Тақырып. Әлеуметтану ғылымдар жүйесінде

1. Әлеуметтанудың объектісі мен пәні

2. Әлеуметтанудың басқа әлеуметтік ғылымдармен байланысы.

3. Әлеуметтанулық білімінің құрылымы, қызметі.

«Әлеуметтану» ұғымы латын тілінің «Societas» қоғам және гректің logos ілім, ұғым деген сөзінен шығады.

Әлеуметтану қоғамның пайда болуының ондағы әлеуметтік байланыс, қатынастардың, алуан түрлі әлеуметтік адам бірліктерінің, ұйым, мекемелердің, институттардың, құбылыстардың, процестердің дамуының жалпы заңдылықтарын зертейтін ғылым. Әлеуметтануды ХІХ ғ. ортасында француз әлеуметтанушысы О. Конт енгізді. Әлеуметтану пәні және объектісінің айырмашылығы бар.

Объект дегеніміз –бізді қоршап тұрған объективті нақтылы өмір, ол қоғам, адамдар, оның алуан түрлі бірліктері (отбасы, топ, тап,) тіпті адамның өзі, оның барлық іс- әрекеті, тәртібі, санасы т.б. Оларды адам өзінің теориялық және практикалық мәселелерін шешу арқылы алға қойған мақсатына жету үшін пайдаланылады.

Әрбір ғылымның пәні зертеушінің қалауы мен таңдауының негізінде алынған кез келген құбылыс, процесс немесе көкейкесті мәселелердің артышылығын, сапасын, логикалық тұрғыдан жан жақты талдау негізінде адамдардың немесе әлеуметтік ұйымдардың бірігіп, ұйымдасып еңбек етуін, қызмет атқаруын, жұмыс істеуін, жалпы материалдық, рухани іс - әрекеттердің олардың арқасындағы алауан түрлі қатынастардың бір біріне әрекетін, түрлерін жан жақты терең танып, білуді әлеуметтанудың пәні деп атайды. Бұл зерттеудің басты мақсаты – объект, құбылыс.