Денелерді жылжымайтын цилиндрлік топсамен байланыстыру

Бұл денені топсалы байланыстан босату кезінде реакция күшін және құраушыларға жіктейді. Оның толық реакциясының модульі мен бағыты мына формуламен анықталады:

; ;

мұнда , -тіктөртбұрышты декарттық координаталар осьтерінің бірлік векторлары.

4.3-сурет. Жылжымайтын топса арқылы байланыс.

4. Денелерді жылжымалы топса арқылы байланыстыру. Жылжымалы топса дененің тіреу жазықтығы бетімен қозғалыс жасауына кедергі келтірмейді және тіреуге перпендикуляр бағытта қозғалысын шектейді. Сондықтан реакция күші топса арқылы өтіп әр уақытта тіреу жазықтығына перпендикуляр бағытталады.

4.4-сурет. Жылыжымалы топсалы байланыс.

5. Денелерді өзектер (стерженьдер) арқылы байланыстыру. Өзектік байланыстар дененің өзек бойындағы екі бағыттағы қозғалысын шектейді және реакция күштері өзек бойымен бағытталады. Реакция күштерінің бағыттарына байланысты өзек созылуға немесе сығылуға қарсы жұмыс істейді.

4.5-сурет. Өзек арқылы байланыс.

6. Қатаң бекініс. Арқалық өзінің бір ұшымен қабырғаға қазықша қадалып бекітілген. Бұл бекітуді қатаң бекініс деп атаймыз. Егер осы арқалыққа белсенді күштер әсер етсе реакция күшімен бірге А нүктесінде теңгеретін шамасы белгісіз моменті қос күш пайда болады.

4.6-сурет. Қатаң бекітілген арқалықтың реакция күштері.