Мұнай базасының шаруашылығы.

Мұнай өнімдерін сақтау, қабылдау және өткізу үшін құралған қондырғылар мен ғимараттардың жиынтығын мұнай базасы деп аталады. Атқаратын жұмысына қарай олар екі түрге бөлінеді:

1. Мұнай өнімдерін сақтайтын және олармен тұтынушыларды қамтамасыз ететін дербес шаруашылық;

2. Өз қарамағындағы белгілі бір өнеркәсіпті (авто шаруашылық, теміржол станциялары және т.б) жабдықтайтын мұнай базалары және мұнай қоймалары.

Мұнай базалары өзінің меншікті алаңында орналасқан екінші түрдегі мұнай базалары өзі қарайтын өнеркәсіптер мен шаруашылықтар алаңында орналасқан. Сол сияқты мұнай базалары қызмет атқарудағы шапшаңдылығына өнімдерді әкелу, шығару жағдайларына қарай: қайта тиеуші мұнай базасы, шикізат және товарлық зауыт мұнай базасы, тарату базасы болып үшке бөлінеді.

Мұнай базалары төмендегідей операцияларды орындайды:

1. Теміржол цистерналарымен, мұнай құятын кемелермен, құбырлармен, т.б. келген мұнайды қабылдайды.

2. Мұнай өнімдерін резервуарларда және ыдыс қоймаларында сақтайды.

3. Мұнай өнімдерінің үлкен партияларын теміржол цистерналарына, мұнай құятын кемелерге, құбырларға жібереді.

4.Мұнай автоколонка, ыдыс қоймалары арқылы контейнерлермен, бөшкелермен, бетондармен, тұтынушыларға жібереді.

5.Резервуарлардағы, теміржол цистерналардағы мұнай құятын кемелердегі қатып қалған және тұтқыр мұнай өнімдерін қыздырады.

Сонымен қатар мұнай базаларында жәрдемші операциялар да өткізілуі мүмкін: тазалау, ақшылдандыру, майларды регенирациялау және ұсақ ыдыстарды жасап шығару т.б. Мұнай базаларының барлық алаңы алты зонаға бөлінеді:

I. Мұнай өнімдерін қабылдау және жіберу.

II. Сақтау.

III. Оперативтік (шапшаңдық, тез).

IV. Көмекші техникалық ғимараттар.

V. Әкімшілік шаруашылық ғимараттары.

VI. Тазалайтын ғимараттар.

НӘ /3,5/, ҚӘ /4/