Өзiмiздiң осы бағыттағы ұзақ мерзiмдi басымдықтарымызды iске асыру мақсатында келесi үш жылдың iшiнде:
- қатаң монетарлық саясат бұлжытпай жүргiзiледi;
- жекешелендiру аяқталатын болады;
- заң шығару жетiлдiрiлiп, жақсартыла түседi, мұның өзi елiмiздегi инвестициялық ахуалды барлық жерде бiрдей жақсарта түседi;
- шетел инвестицияларын тарту бұрынғыдан да белсендi жүргiзiлетiн болады, олардың көлемi мен нәтижелерi жайында халыққа егжей-тегжейлi ақпарат берiлiп тұруға тиiс.
Энергетикалық ресурстарға келетiн болсақ:
- Қазақстан КҚК құбыр арнасы құрылысын аяқтау және 2000 жылы оны iске қосу, ал 2004 жылы басқа құбыр арнасын - Қытай Халық Республикасына жеткiзу үшiн қолынан келгеннiң бәрiн iстейдi;
- Жерорта теңiзiне, Парсы шығанағына, Араб теңiзiне балама құбыр арналарын тартуды қаржыландыру мен салу мәселесiн пысықтайтын боламыз. Қазақстан өнеркәсiбi мен тұрғын үйлерге, сондай-ақ халықаралық рыноктарға отын жеткiзу үшiн газ құбыры арналары тартылады;
- Каспий шельфiндегi мұнай және газды барлау мен өндiру, Қарашығанақ газ конденсаты кен орнында газ конденсатын өндiру, тасымалдау және өңдеу жөнiндегi келiсiмдерге қол қоямыз.
Инфрақұрылымды дамыту жоспарында мыналар қарастырылған:
- 2000 жылдың соңында "Достық" және "Ақтоғай" стансалары арасындағы темiр жол инфрақұрылымын жақсарту, Қазақстан Республикасы мен Қытай Халық Республикасы арасында темiр жол көлiгiнiң қуаттарын ұлғайту;
- 1999 жылдың соңына қарай Ақтау қаласындағы теңiз айлағын қайта жаңартудың бiрiншi кезегiн жүзеге асыру;
- 2000 жылдың соңына қарай Алматы - Ақмола - Бурабай жолын жаңғырту;
- 2002 жылдың соңына қарай Семей қаласында Ертiстегi көпiр мен оның кiрме жолдарының құрылысын аяқтау;
- 2000 жылы Ақмола қаласындағы әуежайды қайта жаңарту.
Экономикалық және әлеуметтiк реформалар
2000 жылға қарай:
- Жалақы мен зейнетақы төлемеу деген болмайды - бұл өткен уақыт құбылысына айналады;
- Қоғамымыздың барынша мұқтаж топтары, соның iшiнде 150 мың адам кiшi кредиттердiң көмегiмен және 3,5 миллионнан аса адам (зейнеткерлердi қоса) әлеуметтiк қамсыздандыру жүйесi арқылы мемлекеттен көмек алады;
- Барлық өнiмдiлiгi төмен және шығынмен iстейтiн зауыттар банкроттық жосығынан өткiзiледi;
- Ұзақ мерзiмдi басымдықтарымызды қолдауға бағытталған бюджет реформаларды батыл жүргiземiз, қолымыздағы қаражатымызға қарай өмiр сүру принципiн ұстанатын боламыз;
- Қазақстандықтар үшiн салық төлеу үйреншiктi iске, отаншылдық парызға айналады;
- Зейнетақы реформасын нысаналы түрде жүргiзе беретiн боламыз;
- Өз қаржы секторымыздың реформасын тәмамдап, құнды қағаздар нарығын iске "қосамыз";.
Кәсiпқой Үкiмет
2000 жылға қарай:
- Үкiмет пен мемлекеттiк қызмет реформасы аяқталатын болады:
- Бiлiктiлiгi саяз шенеунiктерден арылуға және мемлекеттiк қызметшiлер тарапынан жасалатын сыбайлас жемқорлық пен билiктi асыра пайдалануға қарсы күреске бiрiншi кезектi мән берiледi.
