Бап. Облыстардың (республикалық маңызы бар қаланың, Астананың) жергілікті атқарушы органдарының құзыреті

Облыстардың (республикалық маңызы бар қаланың, Астананың) жергілікті атқарушы органдары:

1) карантинді объектілердің таралуының есебін жүргізеді және уәкілетті орган мен мүдделі тұлғаларға ақпарат береді;

2) темір жол станцияларындағы, теңіз және өзен порттарындағы (пристаньдарындағы), әуежайлардағы, автовокзалдардағы (автостанциялардағы), ішкі сауда объектілеріндегі, почта байланысы ұйымдарындағы және өзге де объектілердегі карантинді аймақтарда осы объектілердің иелері жеке және заңды тұлғалардың, сондай-ақ мемлекеттік басқару органдарының өсімдіктер карантині жөніндегі іс-шараларды өткізуін ұйымдастырады;

3) уәкiлеттi органның ұсынуы бойынша тиiстi аумақтарда карантиндiк режимдi енгiзе отырып, карантиндi аймақты белгiлеу немесе оның күшiн жою туралы шешiм қабылдайды.

Ескерту. 9-1-бап жаңа редакцияда – Қазақстан Республикасының 2006.01.10. №116 (2006 жылғы 1 қаңтардан бастап қолданысқа енгiзiледi), өзгерту енгізілді - 2006.01.31. №125 (қолданысқа енгізілу тәртібін 2-баптан қараңыз), 2009.07.17. №189-IV Ұқолданысқа енгізілу тәртібін 2-баптан қараңыз) Заңдарымен.

 

9-2-бап. Өсімдіктер карантині саласындағы мемлекеттік
бақылау

1. Өсімдіктер карантині саласындағы мемлекеттік бақылау тексеру нысанында және өзге де нысандарда жүзеге асырылады.

2. Тексеру "Жеке кәсіпкерлік туралы" Қазақстан Республикасының Заңына сәйкес жүзеге асырылады. Мемлекеттік бақылаудың өзге де нысандары осы Заңға сәйкес жүзеге асырылады.
Ескерту. 9-2-баппен толықтырылды – ҚР 2009.07.17. №188-IV (қолданысқа енгізілу тәртібін 2-баптан қараңыз) Заңымен.

 

Өзін-өзі тексеру сұрақтары:

1. Қызметі карантинге жатқызылған өнімдермен байланысты тұлғалардың міндеттері.

2.Облыстардың (республикалық маңызы бар қаланың,
астананың) жергілікті атқарушы органдарының құзыреті.

3. Өсімдіктер карантині саласындағы мемлекеттік бақылау.

Әдебиет:

1. Нормативтік актілерінің жинағы WWW minagri. KZ сайтында.

 

 

11-тақырып. Өсімдіктер карантині саласындағы мемлекеттік бақылау

 

Сұрақтар:1. Өсiмдiктер карантинi саласындағы мемлекеттiк бақылауды жүзеге асыру 10-11 бап. Өсімдіктер карантині саласындағы мемлекеттік бақылау объектілері 12-бап 1-6 тармақ.

2. Карантинге жататын өнiмдi әкелу, әкету, транзиттеу, iшкi мемлекеттiк тасымалдау, тексеру және залалсыздандыру тәртiбi 13-бап.

3. Карантин белгiлеу мен оны алып тастау тәртiбi 14-бап.