Тақырып. Саясат әлеуметтануы1. Саясат әлеуметтануының мәні,заңдары, категориялары 2. Саяси қатынастар,мүдделер, процестер мен институттар 3. Қоғамның саяси жүйесі және саяси сана Әлеуметтанудың бұл саласы қоғамның өмір сүруі мен дамуында өзінің мазмұны жағынан аса бай және өте маңызды саналатын қоғамның саяси өмірін танып білуге бағытталған. Саясат әлеуметтануы - әлеуметтану ғылымының бір саласы. Оның өз алдына жеке ғылым саласы болып бөлінуі ХХ ғасырдың 20-жылдарында Батыс әлеуметтануында басталды. Саясат әлеуметтануының өз алдына ұғымдары, заңдары т.б. ғылым ретіндегі белгілері қалыптасты. Саясаттың ортақ мәселесі таптар, өзге де әлеуметтік топтар мен ұлттық қауымдастықтар, сондай-ақ саяси билікке қатысты мемлекеттер арасындағы қатынастар болып табылады. Саясат әлеуметтануы әлеуметтік саяси қатынастарға, санаға, мәдениетке, қызмет-әрекетке, олардың өмір сүруі мен өзгеруінің заңдарына байланысты бүкіл проблемалардың жиынтығын тереңдете зерттейді. Қоғам өмірінің барлық саласындағы саяси қызмет пен саясатқа талдау жасауға баса назар аударады. Қоғамның саяси жүйесі мекемелер мен ұйымдардың жиынтығы болып табылады. Өйткені олардың қызметі белгілі бір таптардың, басқа да әлеуметтік топтардың, сондай-ақ ұлттық қауымдастықтардың саяси мүдделерін іс жүзінде асыруға бағытталған. Бұл мекемелер мен ұйымдар азды-көпті біртұтас саяси жүйе құрып, өзара байланысқан және өзара әрекет етеді. Мемлекеттің саяси жүесінің белгілері: Биліктің пайда болуы; 1. Халықтың аумақтық бөлінуі; 2. Өнімді еңбекпен айналыспайтын,басқаруды кәсіпке айналдырған адам топтары қалыптасыты,яғни мемлекеттік аппарат пайда болды; 3. Әр түрлі салықтар шықты. Функциялары: 1. Қоғамда қайсыбір әлеуметтік-таптық күштердің үстемдігін қамтамасыз ету; 2. Сыртқы жаулардан елді қорғау; 3. Елдің экономикасының дамуына қандай да болсын ықпал жасау; 4. Рухани мәдениет пен идеологияны дамыту; 5. Өзге елдермен сыртқы байланыстар орнату.
|
