Маркетинг стратегиясы

Жоспардың осы бөлімінде меңгеруші алға қойылған міндеттерді шешудің маркетингтік бағытына болжам жасалады.

Маркетинг стратегиясы – ұйымдастыру бірлігі – фирма өзінің маркетингтік міндеттерін шешу үшін пайдаланатын ұтымды, қисынды жүйе (құрылым). Ол мақсатты нарықты, маркетинг кешенін және маркетингке жұмсалатын шағын деңгейі бойынша нақты стратегияларды қамтиды.

Мақсатты нарықтар

Маркетинг стратегиясы фирма негізгі күшін жұмылдыратын нарықтың сегменттерін жауап әрекеті және табыстылығы, таңдауға ілігуі бойынша ерекшеленеді. Фирма өзіне бәсеке тұрғысынан жақсы қызмет көрсете алатын сегменттерге жұмылдырғаны жөн. Таңдап алынған әрбір мақсатты сегмент үшін маркетингтің арнайы стратегиясы әзірленуі тиіс.

Маркетинг кешені

Меңгеруші маркетинг кешенінің негізгі тауарлар, жергілікті жерде тауар сатуды ұйымдастыру, жарнама, тауар өткізуді ынталандыру, баға және тауарды бөлу сияқты элементтеріне қатысты нақты стратегияларды жалпылама баяндауы тиіс. Әрбір стратегияны жоспардың алғашқы бөлімдерінде атап көрсетілген қауіптер, мүмкіндіктер мен негізгі проблемалар қалай ескерілетіні тұрғысынан дәлелдеу қажет.

Маркетингке жұмсалатын шығынның деңгейі

Сонымен қатар меңгеруші барлық стратегияларды жүзеге асыруға қажет бюджеттің мөлшерін дәлме-дәл көрсетуі тиіс. Меңгеруші бюджетке неғұрлым ауқымды өнім өткізудің жоғарғы деңгейін қамтамасыз етуі ықтимал екендігін, алайда оған жоғары рентабельділікті қамтамсыз ететін бюджет қажет болатынын біледі.

Іс- әрекеттер бағдарламасы

Маркетингтік стратегияны мына сауалдарға жауап беретін іс-қимыл бағдарламасына айналдыру қажет.

1. Не істеді?

2. Бұл қашан істеледі?

3. Оны кім істейді?

4. Мұның құны қанша болмақ?

Мысалы, меңгеруші тауар өткізуді, нарықтың бір бөлігін жаулап алуға ынталандыру шараларын күшейткісі келеді делік. Бұл үшін жеңілдік жасайтын ұсыныстар мен олардың әрекет ету мерзімі, мамандандырылған көрмелерге қатысу сияқты тауар өткізуді ынталандыратын іс-шаралар жоспарын жасау қажет.