Тақырыбы: Ұңғыма конструкциясы және оның түп маңы бөлігінің конструкциялары

 

Жұмыстың мақсаты: Ұңғыма конструкциясын жобалауды үйрену

Жұмыстың тәртібі: Шегендеу құбырларын цементтеуді есептеу.

 

Ұңғыма конструкциясының негіздемесі мен есебі, ұңғыма құрылысына арналған техникалық жобасының негізгі бөлімдерінің бірін құрайды.

Ұңғыма конструкциясын нақты бұрғылаудың геологиялық шарттарына сәйкес, белгіленген аймақта жасақтайды және белгілейді.
Ол алға қойған мақсаттың орындалуын қамтамасыз ету керек, яғни жоспарланған тереңдікке қол жеткізу, мұнай-газ жатынын ашып және ұңғымадағы зерттеулер мен жұмыстар кешенінің өткізілуін, және оның кен орнын игеру кезіндегі қолданылуын қамтамасыз ету керек.

Ұңғыма конструкциясы геологиялық қиманың қиындығына, бұрғылау әдісіне, ұңғыманың қолданылуына, өнімді қабатты ашу әдісіне және басқа да факторларға байланысты. Бұл Мұнай және газ кәсіпшілігіндегі Ережелердің талабын және де жер қойнауын және қоршаған ортаны қорғау талаптарын қанағаттандыру керек.

Ұңғыманың жобаланған конструкциясына және геологиялық талаптарға сәйкес келуіне, беріктік, ұзақ уақыт қолданылуы, өнімділігі және ұңғыма құрылысының құны тәуелді болады.

Ұңғыманы жобалаған кезде құрылысын арзандату үшін және төнетін қауіп мөлшерін азайту үшін, ұңғыма құрылысы төңірегінде жиналған тәжірибені және соңғы техника-ғылымның жетістігін пайдалануға тырысады.

Жобаның бір бөлімінде, ұңғыманы бекіту тақырыбы бойынша келесідей сұрақтар қарастырылады:

Өнімді қабатты ашу әдісінің және ұңғыманың түп аймағы конструкциясының негіздемесі;

шегендеу құбырларын беріктікке тексеру есебі және бағандарды секцияларға жіктеп, топтау үшін шегендеу құбырларын таңдау;

шегендеу құбырларының цементтеу интервалын мұнай және газ кәсіпшілігіндегі қауіпсіздік Ережелерімен сәйкес орнату;

шегендеу құбырларын цементтеуді есептеу.

Аталған мәселелердің ішінен біз әзірше ұңғыма конструкциясының негіздемесіне тоқталамыз. Өз кезегінде ол екі бөлікке айырылады:

ұңғы оқпанын бекіту үшін шегендеу құбырының қажетті санын және түсіру тереңдігін анықтау;

шегендеу құбырларын және қашаудың диаметрлерін келістіру.

Ұңғыма конструкциясын жобалау үшін негізгі ақпарат, жобаны қаржыландырушы тапсырыс берушіден түседі. Ол келесі мәліметтерді қамтиды:

-ұңғыманың тағайындалуы және тереңдігі;

-жобаланған горизонт және коллектор-жыныстың сипаттамасы;

-ұңғыманың орнатылған жеріндегі, мүмкін болатын қиыншылықтары аймағының және қабат қысымы, интервал бойынша қабатты сұйықпен жару қысымы көрсетілген геологиялық қима;

-пайдалану бағанының диаметрі немесе ұңғыманың соңғы диаметрі, егер пайдалану құбыры түсірілуі қарастырылмаған болса.

Пайдалану құбырының диаметрін тапсырушы беруші өзі береді. Ол өндіру ұңғымасының күтілетін дебитін және ұңғыма жабдығының сыртқы өлшемдерін ескере отырып тағайындалады. Егер де жобада ұңғыманы пайдалану бағанымен жабдықтау қарастырылмаса, ұңғыманың ашық оқпанының соңғы диаметрі, приборлардың және инструменттердің ұңғы оқпаны бойымен кедергісіз өтуі арқылы анықталады.

Бақылау сұрақтары:

1. Өнімді қабатты ашу әдісінің және ұңғыманың түп аймағы конструкциясының қандай негіздемесін білесіңдер

2. Шегендеу құбырларын цементтеуді есептеу.