Сайыс, лотерея, ойындар

Сайыс, лоторея, ойындар жолы болғыш немесе ерекше ынталы тұтынушыларға, коммивояжерлерге немесе диллерлерге бір нәрсені ұтып алуға, айталық, ақшалай сыйлық, дем алуға жолдама немесе тауар ұтуға мүмкіндік береді. Конкурс тұтынушылардың оған шумақ өлең, болжам, ұсыныс және т.б. жолдауын талап етеді. Ұсынылған материалдарды арнайы қазылар алқасы бағалап, олардың тәуірлерін іріктейді. Лотерея тұтынушылардан ойынға өзінің қатысатыны туралы өтініш жасауын талап етеді. Ойын барысында тұтынушы әлденені сатып алғанда, мәселен, бинго ойынында, оған қандай да бір сыйлықты ұтып алуға көмек көрсетілуі мүмкін. Сауда сайысы – бұл фирманың сауда қызметшілері үшін белгілі бір мерзім ішінде өздерінің сауда-саттық қатысуын еселей түсуіне түрткі болуы мақсатында диллерлердің өткізетін іс-шарасы. Ең жоғары нәтижеге жеткендер сыйлық алады.

Өткізуді ынталандыру бағдарламасын әзірлеу

Ынталандыру кешенді бағдарламасына келсек, маркетинг жоспарын дайындаушы осыған қатысты бірқатар қосымша шешімдер қабылдауға тиіс. Сонымен қатар нарық маманы ынталандыруды қаншалықты қарқынды қолдануы, бағдарламаға кім қатысуы, ынталандыру бойынша өзінің іс-шарасын қалай жарнамалауы, ол қанша уақытқа созылуы, қашан басталуы, оны өткізу үшін қандай қаражат бөлу керектігін шешуге тиіс.

Ынталандырудың қарқыны

Нарық маманы ынталандыруды қаншалықты қарқынды жүргізу туралы шешім қабылдауға тиіс. Істің табысты болуы үшін ынталандырудың белгілі бір шегі болуы қажет. Ынталандыруды неғұрлым қарқынды өткізу өндірістің үздіксіз құлдырауы жағдайында көбірек сатуды қамтамасыз етеді. Кейбір кеңінен тұтынылатын буып-түйіп өлшенген тауарлар сататын ірі фирмалардың штатында бұдан бұрын өткізілген шараларының тиімділігін зерттеумен шұғылданатын және тауар маркасы бойынша басқару шараларында ыңғайлы ынталандыру туралы ұсынысттар беріп отыратын ынталандыру қызметін басқарушылары болады.

Қатысу шарттары

Ынталандыру не бәріне бірдей, не қандай да бір ерекше адамдар тобына ғана ұсынылуы мүмкін. Сонымен бірге сыйлықтарды тек қорап қақпақтарын тапсыратындарға ғана ұсынуға болады.

Ынталандыру бағдарламасының ұзақтығы

Егер өткізуді ынталандыру шараларының ұзақтығы тым қысқа болса, көптеген тұтынушылар ұсынылып отырған олжаны пайдалана алмай қалды, өйкені оларда дәл осы уақытта қайта сатып алу қажеттігі болмауы не туындамауы мүмкін.

Өткізуді ынталандыру бойынша шараларды жүргізу уақытын таңдау

Тауар маркасы бойынша басқарушылар өткізуді ынталандыру шараларын жүргізудің күнтізбелік мерзімін таңдауы қажет. Бұл мерзімді өндіріс те, өткізу қызметі де, тауар қозғалысы қызметі де басшылыққа алады.

Өткізуді ынталандырудың жинақ бюджеті

Өткізуді ынталандыру бойынша шараларға сметаны екі тәсілмен әзірлеуге болады. Нарық маманы нақты шараларды таңдап алып, олардың құнын есептей алады. Алайда бөлінетін қаржы мөлшері әдетте жалпы бюджеттен пайыздық түрде айқындалады.

Өткізуді ынталандыру бағдарламасын алдын-ала сынап байқау

Барлық пайдалынатын өткізуді ынталандыру құралдарын алдын-ала сынап байқап, олардың жарамды екендігіне және қажетті ынталандыруды қамтамасыз ете алатынына мүмкіндігінше сенімді болған жөн.

Өткізуді ынталандыру бағдарламасын өмірде іс жүзіне асыру.

Фирма өткізуді ынталандыру бойынша әрбір шараға дайындық кезеңін, сондай-ақ белсенді коммерция кезеңін қамтитын жеке жоспар жасап алуы керек. Дайындық кезеңі – бұл бағдарламаны бастамас бұрын дайындық жасауға қажет уақыт. Белсенді коммерция кезеңі шаралар басталған кезде олар тоқтатылғанға дейін созылады.

Лекциия 14. Маркетингтік шараларды жүзеге асыру: стратегиясы, жоспарлау бақылау