І ТАРАУ. ПӘННІҢ ЖҰМЫС БАҒДАРЛАМАСЫ: СИЛЛАБУС

1.1. Пән туралы мәліметтер:

Қазіргі қазақ тілінің морфологиясы

Несие – 2

Өткізілетін орны: 3 «б» - оқу корпусы

Оқу жоспарының көшірмесі:

1.2. Пререквизиттер: « Қазіргі қазақ тілі морфологиясы» - қазақ тіліндегі сөздердің лексика – грамматикалық топтары, олардың тілдегі грамматикалық мағыналары мен формалары туралы пән. Сондықтан студент сөздердің лексика – грамматикалық топтарын, олардың әрқайсысына тән грамматикалық сыр – сипатын, сөздердің тұлғалық өзгеру, түрлену жолдарын т.б. меңгеруі қажет.

Постреквизиттер:Морфология сөзжасам, тарихи грамматика пәндерімен тығыз байланыстықарастырылады.

Пәннің қысқаша сипаттамасы: Бағдарлама міндетті курстың 54,8 сағат көлеміндегі 0,5 жылдық оқыту курсына есептелген (5 – семестр емтихан, аптасына 1 несиелік сағат бойынша);

Пәннің оқытылу мақсаты: «Қазіргі қазақ тілі морфологиясы» курсын оқытудың негізгі мақсаты – студенттерге қазақ тіліндегі сөздердің тұлғалық өзгеруі, сөз және оның формалары, оны қарастырудың жолдары мен тәсілдері, амалдары туралы және сөз атаулының әлденеше рет өзгеріске ұшыраған түрлері мен олардың топтарға бөлінуі, әр тапқа енген сөздердің өзіне тән грамматикалық сыр – сипаты жөнінде терең теориялық білім беру және тілдік тұлғаларға практикалық тұрғыдан талдау жасай отырып, морфология пәнін меңгерту.

Негізгі міндеттері: «Қазіргі қазақ тілі морфологиясы» пәнін оқытудың негізгі міндеттері –сөздердің лексика – грамматикалық топтарын, олардың әрқайсысына тән грамматикалық сыр – сипатын, сөздердің тұлғалық өзгеру, түрлену жолдарын т.б. меңгерту болып табылады. Оқытушының міндеті - тілдің грамматикалық құрылысы, оның атқаратын қызметі, негізгі грамматикалық ұғымдар, сөз таптары, зат есім, сын есім, сан есім, есімдік, етістік, үстеу, еліктеу сөздері, шылау, одағай, олардың грамматикалық ерекшеліктері, түрлену, тұлғалану жолдары мен тәсілдері сияқты мәселелерін оқытып түсіндіру.

Күтілетін нәтиже: - студент қазіргі қазақ тілі морфологиясы саласы нені зерттейтінін білуі керек;

- әр сөз табының лексика-грамматикалық сипатын меңгеруі қажет;

- сөздерді тұлғалық жақтан түбір және қосымшаларға ажырата білуі тиіс;

- морфология пәнінің терминдерімен жете таныс болулары қажет;

- морфология пәнінің зерттелу жайымен, ғылыми еңбектермен, тұжырымдармен таныс болулары қажет.

1.5. Пән бойынша тапсырмаларды орындау және тапсыру кестесі: