РОЗДЂЛ ОДИНАДЦАТЫЙ, О КГВАЛТЕХЪ И О ГОЛОВЩЫЗНАХЪ ШЛЯХЕЦСКИХЪ.

 

АРТЫКУЛЪ 1.

Хто бы на чіи домъ або на господу умысльнЂ наЂхалъ, хотечи его забити.

 

Хто бы на чій домъ а господу умыслнЂ наЂхалъ, хотечи его забити, а умыслнЂ наЂхавши або нашедши, въ томъ дому кого кольвекъ ранилъ або забилъ, а то бы на него переведено было слушнымъ доводомъ; таковый горло тратитъ, а головщизна близкимъ зъ имЂнья плачона быти маеть. А естьли бы кгвалтомъ наЂхалъ або на домъ нашолъ, а никого не ранилъ а ни забилъ, а знаки предсе кгвалту або шкоду якую учинилъ; тогды только за кгвалтъ будеть повиненъ платити дванадцать рублей грошей и шкоду оправити за слушнымъ доводомъ, а горла для нахоженья кгвалту не тратить. Тымъ же тежъ обычаемъ естьли хто кому въ мЂстЂ на господу нашолъ кгвалтовнЂ, а кого забилъ або ранилъ и тымъ покой посполитый взрушилъ, маеть быти сужонъ и сказанъ на горло.

 

АТРЫКУЛЪ 2.

О доводъ кгвалту, якъ маютъ освЂдчати и обжаловати.

 

Уставуемъ, кгды бы хто на кого наЂхалъ кгвалтомъ и забилъ, а вЂдь же на такового кгвалтовника такій доводъ маеть быти: естьли бы на чый домъ або на господу чью наЂхал и забилъ кого; тогды скоро по ономъ кгвалтЂ того жъ часу кгвалтъ и того забитого маеть оповЂдати и оказати околичнымъ суседомъ своимъ, а въ небытности ихъ ино врядникамъ ихъ шляхтЂ людем добрымъ, а въ недостатку шляхты ино также околичным сусЂдомъ своимъ, хотя и не шляхтЂ только людемъ добрымъ вЂры годнымъ маеть оказати, а потомъ обжаловати вряду замковому або двору нашому, которій близшій будеть, и возного взяти и такъ же оказати кгвалтъ и забитого, и тотъ кгвалтъ и жалобу въ книги записати. И въ пра†естлибы се ку оному кгвалту и забитому не зналъ; тогды вжо тотъ жалобникъ близшій будеть того сусЂди околичными и вознымъ або выписомъ врядовьшъ на него доводити, и при томъ доводЂ самотреть и зъ шляхтичами собЂ ровными присегнути, а естлти бы на тотъ часъ не могли мЂти шляхтичовъ ку доводу, тогды и зъ жоною своею и съ дЂтьми дорослыми, а не будеть ли мЂти дЂтей дорослыхъ, ино и зъ жоною и зъ слугами домовыми маеть того кгвалтовника поприсегнути, а кгды присягнеть, тогды тогь горло тратить, а головщина его близкимъ того забитого маеть быти плачона, а шкоду за слушнымъ доводомъ. А естли бы кгвалтомъ на домъ наЂхалъ и не забилъ, только ранилъ; тогды также маеть тотъ кгвалтъ оповЂдати и раны оказати околичными сусЂдьми, яко вышей описано, и при таковомъ доводЂ оного вгвалтовника кгвалту и ранного маеть самъ семъ зъ людьми добрыми шляхтою поприсегнути, а кгды присягнеть, таковый кгвалтовникъ маеть быти горломъ каранъ, нижли естьли бы сполна шести свЂдковъ не мел, тогды и съ трема свЂдки самочвартъ присегнути маеть, а кгвалтовникъ за таковымъ незуполнымъ доводомъ горла не тратитъ, одно кгвалту дванадцать рублей грошей, а навезку водле стану и шкоду за доводомъ маеть платити, а за вину дванадцать недЂль въ везенью седЂти. Пакли бы на томъ доводЂ своемъ усталъ, тогды только самъ ранный на ранахъ своихъ присегнути маеть, которому по присязЂ его навезка будеть сказана, а кгвалтъ и шкоды не мають быти сказаны. А гдЂ бы на оном кгвалтЂ въ дому никого не забито ани ранено, только одно шкода учинена; таковый кгвалтъ также маеть быти освЂдчонъ, яко вышей описано, а при томъ доводЂ у пра†на кгвалтовника маеть тымъ же обычаемъ на кгвалтЂ и на шкодахъ самотретъ присегнути, а кгды присягнеть, маеть быти кгвалтъ плачонъ дванадцать рублевъ грошей, и шкоды оправити за доводомъ его, а горла не тратитъ, а не будеть ли мЂти чимъ платити, а именье его тое бы шкоды и маетность не стояла, тогды у въ остатку заплаты самъ маеть быти выданъ. А гдЂ бы тотъ, на чій домъ наЂхалъ, чинилъ собЂ быти ровную шкоду о сорокъ або о петдесятъ копъ грошей; то и зъ жоною и зъ дЂтьми лЂтъ дорослыми на той шкодЂ присегнути маеть. А жонЂ дЂтемъ забитого, а въ недостатку ихъ, ино кровнымъ такимъ же обычаемъ маеть право ити, яко вышей описано.

 

АРТЫКУЛЪ 3.

О кгвалтъ костела закону хрестіянского.

 

Тежъ естьли бы хто пришедши кгвалтовнЂ на костелъ або на цвинтару въ школЂ, або въ капланскомъ поповскомъ дому кого забилъ або ранилъ, а тые бы раны значны были; тогды подъ таковымъ же способомъ и доводомъ маеть быти каранъ, яко вышей о кгвалтовникахъ описано. А естьли бы только вдарилъ, а раны не было; тогды совито кгвалтъ маеть платити, то естъ двадцать и чотыри рубли грошей, а оного вдаренаго навезати, и то все заплативши еще двадцать недЂль у везенью маеть седЂти въ томъ повЂтЂ, гдЂ ся то станетъ.

 

АРТЫКУЛЪ 4.

О кгвалтовнику, который забивши зъ земли втечеть.

 

Тежъ естьли бы таковый кгвалтовникъ забивши кого въ дому въ въ господЂ на улицы на дорозЂ и гдЂ жъ кольвекъ, будучи первей запозванъ хотя бы тежъ и заочнЂ, втекъ изъ земли прочъ; тогды маеть первей быти выволанъ съ того панства нашого, а потомъ головщызна и шкода маеть быти плачона зъ имЂней его. А гдЂ бы тое имЂнье за головщизну и шкоду не стояло; однакожъ тое имЂнье маеть быти въ той головщизнЂ и въ шкодахъ подано дЂтемъ того забитого або кревнымъ, и мають держати потоль, поки ажъ того выволаного дЂти або кревные тую суму за оные имЂнья отложать, нижли таковые дЂти або кревные тую суму мають откладати, которые того мужобойства не помогали. А естлибы по выволаню оного кгвалтовника або забойца налезенъ былъ въ томъ панст†нашомъ; тогды и на томъ врядЂ, гдЂ будеть постижонъ, маеть быти каранъ яко кгвалтовникъ, а не будеть ли хто стояти або фалдровати, тогды врядъ нашъ, маючы певную вЂдомость о томъ мужобойцы або кгвалтовнику, маеть также на томъ врядЂ своемъ поймавшы скарати, яко о томъ вышей описано. А въ томъ часЂ нижъ постижонъ и на врядЂ скаранъ будеть, трафить ли ся кому жъ кольвекъ его забити, за такового выволанца забитье нихто головщизны платити не будеть повиненъ.

 

АРТЫКУЛЪ 5.

Хтобы злочынцовъ, разбойниковъ, злодЂевъ явныхъ, а людей выволаныхъ, въ себтъ въ дому переховывалъ.

 

Тежъ уставуемъ, хтобы съ подданыхъ нашихъ господарскихъ людей подойзреныхъ злоцынцовъ разбойниковъ явныхъ выволанцовъ въ дому або имЂню своемъ переховывалъ, маючы вЂдомостъ, кимъ которую раду помочъ ку шкодЂ Речы Посполитой давалъ и чынилъ, або тежъ и речей злодейскихъ вЂдомо пожывалъ, а то бы на него было переведено слушнымъ правомъ; тогды таковый маеть быти горломъ каранъ таковый и онъ злочынца, которого онъ въ дому переховывалъ. А ведже жалобливая сторона за онымъ злочынцою або выволанцемъ, гдЂ бы о нем вЂдалъ хотя бы и въ иншомъ повЂтЂ того панства нашого, взявшы выписъ зъ ураду маеть Ђхати и на ономъ врядЂ, такъ тежъ и въ мЂстехъ по торгохъ у костелехъ ознаймити, и цедулу написавшы, о его выволаню маеть поприбивати и о немъ ознаймити. А чрезъ таковое оповЂданье оного злочынцы або выволанца, а хто бы вЂдаючы и знаючи его ховалъ, также маеть каранъ быти яко вышей описано и шкода зъ имЂнья его плачона за слушнымъ доводомъ, а довод на такового не инакшій маеть быти, одно таковый якъ на самого злочинцу, а естлибы повЂдалъ, ижъ бы его не вЂдалъ и не зналъ, тогды тое невЂдомости маеть отприсягнути.

 

АРТЫКУЛЪ 6.

Хто бы забилъ кгвалтовника въ дому своемъ и помочниковъ его.

 

Тежъ уставуемъ, хтобы на чій домъ або на господу кгвалтомъ наЂхалъ або нашолъ, а тоть господарь домовый также и гость, который въ дому его томъ або господЂ стоить, оного кгвалтовника самого або помочниковъ его боронечи дому своего забилъ; тогды скоро по ономъ кгвалте маеть сусЂдомъ своимъ околичнымъ обволати и оповЂдати, и того жъ часу до вряду нашого, который будеть наблизшій, Ђхати або слати, изъ уряду взявшы возного и сторону людей добрыхъ шляхту а иншихъ сусЂдовъ вЂры годныхъ, оный кгвалтъ и забитого кгвалтовника въ дому своемъ сказати. А потом кгды будетъ о тые забитые обвиненъ; тогды за оказаньемъ слушнымъ знаковъ кгвалту маеть зъ жоною и съ дЂтьми дорослыми и съ тремя шляхтичи собЂ ровными, а не будеть ли мЂти жоны або дЂтей, ино съ тыми трема шляхтичома собЂ ровными предсе маеть присегнути и тымъ ся отвести на томъ, ижъ тотъ забитый кгвалтом наЂхалъ або нашолъ, а сталося за початкомъ того забитого. А естли бы только ранил, а не забилъ; тогды самъ одинъ панъ домовый маеть присегнути, ижъ яко кгвалтовника вх дому своемъ ранилъ, таковый головщизны ранъ и ни шкодъ никоторых платити не будеть повиненъ.

 

АРТЫКУЛЪ 7.

Хтобы наЂхалъ або нашолъ на чужое имЂнье або на село кгвалтомъ, а въ томъ боронечи кгрунту своего кого забилъ.

 

Тежъ уставуемъ, которому бы шляхтичу шляхтичъ або хтожъ кольвекъ умыслнЂ на чіе имЂнье кгвалтомъ наЂхалъ або нашолъ, кгвалтъ або якую значную шкоду учинилъ, а тотъ шляхтичъ боронечи имЂнья своего оного кгвалтовника забилъ; тогды маеть тымъ же способомъ, яко вышей о кгвалтовникахъ написано, присегою своею отвестися, и кгды присегою ся отведетъ, ижъ его яко кгвалтовника на своей земли забилъ, такового головщизны ани шкодъ платити не будеть повиненъ.

 

АРТЫКУЛЪ 8.

О кгвалтъ дЂвки и невЂсты.

 

Тежъ уставуемъ, хтобы дЂвку або учтивую невЂсту якого кольвекъ стану сильствомъ зкгвалтилъ, а оная дЂвка або невЂста за онымъ учинкомъ волала кгвалту, за которымъ воланьемъ люде бы прибЂгли, знакъ кгвалту оказала а потомъ бы оного ку праву притегнула, а двЂма або трема свЂдки кгвалтъ пересвЂдчила, а ку тому при оныхъ свЂдкохъ на томъ кгвалтЂ своемъ на того присегнула; тогды таковый маеть быти каранъ горломъ, а навезка маеть быти зъ имЂнья его водле стану, якого будеть, плачона. Пакли бы оная дЂвка або невЂста кгвалту волала, а люди оные слышели, нижли на кгвалтъ не прибЂгли, а ведже по ономъ кгвалтЂ скоро бы пущона была, а оповедалася тымъ людемъ, и зась оного ку праву притегиула, а тыми людми освЂдчила; тымъ же обычаемъ каранъ маеть быти, яко вышей описано, а естли бы похотЂла его собЂ за мужа мЂти, то будеть на ее воли.

 

АРТЫКУЛЪ 9.

О кгвалтовное взятье въ малженство дЂвки вдовы и каждое невесты.

 

Уставуемъ, хто бы безъ воли отца и матки стрыевъ або близкихъ на якомъ кольвекъ мЂстцу взялъ кого съ тыхъ вышеймененыхъ кгвалтомъ, менуючы ижъ бы ему въ малженство его шлюбила, а то бы пришло до насъ Господара або передъ пановъ радъ нашихъ и передъ кождый врядъ; таковая персуна маеть первей быти взята до секвестру. И кгды то покажетъ съ права, же яко пріятель кревныхъ такъ тежъ и ее самое на то позволенья не было; тогды тотъ хто се того важылъ, маеть горломъ каранъ быти, а за навезку третяя часть всего имЂнья его маеть спасти на тую парсуну кгвалтомъ взятую, а шкоды, которые се будуть при томъ кгвалтЂ стали, за доводомть на двохъ частехъ того жъ имЂнья его маеть быти сказано. Нижли естли бы дЂвка, укривши то передъ родичами своими, на тое малженство и на взятье позволила и на пра†се того знала; тогды таковая дЂвка отпадываеть оть выправы и отъ всихъ имЂней своихъ отчизныхъ и материстыхъ, яко о томъ вышей написано въ роздЂлЂ пятомъ.

 

АРТЫКУЛЪ 10.

О мужу и жонЂ о замордованье до смерти.

 

Тежъ кгды бы зъ ненависти и зъ немилости на обЂд†сторонЂ, такъ мужъ яко и жона, будучи въ ростырку зъ якихъ кольвекъ причинъ, одинъ другого приправилъ о горло, замордовалъ, або струлъ; такое окрутенство и замордованье сынове або кревные то маютъ до вряду оповЂдати и обжаловати або фалдровати на кождого такового мордера. А хотя бы сынове або кровные не хотели фалдровати; тогды врядъ нашъ зъ мЂстца своего маеть того особливе перестерагать и съ пильностію около того вывЂдати, и у въ околичныхъ сусЂдовъ близкихъ о того замордованого опытъ чинити, и обобравши семи шляхтичовъ ку присезЂ припустити, которые о томъ подъ присегою справедливе мають того передъ врядомъ повЂдити. И кгды тая семъ шляхтичовъ о того замордованого, на кого присягнутъ; таковый мордеръ безъ маеть быти каранъ горломъ тымъ способомъ, яко бы отца имилости матку забилъ.

 

АРТЫКУЛЪ 11.

О похвалку за которою бы ся стала якая шкода и отповЂдь на горло.

 

Тежъ если бы хто на кого похвалился, въ похвалцЂ сталася шкода, спалено домъ, дворъ, гумно, або збожъе зложоное, або тежъ што кольвекъ огнемъ ускажоно; нижли бы ся тая шкода стала, маеть первей жалобливая сторона тую похвалку его того жъ часу на врядЂ нашомъ оповЂдати и записати, а потомъ безъ мЂшканья его припозвати маеть. А естли бы ся передъ врядомъ призналъ, ижъ тую похвалку учинилъ, або и не зналъ, а было бы то на него слушне переведено; тогды маеть быти данъ за поруку. А естли бы потомъ оной сторонЂ жалобливой шкода стала, а тотъ бы, на него хто ся похвалилъ, позвавши ку праву самъ и съ жоною и съ дЂтьми дорослыми на шкодЂ своей, ижъ отъ него маеть, поприсегнулъ съ с такимъ доводомъ, яко вышей о кгвалтехъ домовыхъ описано; таковый будеть повиненъ сторонЂ жалобливой оную шкоду оправити и платити, а собЂ винного искати, хто тую шкоду учинилъ. Тымъ же обычаемъ и не шляхтичи противъ шляхты у права заховани быти мають. А хто бы тежъ на кого учинилъ похвалку, отповЂдаючи на горло, ино сторона жалобливая тымъ же способомъ мають тую похвалку передъ врядомъ оповЂдати и дати записати, и притягнувши ку праву тую похвалку людьми добрыми вЂры годными шляхтою трема свЂдками то на него перевелъ; тогды такъ оселый яко и не оселый для лепшое безпечности покою посполитого маеть быти данъ за доброе рукоемство людемъ осЂлымъ. Кгды бы за таковою похвалкою забито, того на кого ся похвалилъ, такового поручники передъ врядомъ мають поставити, а сторона жалобливая самотреть зъ шляхтою естли присягнетъ, ижъ отъ него то забойство сталося; тотъ горломъ маеть быти каранъ, а головщизна близкимъ зъ имЂнья его маеть быти плачона. А гдЂ бы рукоемства о тую похвалку дати не хотЂлъ; ино врядъ такового маеть дати до везенья замкового, и до того часу маеть седЂти, ажъ рукоемство дастъ. А пакли бы поручникъ того, по комъ ручилъ, передъ врадомъ не постановилъ; тогды маеть головщизну самъ кровнымъ платити, а у везенью такъ долго седЂти, ажъ тотъ, по комъ ручилъ, пріЂхавши исъ такового обвиненья выправится, або, естли будеть виненъ, заплату свою озметъ.

 

АРТЫКУЛЪ 12.

Естли бы колко парсунъ шляхецскихъ о забитье одного шляхтича обвинено было.

 

Уставуемъ, естьли колко парсунъ объ одного шляхтича забитье было обвинено, а сторона жалобливая не вызволяючи ни отъ кого зъ нихъ, але ихъ колко присегнуло; тогды одинъ зъ нихъ, которого на смертъ оберуть и поприсягнетъ, маеть горломъ каранъ быти, а тые помочники его, на которихъ тежъ ровно сторона поприсегнула, ачъ кольвекъ бы ведле правъ Хрестіянскихъ винни бы тые вси горло дати, нижли мы занехавшы такъ срокгого права на таковыхъ уставуемъ, ижъ тые вси помочники его, иле ихъ будеть, мають сто копъ грошей платити и въ везенью сорокъ и шесть недЂль* седЂти на замку Виленьскомъ або Троцкомъ въ земли шесть сажонъ, а трафитъ ли ся тое забійство въ которомъ воеводст†або у старост†далеко, тогды на томъ замку того выоеводства тотъ мужобойца маеть седЂти также у земли шесть сажонъ. А панове воеводе старостове на замкохъ нашихъ мають тые турмы доброе оправены и вкопаны мЂти глубоко шесть сажонъ у земли, за певною сторожою, и не мають таковымъ вязнемъ фолкги никоторое допущати чинити, и съ того везенья до сороку а шести недЂль выпущати подъ ласкою нашою господарскою. И будеть ли двохъ або трехъ забитого и колко ихъ особъ шляхецскихъ, тогды за кождого шляхтича особа шляхецская горломъ карана быти маеть. А естли бы простый хлопъ шляхтича, тогды, колько ихъ будеть поймано и передъ врядомъ обвинено и поприсягнено, мають вси горломъ карани быти, а вежде хлоповъ простыхъ вышей семи человЂковъ объ одну голову шляхецскую карано быти не маеть. Также и о шляхтянкахъ розумЂно быти маеть.

 

 

^* Трет. ред. Стат. «рокъ и шесть недель».

 

 

АРТЫКУЛЪ 13.

О звадахъ шляхецскихъ.

 

Хто бы кому руку або ногу втялъ, або око, губу, зубы, ухо вытялъ, за кождый таковый члонокъ по петдесятъ копъ грошей платити, а двадцать и чотыри недЂли на замку седЂти. Або хто бы обЂ д†руки и обе д†ноги и обЂ д†ухи оттялъ и обЂ д†очи; тогды головщизну яко за человЂка маеть плачоно сто копъ грошей, а годъ и шесть недЂль седЂти. А рана, которая бы у человЂка была, съ которое бы кости выбирано, тридцать копъ грошей. А естли бы съ тое раны речъ замкнулъ, хотя бы се и выгоилъ; тогды маеть сто копъ грошей яко головщизны платить, рокъ и шесть недЂль седЂти. А естли бы рана была на твари, сорокъ копъ грошей платити; а хотя бы поличокъ кому далъ, бороду рвалъ, тогды за все тое по дванадцати рублевъ грошей платити; а хотя бы былъ киіемъ шляхтича, сорокъ копъ грошей платити. А бЂлымъ головамъ шляхецскимъ якъ головщизна такъ и навезка маеть быти плачона совито, тымъ же обычаемъ потомъ и ихъ жонамъ и дЂтемъ, которіе вЂнчалные жоны мають, маеть быти навезка шляхецская.

 

АРТЫКУЛЪ 14.

О вказанье шляхецства за всказаньемъ навезки.

 

А естли бы по всказанью навезки шляхецское сторона противная повЂдила, ижъ водлугъ сказанья судового навезку ему платити готовъ, нижли не есть есми свЂдомъ, естли онъ естъ шляхтичъ, або и радъ бымъ о томъ вЂдалъ; тогды тотъ, хто ся шлихтичомъ менитъ быти, маеть Ђхати до оное земли або повЂту, отколь родомъ естъ, и тамъ же маеть, зобравши братью и стрыевъ або кревныхъ своихъ, передъ врядомъ тамошнимъ маеть высвЂдчитися, ижъ естъ шляхтичъ, а врядъ зъ оное земли або съ повЂту маеть писати листъ зъ уряду до суду, гдЂ ся тое право точило, даючи о немъ свЂдецство, ижъ есть щляхтичъ. И кгды таковую о собЂ вЂдомость принесетъ, врядъ маеть оную сторону противную листомъ своимъ обослати, складаючи ему рокъ короткій, на которомъ яко на завитомъ ставши маеть прислухати, и навезку шляхецскую ему заплативши, будеть еще повиненъ страву шкоду, што на то Ђздечи наложилъ, за присегою его платити ведле важности и далекости дороги. А ведь же естли бы не оселый человЂкъ доведовался оного шляхецства; маеть до того часу, поки онъ зъЂздитъ, за поруку данъ быти.

 

АРТЫКУЛЪ 15.

О мЂщанине, который бы шляхтича ранилъ.

 

Если бы который мЂщанинъ у бурмистровст†шляхтича забилъ * або ранилъ; тогды маеть навезати такъ, яко вышей описано. Нижли естли бы бурмистромъ на тотъ часъ не былъ, кгды шляхтича, ранилъ; маеть руку тратить. Также тежъ и хлопъ простый, естли бы забилъ або ранилъ шляхтича, маеть руку тратить, а естли руку або ногу шляхтичу утнетъ, або на которомъ члонку охромитъ, маеть горломъ каранъ быти.

 

 

^* Змість «забилъ» має бути «збилъ».

 

АРТЫКУЛЪ 16.

О забойцах отца и матки.

 

Уставуемъ, естьли бы хто отца або матку свою изъ якое замети забилъ, якимъ кольвекъ обычаемъ родича своего о горло приправилъ; тогды таковый сынъ або дЂвка, которая причиною своею родича своего о горло приправила, не только горломъ маеть быти каранъ, але и почтивость и вси имЂнья тратитъ, и таковою смертью и потварностью ганебною маеть каранъ быти: по рынку возечи и клещами тЂло его торгати, а потомъ у мЂхъ скураный усадивши, до него пса кура ужа котку, и тое все посполу въ мЂхъ завезавши, гдЂ наглубей до воды утопити, тымъ же тежъ обычаемъ и помочниковъ его, которихъ поволаетъ або на нихъ правомъ будеть переведено, маеть быти караны. А естли бы ся трафило отцу сына своего дорослого або матцЂ дЂвку дочку свою властную забити; тогды таковый оцецъ и матка мають караны быти за тое: годъ и шесть недЂль на замку нашомъ у вежи седЂти, а выседЂвши годъ и шесть недЂль, мають еще до году чотыри кроть при церкви и при костелЂ головномъ покутовати и вызнавати явнЂ найвышній грЂх свой передъ всими людьми збору Хрестіянского.

 

АРТЫКУЛЪ 17.

Если бы хто брата або сестру забилъ.

 

Уставуемъ, естли бы хто брата або сестру забилъ, въ неданью имЂнья або якую кольвекъ на правою о горло приправилъ, а то бы на него доводомъ слушнымъ переведено; тогды таковый маеть быть каранъ горломъ, а тое имЂнье, которое бы на него и на дЂти его припасти мЂло, спадываеть на иншую братью або сестры або тежъ на стрыевъ и близкихъ въ томъ дому. Тымъ же обычаемъ естли бы зять забилъ шурина своего; тогды жона его сестра того забитого и дЂти ее до имЂнья по братЂ своемъ не маеть ничого мЂти, а тотъ хто забилъ, маеть горломъ каранъ быти. Тоежъ право и на тыхъ, хто бы кровного своего забилъ и далекого въ роду.

 

АРТЫКУЛЪ 18.

Который бы слуга забилъ або ранилъ пана своего.

 

Тежъ уставуемъ, естли бы который слуга взялъ передъ себе злый умыслъ, пана своего забилъ або ранилъ; таковый маеть срокго горломъ каранъ быти здрайца, а естли бы не забилъ ани ранилъ, одно брони противъ пана своего добылъ, таковый руку тратить.

 

АРТЫКУЛЪ 19.

Хто бы на кого на дорозЂ заселъ, а въ томъ самъ забитъ былъ.

 

Уставуемъ, гдЂ бы шляхтичъ другому шляхтичу добровольнЂ дорогу засЂлъ, хотечи того забить або ранить, а тотъ боронечи горла своего не маючи зъ нимъ никоторого зайстья, а того, хто засЂлъ, забилъ; тогды тотъ скоро по ономъ забитью маеть Ђхати оповедати вряду и высвЂдчитися людьми добрыми вЂры годными, ижъ тотъ забитый засЂлъ и початкомъ того забитья самт, былъ, а кгды на томъ и съ тымъ доводомъ присягу вчинитъ, воленъ будеть отъ головщизны и отъ седЂнья.

 

АРТУКЫЛЪ 20.

Если бы шкода або кгвалтъ кому стался, такъ въ чіемъ дому яко и на дорозЂ, за вЂдомостью домового господаря.

 

Уставуемъ, кгды бы се кому въ чіемъ кольвекъ дому або на дорозЂ за вЂдомостью домового господаря якая шкода або кгвалтъ се сталъ, а оный господарь былъ бы до суду позванъ, а было бы то на него слушнымъ доводомъ або якими знаки врядовне переведено; таковый повиненъ будеть оный кгвалт и шкоду своими властными пенезьми платити и оправити, а тыхъ кгвалтовниковъ шкодниковъ собЂ искати, нижли естли бы того господаря лице налезено або помочниковъ его.

 

АРТЫКУЛЪ 21.

Хтобы на чіе имЂнье на село и на люди наслалъ, або самъ наехавши кгвалтомъ побилъ, поранилъ.

 

Уставуемъ, хто бы на чіе имЂнье на село на люди самъ кгвалтомъ наЂхалъ, або наславъ побилъ и поранилъ; таковый сторонЂ ображоной, на чомъ слушный доводъ учинить иаеть кгвалтъ и раны платити, а грабежъ зъ навезкою ворочати маеть, и всю школу добре оправити. А хотя бы не ранилъ ани билъ, только наЂхалъ а грабилъ; потомужъ кгвалтъ маеть заплатити, и грабежъ зъ навезкою поворочати.

 

АРТЫКУЛЪ 22.

За кгвалтъ посполитый сусЂдскій.

 

Уставуемъ за кождый кгвалтъ посполитый сусЂдскій, врядовне переведеный, маеть быти сказанъ сторонЂ обжалованой дванадцать рублей грошей.

 

АРТЫКУЛЪ 23.

Если бы шляхтичъ шляхтича розбилъ на дорозЂ.

 

Уставуемъ, если бы шляхтичъ шляхтича розбилъ на дорозЂ, а оный розбитый у парсуну его позналъ, и передъ врядомъ того жъ часу раны свои оказавши того у парсуну меновалъ; а потомъ притягнувши ку праву, подле оказанья ранъ своихъ близшій будеть самъ изъ шестма шляхтичами на него присегнути, а кгды присягнетъ, тотъ горломъ каранъ быти маеть яко розбойникъ. А естли бы сторона поводовая и зъ шестма свЂдки поприсегнути не хотЂла; тогды тотъ обжалованый также самъ и зъ шестма шляхтичы маечъ отприсегнутися, а не будеть ли мЂти съ кимъ отприсегнутися, ино поводовая сторона самотретъ на ранаъ и шкодахъ маеть его поприсегнути. А будеть ли на дорозЂ звада стала, а лупу никоторого не было, а сторона жалобливая вину дала разбойную; тогды только раны за доводомъ будеть повиненъ платити, а горла для розбою менованого не тратитъ.

 

АРТУКУЛЪ 24.

Который братьи рожоной будеть отца забито або зъ нихъ самыхъ которого кольвекъ.

 

Уставуемъ ижъ кгды бы колько братьи рожоной, лЂта зузопольные маючы або и недорослые, дЂльные або и недЂльные, а одного бы зъ нихъ або отца ихъ забито, а иншые бы братья были бы по службах або въ чужой земли; ино который братъ будеть дома, тотъ братью маеть обослати, абы зъ нимъ тое головщизны искали. Естли бы братья его будучи въ здЂшнемъ панст†нашомъ зъ нимъ весполокъ головщизны искати не хотЂли; тогды тотъ, который дома мЂшкаетъ, маеть самъ тое головщизны доходити, а дошедши съ тою жъ братьею своею не будеть дЂлити. Одно кромъ хто бы былъ въ чужой земли, а пріЂхавши оттоль и той головщизны припытовался; таковый, кгды накладъ его што доходечи тое головщизны будеть наложилъ, ему часть свою, которая бы межи братьею на него припасти мЂла, отложити, тогды маеть межи братьею своею ку части ровной тое головщизны припущонъ быти.

 

АРТЫКУЛЪ 25.

Хто близкій головщизны искати маеть.

 

Коли бы колько братьи было и сестръ рожоныхъ выпосажоныхъ и не выпосажоныхъ, а одинъ брать отъ ихъ забитъ былъ; тогды они сами братья мимо сестръ выпосажоныхъ маюць головщизны доходити, и естьли бы братья змерли, тогды и дочки выпосажоные мають головщизны искати, а естли бы сынове и дочки змерли, тогды близкіе доходити мають.

 

АРТЫКУЛЪ 26.

О звадахъ.

 

Если бы хто съ кимъ звадилъ, а въ оной звадЂ оба два се ранили, а одинъ бы съ тыхъ позванъ до права, а свЂдковъ бы межи собою не мЂли, хто бы мЂлъ межи ими розознати, а оба два се торгали ку присязЂ, а одинъ бы другому не допустилъ; тогды судъ мають жеребей искати и кинути, чій се жеребей наипервей выйметъ, тотъ маеть присегнути на ранахъ своихъ и на початку, ижъ онъ первей почалъ его бити и за онымъ початкомъ тая ся звада стала. А коли оный присягнетъ, тогды оиыи тому присяглому маеть за раны платити, якого жъ стану будеть. А гдЂ бы ся въ оиой звадЂ оба два се зъбили, а не было бы свЂдковъ на обЂ сторонЂ; ино потомкое або близкіе забитыхъ вжо головщизнъ собЂ искати не мають. А естли у въ одное стороны раны будуть, а зъ другое стороны забитый; тогды при ономъ забитомъ, близшій будеть доводъ чинити нижли при ранномъ, и кгды будеть правомъ поконанъ, маеть головщизну платити сто копъ грошей, и естли за шляхтича будеть платити головщизну, тогды тотъ маеть рокъ и шесть недЂль сЂдети, а за хлопа простого везенья не повиненъ терпЂти, только головщизну платити.

 

АРТЫКУЛЪ 27.

О звадЂ вечерней.

 

Тежъ коли бы при якой вечерней звадЂ хто кольвекъ свЂчу загасилъ, въ томъ кого съ тыхъ, которіе при той звадЂ были, ранено было не вЂдаючы отъ кого, и позвано бы до суду того, хто свЂчу загасилъ, менуючы такжо мене въ той звадЂ ранено, а не вЂдаю отъ кого за причиною твоею, и на то бы доводъ учинилъ, а естли бы и доводу не чинилъ, смЂлъ бы присегнути; тогды тотъ, хто свЂчу загасилъ, повиненъ ему раны платити такъ тежъ и головщизну. Въ такой пригодЂ хочемъ мЂти, абы сужоны яко вышей описано, а тотъ, заплативши вси раны або головщизну и заседЂвши головщизну и заседЂвши годъ и шесть недЂль, маеть собЂ винного искати. Тымъ же обычаемъ хто бы кого съ пригоды забилъ, а повЂдилъ, жемъ то не умыслнЂ учинилъ; тогды тотъ маеть вывестися людьми добрыми вЂры годными, которые при томъ были и то видЂли, ижъ съ пригоды се тое стало а не зъ умыслу; кгды то они сознають, предся будеть повиненъ на томъ присегнути, ижъ съ пригоды а не зъ умыслу а ни зъ вазни тое забійство учинилъ, а по присязЂ предсе головщизны повиненъ платити, естьли шляхтича забилъ рокъ и шесть недЂль седЂти.

 

АРТЫКУЛЪ 28.

Хто бы кого неумыслнЂ ранилъ, а до суду былъ позванъ.

 

Коли бы тежъ хто кого ранилъ, и его о рану позвалъ, а оный позваный бралъ бы се на одводъ; мы бачечи, ижъ нихто въ невинности своей терпЂти ранъ не маеть, сказуемъ ижъ тые раны жалобнику мають быти справованы по тому, яко вышей описано о звадахъ.

 

АРТЫКУЛЪ 29.

Слуга, который боронечи пана своего, коли бы кого забилъ або ранилъ.

 

Тежъ уставуемъ, ижъ коли бы у якой звадЂ слуга боронечы пана своего, кого забилъ або ранилъ; таковый отъ кождого права маеть быти воленъ, але сторона жалобливая будеть тыхъ ранъ и головщизну на пану его дохотити. Нижли естли бы чій слуга своволнЂ безъ расказанья пана своего передъ очима кого забилъ або ранилъ, хотя бы не былъ припоручонъ; маеть панъ его поймати и до везенья посадити, а кровнымъ забитого дати вЂдомость. И естли бы фолькгуючи служебникови своему поимати его не хотЂлъ, а онъ потомъ забивши втекъ; тогды тотъ панъ повиненъ будетъ сам головщизну платити, естли шляхтича забилъ, то рокъ и шесть недЂль седЂти маеть, а ранному, якого стану будеть, раны оправити, и по заплатЂ головщизны, первей нижли на седЂнье року и шести недЂль пойдетъ, маеть на томъ присегнути, ижъ безъ росказанья его и порады тая головщизна стала, а естли бы отприсегнутися не хотЂлъ, а пустилъ сторону жалобливую на себе присегнути, тогды маеть горломъ каранъ быти.

 

АРТЫКУЛЪ 30.

Естьли бы чій слуга, учинивши кому кгвалтъ домовый або головщизну, прочъ втекъ.

 

ГдЂ бы чій слуга учинилъ кому кгвалтъ домовый або головщизну втекъ, а въ его пана череъ сторону былъ застатъ, а приповЂданъ, а онъ черезъ туюжъ заповЂдь его упустилъ; тогды тотъ панъ, чій то слуга вчинилъ, самъ кгвалтъ головщизну и шкоду платити маеть, а собЂ на слузЂ искати, и заплативши маеть на томъ присегнути, ижъ тотъ слуга кромъ вЂдомости и позволенья его то учинилъ, а не естъ то через его умышленье при рукъ * выпущонъ, а гдЂ бы присегнути не хотЂлъ, тогды тотъ певне самъ панъ маеть быти каранъ горломъ, яко кгвалтовникъ и мужобойца. А естли бы тотъ слуга небылъ приповЂданъ; тогды панъ не повиненъ за его платити, одно се маеть отприсегнути, ижъ тотъ кгвалтъ безъ его позволенья и вЂдомости стался.

 

 

^* Трет. ред. Стат.: «съ прирукы».

 

АРТЫКУЛЪ 31.

О забитье человЂка перЂеждчого и безплеменнаго.

 

Уставуемъ, тежъ, естьли бы ся потрафило гдЂ жъ кольвекъ забитого человЂка перехождчаго або безплеменнаго, которого головщизны искати не будетъ кому; тогды скоро такового человЂка трупъ будеть знайденъ, того жъ часу врядъ того замку або двора нашого врядникъ маеть обослати всихъ мЂщанъ людей сельскихъ, такъ и подданыхъ нашихъ яко и шляхецскихъ, и опыт вчинити разъ або и два, а гдЂ бы се на такихъ двохъ копахъ о томъ забитью вывЂдатися не могли, тогды третюю копу присяжную маеть врядъ собрати, на которой повинни будуть вси тые, которые на той копЂ повинни се становити, присегнути на томъ, ижъ сами не суть причиною того забитья и о таковомъ мужобойцы не вЂдаютъ. А естли бы которыя съ тыхъ копниковъ на присяжной копЂ нестали, або хотя и ставши, присегою отвестися не хотЂли; тогды таковые будуть повинни головщизну сами платити, а собЂ винного искати, а тая головщизна маеть зостати при томъ врядЂ, въ которомъ тотъ трупъ налезенъ, а потомъ, кгды бы кровные оного забитого выналезлися, маеть тая головщизна онымъ кровнымъ отдана быти.

 

АРТЫКУЛЪ 32.

О промолчанье кгвалту або злодейства.

 

Уставуемъ, кгды бы хто кому кгвалтъ учинилъ або злодЂйство шкоду або якій грабежъ, а тотъ бы молчалъ отъ того часу, яко се то стало три годы, вжо о то будеть вЂчнЂ молчати.

 

АРТЫКУЛЪ 33.

Который злочинца будетъ на смерть сказанъ, а отъ того бы се откупилъ або отпрошонъ былъ.

 

Тежъ уставуемъ, естли бы хто о злодЂйство або о которое иное злочинство на каранье або на смерть врядомъ права посполитого всказанъ былъ, а въ томъ караньи горло свое пенязьми откупилъ, або от того каранья або отъ страченья горла черезъ пріятелей своихъ або гостей пословъ пановъ знакомитыхъ выпрохонъ былъ або выправенъ, або тежъ за злый свой учинокъ въ ката въ рукахъ былъ; таковый кождый безчести маеть быти, и промежку добрыми людьми рыцерскими не маеть большей привильевъ шляхецскихъ уживати.

 

АРТЫКУЛЪ 34.

Хто бы послЂ ранъ по пиромъ и по корчмомъ ходечи пилъ.

 

Уставуемъ, кгды бы который шляхтичъ битый або ранный послЂ ранъ Ђздилъ або ходилъ по калаціямъ, по торгохъ и по корчмахъ пилъ, на беседехъ седЂлъ, а потомъ отъ тыхъ ранъ умеръ; тогды тот, отъ кого тые раны або бой ему се сталъ, головщизны платити не повиненъ будеть, повиненъ только за раны досыть чинити его кровнымъ подле статуту.

 

АРТЫКУЛЪ 35.

Такъ званого гостя яко и незваного.

 

Хто бы тежъ въ домъ свой позвалъ до себе гостя на учту, и былъ такъ небачный а того гостя своего званого въ дому своемъ зелжилъ збилъ або зранилъ, а тотъ бы гость позвавши его до права то на него слушнымъ доводомъ перевелъ, таковый ображоную сторону съ права маеть навезати водле стану его и шкоду платити, на чомъ присягнетъ, а за таковый выступъ маеть седети въ замку нашомъ въ повЂтЂ тамошнемъ, гдЂ оселость маеть, дванадцать недЂль. А естьли бы тотъ гость званый доводу слушного не мЂлъ; тогды маеть того жъ часу скоро по зраненью оказати раны и шкоды свои людемъ стороннымъ околичнымъ суседомъ и обжаловати вряду, такъ тежъ раны оповЂдати и въ книги записати, а при том оповЂданью самъ маеть на ранахъ и на шкодахъ своихъ поприсегнути, а тотъ повиненъ будеть его навезати, седЂнье приняти, и шкоду платити водле того, яко вышей въ томъ артыкулЂ описано. Нижли естли бы гость званый въЂхавши въ чій домъ, былъ такъ вшетечный, господара домового такъ тежъ господыню або сына збилъ або зранилъ; тогды на такового гостя также слушнымъ доводомъ у права маеть довести, а гдЂ бы доводу не мЂлъ, тогды также оповЂдати людемъ стороннимъ и ожаловати, а при оном оповЂданью так стороннимъ людемъ, яко и вряду маеть кождый зъ нихъ зъ особы своее, кого въ дому ранитъ, поприсегнути такъ на ранахъ яко и на шкодахъ. И кгды присягнеть таковый гость домовому господару або жонЂ и сыну, хто зъ нихъ раненъ будеть; ображоной сторонЂ маеть за раны навезати и шкоды, на чомъ присягнеть, платити, а на замку также седЂти дванадцать недЂль. А гдЂ бы се у звадЂ обадва ранили такъ господарь яко и гость, а доводу бы на то зъ обудву сторонъ не мЂли, а торгнули бы се обадва ку присязЂ; тогды жеребей кинути, и чій се жеребей напервей выйметъ, тотъ маетъ на ранахъ и на шкодахъ своихъ присегнути. А гдЂ бы гость въ домъ чій пріЂхавши незваный, а тотъ бы домовой господарь принялъ его въ домъ свой за гостя, и што бы се подъ тымъ же обычаемъ потрафило на обЂ стороне; такъ гостю яко и домовому пану тое жъ право на обЂд†стороне, яко вышей въ томъ артыкулЂ описано.