Икос 12. Поюще Триипостаснаго Бога, в лице мученичестем тя, благоверная царевно Марие, прославившаго, воспевати тя достойно недоумеем мы

Поюще Триипостаснаго Бога, в лице мученичестем тя, благоверная царевно Марие, прославившаго, воспевати тя достойно недоумеем мы, но в простоте сердечней к тебе моляся, просим убо тя: любовию нелицемерную твоею наша сердца возгрей и настави ны воспевати присно Богу песнь покаяния и благодарения, и ближнему во благое послужити возможем нелицемерно; тебе же, наставнице и покровительнице нашей, воззовем сице:

Радуйся, молитвою смиренною к Богу душу во страданиях вознесшая;

Радуйся, образ вернаго служения Богу терпением своим показавшая;

Радуйся, душу твою Творцу яко фимиам благоуханный принесшая;

Радуйся, и нас сущих в скорбех лучами надежды осиявающая;

Радуйся, малодушие и безсилие в сердцах наших прогоняющая;

Радуйся, и нам крепкое терпение и ангельскую кротость подающая;

Радуйся, из пучины отчаяния нас пречудно извлекающая;

Радуйся, малодушие и безсилие в сердцах наших прогоняющая;

Радуйся, прекрасная и непорочная невесто Христова, всеблаженная царевно Марие, о спасении душ наших молитвеннице предивная.

Кондак 13

О, преславная великомуниченице Христова, кроткая Его угодница и благоверная российская Марие, всегдашняя о нас ко Царю царствующих молебнице и теплая ко Милосердию Его предстательнице. С верою, надеждою и любовию ко твоему заступничеству за ны пред Спасителем Нашим и Богородицею нас притекающих приими и от всяких болезней, бед и смерти избавити Отца Небеснаго умоли, да с тобою радостно и светло взываем Господу, милующему и спасающему нас: Аллилуиа.

(Сей кондак глаголи трижды, посем Икос 1-й и Кондак 1-й.)

Молитва святой великомученице благоверной царевне Марин

О, святая великомученице благоверная царевно российская Марие: ты душею на небесех у Престола Господня предстоиши,на земли же,данною тебе благодатию различные совершаеши исцеления; приври убо милостиво на предстоящие люди и молящиеся пред пречистым образом твоим и помощи твоея просящия; простри ко Господу святые мотивы твоя о нас и испроси нам - оставление согрешений, недужным - исцеление, скорбящим и бедствующим - скорую помощь, умоли Господа, да подаст нам христианскую кончину и добрый ответ на страшном судище своем, да сподобимся и мы купно с тобою и всеми иовомученики земли нашея. славти Отца и Сына и Святаго Духа, и ныне и присно и во веки веков. Аминь.

Акафист святой великомученице благоверней царевне

Анастасии

Кондак 1

Избранная веселити сердца человеков, грозд юнейший рождия седмеричнаго лозы Христовой, источи умиление дряхлым нашим сердцам, да поем ти:
Радуйся, мудрая дево царевно Анастасие, веселие вечное над главами нашими.

Икос 1

Ангеле Анастасия, анафора благодарения нашего, анафемы русския избытие: явися на камени седяща жестосердия моего: несть нам дороги унывати: глаголи ми, да и аз воспою тебе:
Радуйся, радосте воскресная;
Радуйся, радосте крестная.
Радуйся, радосте заветная;
Радуйся, радосте седмицветная.
Радуйся, мудрая дево царевно Анастасие, веселие вечное над главами нашими.

Кондак 2

Видяще святая злое уныние наше, не по Бозе печаль, иже избыточествует падения, едину от сандалий своих оставляет нам еще в житии сущи: словесы удобопонятным беседуя с нами: аще восхощете, возможете быти цари и боги по благодати, следуя стопами царственных мучеников, воспевая Премудрому Архитектору спасения нашего: Аллилуиа.

Икос 2

Разум недоразумеваемый разумети ищем в житии меньше царевны: обаче не бойся, но токмо веруй: глаголет Истинный Иаиру: вси убо лжеанастасии правду воскресения глаголют: сподобльшаяся век он улучити и воскресение, умрети бо ктому не могут: равни бо суть ангелом и сынове суть Божии, воскресения сынове суще: мы же поем царевне безсмертия:
Радуйся, радосте родителей;
Радуйся, радосте твоих служителей.
Радуйся, радосте ангелов; радуйся, радосте Царя веков.
Радуйся, мудрая дево царевно Анастасие, веселие вечное над главами нашими.