Алма цитоспорозы - Цитоспороз яблони - р. Cytospora..

Ауру белгілері. Ауру белгілері бұтақтарында, діңдерінде, және басқа да жеміс ағаштарында байқалады. Алдымен қабықтарында қызыл-қоңыр, қою қызғылт немесе түсін жоғалтқан дақтар пайда болады, кейін олар бірігеді. Біріккен орындары қурап, жеке бұтақтардың немесе тұтас ағаштың өлуіне әкеледі. Заладанған мүшелерінде пикнидиальды саңырауқұлақтардың қара дөңестер байқалады. Конидиилері түссіз, ұзынша келген, бір жасушалы, көлемі 4-6,5х1-2 мкм.

Аурудың сақталу көзі және таралуы. Конидиилер саңырауқұлақтың пикинидилерінде залалданған бұтақтарда қыстайды. Бір пикиниде 2,5-5,2 млн. спора қалыптаса алады.

Ауруға себеп болатын факторлар. Белгілі бір себеппен ағаштардың әлсізденуі, Ағаш қабығының термикалық немесе механикалық зақымдалуы. Ауру көбінесе ескі және қараусыз қалған бақтарда кездеседі.

Алма ағашының қара ісігі - Черный рак яблони –

Sphaeropsis malorum Peck.

Ауру белгілері. Ауру белгілері көбінесе ескі ағаштарда кездеседі (25-30 жылдық). Бұтақтарында қызыл-қоңыр дақтар қалыптасады, қабықтар ісініп, жарылады. Кейін олар өліп, қарайған өңезге айналады. Қара ісікпен залалданған жемістерде үлкен, батыңқы дақтар пайда болады. Олардың пішіні өзгеріп, мыжылып, мумифицияланады. Қабықтарының өлуінен, бүкіл ағаш біртіндеп қурай бастайды. Алғашқы залалдануы конидиилерден болады. Конидиилері жұмыртқа тәрізді, бір жасушалы, түссіз, қара-қоңыр, 23-30х10-17 мкм.

Аурудың сақталу көзі және таралуы. Ауру қоздырғышы мицелий және пикнид түрінде зақымдалған бұтақтарда және жемістерінде сақталады. Пикноспоралары көктемде пісіп, жетіледі.

Ауруға себеп болатын факторлар. Ағаштың термикалық және механикалық залалдануы. Сорттардың жасы және ауруға төзімсіздігі.

Алманың таты. Ржавчина яблони

Gymnosporangium juniperinum (L.) Mart. (G. tremelloides Hort.)

Ауру белгілері. Жапырақтарында дөңгелекше сарғыш конусты өскіні бар пустулалар дамиды. Эцидиоспоралары дөңгелекше келген, қара-қоңыр, 28-45х25-35 мкм.

Аурудың сақталу көзі және таралуы. Мицелийлері қоныстанатын аралық иесі арша ағашы болып табылады. Инфекция көктемде ауа арқылы таралады.

Ауруға себеп болатын факторлар. Арша ағаштарының жақын егілуі, ылғалды ауа-райы.

Сүйекті жеміс дақылдарының тесік дағы немесе клястероспориозы. Клястероспориоз (дырчатая пятнистость) косточковых культур - Сүйекті жеміс дақылдарының тесік дағы немесе клястероспориозы

Clasterosporium carpophilum Aderh. Залалдайды - өрік, каралы, шабдалы, вишня.

Ауру белгілері. Жапырақтары, жемістері, гүлдері, және түйіндері залалданады. Алдымен жапырақтарында қоңыр майда дақтар пайда болады, кейін шіріген орындары түсіп қалады да, онда тесіктер пайда болады. Өркендерінде майда біріккен дөңгелек дақтар дамиды. Жемістерінде олар өңез немесе сүйел түрінде болады. Залалданаған бүршіктер қарайып, гүлдері түсіп қалады, гүл қауызы қалыптаспайды. Бірінші залалдануы конидиилермен жүреді. Конидиилері түссіз, диаметрі 23-62х12-18 мкм.

Аурудың сақталу көзі және таралуы. Мицелийлері бұтақтарында, конидиилері жерге түскен жапырақтарында немесе бүршіктерінде қыстайды. Ауру инфекциялары ауа арқылы және жауын – шашын тамшыларымен таралды.

Ауруға себеп болатын факторлар. Ерте көктемде жиі жауын-шашанның, шықтың, тұманның болуы, қалыпты ауа температурасы (15-22 ⁰С).

 

Шабдалы жапырақтарының бұйралануы. Курчавость листьев персика –

Exoascus deformans Fuck.

Ауру белгілері. Біржылдық бүршіктері, жапырақтары, жемістері залалданады. Жапырақтары сарғайып, қызғылт түсті болады, бұралып, пішінін өзгереді. Кейін астыңғы бөліктерінде ақшыл өңездер дамиды. Залалданған бүршіктері майысып, қалыңдайды, жемістері түрі өзгеріп, балаузды өңезбен қапталады, пайдалануға жарамсыз болып қалады.

Аурудың сақталу көзі және таралуы. Саңырауқұлақтар мицелий ретінде залалданған бүршіктерінде қыстап шығады.

Ауруға себеп болатын факторлар. Көктемгі ауа-райының ылғалды және салқын болуы аурудың дамуына әсер етеді.

Шабдалының ақ ұнтағы - Мучнистая роса персика –

Sphaerotheca pannosa Lev.

Ауру белгілері. Жапырақтарында, бүршіктерінде, жемістерінде ақ, тығыз, конидиалды саңырауқұлақтары бар өңез қалыптасады. Конидиилері бөшке тәрізді, 16-26х10-13 мкм. Заладанған жапырақтары бұралып, майсыа қалады, өсуі баяулайды. Жемістері жылдам шіриді. Кейін өңездер сұрланып, споралары бар саңырауқұлақтар пайда болады. Клейстотециилері шар тәрізді, диаметрі 60-80 мкм.

Аурудың сақталу көзі және таралуы. Саңырауқұлақтар мицелий ретінде қыстап шығады. Жаз мезгілінде конидиялармен таралады.

Ауруға себеп болатын факторлар. Жауын-шашын болып тұратын ыстық ауа-райы.