ шляхтичъ тому нешляхтичу таковое приомве не будеть повиненъ справоватися, и таковая примовы ничога ему шкодити не маеть, але того который важылся тую примовку учинити, маеть врядъ нашъ урЂзаньемъ языка карати.

 

АРТЫКУЛЪ 19.

О наганене шляхтича забитого.

 

Тежъ если бы кому дана была вина о головщызну шляхецскую, а онъ бы подвЂдилъ, ижъ тотъ забитый не былъ шляхтичъ; тогды кгды того доведутъ кровные, же былъ шляхтичь, маеть быти каранъ, яко о томъ нижей написано, а зособна и навезка зъ имЂнья его маеть быти плачона, яко бы жывому шляхтичу наганиль.

 

АРТЫКУЛЪ 20.

О шляхтЂ, которые бы въ мЂстЂ осЂлость прынели.

 

Тежъ уставуемъ, ижъ кгды бы шляхтичъ занехавшы имЂнья шляхецскаго, а ищучы пожывенья, шолъ бы собЂ до мЂста и мЂшкаючы тамъ, торгъ мЂскій ведучы або шынкъ въ дому маючы або ремесло робечы, понехавшы на тотъ часъ шляхецтва своего подлЂ уставы нижей у артыкулЂ описаное; тогды сынове такового, кгды бы потомъ шынком и ремеслом мЂстскимъ обходитися не хотЂли и локтемъ не мЂрили, а наслЂдовали поступковъ рыцерскихъ продковъ своихъ, таковые мають быти за правую шляхту почытаны.

 

АРТЫКУЛЪ 21.

О простыхъ людехъ, кгдыжъ повышеня чести и становъ за годностями заслугами могут мети.

 

* Кождого властнЂ рукамъ и шафунку зверхности нашое господарское належыть, и тежъ постерегаючы всякого обелженя стану шляхецкого отъ людей ** простого стану, окромъ особливое ласки и надареня отъ зверхности нашое господарское, вольности прывильевъ стану шляхецского самъ собЂ прывлащати и ихъ никоторымъ обычаемъ ужывати не можеть.

 

 

* Въ трет. ред. Стат. «Кгды жъ повышенья чьсти и стану за годностями и за слугами».

** Тамъ же «простыхъ, уставуемъ, ижъ нихто изъ люде».

 

 

АРТЫКУЛЪ 22.

Кгды бы шляхтичъ шляхтичу примовку якую учинилъ, такъ о шляхецство яко и о иные речы, заочнЂ и у въ очы.

 

Тежъ уставуемъ, ижъ кгды бы князъ панъ котораго кольвекъ стану и достойности, будучы толко бы одно роду шляхецского человЂкъ, заровно всихъ въ томъ почытаючы отъ вельможного и до навбожшого шляхтича, однако розумЂючы, одинъ другому такъ о шляхецство яко и о иншые речы шкодливые доброй сла†очевисто и заочнЂ примовку учынилъ, а о то бы обЂ стороны ку праву приточили, а тотъ хто примовилъ передъ правомъ того се запрЂлъ; тогды оному примовеному шокдити не маеть, и того онъ не будеть повиненъ справоватися, а тежъ тая примовка далЂй на того, хто се запрЂлъ, не маеть быти довожона.

 

АРТЫКУЛЪ 23.

О примовку, ижъ бы хто не былъ чистого ложа сынъ.

 

Тежъ уставуемъ, ижъ коли бы хто кому рекъ, же ты нетыстого ложа сынъ, а того бы на него не довелъ; тогды сказуемъ, ижъ таковый маеть тую примовку передъ судомъ такъ очистити и тыми словы отмовити: што есмо менилъ на тебе, же бы ты не быль чыстого ложа сынъ, въ томъ на тебе брехалъ якъ песъ. А гдЂ бы такъ упорный былъ, а тыми словы у того суда отмовити не хотЂлъ; тогды маеть седЂти у везенью на замку нашомъ такъ долго, ажъ тыми словы яко въ томъ артыкулЂ написано отмовитъ, а врадъ нашъ въ томъ упорномъ никоторое фолкги чинити на маеть. А вЂдьже доводъ на бенкарты не инакшый одно таковый быти маеть, хтобы дЂти не зъ вЂнчалною нешлюбною жоною мЂль; и таковымъ дЂтемъ отеуъ отъ правыхъ дЂтей и отъ кровныхъ ничого записати не можеть. А таковые дЂти надъ даръ надъ бенкарты* розумЂти (розумены) быти мають, которыхъ бы отецъ при властной жонЂ съ чужолозницою мЂлъ, а хотя бы по смерти правое малжонки тую подложницу свою понялъ, а дЂтей зъ нею прибылъ; тогды яко тые першые блудные, такъ и тые хотя по вЂнчанью а въ шлюбЂ съ таковою жоною мЂти будутъ, предсе за бенкарты мають быти розумены. Которого бы се отецъ за жывота вырекъ и не своимъ сыномъ быти его созналъ, одно же бы того не чинилъ зъ вазни и зъ гнЂву противъ сыну або жоны своей и матцЂ его почтивой, або бы тежъ жебы его часъ не малый за дитя мЂлъ, и по его пороженью и съ собою маткою его а жоною своею терпЂлъ, бо яко вже его разъ за дитя свое признавши маючы его при собЂ въ дому своемъ терпеливостью своею за дитя свое призналъ; такъ вже его потомъ чинити злымъ не маеть и не можеть, кгды жъ доброму ничого злого и непочтивого въ дому своемъ терпЂти не годитца. А особливе отецъ сына бенкартомъ учинити не можеть за другое жоны своее маючы его, а звлаща естли будетъ того сына своего съ першою жоною своею маткою его мЂшкаючы за сына мЂли; тогды вже при мачосЂ отъ имЂнья отчизного отдаляти не можеть потомужъ. А матка яко за першого мужа своего такъ тежъ и за другого пошедши дЂтей своихъ ** тымъ правомъ и обычаемъ яко о отцы написано и сужона быти маеть.

 

 

* Трет. ред. Стат. «таковые дЂти надъ дерь бенкартами».

** Трет. ред. Стат. «А матка яко за первшого мужа своего такъ тежъ и за другого мужа пошодши противъ дЂтей своихъ».

 

 

АРТЫКУЛЪ 24.

О вызволенье отплатовъ новыхъ и подводъ кромей стародавного обычаю, якъ тежъ по дорогамъ.

 

Тежъ уставуемъ и хочемъ мЂти, абы вси посполитые люди тяглые и вси поданые княжатъ пановъ хоруговныхъ шляхтъ бояръ и мЂщанъ тыхъ земль Великого Князства Литовского отъ кождое дани плаченья и податку серебщизного, и тежъ дЂла и ото всякихъ беременъ каменья дерева або дровъ ку паленью плиты и вапна на замки наши, кромъ стародавного обычаю, такъ и подводы хтобы передъ тымъ давалъ и подыймованье станцыи на станехъ и на мЂстцахъ звычаныйхъ намъ Господарю посломъ гонцемъ нашимъ, такъ тежъ и мосты поправовати и новые на старихъ звычайныхъ мЂстцахъ будовати замки старіе поправовати, такъ и на тыхъ старихъ мЂстцахъ дЂленицы свое знову будовати и пословъ подыймовати, то водлугъ стародавного обычаю въ цЂлости заховуемъ. А княжата панове рады воеводове старостове украинные и нихто зъ шляхты, Ђздечы по дорогамъ отъ имЂнья до имЂнья своего и въ войско на замки украинные Ђдучы, имЂней шляхецскихъ и ихъ подданыхъ не мають шкодити, стаціи и подводъ брати, але собЂ и слугамъ и конемъ своимъ за пенези водлугъ торгу цЂною куповати будуть повинни; а хтобы надъ сюю уставу нашу што учинилъ, тотъ сторонЂ жалобливой кгвалту дванадцать рублей грошей платити маеть, а шкоду совито опраивти за слушнымъ доводомъ.

 

 

АРТЫКУЛЪ 25.

Естли бы которыи съ подданыхъ нашихъ на князей панохъ або на комъ иномъ выслужылъ имЂнье лежачое.

 

Коли бы который съ подданыхъ нашихъ выслужылъ на князехъ або на панохъ або на комъ иномъ имЂнье лежачое, и будучы того имЂнья въ держанью онъ самъ або и потомки его отъити прочъ гдЂ хочеты зо всими статки и зо всимъ набытьемъ своимъ и накладомъ або будованьемъ, што будетъ на тое имЂнье наложылъ, нижли еслибы листы ему даными и то выражоно ему было, же бы могъ тымъ имЂньемъ служыти ему * хотечи.

 

 

* Трет. ред. Стат. («вмЂсто ему стоитъ, кому»).

 

 

А вЂдьже хтобы таковый листъ слузЂ своему дати хотЂлъ, тотъ маеть дати оному листъ подъ печатью своею и подъ печатми и свЂдомомъ людей добрихъ шляхты, а предсе то княжа або паня маеть обличнЂ пришедшы намъ Господарю, а въ небытности нашой господарской, тогды по вряду земскому оповЂдати, тогды таковый листъ маеть быти держанъ. А которій бы выслужылъ имЂнье на комъ кольвекъ, а по смерти того пана, на комъ бы тое имЂнье выслужылъ, дЂти хотЂли ся дЂлити, а тотъ слуга въ тотъ часъ на дЂлу ся не припоминалъ, а листъ свой на тое имЂнье выслужоное въ дЂлъ пустилъ поступилъ; тогды таковые листы и вольности его вжо никоторое моцы мЂти не будеть, бо самъ того замовчалъ, и спадываетъ тое имЂнье на сына отчича. Который слуга естли будетъ тому служыти, и ему се въ дЂлу останетъ, а естли бы служыти ему не хотЂлъ, воленъ имЂнье зоставити тому пану съ тымъ всимъ съ чимъ ему дано, самъ взявши статки свои, которые въ тое имЂнье внесъ, або што властнымъ грошомъ своимъ прибавилъ, пойти прочь. А которій бы бояринъ шляхтичъ князскій панскій выслужывшы на панЂ своемъ имЂнье и на немъ мЂшкаючи, а тому пану своему съ того имЂнья служечи, потомъ безъ воли и вЂдомости оного пана своего съ тымъ имЂньемъ пана своего поддался под кого иного; тогды о то позваный до суду, кгды на него то переведено будеть, маеть быти каранъ, у везеньи седЂти чверть лЂта.

 

АРТЫКУЛЪ 26.

О позыванье свЂцскихъ въ духовное право.

 

Тежъ уставуемъ, ижъ бискупове и вси прелаты стану духовного и ихъ справцы княжатъ пановъ и всее шляхты рыуерства, мЂщанъ и всихъ подданныхъ нашихъ яко и шляхецскихъ не мають никого ку собЂ до духовного права о свЂцкіе речы вызывати; такъ и сами шляхта мЂщане и вси подданые наши и тежъ подданые шляхецскіе якого кольвекъ стану не мають се до духовного права утекати и повызывати о речи свЂцскіе, подъ закладомъ сторонЂ позваной дватцатма рублями грошей и подъ нагороженьемъ утратъ всихъ зъ совитостью, нижли што духовному праву належыть и прислухать будеть, то въ духовномъ пра†справовано и сужоно быти маеть.

 

АРТЫКУЛЪ 27.

О мтъщанехъ мтъста нашого Виленского, якимъ правомъ шляхту зъ мЂщаны судити мають.

 

Тежъ уставуемъ, ижъ кгды бы се трафило жаловати которому шляхтичу на подданыхъ нашихъ мЂщанъ Виленьскихъ о раны о головщизны; тогды о то судить врядъ мЂскій маеть своимъ судомъ, Майдеборскимъ правомъ, водлугъ привильевъ и наданья имъ отъ насъ Господаря и отъ продковъ нашихъ. ГдЂ бы се тежъ трафило якій кгвалтъ мЂщанину отъ шляхтича, хотя бы въ томъ мЂстЂ нашомъ Виленьскомъ; тогды таковые речы врядъ замковый земскій справедливость чинить будуть правомъ земскимъ и статутомъ правъ посполитыхъ сего панства великого Князьства Литовского, и карати ведлугъ права и статуту земского. А мЂщане иныхъ мЂстъ шляхту судити мають о раны о головщизны ихъ шляхецскіе земскимъ правомъ, водлугъ стародавного статуту Короля его милости Жикгимонта пана отца нашого.

 

АРТЫКУЛЪ 28.

О мЂщанехъ, ижъ селянъ не мають на торгу грабити.

 

Тежъ уставуемъ, ижъ мЂщане подданые наши о долги свои якіе кольвекъ не мають селянъ ани тежъ духовныхъ и свЂцскихъ ани чіихъ на торгу заповЂдати и грабити, ани тымъ собЂ справедливости на нихъ доводити; але о тые долги съ тыми виноватыми у пановъ ихъ, а зъ нашими поддаными у врядниковъ нашихъ, будуть повинни справедливости доходити, а нашы врядники и панскіе мають имъ справедливости чинити. А естли бы хто пограбилъ не доводечи права; тогды маеть дати вины намъ Господарю три рубли грошей, а сторонЂ три рубли грошей, а грабежъ совито навезати и шкоду также совито оправити.

 

АРТЫКУЛЪ 29.

О слуги и о люди шляхецскіе челядъ неволную, которіе до мЂстъ входятъ.

 

Уставуемъ, которіе бы слуги и люде отчизные або челядь невольная втекли отъ княжатъ пановъ або отъ которого шляхтича, и пришли до столечного мЂста нашого Виленского, або до иныхъ мЂстъ нашихъ князскихъ панскихъ и духовныхъ, въ земляхъ панства нашого Великого Князства Литовского; ижъ тыхъ людей слугъ мають войтове бурмистрове радцы наши зъ мЂстъ нашихъ выслухавшы слушного доводу отъ пановъ ихъ * судечи земскимъ правомъ, кромей которое бы слуги шляхецскіе до мЂстъ нашихъ, а принемши право въ которомъ зъ мЂстъ нашихъ ** войтове и врядники наши выдати не мають. А што се дотысечь челяди неволное, которые бы пришли до мЂстъ нашихъ; тымъ ани права Майдеборского принятье аии оселость ани тежъ заседене десети лЂтъ ку помочы быти не маеть, и повинны будуть войтове и державцы и врядники наши имъ выдати ***. Такъ тежъ старостамъ и державцамъ и врядникомъ нашимъ, гдЂ права Майдеборского нЂтъ, на врядЂхъ нашихъ тымъ же обычаемъ противко таковымъ збЂгомъ заховатися мають.

 

 

* Трет. ред. Стат. «отъ пановъ ихъ, чіи будутъ, або за ихъ властнымъ признаньемъ выдавати, судечи земскимъ правомъ».

** Тамъ же: «и оселость маючи, а за десеть лЂтъ, таковыхъ слугъ зъ мЂстъ нашихъ войто※.

*** Тамъ же, словъ: «А што се до тычеть челяди.... врядники нашимъ имъ выдавати» не написано.

 

 

АРТЫКУЛЪ 30.

О мЂрахъ, абы были ровны.

 

Уставуемъ, абы въ мЂстЂ нашомъ столечномъ Виленскомъ и въ кождымъ мЂстЂ нашомъ панства нашого Великого Князства Литовского, такъ тежъ въ мЂстЂхъ князскихъ, панскихъ, духовныхъ и свецскихъ, въ торгохъ збожье всякое продавати мЂра была однакова ровна: то естъ, абы была бочка, въ которой бочцЂ маеть быти чотыри корцы мЂры нашое дворное ровныхъ безъ верху и тресенья, але подъ стрыхъ; которая мЂра маеть быти чотыри корцы вымЂрена у Вильни отъ вряду пана воеводы Виленского, а при собЂ мають мЂти урядъ мЂстскій, гдЂ въ которыхъ мЂстехъ право Майдеборское есть. А по иншыхъ, воеводствахъ и староствахъ и державствахъ и тивунствахъ нашихъ, также воеводове старостове и державцы и тивунове наши тые жъ мЂры постановити мають, абы не тресены и безъ верховъ были и кглейта на тыхъ мЂрахъ положыти. Абы бочка была въ чотыри корцы, а чверть бочки одинъ корецъ, въ той мЂрЂ всякое збожъе мЂрено быти маеть подъ стрыхъ; таяжъ мЂра збожъя маеть быти по мЂстомъ и торгомъ князскимъ панскимъ и земянскимъ, а по стодолахъ и въ корчмахъ въ дорозехъ. А хто бы кольвекъ смЂлъ ся того важыти, а иншіе мЂры уставлялъ и ихъ уживалъ, таковый маеть заплатити намъ Господарю вины три рубли грошей. Тымъ же обычаемъ панове воеводове старостове на врядехъ своихъ съ таковыми уряды мЂсткими, около мЂри и цЂны шынкованья питья привозного мушкетлы малмазеи и меду пива, также около ваги и локтя, черезъ врядниковъ своихъ постановенье чинити мають.

 

АРТЫКУЛЪ 31.

Кнегинь, паней, дЂвокъ, вдовъ не маемъ ни за кого кгвалтомъ давати.

 

Тежъ обЂцуемъ и приказуемъ кнегинъ, паней вдовъ, княжонъ, паненъ дЂвокъ шляхтянокъ и всякого иного стану рожаю земского, яко людей вольныхъ подъ вольнымъ панованьемъ нашимъ господарскимъ, заховати ихъ при вольностехъ ихъ, а кгвалтомъ ни за кого их давати не маемъ без воли ихъ, за кого хотя, за того волно пойти.

 

АРТЫКУЛЪ 32.

Отецъ за жывота своего змушенья не повиненъ имЂнья дЂтемъ поступовати, лечъ по доброй воли части его.

 

Уставуемъ тежъ, ижъ отецъ дЂтемъ за жывота своего змушенья не повиненъ имЂнья жадного поступовати, нижли по доброй воли своей, што воля его будеть. Также невЂста, которая будеть имЂнья свои отчызные або материстые мЂти, змушенья не повинна за живота своего дЂтемъ поступовати, але што будеть добрая воля ее, то можетъ поступити. А што се до тычеть материстыхъ имЂней, не будуть ли мЂти на то слушного права и описовъ, повиненъ то сыну дорослому и дЂвцЂ замужъ ее выдавши поступити; а сынъ и дочка на отцу жадныхъ шкодъ и личбы съ тыхъ имЂней поискивати не мають.

 

АРТЫКУЛЪ 33.

Всимъ станомъ народу шляхецского, якъ хотя, волно имЂньями шафовати.

 

Тежъ уставуемъ, ижъ всимъ станомъ шляхецского народу яко и людемъ вольнымъ вольно естъ и будетъ имЂньями своими отчизными материстыми и якимъ жъ кольвекъ обычаемъ набытыми шафавати, подлЂ потребы воли и подобанья своего отдати, продати, доровати, записати, заставити въ долгу и въ сумахъ завести, замЂняти; вЂдже водлЂ того, яко о томъ шырей у роздЂлЂ о записехъ естъ описано.

 

АРТЫКУЛЪ 34.

О вольности шафовати выслугою своею.

 

Тежъ хто кому дати хотЂлъ даровати записывати або продати имЂнье выслугу свою на насъ Господарю; тотъ не можеть того никому передъ жаднымъ урядомъ записати, только пришедшы и постановившы се передъ нами Господаремъ и зъ вЂдомомъ нашимъ, а мы того боронити не будемъ. ВЂдже которые бы мЂли привилья наши, а въ нихъ то доложоно, ижъ волно ему отдати даровати и записати; таковые могутъ оное имЂнье записовати передъ кождымъ врядомъ, яко отчызну свою або куплю. А звлаща тые которые бы собЂ и потомкомъ своимъ на вЂчность описаную мЂли, а тые привилья мають на врядехъ оказываны быти; а которые бы леннымъ правомъ або дожывотьемъ або до воли и ласки нашое господарское мЂли, тыхъ маемъ заховати водлЂ привильевъ ихъ и ласки нашое господарское.

 

АРТЫКУЛЪ 35.

О вольности шляхтЂ имгьнья лежачые и иные маетности свои намъ Господарю записовати.

 

Тежъ хтобы хотЂлъ што намъ Господарю записати такъ имЂней лежачыхъ яко и иныхъ маетностей; тогды вольно будеть кождому такъ передъ судомъ земскимъ яко и замковымъ, и тежъ сознаньемъ своимъ очевистымъ до книгъ нашихъ канцлярейскихъ и за листы нашими водле права записовати, а форіе (хорые) могуть то намъ Господарю описовати тестаменты своими.

 

АРТЫКУЛЪ 36.

Хто чого за Короля Казимера и за Александра и за отца нашого Короля его милости Жикгимонта былъ въ держанью, тотъ вЂчнЂ таеть держати.

 

Хочемъ тежъ мЂти и уставуемъ, абы вси подданые наши, такъ духовные такъ и свЂцкіе, княжата и панове и вси шляхта, которые имЂнья свои отчызные выслужоные и купленые и якіе кольвекъ набытые, за продковъ нашихъ славное памяти Короля Казимера або дядка нашого Короля Александра, такъ тежъ и за отца нашого Короля его милости Жикгимонта и за нашого щастливого панованья, спокойнЂ держали; тые мають таковые имЂнья вЂчнЂ съ покоемъ держати, отъ сихъ часовъ и на потомные часы вжывати они сами и потомки ихъ, бы добрЂ и листовъ ни которых на то не мЂли.

 

АРТЫКУЛЪ 37.

Хто бы имЂнье отъ насъ въ кого отыймовалъ.

 

Тежъ уставуемъ, кому быхмо мы Господаръ имЂнье або люди и земли дали, а хто иншый по той данинЂ нашой тое имЂнье отнялъ; тогды тотъ, у кого отнято, можеть того доходити и правомъ поискивати, нижли большей искати не можеть одно, яко ему дано и якъ на насъ Господаря то держано, толко бы давности земское отъ того часу, яко ему дали, не омЂшкалъ.

 

АРТЫКУЛЪ 38.

Што бы кому черезъ листъ дано або упрошоно, а онъ бы того не ужывалъ и въ молчанъи былъ черезъ давность земскую, и тежъ о лЂта дЂтиные, которые бы въ чужой земли были.

 

Тежъ уставуемъ, естли бы што кому дано або продано за записомъ слушнымъ, будь тежъ и передъ нами Господаремъ, або и передъ судомъ земскимъ было объявлено, а оный бы што ему дано продано або записано въ держанью и въ пожыванью десеть лЂть не былъ, и о то се врядовнЂ не упоминалъ; таковый по выйстю лЂтъ десети того доходить не можеть, але держачый то вЂчнЂ маеть мЂти. А вЂдже тотъ, хто се впоминаеть маеть его впоминати черезъ листы наши господарскіе и земскіе позвы, припозываючы его ку праву и становечыся за позвы; а хто бы позвы взявшы у себе держалъ, а сторону ку праву не припозвалъ, таковое упоминанье за упоминанье у права не маеть быти пріимовано. Лечъ естли бы было написано дЂтемъ лЂтъ дорослыхъ не маючымъ; тогды имъ въ молодости лЂтъ ихъ давность земская не шкодить, хотя бы того въ держанью и въ поминанью не были и не припоминалисе, то есть лЂта дорослые мужчызнЂ осмнадцать лЂгь а дЂвцЂ петнадцать лЂтъ. Хтобы тежъ въ чужой земли былъ, тогды томужъ также давность земская не шкодить; нижли толко дЂти лЂтъ своихъ доросшы, такъ тежъ и тотъ, хто въ чужой земли былъ, съ чужое земли пріЂхавшы давности земское десети лЂтъ не омЂшкалъ.

 

АРТЫКУЛЪ 39.

Мы Господаръ шлюбуемъ однакую справедливость всимъ чинить, а передъ судомъ * мы и панове рады наши брати не маемъ.

 

ОбЂцуемъ тежъ зъ ласки и добрости и милости нашой господарской ку подданнымъ нашимъ, всему рицерству Великого Князства Литовского, подъ сумненьемъ нашимъ, ижъ мы Господаръ и панове рада наши иаемъ кождому стану всимъ заровно однакую справедливость чинить безъ отволоки, а отъ права не маемъ ничого брати; потомужъ и панове рада наша, а не маемъ тежъ стати и зычностью быти одной сторонЂ, але просто кождому справедливость дЂлати будемъ повинни, такъ тежъ и панове рада наши подъ присегою, которую до рады вчинили, справедливость чинити будуть повинни. А што се дотычеть почтивостей шляхецскихъ, о то жаденъ съ пановъ радъ ани судъ замковый ани тежъ судъ земскій повЂтовый не маеть судити, толко мы сами Господаръ съ порадою пановъ радъ нашихъ Великого Князства Литовского судити маемъ обычаемъ вышейписанымъ. ВЂдже што здавна и теперъ въ семъ статутЂ суду замковому належыть, то судъ замковый судити и отправовати маеть.

 

* Трет. Стат. «а пересуду».

 

 

АРТЫКУЛЪ 40.

О тыхъ, которые Ђдучи въ дорогу на поляхъ се становять, а збожью шкоду чинять.

 

Уставуемъ, хтобы Ђдучи дорогою бралъ албо жалъ жито и иное жито збожъе, або выпаствилъ и вытопталъ конми, и за ишпашъ грабити се не далъ; таковый будеть повиненъ сторонЂ жалобливой три рубли грошей платити, а шкоду, што люди сторонніе на испаши ошацують, также платити и оправовати маеть.

 

АРТЫКУЛЪ 41.

О невывоженью приправъ военныхъ до земли непріятельское.

 

Уставуемъ и вЂчными то часы мЂти хочемъ, постерегаючи того, абы зо всихъ земль панства нашого Великого Князства Литовского яко жидове татарове купцы и вси подданые наши, которого кольвекъ стану, явнЂ и таемнЂ всякихъ броней желЂза ручницъ нажовъ стрЂлъ и всякого иншого наряду военного не выпущали и не вывозили, посломъ не продавали, съ чого бы непріятель силитись могъ. А хто бы се того смЂлъ важыти надъ тое росказанье и уставу нашу; тотъ ничимъ инымъ одно горломъ каранъ быти маеть, а товари и вся маетность его маеть быти до скарбу нашого взята, а того съ пильностью на всЂхъ замкохъ украинныхъ сторожове и вси врядники наши постерегати мають, а то се розумЂти будеть въ покою и подъ не впокоемъ.

 







Дата добавления: 2015-10-12; просмотров: 302. Нарушение авторских прав; Мы поможем в написании вашей работы!



Композиция из абстрактных геометрических фигур Данная композиция состоит из линий, штриховки, абстрактных геометрических форм...

Важнейшие способы обработки и анализа рядов динамики Не во всех случаях эмпирические данные рядов динамики позволяют определить тенденцию изменения явления во времени...

ТЕОРЕТИЧЕСКАЯ МЕХАНИКА Статика является частью теоретической механики, изучающей условия, при ко­торых тело находится под действием заданной системы сил...

Теория усилителей. Схема Основная масса современных аналоговых и аналого-цифровых электронных устройств выполняется на специализированных микросхемах...

Общая и профессиональная культура педагога: сущность, специфика, взаимосвязь Педагогическая культура- часть общечеловеческих культуры, в которой запечатлил духовные и материальные ценности образования и воспитания, осуществляя образовательно-воспитательный процесс...

Устройство рабочих органов мясорубки Независимо от марки мясорубки и её технических характеристик, все они имеют принципиально одинаковые устройства...

Ведение учета результатов боевой подготовки в роте и во взводе Содержание журнала учета боевой подготовки во взводе. Учет результатов боевой подготовки - есть отражение количественных и качественных показателей выполнения планов подготовки соединений...

Методика обучения письму и письменной речи на иностранном языке в средней школе. Различают письмо и письменную речь. Письмо – объект овладения графической и орфографической системами иностранного языка для фиксации языкового и речевого материала...

Классификация холодных блюд и закусок. Урок №2 Тема: Холодные блюда и закуски. Значение холодных блюд и закусок. Классификация холодных блюд и закусок. Кулинарная обработка продуктов...

ТЕРМОДИНАМИКА БИОЛОГИЧЕСКИХ СИСТЕМ. 1. Особенности термодинамического метода изучения биологических систем. Основные понятия термодинамики. Термодинамикой называется раздел физики...

Studopedia.info - Студопедия - 2014-2024 год . (0.015 сек.) русская версия | украинская версия