Клуб православной семьи: http://vk.com/club43902602.

• Бунятян К.П., Зубар В.М., Селіцька С.І. Історія стародавнього світу. Пробн.підр. для 6 кл.серед. загальноосвіт. шкіл. - К.: Либідь, 1997.
• Власов В.С. Історія України / Ред. Мицик Ю. А: Підручник для 8-го кл.серед. шк. -К.: Абріс, 1999.
• Всемирная история: Уч. пособие для 9 кл. сред. общеобразоват. шк. / Авт -состав: Я М Бердичевский, С.А Осмоловский - 3-е изд., перераб. - Запорожье: Премьер,2000.
• Верстюк В.Ф., Дзюба О.М., Репринцев В.Ф. Україна від найдавніших часів до сьогодення: Хронологічний довідник. - К.: Наукова думка, 1995.
• Голобуцкий В.А. Запорожское казачество. - К.: Госполитиздат УССР, 1957.
• Грушевский М.С. Очерк истории украинского народа - К.: Лыбидь, 1991.
• Історія України в особах: XIX - XX ст. / І.Войцехівська, В.Абліцов, О.Божко та ін. - К.: Україна, 1995.
• История древнего мира. Учеб. пособие для 6 кл. сред. общеобразоват. шк. / Авт.-составит.: Щупак И.Я., Голованов С.А., Решетникова Е.П.; Под ред. Щупака И.Я. - 2-е изд., перераб. - Запорожье. Премьер, 2000.
• История: Учебное пособие для поступающих в вузы Украины...Часть 1. История Украины. - Харьков: НКУПЦ «Интеллект-ЭКО» ХГУ, 1999.
• Коляда І.А. та ін. Історія України (1917-1944 рр.). 10 кл.: Зошит-конспекттем: Проб. навч. посібник. - 3-тє вид., доп. й перероб. - К: А.С.К., 1997.
• Лях Р. Д., Темірова Н Р. Історія України. З найдавніших часів до середини XIV ст.: Підручник для 7-го кл. серед. шк. - К.: Генеза, 1998.
• Підкова І.З., Шуст Р.М.. Довідник з історії України - Т.1. - К.: Генеза, 1993; Т.2. - К.: Генеза, 1995.
• Сарбей В. Г. Історія України (XIX - початок XX ст.): Підручник для 9 кл. серед. шк. -К.: Генеза, 1996.
• Свідерська В.В. Давня історія України. 6 кл. - Тернопіль: Підручники і посібники, 1998.
• Сергиенко Г.Я, Смолий В.А. История Украины (с древнейших времен до конца XVIII века): Учеб. Пособие для 7-8 кл. сред. шк. - К.: Освіта, 1995.
• О.Субтельний. Україна. Історія. - 2-е видання. - К.: Либідь, 1992.
• Турченко Ф.Г., Мороко В.Н История Украины. Учебник для 9 кл.сред. общеобразоват. шк. - Запорожье: Просвита, 1999.
• Швидько Г.К Історія України. XVI - XVIII ст. Підручник для 8 кл. серед. шк. - К.: Генеза, 1997.
• Яворницький Д. І. Історія запорозьких козаків - К.: Наукова думка, 1991.-Т.1-3.

Клуб православной семьи: http://vk.com/club43902602

Кондак 1
Возбрани врагом нашим озлобляти нас и от Господа нашего отлучити конечне, а нас научи пети Тебе весело: Радуйся, Избавительнице, от горя, бед и гибели спасающая нас бедствующих.
Икос 1
Ангелов множество по Твоему, Мати наша, повелению ополчаются на избавление наше грозно. Ты же приими молитву сию: Радуйся, Ангелов на спасение наше посылающая; Радуйся, Царице горних чинов, не­бесную их помощь нам дарующая. Радуйся, Ангелом хранити нас повелевающая; Радуйся, воинством Ангельским врагов наших поражающая. Радуйся, Избавительнице, от горя, бед и гибели спасающая нас бедствую­щих.
Кондак 2
Видят бедствующие толику и мно­гую помощь Твою сердечно Тя призывающим, наставляются тем пети Сыну Твоему непрестанно: Аллилуиа.

Икос 2
Разумеют мнози, яко мирови дарова Тя Сын Твой Избавительницей бедствующих, темже поем Ти сице: Радуйся, бедствующих Мати; Радуйся, страждущих утешение. Радуйся, болящих исцеление; Радуйся, ненадежных надеждо. Радуйся, Избавительнице, от горя, бед и гибели спасающая нас бедствую­щих.
Кондак 3
Сила Вышняго даровася Ти на по­мощь и спасение миру и нас, в бе­дах погибающих. И кто же Тобою не избавлен бысть, и кто же не поет Сыну Твоему: Аллилуиа.
Икос 3
Имуще непостижимую любовь к роду человечу, кии вздохи не прияла еси, кии слезы не отерла еси, и кого не принудила еси призывати Тя, вопиюще: Радуйся, бедствующих скорое услышание; Ра-дуйся, печальных и скорбных утешение. Радуйся, погибающих быстрое спасение; Радуйся, плененных освобождение. Радуйся, Избавительнице, от горя, бед и гибели спасающая нас бедствую­щих.

Кондак 4
Буря несчастий налете на ны, спаси нас погибающих. Избавительнице наша, бурю погибельную на земли ук­ротившая и приемлющая нашу песнь: Аллилуиа.

Икос 4
Слышаша человечестии роди всю Твою к христианам дивную любовь и Твое мощное избавление от всяких находящих на них лютых, научишася пети Тебе: Радуйся, человеческаго рода от бед избавление;
Радуйся, бурь житейских прекращение. Радуйся, уныния Прогонитель-нице; Радуйся, радости по скорби нам Подательнице. Радуйся, Избавительнице, от горя, бед и гибели спасающая нас бедствующих.
Кондак 5
Боготечней звезде подобящаяся, мрак и темноту в греховных серд­цах разгоняющей, да во свете Твоея; любве узрят Господа и воспоют Ему: Аллилуиа.
Икос 5
Видеша людие российстии Твое не­чаянное от многоразличных бед избавление, радостно поют Тебе сице: Радуйся, в бедах наша Помощнице; Радуйся, скорбей наших отъятие. Радуйся, печалей наших отгнание; Радуйся, в скорбех наших утешение. Радуйся, Изба-вительнице, от горя, бед и гибели спасающая нас бедствующих.
Кондак 6
Проповедуют помощь Твою и лю­бовь, Мати, исцеленнии, утешеннии, обрадованнии и спасеннии То­бою от бед, и поют Твоему Высокодержавному Сыну: Аллилуиа.
Икос 6
Возсиял есть нам свет спасения во мгле погибели, окружающий нас, и наставил есть пети Тебе: Радуйся, мглу грехов разгоняющая; Радуйся, тьму греховную потребляющая. Радуйся, мрак души моея просве-щающая; Радуйся, светом радости души ободряющая. Радуйся, Избавительнице, от горя, бед и гибели спасающая нас бедствующих.
Кондак 7
Хотящим нам конечному отчаянию предатися, отовсюду бедам належащим, помыслихом же о Тебе, Избавительнице, и ободрихомся и утешихомся, поюще Сыну Твоему: Аллилуиа.
Икос 7
Новую и нежданную показа нам милость Свою, под державную руку Твою нас восприявши, и отсюда вопием Ти: Радуйся, Царице державная; Радуйся, и нас под Твою державу восприявшая. Радуйся, защиту Твою нам даровав­шая; Радуйся, врагов наших поразившая. Ра-дуйся, Избавительнице, от горя, бед и гибели спасающая нас бедствую­щих.
Кондак 8
Странное чудо на погибель обреченных и в нуждах томящихся безчисленных, внезапу спасение и из­бавление получают от Тебе, Вселюбящей, поюще Богу: Аллилуиа.
Икос 8
Вси сущий во мраце скорбей, вси обуреваемии несчастий бурею, приидите к доброму пристанищу и на­шему поможению, покрову Девы Избавительницы, вопиюще Ей: Радуйся, радостей источниче; Радуйся, печалей прогнание. Радуйся, бед уменьшение; Радуйся, всяческаго покоя Подательнице. Радуйся, Избавительнице, от горя, бед и гибели спасающая нас бедствующих.
Кондак 9
Все существо человеческое хвалит Тя, вси воспевают Тя, много-различное избавление несущую, вместо печалей радость подающую поющим: Аллилуиа.
Икос 9
Ветия многоумнии обезумеша, видяще Твое быстрое и чудесное от бед страждущих избавление, и умолкоша нам, поющим Ти: Радуйся, чудесами мир удивившая; Радуйся, чудесами нас укрепившая. Радуйся, безбожие чудесами истребившая; Радуйся, врагов силою Божиею посрамившая. Радуйся, Избавительнице, от горя, бед и гибели спасающая нас бедствующих.
Кондак 10
Спасти хотя всяку душу человечу, всею любовию печешися о ней, дондеже не научиши ю пети Сыну Твоему: Аллилуиа.
Икос 10
Стеною, мир христианский храня­щей и всяку душу от врагов ограж­дающей, явися икона Твоя, Избави­тельнице, в мире православнем и чуде­сами прославися. Тебе людем Божиим воспевающим: Радуйся, Наставнице наша, Святую гору Афонскую в жребий Себе избравшая; Радуйся, Избавительнице наша, Твоим благословением Новый Афон благословившая. Радуйся, веселие наше, знамение союза неразрывнаго уделов Своих земных иконою Твоею явившая; Радуйся, вечная радосте наша, чу­десным попечением к юной Ново-Афонской обители благоволившая. Радуйся, Избавительнице, от горя, бед и гибели спасающая нас бедствующих.
Кондак 11
Пение непрестанное приносят Ти Тобою избавленнии и Тобою паки радость обретшие, и Божественному Сыну Твоему поют радостно: Аллилуиа.
Икос 11
Светосияющим светилом лучезарным во мраце греха явися нам, Твоя икона, Избавительнице, настав­ляющая нас пети Тебе: Радуйся, от глада нас избавляющая; Радуйся, вредоносящее естество от раститель-ного мира отгоняющая. Радуйся, посевы и леса, и вся растущая от погибели спасающая; Радуйся, земледельцев скорбящих утешение и труда их благословение. Радуйся, Избавительнице, от горя, бед и гибели спасающая нас бедствующих.
Кондак 12
Благодать, от иконы Твоея, Избавительнице, текущая, исцелений струи обильно подающая и сердца веселием оживляющая, побеждает всех волею пети Тебе, Мати, и Сыну Твоему и Богу: Аллилуиа.
Икос 12
Воспеваем исцеления, воспеваем наипаче воскрешение Анастасия отрока и воспевающе поем: Радуйся, мертвых воскрешающая; Радуйся, умершая сердца оживляю­щая; Радуйся, от смерти и вечнаго огня изымающая. Радуйся, посмертное наше упование и защито. Радуйся, Избавительнице, от горя бед и гибели спасающая нас бедствующих.
Кондак 13
О Всепетая и Вселюбимая наша Мати, умилосердися ныне и помилуй, в лютых и безысходных сущих нас скорбех избавляющи, научи нас сердечно воспевати Богу прощающему нас: Аллилуиа.
(Этот кондак читается трижды, затем икос 1 и кондак 1)

Молитва Пресвятой Богородице перед Ея иконой, именуемой «Избавительница»

О, Мати Божия, помоще и защита наша, егда попросим, буди избавительнице наша, на Тя бо уповаем и всегда вседушно Тя призываем: умилосердися и помози, пожалей и избави, приклони ухо Твое и наши скорбныя и слезныя молитвы приими, и якоже хощеши, успокой и обрадуй нас, любя­щих твоего Безначального Сына и Бога нашего. Аминь.

Тропарь, глас 4
Яко пресветлая звезда,/ просил Божественными чудесы/ святый образ Твой, Избавительнице,/ лучами благодати и милосердия Твоего/ озарив в нощи скорбей сущих./ Подаждь убо и нам, Всеблагая Дево,/ избавление от бед,/ исцеление недугов душевных и телесных,/ спасение и велию милость.

 

Тропарь, глас 4
Избавление Приносящая всем, от сердца Тебе призывающим, принеси избавление скорое и нам, в лютых бедах прибегающим и в Тебе единой избавление наше по Бозе полагающим.

 

Кондак, глас 8
Ко иконе Твоей, Пресвятая Госпоже, бедствовавшии с верою притекше, заступлением Твоим избавитися от злых, но яко Матерь Христа Бога, и нас свободи от лютых обстояний, временных и вечных, да зовем Ти: радуйся, Избавительнице наша от всех бед.

ИКОНА БОЖИЕЙ МАТЕРИ "ИЗБАВИТЕЛЬНИЦА"

Икона Божией Матери "Избавительница" до того, как была принесена в Ново-Афонский Симоно-Кананитский монастырь на Кавказе, находилась на Святой Горе Афон у насельника Русского Пантелеимонова монастыря схимонаха Мартиниана (+ 1884). Благочестивый схимник получил эту икону от подвижника Феодула. Святая икона прославилась чудотворениями с давних времен. По молитве перед этой иконой в 1841 году жители Спарты (в Греции) избавились от саранчи. Из Пантелеимоновой обители, по завещанию схиархимандрита Макария, эта икона 20 июля 1889 года была передана Ново-Афонской обители, и было установлено празднество в честь ее 17 октября. Когда в Симоно-Кананитской обители впервые совершилось празднество в честь этой иконы, буря выбросила на берег у монастыря более тонны рыбы. На иконе Пресвятая Богородица изображена держащей на правой руке Богомладенца, благословляющего десницей.