Студопедия — РОЗДЂЛЪ ПЕРВЫЙ О ПЕРСОНЂ ГОСПОДАРСКОЙ
Студопедия Главная Случайная страница Обратная связь

Разделы: Автомобили Астрономия Биология География Дом и сад Другие языки Другое Информатика История Культура Литература Логика Математика Медицина Металлургия Механика Образование Охрана труда Педагогика Политика Право Психология Религия Риторика Социология Спорт Строительство Технология Туризм Физика Философия Финансы Химия Черчение Экология Экономика Электроника

РОЗДЂЛЪ ПЕРВЫЙ О ПЕРСОНЂ ГОСПОДАРСКОЙ






 

 

АРТЫКУЛЪ 1.

Вси обыватели Великого Князства Литовского оунымъ правомъ писанымъ и отъ насъ данымъ сужоны быти маютъ.

 

Напередъ мы Господаръ обЂцуемъ и шлюбуемъ подъ тоюжъ прысегою, которую учинили есьмо всимъ обывателем всихъ земль того панства нашого Великого Князства Литовского, ижъ всихъ княжатъ, пановъ радъ духовныхъ и свЂцкихъ, панов хоруговныхъ, шляхту, мЂста и всихъ подданыхъ нашихъ и всихъ становъ въ томъ панст†нашомъ Великомъ Князст†Литовскомъ, также и земль Русскихъ Кіевское, Жомоитское, Волынское, Подляшское и иныхъ земль прислухаючыхъ къ тому панству нашому, почоншы отъ вышнего стану ажъ и до нижнего, тыми одными правы писаными отъ насъ даными судити исправовати.

 

 

АРТЫКУЛЪ 2.

Мы Господаръ обЂцуемъ и шлюбуемъ никого не карати на заочное по данье, хотя 6ы се дотыкало и о ображенье маестату нашого господарского; и хто тежъ што на кого велъ, а не довелъ, тымъ самъ маетъ каранъ быти.

 

Тежъ предъречонымъ прелатомъ княжатомъ, понятомъ, паномъ, радамъ духовнымъ и свЂцкимъ, паномъ хоруговнымъ шляхтамъ и мЂстамъ земли Великого Князства Литовского, Руское, Кіевское, Жомоитское, Волынское, Подляшское, Смоленьское, Полоцкое, Витебское, Мстиславское и иныхъ земль Великого Князства Литовского, обЂцуемъ словомъ нашимъ господарскимъ, ижъ надъ жадного человЂка выданье албо осоченье явное таемное и подозрЂнье тыхъ становъ вышеймененыхъ карати не хочемъ ани винити которою кольвекъ виною пенежною, кривавою, везеньемъ, або достоенствъ врядовъ або имЂнья отнятьемъ; нижли ажъ бы первей у суду явным рядомъ и поступомъ права, коли жалобник то есть поводъ и отпоръ обжалованый очивистЂ станутъ, и достаточнЂ на конецъ будутъ поконаны, которые по судЂ и таковомъ поконанью винни, мають быти караны виною у артыкулехъ нижей описаныхъ меновите назначоною. А хто бы тежъ кого колвекъ, обмовляючи вчинилъ къ соромотЂ и зелживости, а шло бы о честь або о горло або о которое кольвекъ скаранье; тогды тоть, хто на кого мовитъ и ведетъ, а не доведетъ, тымъ караньемъ самъ маетъ быти каранъ.

 

АРТЫКУЛЪ 3.

О ображенье маестату господарского.

 

О ображенье маестату господарского такъ се разумЂетъ, колибы хто змову албо спикненье албо бунтъ учинилъ на здоровье наше господарское, хотя бы панъ Богъ уховалъ, ижъ бы оная змова не была учынкомъ пополнена; таковый за слушнымъ доводомъ, якъ о томъ нижой описано, честь и горло и имЂнье стратитъ. Тежъ кгды маестатъ нашъ ображонъ бываетъ съ тое причыны, кгды бы хто бунтовалъ покой посполитый врушаючы противъ насъ Господара ку шкодЂ и Речы Посполитое, и мынцу безъ воли нашое билъ явне; а чого Боже уховай на насъ смерти, такъ тежъ и на потомки наши Великіе Князи Литовскіе, по зешстяхъ ихъ хотечы хто осЂсти и опоновати тое панство Великое Князство и Господаремъ быти на немъ, войско людъ служебный сбиралъ и выводилъ; хто бы тежъ зъ непріятелми порозумЂнье мЂлъ, листы до нихъ або послы противъ намъ Господарю и Речы Посполитое або остерегаючы слалъ, тымъ непріятелемъ якуюжъ кольвекъ помочъ давалъ, хотя бы тежъ замокъ нашъ непріятелеви подалъ; хто бы тежъ люди непрыятельскіе въ панство наше Великое Князство Литовское зрадливе привелъ, а то бы на него слушнЂ и справедли†было переведено такимъ же доводомъ, яко нижей описано: таковый с права зъ розсудку нашого съ паны радами нашими Великого Князства Литовского честь горло тратить, и таковаго зрадцы дЂти сынове за таковый выступокъ отца своего безецными будутъ, а имЂнья того зрадцы отчызные выслужоные которымъ кольвекъ обычаемъ набытые мимо дъти и близкіе на насъ Господаря приходять. ВЂдьжо жоны таковыхъ здрайцъ которіе не будуть ли вЂдали тое здрады мужовъ своихъ, а съ того се выведутъ пресегами своими, таковые имЂней своихъ отчызныхъ и матерыстыхъ и вена предъ учынкомъ тое зрады имъ отъ мужей ихъ описаного не тратятъ * але до имЂней отчызныхъ не прійдутъ, хиба по смерти матокъ своихъ только до четвертое части имЂней матерыстыхъ пріходити будуть.

 

АРТЫКУЛЪ 4.

О ображенье маестату господарского.

 

Тежъ коли бы хто якого кольвекъ стану былъ найденъ явно подойзреный, ижъ маестатъ нашъ господарскій образилъ, таковому жаденъ привилей ани зацность ани достоенство не маеть помагати ани се имъ щытити можеть, абы се не мЂлъ справовати, и гдЂ будеть правомъ поконанъ, абы не мЂлъ каранъ быти. А хто бы въ часъ ** милуючы пана Бога и пана своего и Речъ Посполитую справедли†перестерегъ або объявилъ, повышенья годенъ будеть. А за обмовенье славною о парсунЂ нашой господарской за доводомъ слушнымъ справа и суду маемъ карати ведлЂ важности выступу и словъ, вЂдже ласкою нашою господарскою, а честью и горломъ ани имЂнья отнятьемъ за то карати не будемъ; вЂдже въ томъ выступЂ коло ображеня маестату нашого господарского, гдЂ кому идеть о честь и о горло, таковыхъ шляхту подданныхъ нашихъ нигдЂ индЂй, одно у здЂшнемъ панст†нашомъ Великомъ Князст†Литовскомъ на соймЂхъ валныхъ тутошнего панства, мы Господаръ съ паны рады нашими судити водлЂ выступку ихъ тымъ каранемъ, яко вышей описано, карати маемъ.

 

 

* ЗдЂсь вЂроятно пропущенъ: А дочки тыхъ ачь колвекъ почтивости своее нетратятъ.

** Въ третьей редак. статута прибавлено: «передъ учинкомъ».

 

 

АРТЫКУЛЪ 5.

О ображенье маестату господарского такій доводъ, а не инакший маеть быти.

 

Яко въ кождомъ учынку, за которій гордомъ карають, потреба доводовъ явныхъ и ясныхъ, такъ во ображенью маестату нашого неледа за осоченемъ або вымовеньемъ маемъ се на подданныхъ нашихъ сквапляти; але хто на кого ображене маестату ведеть, маетъ довести свЂдецтвомъ вЂры годными и неподойзреными людми шляхтою и ихъ своею присегою. А если бы хто кого обмовилъ въ томъ учынку, а звлаща ижъ бы на него менилъ, же памъ Господару на здоровье стоялъ або Речъ Посполитую зрадити и ку прудкому упадку привести хотЂлъ, и на тое се важилъ и готовалъ; такій повЂдачъ, если бы такимъ же яснымъ свЂдЂцтвомъ не довелъ, самъ отсуженемъ почтивости и горломъ маеть быти каранъ.

 

АРТЫКУЛЪ 6.

Хтобы колвекъ съ панства нашого до земли непріятельское утекъ.

 

Тежъ уставуемъ, хтобы кольвекъ съ подданныхъ нашихъ съ панства нашого утекъ до земли непріятельское умысломъ злымъ на зраду ку шкодЂ намъ Господарю и Речы Посполитой, такій честь тратитъ; а если бы поиманъ былъ, тогды и горломъ маеть быти каранъ. А дЂти ачъ колвекъ для того выступку отца своего почтивости свое не тратятъ, але имЂнья вси отцовскіе тратятъ, нижъ бы што мЂли власного набытья своего, або передъ тымъ учынкомъ отца своего отдЂлены были, тогды при томъ застати мають. Такимъ же обычаемъ и жоны если будуть не вЂдали здрады мужовъ своихъ, таковые въ томъ будуть захованы, яко въ третемъ артыкулЂ сего роздЂлу о такихъ есть описано.

 

АРТЫКУЛЪ 7.

Хто 6ы съ пригоды до земли сусЂдъ нашихъ втекъ.

 

Уставуемъ тежъ, если бы хто зъ якое пригоды припалое кромъ ображенья маестату нашого и Речы Посполитое зъЂхалъ до земли якого сусЂда нашого, выймуючы земли Московскіе; таковый почтивости, горла и имЂнья не тратить, одно маеть справоватися тому отъ кого будеть обвиненъ и ласки нашое господарское перенайдовати за кглейтомъ нашимъ, а тотъ кглейтъ нашъ на врадехъ, и ввездЂ гдЂ ся оборочати будеть, а особливе по мЂстомъ торгомъ и при костелехъ, маеть давати обволывати и прибиваньемъ цедулъ ознаймованьемъ и рокъ выйстя кгдейту оповЂдати, а то для того абы собЂ лЂпшую безпечность мЂти могъ. А если 6ы въ томъ часЂ не переправилъ собЂ ласки нашое господарское и тому кому завинилъ не справилсе; тогды мають такового за се изъ границъ панства нашаго за кглейтомъ нашимъ пропустити, лечъ не до земли непріятельское, и то мають чынити передъ выйстемъ кглейту, а намъ Господарю волно будеть кглейтомъ далшимъ водлЂ воли и зданья нашого господарского.

 

АРТЫКУЛЪ 8.

О зкгвалцене и зламане кглейту.

 

Тежъ уставуемъ, если бы мы Господаръ кглейтомъ своимъ кого убезпечили, а тотъ бы кглейтъ яснЂ и значнЂ былъ обволанъ, за которымъ 6ы онъ обвиненный на справу до насъ пріЂхалъ; и хто бы такового подъ тымъ часомъ ранилъ або забилъ безъ его початку и причины, таковый самъ маеть быти горломъ каранъ, яко тотъ которій кглейтъ нашъ господарскій зкгвалтилъ. Тымъ жо обычаемъ хтобы зъ кглейтомъ пріЂхавшы, а самъ неспокойнЂ и нескромнЂ се заховалъ, и кого ранилъ або забилъ и якій кольвекъ кгвалтъ учинилъ; тотъ самъ собЂ кглейтъ зламалъ и горло тратитъ.

 

АРТЫКУЛЪ 9.

О мондатЂхъ, въ которыхъ мають быти мандаты съ канцеляреи нашое даваны.

 

Напервей мандаты мають быти даваны о ображенье маестату нашого господарского; тежъ хто бы при дворЂ нашомъ господарскомъ кого забившы або кгвалтъ якій учынившы утекъ; хто бы тежъ покой посполитый взрушилъ, яко естъ вышей о ображенье маестату нашого господарского вышей и шырей описано; хто бы на имЂнью своемъ новое мыто вымышлялъ, або тежъ мытникъ нашъ господарскій и тежъ хто съ подданныхъ нашихъ маючи стародавные або отъ насъ даное мыто на имЂнью своемъ або въ держа†своей надъ уставу такъ тежъ и отъ подданныхъ шляхецкихъ што бралъ; такъ тежъ листы и мандаты мають быти даваны въ речахъ и въ пожиткахъ столу и скарбу нашого господарского належачихъ и о иншые нЂкоторые речи. Кромъ вышей мененыхъ артыкуловъ мандаты никому съ канцеляреи нашое не мають быть даваны; а если 6ы были даваны, тогды сторона оную * речъ, кромъ тыхъ мандатовъ нашихъ, будучы позвана и ставши очевисто неповинна будеть отказовати, а за мандатомъ нашимъ маеть зложонъ рокъ завитый.

 

 

* Въ третьей редак. статут. стоитъ: «о иншую».

 

 

АРТЫКУЛЪ 10.

Хто 6ы кому имЂнье заставилъ а продалъ первей, нижли зъ земли утекъ.

 

Тежъ если 6ы хто которій человЂкъ, передъ тымъ нижли утечеть до земли непріятельское, будучы еще въ панст†нашомъ, продалъ або запродалъ имЂнье якое або люди або землю кому, а будетъ ли онъ тое рады его не вЂдалъ, и на то право поднесеть и окажетъ на то листы и держанья своего доведетъ; тогда маеть онъ тое купленое або закупленное имЂнье спокойнЂ держать, а пакъ ли 6ы не хотЂлъ присегати, тогды тое купленое або закупленное имЂнье тратитъ.

 

АРТЫКУЛЪ 11.

Если 6ы отецъ отъ дЂтеи втекъ до земли непріятельское, такъ тежъ который ближшый.

 

Тежъ уставуемъ, если бы отецъ отъ дЂтей утекъ до земли непріятеля нашего Московского и до иншыхъ земль непріятель нашихъ, а дЂти бы на имЂньи зоставилъ по себЂ; тогды имЂнья его на насъ Господаря спадывають, бо за выступъ отца ихъ власного вже сутъ отдалены отъ имЂней. ВЂдьже которій 6ы сынъ былъ дЂлный отъ отца своего и первей тое части своее въ держанью былъ, нижли утекъ отецъ его, и мЂшкалъ бы на томъ кромъ отца своего не у въ одномъ мЂстцу зъ нимъ, а не за однымъ плотомъ *, а тое рады и учынку отца своего не вЂдалъ, а не былъ подойзреный и вывелся того присегою своею; таковые тогды сыны и дочки отъ почтивости своее отъ части имЂнья своего не одпадываютъ. А если бы которій прирожоный братъ або дЂвка ** або который будь зъ роду утекъ до земли того непріятеля нашого Московского и до земль непріятельскихъ поганскихъ; тогды дЂлница, то есть часть невыдЂлена не будеть выдЂлена была, будь не выдЂлена ***, спадываетъ на насъ Господаря, и ближній жаденъ не будетъ ку тому и не маеть мЂти ничого; а вЂдьже то братьи и близкимъ яко въ почтивости такъ и частемъ имЂньямъ ихъ шкодити не маеть. А хтобы такового здрайцу утекаючого забилъ, або живого до насъ и до вряду нашого привелъ, и то на его слушнымъ доводомъ перевелъ; такового почтивости то шкодити не маеть, але еще за то будетъ годенъ ласки нашого господарское, а если бы не довелъ, тогды самъ маеть быть каранъ, яко вышей описано.

 

 

* Въ третьей редак. Стат. стоитъ: «и не въ одномъ дому».

** Тамъ же стоитъ: «дядЂко».

*** Тамъ же: «будетъ ли выдЂлена была, альбо невыдЂлена».

 

 

АРТЫКУЛЪ 12.

Хто 6ы листы або печати наши фалшовалъ, чымъ маеть быти каранъ.

 

Коли бы хто листы або печати наши фалшовалъ, або на кшталтъ руки нашое также съ канцлярейныхъ писаровъ нашихъ того панства подписовалъ, або хтобы тежъ печати наши соберывъ и въ себе ховалъ и ихъ ужывалъ; таковый за оказаньемъ слушнымъ явностью певною и доводомъ слушнымъ ничимъ инымъ толко огнемъ каранъ быти маеть. Ку тому если бы тежъ хто печати и выписы врадовые переправовалъ, тестаменты на заставу фалшовалъ, або одбираючи печати отъ листовъ къ другимъ прикладалъ ку поиочы и ку пожытку собЂ а ку шкодЂ стороны своее противное, а то бы се на праве нашло и оказало; тотъ тую речъ, о што тые листы идуть и о што за ними право ведетъ, тратитъ и горломъ каранъ предсе маеть быти. А хтобы листы фалшывые на якую речъ набытую показалъ, которіе бы по чіей смерти зъ имЂньемъ або съ чимъ кольвекъ до рукъ его пришли, за кими листы чого вжывалъ тотъ ближшый *; на томъ присегнути, ижъ такіе листы по смерти тыхъ, отъ которихъ се ему достали зъ имЂньемъ або которою кольвекъ речъю, и за тымъ тое стороны почтивости и горлу шкодити не будетъ, а о тую речъ, о што право идетъ, предся мовити можеть и правомъ поступовати и ку листомъ мовити, если противъ праву але недотливе **.

 

 

* Въ третьей редак. статута: «и за такими листы чого вживалъ, або ещо доискивалъ се, тотъ близшій присягнути».

** Въ третьей редак. статута: «недоткливе».

 

 

АРТЫКУЛЪ 13.

О фалшованью монеты о мындзехъ и о золоторехъ.

 

Тежъ хтобы монету нашу фальшовалъ и безъ воли нашое переправовалъ и обрЂзовалъ, такъ тежъ мындзаре наши, которіе золото и серебро и иншую речъ матереи *** належачую и прислухаючую мындзЂ фалшовали бы зливали и мЂшали ку пожитку своему а ку шкодЂ Речи Посполитое, а то бы на нихъ досвЂдчано; тые мають огнемъ караны безъ иилосердья. Потомужъ золотари, которіе золото серебро фалшують и межи того мЂшають медь цынъ або олово, и въ томъ 6ы были дознали; тогды сами мають огнемъ быти караны, а ихъ маетность тому, кому шкоду учинили, маеть быть плачоно. ВЂдьже работа тая и матерея, безъ которое бы тое ремесло ихъ справовано быти не могло подлЂ звыклости ее, то фалшемъ розумено быти не маеть.

 

 

*** Въ третьей редак. Стат.: «матерею».

 

 

АРТЫКУЛЪ 14.

Не маеть никто ни за чій кольвекъ учинокъ терпЂти только кождый самъ за себе.

 

Тежъ уставуемъ, ижъ нихто ни за чій кольвекъ учинокъ не маеть каранъ и сказанъ быти, толко которимъ виненъ, кгдыжъ того право божое и справедливость хрестіянская учыть, якожъ такъ хочемъ мЂти: абы ани отецъ за сына ани сынъ за отца, кромъ ображенья маестату нашого, яко вышеи около того естъ описано, ани жона за мужа, ани мужъ за жону, такъ тежъ братъ за брата, и жадный прирожоный, и слуга за пана, панъ за слугу, нихто ни за чій выступъ учынокъ, толко кождый самъ за свой выступъ маетъ терпЂти и каранъ быти.

 

 

АРТЫКУЛЪ 15.

Хтобы много за мало упросилъ а безъ данины побралъ.

 

Тежъ хто много за мало упросилъ, а то 6ы на него устнЂ и съ права было переведено, вышей нижли просилъ, таковый тую выслугу свою отъ насъ даную тратитъ. А хотя бы и добрЂ упросилъ, а безъ данины нашое што и къ той выслугЂ своей взялъ и къ тому привернулъ; предъся тую выслугу и забранье тратитъ и спадываетъ то за се на насъ Господаря. А хто ку отчызному своему имЂнью взялъ чоловЂка, або и десети, або колко колвекъ и съ землями, або земли пустое; тогды маеть кождого чоловЂка, колко будетъ взялъ, своими отзычнами навезати зъ земли, або кождую землю землею, а вЂдже не не на голую повЂсть и обмову, але за огледаньемъ и вывЂданьемъ слушнымъ и справедливымъ правнымъ поступкомъ и доводомъ черезъ людей цнотливыхъ и вЂры годныхъ комисаровъ тубулцовъ. Ровностью права однакими доводами вдаючы се * въ ровное право и зъ шляхтою, яко о томъ нижей написано.

 

 

* Въ третьей редакціи статута прибавлено: «Мы Господаръ въ такой рЂчи о кгрунтъ земленый».

 

 

АРТЫКУЛЪ 16.

О речъ земленую, межы имЂньями нашими князскими панскими шляхецкими, мы Господаръ однымъ тымъ правомъ судитисе маемъ.

 

Тежъ мы Господаръ обЂцуемъ и хочемъ, абы тое черезъ насъ и потомковъ нашихъ споры розница межи кгрунтами нашими шляхецкими вЂчно было держано, гдЂжъ бы се трафило въ имЂньяхъ нашихъ споры розница межи кгрунтами нашими * шляхецкими и межы тыми имЂньями, которые вышли зъ данины нашое, ижъ въ той речы земляной маемъ мы и потомкн наши Великіе Киязи Литовскіе тымъ же однымъ правомъ яко и подданные наши Великого Князьства судитися а не иначей, чій доводъ будеть слушнЂйшій водлЂ права, тотъ ку доводу маеть быти припущонъ.

 

 

* Въ третьей ред. стат.: «и тежъ межи кгрунтами костельними подаванья нашого, а также межи кгрунтами нашими и».

 

 

АРТЫКУЛЪ 17.

Вси въ томъ панст†нашомъ великомъ Князст†Литовскомъ однымъ тымъ правомъ сужоны быти мають.

 

Уставуемъ тежъ и вЂчиЂ а неотмЂннЂ мЂти хочемъ, абы всЂ подданные наши всЂхъ становъ, такъ богатого яко и вбогого, почоншы отъ княжатъ пановъ радъ духовныхъ и свЂцкихъ пановъ хоруговныхъ и шляхты, ажъ до нижшого стану, однымъ тымъ правомъ отъ насъ данымъ были сужоны; и всякіе речы, почоншы оть почтивости горла достоенствъ маетности имЂней всякихъ справъ земленыхъ лежачыхъ рухомыхъ, ажъ до наименшое речы, а не инакшымъ правомъ але тымъ статутомъ отъ насъ данымъ мають быть сужоны. Также и чужоземцы и заграничники Великого Князства приЂждчые и якимъ кольвекъ обычаемъ прибылые люди тымъ же правомъ же мають быть сужоны и иа такихъ врядехъ, гдЂ выступить.

 

АРТЫКУЛЪ 18.

О листЂяхъ заповЂдныхъ, ижъ не мають быти съ канцляреи нашое выдаваны.

 

Тежъ уставуемъ, ижъ листовъ нашихъ заповЂдныхъ на продлуженье справедливости людское, яко кольвекъ повстегаючы або задержываючы, отъ сихъ часовъ на потомъ до всякихъ судовъ мы сами и потомки наши Великіе Князи Литовскіе давати не будемъ, окромъ трохъ члонковъ: первое если бы хто о Речъ Посполитую въ непріятелей нашихъ у везенью былъ; другое коли бы хто на службЂ нашой и Речи Посполитое въ посельст†до земль чужыхъ або заграничье панствъ нашихъ, гдЂ ся будетъ дотыкало Речы Посполитое, и въ иншихъ речахъ господарскихъ властныхъ посланъ, и къ тому особливе въ потребахъ якихъ кольвекъ водлЂ часу припалыхъ потребы отправуючы ими ся забавилъ, въ таковыхъ речахъ и справахъ не только листы наши господарскіе але и пановъ радъ нашихъ ити могуть и мЂстце у пра†мЂти будуть; третее коли 6ы хто правдиве немоцонъ былъ, тогды толко которій не сталъ, маеть на другомъ року присегнути, ижъ правдиве немоцонъ былъ. А у въ иншихъ речахъ кромЂ тыхъ члонковъ хотя бы и выданы кому были; тогды врадники наши то есть судъ замковый земскій и мЂскій, таковыхъ листовъ заповЂдныхъ ку кривдЂ одное стороны одержаныхъ неповиины пріймовати ани ихъ послушни быти.

 

АРТЫКУЛЪ 19.

Листы отвороные мають быти кождому ворочаны.

 

Тежъ хтобы листы наши отвороные въ жалобЂ своей до кого принесъ, будь до князя, або до пана, або до державецъ, або земенинъ до земенина, а хто 6ы колвекъ зъ нихъ оный листъ отворенный прочетши у себе держалъ и копею зъ него знявшы подъ печатью вознаго оному не хотЂлъ вернути до трехъ дней; тогды таковый за противность свою намъ Господару у вину упадываетъ у дванадцать рублей грошей, а сторонЂ такожъ маеть заплатити. А вЂдьже листы отвороные мають обычаемъ слушнымъ даваны быти черезъ возного и предъ людми сторонными шляхтою.

 

АРТЫКУЛЪ 20.

О битью посланца нашого господарского, и тежъ посланцовъ отъ пановъ радъ нашихъ при листехъ нашихъ господарскихъ и пановъ радъ и старостъ нашихъ судовыхъ и суду земского.

 

Уставуемъ, хто 6ы посланца нашого господарского, и тежъ посланцовъ пановъ радъ нашихъ, за листы нашими и за листы пановъ радъ нашихъ и старостъ судовыхъ и суду земского, збилъ и листовъ не учтилъ, або листы подралъ ку зелжывости нашой и радъ нашихъ; тотъ маеть за слушнымъ доводомъ, если на него очевисто переведутъ дванадцать недЂль на замку нашомъ сЂдЂти, а дворанина совито, навезать водлугъ стану его. А дворанинъ кгды листы подавать маеть, маетъ меть при собЂ сторону, то есть двохъ шляхтичовъ для доводу. Такъ тежъ и сторону, которыхъ будетъ мЂти при собЂ дворанинъ, если бы хто забилъ або якую легкость учынилъ, маеть совито водлугъ стану ихъ навезати. За листы и въ справахъ урядовне посланые Ђздячы иають скромнЂ и учтиве се заховать, и жадное прычыны ку имЂнью и зелженью своему не давать и ничого неслушнаго не почынать, одно то справовати, што вряду его наледыть и съ чымъ пріЂхалъ.

 

АРТЫКУЛЪ 21.

О листЂхъ заручныхъ.

 

Тежъ абЂцуемъ и маемъ давати о безпечность здоровья подданыхъ нашихъ шляхту, за похвалками и звазненьемъ чіимъ кольвекъ противко ихъ кождого, зъ великихъ кровныхъ ажъ до нижныхъ становъ, съ канцляреи нашое листы заручные, и заклады на нихъ казати описовати пять сотъ копъ грошей наименшей, а болшей д†тысечы копъ грошей, а над то вышейописаные заклады никому такъ съ болшихъ яко и зъ меншихъ становъ шляхецскаго народу даваиы быти не мають. А того канцлярейные писары наши господарскіе земскіе Великаго Князства Литовскаго догледати и вважати (sic) мають, кому пять сотъ копъ грошей а кому д†тысечи копъ грошей въ листЂхъ заклады описованы и даваны быти мають. А хто бы за похвалкою або звазньемъ своимъ обнесенъ будучы урядовне листомъ нашимъ заручнымъ, а черезъ тотъ закладъ кого забилъ; тогды справа за слушнымъ доводомъ горломъ маеть быть каранъ, а закладъ на насъ Господаря до скарбу нашого земского Великаго Князства Литовскаго на ииЂнью его маеть быти с правлено. А еслибы не забилъ, толко ранилъ або збилъ; тогды с права также за слушнымъ доводомъ заруку намъ Господарю маеть платити, а тому битому маеть быть справлено навезка совита водлЂ стану его. А хто бы заруку выневшы, сторону противную, на которую заруку взялъ, самого его забилъ або билъ або ранилъ; тотъ самъ таковою жъ виною маеть быть каранъ. А мы Господаръ не маемъ таковыхъ закладовъ никому отпущати, але кажемъ брати до скарбу нашого земского Великого Князства Литовского; а въ небытности нашой въ здЂшн емъ панст†воеводове старосты державцы судовые, гдЂ книги лежать, будуть мочы листы заручные подъ печатми своими шляхтЂ давати, уважаючы кому якій съ тыхъ двухъ сумъ закладъ маеть быти даванъ.

 

АРТЫКУЛЪ 22.

О отповЂдникахъ неосЂлыхъ.

 

Тежъ уставуемъ, если бы хто кольвекъ неосЂлый, будь тубулецъ панства нашого Великаго Князства яко и чужоземецъ, кому тежъ колвекъ иншому отповЂдь обличнЂ або черезъ листы або тежъ заочнЂ учынилъ; таковый отповЂдникъ маеть быть поставленъ отъ насъ Господаря або отъ вряду замкового або и земского передъ правомъ, гдЂ бы колвекъ при которомъ врядЂ то се дЂяло, и если бы онъ тое отповЂди предъ врядомъ довелъ, тогды таковый отповЂдникъ неосЂлый маеть быти на замку нашомъ посажонъ, а сЂдЂти маеть дванадцать недЂль), не маеть быть съ того везенья пущонъ, ажъ первей себе рукоемствомъ увыйститъ, абы тотъ, противъ кого отповЂдь учинилъ, въ покою былъ.

 

АРТЫКУЛЪ 23.

О листЂхъ желЂзныхъ, кому мають быти даваны.

 

Тежъ уставуемъ, ижъ листы желЂзные съ канцляреи нашое не мають быть даваны тЂмъ, которые маетности своей на збыткохъ марнЂ тратили и за таковыми збыточными тратами въ долги попали, але тымъ маеть давати таковые листы, которые бы въ долги пришли и въ убозство попали зъ Божъего допущенья: то есть, если бы огнемъ погорЂли або маетности ихъ стонули, албо бы отъ разбою отъ непріятеля нашого забрани были, або хто бы тежъ для Речы Посполитое ку утратЂ у въ убозство пришолъ. А вЂджо далшого часу и волности не маеть тымъ узычати и давати толко въ наибольшой сумЂ и речы три годы, а въ томъ часЂ маеть се въ наибольшой речы и сумЂ тотъ о заплату старати. И людемъ простымъ купцомъ и жыдомъ противъ шляхты таковыхъ листовъ не маемъ держати, а вЂджо кому будь хотЂли такового листу желЂзного узычити, и то предсе не напротивъ шляхты; тогды съ канцляреи нашое тотъ маеть быть отосланъ до вряду его належачого, отколь есть. Передъ которимъ врядомъ хто таковаго листу желЂзнаго потребуеть, маеть рукоемство слушное поставити людей добрихъ осЂлыхъ и куститися ими и ихъ маетностями, ижъ не згинетъ въ тыхъ же лЂтехъ, яко на листехъ ему назначоно, а на остатный день выйстя року будуть повинны рукоимы оного на томъ же врядЂ поставить, а должники долговъ своихъ и оного истца въ того вряду упоминати и найдовати и доходити будуть; еслибы рукоимы не поставили и въ томъ се онымъ не всправедливили, тогды сами за листы або за доводомъ правнымъ тые долги повинны будутъ платити.

 

АРТЫКУЛЪ 24.

Кому 6ы шло о честь, якъ рыхло справедливость учынена быти маеть.

 

Тежъ обЂцуемъ и будемъ повинни каждому съ подданыхъ нашихъ, кому бы шло о честь прудкую а неодволочную справедливость учынити, а если бы на насъ Господаря зашли якіе трудности; тогды таковой спра†въ годы чотыри роки складаемъ. А гдЂ на першомъ второмъ або на третемъ року пред ся за недоспЂхомъ нашимъ не могли быхмо конца въ той речы учынить; и до того четвертого або розсудку нашого того оного обвиненаго почтивости шкодити не маеть. А хотя бы умеръ або забитъ былъ, не дождавшы оного розсудку нашого; тогды ему ани потомкомъ его почтивости шкодити не маеть. А приганенный службы нашое земское не маетъ се вымовляти, вЂдже четвертого остатнего року и войною се вымовляти не 6удеть мочы.

 

АРТЫКУЛЪ 25.

О мыттъхъ новыхъ.

 

Тежъ уставуемъ и приказуемъ, абы жаденъ человЂкъ въ томъ панст†нашомъ Великомъ Князст†Литовскомъ не смЂлъ новыхъ мытъ вымышляти ани встановляти ни на дорогахъ, ни на мЂстехъ, ани на гребляхъ, ани на рЂкахъ, ани въ торгахъ, ани въ мЂстечкахъ ни въ стодолахъ, або въ корчмахъ на гостинцахъ въ имЂньяхъ своихъ, кромЂ кол торые бы были зъ стародавна установлены, або мЂли бы на то листы продковъ нашихъ або наши. А хто 6ы кольвекъ смЂлъ мыто кромъ звычайнаго торгового установляти; тогды тое имЂнье, въ которомъ мыто кромъ торгового установилъ, тратить и спадываетъ на насъ Господаря. А которіе здавна и за привильями и листы нашими мыто и мостовое на имЂньяхъ своихъ на дорогахъ гати мосты гребли и ровы направовати мають, а хто бы гдЂ мостовъ гатей гребели направленыхъ не мЂлъ, а для того 6ы переЂздъ былъ трудный, а кому бы се на тыхъ мЂстцахъ шкода стала; тому тотъ же панъ, хто мыто беретъ, виненъ будеть шкоду оправити и зъ накладомъ, што ищути шкоды наложыть. А старостове державцы або мытники наши, еслибы такежъ беручы мыто дорогъ не поправовали на имЂньяхъ нашихъ; тогды шкоду и накладъ тому, што ищучи хто наложить, винны будуть платити. А которіе тежъ князи панове и земяне шляхта старіе дороги ставы своими затопятъ, або заорутъ, привлащаючи собЂ пожытки; таковые новые дороги мають быти погачоны и положоны не ку кривдЂ людемъ переЂждимъ, але што могутъ быть напростей и такъ, або были напровованы, жебы зъ возы тяжкими у вездЂ безпечный переЂздъ былъ. А къ тому иншые стародавные дороги на имЂньяхъ и на кгрунтехъ своихъ въ мЂстцахъ потребныхъ поправовати, мостъ мостити, гати гатити, тые которіе зъ стародавна людьми то робливали и впередъ будуть повины. А кгды бы на чыемъ имЂньи або на кгрунтЂ злый переЂздъ былъ, а шляхтичъ хотЂлъ бы его поправовати, а съ того себЂ за накладъ свой пожитокъ мЂти; тогды тотъ маеть до насъ Господаря утечы, а мы, довЂдавшыся того черезъ посланцовъ або старостъ нашихъ ку тому прилеглыхъ, маемъ ему дати и встановити отъ купцовъ и иншыхъ переЂжджыхъ людей мыто або платъ, водлЂ важности и наклады его и ласки нашое господарское. Такъ тежъ и мытники наши въ мЂстечкахъ и селахъ князскихъ, панскихъ, боярскихъ, гдЂ первей мыто не бирано, часу праздниковъ и сходовъ жадныхъ мытъ и торгового вымышляти и брати не мають * кгвалтъ и шкоду совито платити. А на рЂкахъ портовыхъ, и на которыхъ портъ можетъ быти, а гдЂ кольвекъ въ панст†нашомъ Великомъ КнязствЂ, жаденъ ставовъ новыхъ становити и гребли сыпати ку переказЂ порту и спусту не маеть мЂти. Такъ тежъ и Ђзы на рЂкахъ портовыхъ, гдЂ зъ стародавна бывали, хтобы ставилъ; тогды предсе маеть мЂстца заставляти такъ слушиЂ, абы Ђзомъ або тамованьемъ никому се шкода не стала. А таковыхъ речей воеводове, старостове, державцы наши кождый въ держа†своей мають досмотрЂти, а новыхъ мытъ абы на рЂкахъ портовыхъ и на ставехъ и на гребляхъ не было, также на Ђзохъ абы проходы были слушные безъ завады заставованы.

 

АРТЫКУЛЪ 26.

О неданье мыта шляхтЂ.

 

Тежъ зъ ласки и доброти нашое господарское княземъ, паномъ радамъ духовнымъ и свЂцскимъ, шляхтЂ въ томъ панст†нашомъ тую вольность на водахъ на дорогахъ, то естъ сухимъ путемъ и воднымъ, на торгохъ, на мостехъ, такъ по имЂньяхъ нашихъ ** спущати и продавати зъ ихъ власныхъ гуменъ, кождому его роботы правдивое збожье а не купленое, отъ того мыто не маеть быти давано; такъ тежъ и одъ подводъ шляхецскихъ, которіе зъ ихъ речми властнымъ збожьемъ а стацыями ходять отъ того всего мыто и мостовое брано быти не маеть. А если бы што купленого збожья и иншыхъ речей пры томъ мЂлъ; отъ того мыто маеть платити. А вЂдже сами особами своими, або гдЂ бы ихъ самихъ при томъ не было, тогды слуги ихъ або справцы отъ нихъ притомъ посланые вЂры годные на мытЂхъ нашихъ головныхъ мають присегнути, што естъ правдивое роботы его домовое а што тежъ прикупленое, а подводы мають безъ присеги быти пропущаны толко за листы и печатми ихъ, тымъ же обычаемъ и лЂсные товары и отъ всякого господарства домовое роботы маеть ся разумЂти и безмытнЂ пропущоны быти. А на мостехъ старожитныхъ, гдЂ передъ тымъ што будеть давано только отъ подводъ такихъ, которіе збожье на продажу везуть, вЂдже водлЂ стародавного обычаю мають давати.

 

 

* Въ третьей редак. стат. «а если бы важили то учинити, то мають».

** Третья редак. стат. прибавлено «яко и по ихъ властныхъ».

 

 

АРТЫКУЛЪ 27.

Хто напротивко выроку наіиого господарскаго мовилъ.

 

Тежъ уставуемъ, кгды быхмо мы Господаръ съ паны радами нашими зъ выроку нашого сказанье учынили, а хтобы противъ тому выроку нашому по сказанью што противъ его мовити мЂлъ; тогды таковые, якогожъ кольвекъ стану такъ высокаго яко и низкаго, мають сЂдЂти на замку нашомъ шесть недЂль, а то никому не маеть быти отпущоно.

 

АРТЫКУЛЪ 28.

Хтобы подъ кимъ што упросилъ, а тому напродъ дано и въ привильи нашомъ господарском напродъ описано.

 

Уставуемъ тежъ, хтобы подъ кимъ имЂнье люди земли въ насъ Господара упросилъ и въ привильи бы то собЂ описалъ, а у того бы, подъ кимъ то онъ собЂ упросилъ, первей было на датЂ его або на привильи нашомъ описано и тому потвержоно, и того онъ колко лЂтъ вжывалъ и въ держанью былъ; тогды таковый первый привилей або листы при моцы мають зостати, и за иншыхъ господарей потомковъ нашихъ тотъ, кому дано, тую речъ держати и поживати маеть водлугъ листовъ и потверженья нашого, а послЂдніе листы ни во што мають обернены быти.

 

АРТЫКУЛЪ 29.

Хтобы на што листы упросилъ, а того въ держанью не былъ.

 

Тежъ уставуемъ, если бы хто собЂ въ насъ Господаря имЂнье люди або землю впросилъ и въ листЂ данины нашое ему то было описано, а того въ держанью и въ поживанью не былъ до десети лЂтъ; тогды и листы наши и дата таковая потомъ жадное моцы мЂти не маеть. Так тежъ, и справуючись водлЂ правъ хрестіянскихъ и тежъ остерегаючы, абы межы поддаными нашими небезпечность и ростырки не множылисе, уставуемъ, абы отъ сего часу жадные листы, которые по латинЂ експектативами зовутъ, жадное моцы не мЂли, а хотя бы отъ насъ кому даны, предсе держаны быти не мають; нижли если бы хто самъ по своей доброй воли передъ нами Господаремъ зъ волею нашою господарскою на то прызволилъ.

 

АРТЫКУЛЪ 30.

Абы се у дворехъ нашихъ господарскихъ нихто не становилъ.

 

Тежъ уставуемъ, ижъ жаденъ панъ, а нихто съ подданныхъ нашихъ, Великомъ Князст†Литовскомъ Ђздечы дорогами, не мають ся становити и стацый на себе и на кони свое зъ дворовъ нашихъ брати, ставовъ и сажавокъ и озеръ нашихъ волочыти. А если бы хто противъ тое уставы нашое учынилъ, а въ дворЂхъ нашихъ становилсе, стацыю собЂ и конемъ своимъ зъ дворовъ нашихъ бралъ, ставы и сажавки и озера нашы волочылъ; тогды за слушнымъ доводомъ и с права въ томъ поконаный маеть на замку нашомъ дванадцать недЂль сЂдЂти, а шкоду оправити.

 







Дата добавления: 2015-10-12; просмотров: 318. Нарушение авторских прав; Мы поможем в написании вашей работы!



Аальтернативная стоимость. Кривая производственных возможностей В экономике Буридании есть 100 ед. труда с производительностью 4 м ткани или 2 кг мяса...

Вычисление основной дактилоскопической формулы Вычислением основной дактоформулы обычно занимается следователь. Для этого все десять пальцев разбиваются на пять пар...

Расчетные и графические задания Равновесный объем - это объем, определяемый равенством спроса и предложения...

Кардиналистский и ординалистский подходы Кардиналистский (количественный подход) к анализу полезности основан на представлении о возможности измерения различных благ в условных единицах полезности...

ОСНОВНЫЕ ТИПЫ МОЗГА ПОЗВОНОЧНЫХ Ихтиопсидный тип мозга характерен для низших позвоночных - рыб и амфибий...

Принципы, критерии и методы оценки и аттестации персонала   Аттестация персонала является одной их важнейших функций управления персоналом...

Пункты решения командира взвода на организацию боя. уяснение полученной задачи; оценка обстановки; принятие решения; проведение рекогносцировки; отдача боевого приказа; организация взаимодействия...

Тема: Изучение приспособленности организмов к среде обитания Цель:выяснить механизм образования приспособлений к среде обитания и их относительный характер, сделать вывод о том, что приспособленность – результат действия естественного отбора...

Тема: Изучение фенотипов местных сортов растений Цель: расширить знания о задачах современной селекции. Оборудование:пакетики семян различных сортов томатов...

Тема: Составление цепи питания Цель: расширить знания о биотических факторах среды. Оборудование:гербарные растения...

Studopedia.info - Студопедия - 2014-2024 год . (0.015 сек.) русская версия | украинская версия