Курстық жұмысқа қойылатын негізгі талаптар

 

- тандалған тақырыптың өзектілігі;

- жұмыстың жоғары теориялық деңгейі;

- аргумент ұсынудың логикалығы мен сенімділігі;

- сөйлемдердің нақтылығы мен толықтылығы;

- зерттеуге негіз болған жағдайлар мен мәліметтердің шынайылығы;

- жұмыстың мәтінін рәсімдеудің ұқыптылығы мен сауаттылығы;

- нәтижелердің тәжірибелік маңыздылығы, қорытындылар мен ұсыныстардың негіздемесінің болуы.

Курстық жұмысты орындаушы студент оған қойылатын талаптарды білу қажет:

- Зерттелген тақырып жалпы және дербес бөлімдерден жан-жақты, терең теориялық ашылуына басты назар аудару қажет.

- Курстық жұмысты әрбір тараудың негізгі мәселесінің мән- мағынасын анықтаудан және баяндаудан бастау керек.

Мән –мағынаны баяндау дәлелді, ғылыми негізделген және түсінікті болуы тиіс.

Теориялық жағдайлар және қорытындыларда шынайы нақты материалдарға сүйену, ал фактілер мен үлгілер кездейсоқ емес, әдеттегі болу керек.

Жазбаша түрде материалды сауатты түрде баяндау - курстық жұмысты орындау мен білімді қалыптастырудағы маңызды кезең. Өзіндік ақпарат жинау тәсілдерін игергеннен кейін студент біліміне өзіндік бақылау ұйымдастыру қажет, яғни таңдаған тақырыптың жоспарының мәселелерін логикалық жүйелі түрде ашу керек.

Өзіндік шығармашылық сипатта баяндау қажет дегеніміз - студент жоспарының әрбір мәселесін өзі ойлаған схемаға сәйкес, цитаталарды дұрыс қолданып, оларды түсініктеме және мәтінде шамадан тыс асырмай, бір- бірімен логикалық байланысы жоқ үзінділер келтірмеуге және талдаған теориялық жағдайларды практиалық қызметпен байланыстыруға тиісті. Курстық жұмыс жақсы әдеби тілмен жазылу қажет. Баяндау стилі, тіл, қысқа сөйлем құрастыра білу, өз пікірін түсінікті түрде жеткізе білу маңызды роль атқарады.

Терминдер, шартты белгілер мен қысқартудың жалпы орныққан белгілерін қолдану қажет.

Курстық жұмыстарды орындау келесі кезеңдерге бөлінеді:

а. тақырып таңдау

ә. әдебиет жинақтау және оны зерттеу

б. нақты материалды жинау және өңдеу

в. жұмысты жазу

г. курс жұмысын рәсімдеу

д. курс жұмысын қорғау

Кафедра тақырып тізімін құрастырғанда, оның оқу әдебиетімен сәйкес келуін қадағалайды, студентті жұмыстың мағынасын ашуда, методологиясын анықтауда өзіндік жұмысқа бағыттау қажет.

Тақырып тізімін дайындауда, оқу тобында бір тақырыпты тек қана бір студент орындауын ескеру қажет.

Тақырып таңдағаннан кейін студент каталог бойынша әдебиеттер тізімін дайындап, оны оқуы қажет. Ол жұмысты кафедра ұсынған осы пәннің жұмыс бағдарламасында және дәріс сабағында көрсетілген әдебиетті зерттеуден бастауы керек.

Мерзімді баспа материалын оқуда соңғы жылдары жарық көрген және курстық жұмыс мәселелерін толығырақ ашатын еңбектерден бастау дұрыс, ал кейін алдыңғы басылымдарға өту қажет.

Әдебиетті жинап, оқып болғаннан кейін студент курстық жұмыстың жоспарын дайындайды. Жоспар жұмыстың негізгі мәселелерін толық ашу керек, курстық жұмыстың құрылымына сай болуы керек. Жоспар құрылғаннан кейін, оны жетекшісімен бірлесе отырып бекітуі қажет.