Жедел іріңді аппендицит, асқазан, ішек перфорациясы, жайылған перитониттің асқынуларында, ішек аралықтарында, негізгі қабыну ошағының маңайында шектелген іріңдіктер түзіледі.
Клиникалық көріністері. Негізгі ауруынан сауығып келе жатқан науқастың іші ауырып, дене қызуы көтеріліп, жүрегі айнып құсады, іші кебеді, дәреті жүрмейді. Қанның анализінде лейкоцитоз пайда болады. Пальпация кезінде іші ауырады, инфильтрат анықталуы мүмкін. Диагнозды нақтылауда рентген, ультрадыбыстық зерттеулерді қолданады.
Емі. Ішекаралық абсцесті бастапқыда консервативті емнен бастайды: антибиотикотерапия, төсектік режим, диета, дезинтоксикациялық терапия. Іріңдік шектеліп шекарасы іштің алдыңғы қабатына жақындап айқындалғаннан кейін, абайлап іріңдікті тіліп ашады. Дұрыс емделмеген жағдайда ішекаралық абсцесс перитонит, ішек жыланкөздерімен асқынуы мүмкін. 94-суретте 
лапароскиялық операция кезінде анықталған ішекаралық абсцесс.
